خايف ♠ ... ♠ ياقلبي خايف.. ؟ ♠╝█╚

خايف ♠ ... ♠ ياقلبي خايف.. ؟ ♠╝█╚



(13 )

سافر ناصر لبريطانيا..... لكن ساره ماغابت عن باله.. وهو ناوي على شي اول مايرجع
ساره مبسووووووووطه على الآخر.. ثقيل الدم واللي حاط راسه براسها سافر(روحه بلا رده)هههههههه..لكنها بدت تحس بأحساس غريب.. وتحاول قد ماتقدر تقتل هالأحساس...
بعد اسبوع............ رجع ناصر ..
ساره اللي كانت مع شيماء.. رايحين السوق..
شيماء: هاا سارونه وين نروح..
ساره: اممم.. الليله الجمعه واكيد المارينا زحمه.. شيمو شوفي هذا المحل خلينا ننزل... ونزلوا محل (ترندز) قبل الشاطئ مول بشوي...
في نفس هالوقت كان راجع من المطار..
ناصر: اووووف ماجت لندو شي .. لحين بتسوي لي سالفه.. عديت المارينا... انزل هالمحل واجيب لها أي شي...
ندى اللي كانت مع نوره والتوأم وعبدالله .. في المارينا جهة الألعاب..
ندى: تعالي مو قال ناصر طيارته الليله..
نوره :ايه .. انتبهي لهم بروح اجيب لي شي اشربه.....
ندى : اوكي لاتطولين......ورن جوالها ... هلا حبيبي........

في (ترندز)
ساره: ش رايك في هالقميص(كان قميص ساتان لامع وفيه ازرار مثل الكريستال) اخذ بنفسجي غامق او فوشي......
شيماء: وانتي ماتاخذين الا هالونين غيري طيب..
ساره:هههههههه معك حق.. طيب زيتي او كحلي...
شيماء: كيفك..مسكت كتفها الا ماقلتي شنو اخبار براد بيت (ماتسميه الا كذا)اللي معاك بالعمل.. بعده حاط راسه براسك؟؟
ساره: مدت يدها وكأنها بتمسك رقبة شيماء.. اسكتي لا تجيبي طاريه .. لاتجيــــــــــــــــــــــــــبي طاريه .. مسافر ومرتاحه منه روحه بلارده ان شالله..
ماقلتي لي زيتي او كحلي...
زيتي احلى.........
ساره : هذا الصوت اعرفه .. التفت وراها.. كان واقف .. هو الا اكيد هو.....
طالعت فيه.. كان لابس بنطلون جينز وقميص اسود ومدخل نص القميص عشان يبان الحزام الحركات.. وجاكيت ابيض..وحاط يده بجيبه..وشعره نازل على وجهه.. ممكن يعجب أي بنت الا هاذي.. قلبها ميت مثل ماتقول........
شيماء: جنتتتتتتتتت عليه..
ناصر: بأكبر ابتسامه عنده.. مساء الخير... احلى صدفه ..
ساره : التفت لشيماء.. اذبحك ش سوي فيك جبتي طاريه هذا هو جا..
شيماء: خلاص ذابت وبصوت واطي وهي تأشر عليه .. هذا هو ناصر مدري ش سمه..
ساره : ايه.. والتفت اليه أي خير.. مساء الخير..
ناصر: وهويضحك.. لا الأولى احلى .. وهو يقلدها.اي خير..
ساره: سخيف......
ناصر: ضحك.. وبعدين تكتف وقال .. ليش تحشين فيني؟؟
ساره: كيفي .. ورفعت حاجبها.. عندك مانع..
ناصر: لا خذي راحتك.. بس على فكره القميص الزيتي بيطلع عليك كذا (وهو يرفع اصبعه الأبهام).. وحرك حواجبه ... لأنه يشبه لون عيوني..
ساره : وانت ماتستحي على وجهك واقف تكلمني بمكان عام...
ناصر: عادي(وهو يرفع كتوفه).. اذا احد كلمني بقول لهم خطيبتي.. وابتسم..
ساره : رمت القميص على الأرض ومسكت شيماء.. يلا نطلع..
شيماء: وهي تطالع ناصر.. هااا تو الناس ماخذينا شي.......
ساره : مشت انا بروح بتظلي هنا كيفك.. ومشت.......
ناصر: ههههههههههههههههههههههههههههههههههههههه

اخذ كم شغله لندو.. وطلع.........عنده ذوق حلو........
ساره : متأكده طلع........
شيماء: ايه...
رجعت ساره المحل واخذت القميص وطلعت......
بالسياره.......
ساره : اوووووووووف هذا سد نفسي..
شيماء: صحيح انك .. انا لو قال واحد مثل هذا انه يحبني.. ممكن تجيني سكته قلبيه...
ساره: هههههههه.. شايفتني خفيفه مثلكم..
شيماء: ش قصدك؟؟
ساره : انتو بنات وميتين تتزوجوا ومن تشوفوا واحد وسيم.. على طول ذبتوا .. لكن انا لا ... هذا حاط بباله اني وحده سهله.. لكن بعده..
شيماء: حظه المنحوس اللي طيحه بوحده متعقده مثلك......
ساره : اقول لا يكثر بس ... خلينا نروح المارينا نتعشى...
شيماء: توك تقولين زحمه وانسدت نفسك...
ساره :اووووووه.. اطلع المارينا وهي تكلم السواق,,,,
تبي تطرده من تفكيرها... ماتبي تفكر بأي رجل بالدنيا.........
ناصر: دق على البيت قالته الخدامه انهم طلعوا.. دق على نوره..
نوره : هلا اخوي حبيبي وصلت..
ناصر: ايه.. وينكم فيه..
نوره : الحمدلله على السلامه.. احنا في المارينا مول...
ناصر: الله يسلمك .. انا جاي..
نوره : جنيت .. احنا ساعه بالكثير وراجعين..
ناصر: لالا عبود واحشني ,,,
نوره : بس عبودي هااا..
ناصر: ههههههههههه.. انتي بالقلب..
نوره : ايه العب علي بهالكلام..
ناصر: طيب انا وصلت ..
نوره : اوكي... وراحت لعند ندى والعيال...
نوره : ندوو مو قلت لك انتبهي لهم ماسكه الجوال وتكلمي..
ندى : يلا باي .. اكلمك بعدين........ هلا هذا هم يلعبوا..
نوره : نواف .... ريان.......ندى وين عبدالله؟؟؟؟؟؟؟؟؟
ندى : شنو مو هنا؟؟؟؟؟؟؟؟؟؟؟؟؟؟؟؟
نوره : شوفيه بسرعه ابوه جاي الحين.......
ندى : خافت .. شنو جاي... وراحت تدور...
ساره : وصلوا المارينا.. اووف زحمه انا بتلثم... تلثمت ودخلوا المارينا وعلى الدور الثاني,,,,,,,,
ناصر وصل بعد وعلى الدور الثاني بعد...
شيماء: انا تعبانه بروح اجلس .......
ساره: اوكي انا بروح اجيب لي شي.......
وراحت....

نوره وندى.. لفوا جهة الألعاب كلها ومالقوا عبدالله.....
نوره : ش نسوي ابوه جاي... كله منك..
ندى : تكفين لا تقولين له انه مني.... اخاف يهزأني(اذا عصب يصير واحد ثاني)
رن جوال نوره.. هذا ناصر.. ندى خلاص ماعادت رجولها تحملها.. اكيد بيسوي لي سالفه..
نوره : هلا ناصر.. حنا فوق..
ناصر: اوكي جاي لكم....... وركب الدرج المتحرك..
ساره : اممممممم بروح اخذ اسكريم من باسكن... وراحت لمدخل السفينه..(في المارينا بين المطاعم والجلسات سفينه فيها مدخل.. انا اسميه مدخل السفينه والباقي مدري شنو يسموه)..
لقت طفل مستند على الجدار ويبكي...
ساره: نزلت لمستواه .. ليش تبكي حبيبي..
عبدالله: ضعت..
ساره : طلعت مناديل ومسحت انفه وعيونه.. طيب حبيبي لا تبكي.. الحين بتلقاهم .. وينها الماما..
عبدالله: في الكويت......
ساره:؟؟؟؟؟؟ طيب جيت مع منو؟
عبدالله : عمتي نوره...
ساره: طيب لا تخاف.. انا بوديك لهم.. وش رايك اشتري اسكريم..
عبدالله : هز راسه ... زين..
مسكت يده وراحت لباسكن...
هالطفل كأني شايفته من قبل او شايفه احد يشبهه... مدري عاودها الأحساس اللي تبي تقتله بقلبها.. هي تحب الصغار ومتعوده عليهم .. وتعرف شلون تتعامل معاهم...
ناصر: ايششششششششششششششش؟؟؟؟؟؟؟؟؟؟
وينه؟؟؟؟؟؟؟؟؟
نوره : مدري الحين نشوفه.. وين بيروح يعني؟؟
ناصر: تركهم وراح........
ندى: يمه عصب .... بيذبحني....
نوره : تستاهلين محد قالك مانتيهي لهم ...
ندى : عصبت كله منك... تركتيني لحالي..
نوره : خمس دقايق .. انتي عمرك ماراح تتحملي مسؤلية شي...
ندى : اوووووه انا ناقصه تهزيئ منك... كفايه اللي بيجي من ناصر......
ناصر: خايف.. كفايه ضاع مني ثلاث سنوات.. والحين يضيع مستحيل ... ودار بمكان الألعاب كله ومالقاه..........
طلع وراح يدور عليه جهة الجلسات والمطاعم......

ساره : اشترت لعبدالله اسكريم... لا تخاف حبيبي ... ناظرت تدور واحد من رجال الأمن.. اووف هذولا وينهم مافي ولا واحد ... لما تبيهم ماتلقيهم..
ناظرت الطفل ... لقت الايسكرم على وجهه وفمه.. طلعت مناديل.. ونزلت لمستواه وهي تمسح وجهه.. لا تخاف حبيبي الحين بتجي عمتك..
عبدالله: كان ياكل الآيسكريم ونسى الخوف... وهو ماسك يد ساره........
ناصر: هذا هو.. منو هاذي اللي ماسكته ... راح وقف ورا البنت اللي ماسكه عبدالله..
ناصر: عبدالله حبيبي.. وين رحت......
ساره : الللي كانت نازله وعاطيته ظهرها.. لالا يكون هو ... وقفت..ودارت وجهها للي جا........
ناصر: مشكوره اختي.. ماقصرتــــــ............... يعرف هالعيون.. الحاقده والحزينه............ ابتسم... تسلمين يارب..
ساره: وهو لسه ماسكه يد عبدالله.. هذا اخوك..
ناصر: لا ولدي......
ساره: في بالها.. متزوج ...... شنو يبي مني بعد..... طيب تفضل ومدت يدها اللي ماسكه يد عبدالله...
ناصر: مد يده وهو مازال يطالعها .. اول مره يشوفها متلثمه.. عيونها تذبحه..
لمس يدها .. لكن هالمره متعمد(يبي بس يقهرها)..
ساره : سحبت يدها بسرعه........ ومشت عنه..
ناصر: تلاشى احساسه بالخوف والقهر على ولده.. احساسه الجديد..
هاذي ماتعرف منو هذا وسوت كذا .. اجل لو تعرفه ششنو راح تسوي.. يمكن احن عليه من امه..لالا اقولكم مجننتني..
ساره : رن جوالها.. هلا شيماء.. وينك..
شيماء: انا جايه...
ساره: اوكي انا بروح سينابون بخذ لي كوفي..
شيماء: طيب...
وقفت شوي تستنى شيماء.. وجات.. وضربتها على كتفها..
شيماء: يالخاينه ... متواعده وياه هنا بعد.......
ساره: منو.. مدري ش سمه.. وعععععع... اتواعد معاه قال.. بالصدفه وطلع الولد الضايع ولده..
شيماء: وهي تغمز لها.. متأكده..
ساره: ضربتها على كتفها.. روحي بس مع تفكيرك الماسخ.. يلا نشتري قهوه ارتفع ضغطي...

ناصر حمل عبدالله وراح لخواته اللي كانوا قاعدين..
ندى: الله يستر... نوره شوفيه يضحك.. توقعت الحين بيحي معصب ويقول قوموا نمشي..
نوره : الله اعلم ليش؟
ناصر: حط عبدالله .. وهو يبستم.. ماتبون عشا..
ريان : الا جوعانين.. نبي عشا محترم عشان جيتك بالسلامه..
ناصر: طيب انا بروح اطلب لكم عشا.. نتعشى هنا او ناخذه البيت...
نوره : لا ناخذه البيت الصغار شكلهم تعبوا ونعسوا..
ناصر: طيب انا بروح اطلب ...
ندى: وهي تلكز نوره .. اقولك اخوك فيه شي موطبيعي .....
نوره : يمكن مخبيها لك للبيت وهي تناظر ندى بنظره ..
ندى : وش قصدك.. شنو.. خافت..
نوره : التهزيئه ........
ندى : سكتت... يمكن .... ساعات يصير نذل... ومحد يدري بشنو يفكر..

ناصر طلب لهم عشا.. وعلى بال مايخلص ... اجيب قهوه تعدل مزاجي... هو اساسا رايق شافها مرتين اليوم..ههههههه

ساره: اميركان كافي بليز...
واحد جنبها : me to .. وضحك.......
ساره : ناظرت جنبها.. لا حوووووووول هذا ايش جابه هنا..
ساره : excess me , I want change my order
الموظف : yes.. mam
ساره : كابتشينو بليز...
ناصر: قرب جنب ساره.. قال: تصدقين عاد انا ماحب الكابتشينو..
ساره :احسن..
ناصر: ههههههههههههههههه.. ياالله حتى كلامها بالأنجلش يجنن.... ناويه علي هاذي......
بعدت عنه ساره شوي....... وهو لسه يضحك...
ساره : وهو تكلم شيماء.. انا بوجه منومتصبحه اليوم... اشوف هاذا في كل مكان مو كفايه يوم السبت بشوفه....
عطاها الموظف طلبها..
شيماء: يلا ماتبين نتسوق.......
ساره : يلا ابي تنوره اركبها على القميص,,,,,,,
راحو برمود واخذت لها تنورا لونها بيج وفيها رسومات مطبوعه بالزيتي ... هاذي اكيد تناسب.. ودخلوا كم محل وبعدين طلعوا ........
ناصر كانوا بالسياره معاه....... كان يسوق وهو مروووووووق,,
ندى : في نفسها الله يستر...
وصلوا البيت .. تعشوا وجا وقت النوم.. عبدالله نام مع ابوه,,,
وكل شوي يمسك ايدها ويبوسها... أي هنا لمست يدها يده..
ناصر : تعرفها البنت اللي شرت آيسكريم؟
عبدالله : لا لكنها كذا(وهو يمد ابهامه.. مثل ابوه هههههه) شرت لي اسكريم وتسميني حبيبي بعد........
ناصر: طيرتي عقلي وعقل ولدي ياساره....... آآآآآآآخ منك ........

ساره: كانت جنب شيماء في بيتهم.. وهي سرحانه.. وبعدين معاه هذا طيب عنده ولد يمكن يكون متزوج.. لكن ولده يقول ان امه في الكويت اووه انا ليش افكر فيه كلهم مثل بعض.. وقلبي .. لالا مستحيل يحب..
شيماء: ياهووووووو احنا هنا....
ساره: ه ه هلا......
شيماء: وهي تقلدها.. ه ه هلا.. اللي ماخذ عقلك..
ساره : روحي بس...
شيماء ك وهي تقوم .. بروح بيتنا.. يلا باي..
ساره: باي ياقلبي...
راحت لغرفتها.........
جربت ملابسها الجديده........
صحيح حلو اللون.. كل مره بلبسه بتذكره...
بدلت ملابسها ولبست بيجامه ونامت على سريرها......
بكره الجمعه اخواني واخواتي بيجوا يتغدون عندنا انام عشان اصحى بدري احسن.........

ناصر: ............. معقول اكون مشتاق لها.. او احب,,,,,, لالا ....
لكن احساسي يقول انها مختلفه عنهم كلهم... لا ماراح اتراجع...
بعد مانام عبدالله . قام فتح التلفزيون...
لقى حفله لكاظم الساهر(على فكره هو وساره يحبون اغانيه مرررره)..
كان يغني مشتاق,,,,,,,
ايامسكين ياقلبي..انا ماشي.. وهو يلتفت لا تعود ..
ايا مسكينه ياروحي.. تحب اللي يعذبها ويزيد صدود..
واخذ جواله و..............
ساره نامت تقريبا......... اووف منو اللي فاضي يرسل مسج الحين.........
فتحتها........

وحشتيني.. وحشتيني...بكثر ماخانني هذا الزمن واكثر وحشتيني..
احبك حب اكبر حيل من كلمة احبك.. واسألي عيني..
يااقرب من نظر عيني لعيني.. ياابعد عن حنينك عن حنيني..
امانه كيف تنسيني..
ساره:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هذا شنو يبي بالضبط.؟؟ مو متزوج وعنده ولد..
ناصر انا اش سويت.. مو قادر اتحكم بمشاعري.. شنو فيني.. شنو راح تقول عني.. ياربي تعبت من قلبي.. مسكين قلبي.. حط راسه بين ايديه..
رن جواله.. شافه.. معقوله.. متصله.........
ناصر: الو
ساره: بصراخ.. انت وبعدين معاك.. شنو تبي.. مو انت متزوج وعندك ولد اش تبي مني.. واذا حاط ببالك اني سهله او بتجيب راسي بكم كلمه حلوه. هذا بعدك ياماما(حلوه.. كثري منها).. واذا ارسلت لي شي مره ثانيه والله بيجيك شي اقوى من الكف ,, طوووووووووط.....
ناصر: ؟؟؟؟؟؟؟؟؟؟؟؟؟؟؟؟؟؟ حتى ماخلتني اقول كلمه وحده..حتى وهي معصبه صوتها حلو.. لا وتظن اني متزوج..هههه....لا...لا.. مصمم يعني مصمم.......
راح لغرفته شاف عبدالله بدون غطا عدل غطاه..ناموا..........
ساره : كانت على سريرها وماسكه جوالها.... ياربي انا ش سويت.. حتى ماقال كلمه.. احسن عشان يتأدب.. اووف طير النوم من عيني.. نزلت وسوت لها كوفي.. اووف حتى القهوه تذكرني فيه(ذكرته لما قال لها تسوي له قهوه)....... جلست قدام التلفزيون ... كانت مو معاه.. تفكر في ناصر..
جا يوم الجمعه..
ساره اجتمعوا اهلها كلهم...
ساره مزاجها متعكر... وناصر مروووووووووق ع الآخر.. تدرون ليش .. بكره في اجتماع لشركة ابو ناصر وابواحمد.. وطبعا الأجتماع في شركة ابواحمد..(ناصر هو اللي حدد مكان الأجتماع.. نذاله....ههههههه)
في بيت ابو ناصر بعد الغدا....
ابوناصر: اقول ياولدي.. مانويت تتزوج وتستقر.. ولدك بعد محتاج ام تدير بالها عليه......
ناصر: .........ها.. ان شاء الله..
ندى: وهي تغمز له.. ببالك وحده معينه او ندور لك..
ناصر: فهم عليها.. اولا انتي اسكتي ولا تكلميني بعد ماضيعتي ولدي امس مابي اسمع صوتك... وبعدين بطلي لقافه.. وقام......ههههههه نسى امس ماهزأها .... اللي ماخذه عقلك......
ندى: اووووف منه ماينسى... ماقلت لك اخوك غرقان......
نوره : وهي تبتسم يارب يتزوج ويرتاح...

ليلة السبت.........
ساره: الله يعينني على بكره... بيرجع الغثيث..
ناصر: اشوفك بكره ياساره......

يوم السبت... الأجتماع الساعه 10.........
ابواحمد مدير ساره: ساره هذا الأجتماع مهم لشركتنا.. المشروع اللي راح ننفذه بالتعاون مع شركة (ابوناصر) كبير ورأس ماله بالملايين.. وبالنسبه لنا هذا راح يكون اكبر مشروع ننفذه...
ساره : الله يتمم على خير.. وانا راح اجهز كل شي واكلم اعضاء الأجتماع..
المدير: على بركة الله.......
ساره: اووف باقي ساعه على الأجتماع ....,,, ياربي يمضي الأجتماع على خير...

ناصر.. مبسووط ومروق.. لبس ثوب ابيض وشماغ.. راح شركة ابواحمد.......
ناصر وهو يطالع ساعته: اوف باقي ساعه على الأجتماع.. يلا اروح اسولف مع ابواحمد شوي.. ويمكن اشوف (وابتسم وهو يتنهد).. آآآآآآآآه ياساره .. لعبتي بعقلي ........

ساره : دقت على المطبخ .. اووف هذا مارد. . اكيد طلع.. اقوم انا احسن..
راحت المطبخ واخذت كوبها الكبير وسوت لها نسكافيه عشان يعدل مزاجها قبل مايجي الغثيث ويخربه...
جاتها رغد : سارونه انتي هنا وانا ادورك...
ساره : وهي تحرك الملعقه في الكوب... خير,,
رغد : وصلت لك هذي الأوراق بالفاكس.......
ساره: اوكي شكرا.....
طلعت من المطبخ وهي تقرا الأوراق... مشت شوي وعينها على الأوراق..... فجأه...........

طرااااااااااااااااااااااااخ................














صدمت في احد...........

طالعت.. بدون ماتشوف وجهه.. الكوفي على الثوب الأبيض من الياقه لي الأرض....

رفعت عينها بتشوفه منو...........

هذا هو......................
كان مغمض عيونه.. ومبتسم شوي.......

ساره: لأ مستحيــــــــــــــــــــل الحين ش سوي.........
فتح عيونه بهدوء وهو يبتسم ....... وطالع وجهها... اول مره اشوفها مرتبكه والخوف بنظراتها......
ساره: ا أ
مد يده وحطها قدام فمها بدون مايسلمه......
ناصر: لا تقولي شي.. وابتسم ورفع حواجبه.. يفداك.. ومشى ..
عادي ولا كأنه شي.. رجع سيارته وعلى البيت.. بدل ثوبه وبيرجع الشركه.....
وهو مبسووووووووط والله لو احد ثاني كان ذبحه..
ساره: لسه تحت تأثير الصدمه.. والكوب في يدها وتطالع باقي الكوفي اللي على الأرض...... معقول هذا....... ولا قال ولا شي.......
جاتها رهف ونسرين......
نسرين: ش صار........
رهف : شفناه وهو طالع.. انتي اللي كبيتي عليه القهوه......
ساره: ها .......... ايه.... نادي الفراش ينظف هذا.. وتركتهم واحت مكتبها...
نسرين : اخاف قالها كلمه او شي وكبت عليه القهوه......
رهف: والله تسويها......ههههههههههه
ساره: كانت قاعده في مكتبها ومشبكه ايدينها وحاطتهم على فمها.. ياربي ... خلاص انا بستقيل ... اقوم اجهز للأجتماع باقي اقل من نص ساعه...
قامت وراحت لغرفة المدير.... دقايق وجو كل اعضاء الأجتماع.. ابوناصر جا لحاله.......
ساره: ياربي ولده مايجي.. يارب..
ابوناصر : دق على ناصر.. وينك ياولدي مو قلت بتجي قبلي....
ناصر: انا قريب الحين دقايق وانا عندكم..
ابوناصر: طيب...
حضروا كل الأعضاء ماعدا ناصر.......
ساره : الكرسي الوحيد الفاضي قدامي ... يارب مايجي... ماشافته الا قاعد على الكرسي وهو يطالعها ويبتسم ببرود......جا.. جا.. الله يعينني ..
ناصر: هالبنت جننتني...............
اثناء الأجتماع.. طبعا ناصر كل شوي يطالع ساره.. وهي تنزل عينها.. وهو خلاص ماعاد يقدر على نظرات الخجل اللي بعيونها.. هذي مو بنت بعد.....

ساره: سرحت .. ياربي وبعدين معاه هذا.. اخاف احد ينتبه لنظراته لي... ويظنون فيني شي.. لالا ... اطنشه احسن.. الله ياخذه حتى شغلي مو قادره اركز فيه...... اييييييي.. ضربني .. هو مافي غيره..
رفعت عينها.. نظرات حقد....... وهو مرووق ويبتسم...
اجمل مافي الكون عيني انا وهالمجنون.. من نظرة العيون ..انا اتفاهم وياه..

بعد ساعتين خلص الأجتماع......
قامت ساره على طول لمكتبها....
لقت اوراق عليه ووقفت قدام الطاوله وهي معطيه الباب ظهرها.. وهي تقراهم......

ناصر وابوه لسه مع ابو احمد يتكلموا اياه.......
ناصر كان يشوفها لأن الستاير اللي بين مكتبها ومكتب المدير مرفوعه..
كان حاط يده على خده وهو يتأملها صحيح مايشوف وجهها زين لكن شي اهون من لا شي.......
ساره دخل مكتبها المدير التنفيذي (اسمه زياد وهو سوري)
زياد : ساره بدي اياكي تعملي هالخطاب بس في كم شغله بدي غيرها..
ساره: اوكي اشوف.. وقف جنبها..
ناصر: عدل قعدته.. كان يشوف ظهرها بس هي وزياد.. لكن واقف جنبها والمسافه اقل من 5 سم....... ولعت النار بجواته......
كان زياد يأشر على الورقه وساره بعد.. يمكن يلمس يدها ,,,,,, هين ياساره.......
طلع زياد.. ونزلت ساره الستاير وسكرت الباب لكن لسه واقفه قدام مكتبها ومعطيه ظهرها الباب...... انفتح الباب بقوه .. دارت بتشوف منو اللي داخل..... كان هو ومبين عليه معصب.....
ناصر: مسكها من كوعها..وتكلم وهو يشد على اسنانه.. انتي ماتستحين على وجهك........
ساره: اترك يدي اش تبي مني......
ناصر: شوفي اذا مره ثانيه اشوف احد واقف جنبك بذبحه فاهمه.....
ساره: ايشششششش..انا محد يقدر يملي علي تصرفاتي ولا احب احد يتحكم فيني .. حتى اهلي مالهم شغل.. اترك يدي..
ناصر: لا والله.. يعني عادي واحد غريب يوقف جنبك.. ترضين عادي..
ساره: وانت ترضى احد يمسك يد اختك مثل ماانت مسوي الحين..
ناصر: كأنه ماس كهربا صابه.. ترك يدها وطلع..
ساره: رمت حالها على الكرسي.. خلاص انا مقدمه استاقلتي.. لالا بعدين اكون انا الخسرانه.. مستحيل... طيب شنوا سوي له ... اقول للمدير.. لالا يمكن مايصدقني.. وبعدين بعد اجتماع اليوم صارت العلاقه بين شركتنا وشركتهم قويه... مابي يصير مشاكل بسببي........ ياربي احترت ......

ناصر: ركب سيارته...وهو يتنفس بسرعه... انا ش سويت... كلامها صحيح.. انا مالي حكم عليها.. لكن ماحسيت بنفسي ... لالا هذا موانا.. لازم اسوي اللي براسي..

ساره : الحمدلله خلص الدوام ....
رغد : يلا مشينا...
نزلوا المواقف وركبوا السياره......

كان واقف ويشوفها... هين ياساره...
مشت سيارة السواق..
ساره رجعت راسها على ورا .. ماتبي تفكر فيه.. مستحيل يحرك مشاعري لو مهما سوا... وبعدين يمكن بس يبي يتسلى.. قال هاذي مطلقه اتسلى فيها شوي........ كلهم نسخه وحده..

رغد : شوفي هاذي السياره الهمر لحقتنا من الشركه..
ساره: بلا مبالاة . . هذا واحد فاضي اتركيه عنك بس.......
رغد : عجبتها السياره..(بنت خفيفه ماعندها ماعند جدتي)..
وقفوا عند الأشاره..ووقفت الهمر جنبهم..
رغد فتحت النافذه وشغلت البلوتوث.......
ناصر: غبيه هاذي..... ومن قال ابي اطالع بوجهها......
ساره: رغدوه بسرعه سكري النافذه بلا سخافه......
رغد : حر.....
ساره: حر طل بعينك...الجو ثلج...ادري ليش فاتحتها...
رغد : المشكله السياره كلها مظلله حتى وجهه ماينشاف.....
ساره: سكريها لا افقع وجهك الحين......
رغد : طيب اذا انتي معقده اعطي المجال لغيرك......
ساره: وهي تسكر النافذه.. اذا نزلت سوي اللي تبي......
ناصر: كان يشوفها وهي تتكلم ومعصبه ولما سكرت النافذه..تعجبييييني..
وصلوا بيت ساره.. وقف بعيد شوي عن سيارة السواق...... شافها وهي تنزل....... ناصر: هذا بيتكم ياساره.. طيب..طلع جواله واتصل: الو ... اسمع جيب لي كل شي عن بيت صالح عبدالرحمن ال........
مشى السواق.... وناصر رجع بيتهم.......
رغد: خساره راح........

ناصر: راح بيتهم.. لقى ابوه وام فهد بالصاله..
سلم عليهم.. وجلس جنب ابوه..
ناصر: يبا ابيك بموضوع..
ابوناصر: خير ياولدي..........

رواية تجنن

يسلمو ياقلبي

تسلمي ياعسل على
طلتك الحلوه
ونتظر متابعتك الدائمه

البارت مرررررررهـ خطيررررررررررر

اتوقع ناصر يقول لابوه انه بيخطب ساره

وساره توافق عليه بس تحت ضغوط

واتوقع من جهة اهلها



تحياتي

ياآآآآآآآآآآآآآه نفسي اقراها والله
بس شسوي *_*
لاتعلييييق ..} <<< من الزعل

ناصر وساره كل واحد منهم بحاجة لمن يفهمه

الظروف كانت قاسية عليهم وتجربة الزواج مريرة

وجنون التحدي بين ناصر وساره كانها حرب

ولكن الحب بدأ في الاعماق يجمع بينهم

بدون اعتراف صريح من ساره حتى في داخلها

والمطلقة في مجتمعنا الشرقي حياتها صعبة عكس حياة الشاب

ننتظر التكمله للاحداث المثيرة وتمنياتي بنهاية سعيدة

شكراا على القصة العاطفية الحالمة والمشوقة

والتي تحمل في طياتها نماذج من الشخصيات الواقعية

أسعدني تواجدكم
الف شكرا

خايف ♠ ... ♠ ياقلبي خايف.. ؟ ♠╝█╚



( 14)



وصلوا بيت ساره..
وقف بعيد شوي عن سيارة السواق......
شافها وهي تنزل.......
ناصر: هذا بيتكم ياساره.. طيب..
طلع جواله واتصل على واحد من اخوياه يسمونه(ابوالعريف.. لأنه يعرف كل الناس وكل شي عنهم): الو ... اسمع جيب لي كل شي عن بيت صالح عبدالرحمن ال........
ابوالعريف: طيب ياابو الشباب .. لا تنسى المقسوم..
ناصر: ولا يهمك احسن عشا لك...
ابوالعريف: نص ساعه .. وكل شي عندك........
ناصر: اوكي......
سكر من عنده.. اخذ لفه ورجع وقف قدام بيت ساره...

ساره.. رجعت بيتهم.. لقت امها واماني واخوانها الصغار بالصاله..
تركي: هلا سارونه.. تصدقي اليوم شفت سياره كشف.......
ساره: مشت عنه...
ام عبدالرحمن: يمه ساره تعالي اقعدي معنا شوي......
ساره: لا يمه تعبانه بروح غرفتي اريح.....
اماني : ساروه شفيك مو علي بعضك......
ساره : ضغط الشغل.. وقامت راحت لغرفتها..
شالت عبايتها وصارت تروح وتجي بالغرفه.. وبعدين معاه..
اووف احسن اني مخنوقه.. راحت فتحت النافذه وسندت راسها على جنب..ياربي .. مابي افكر فيه.. مستحيل يدخل رجال ثالث حياتي.. لكن هو شنو يبي بالضبط.. تصرفاته محيرتني.. طيب اللي سواه اليوم شنو معناه.. مو طبيعي ابد......
كان واحد واقف يطالعها .... والله راح تكونين لي ياساره وبتشوفين...
ياروحي لاتبخل بس ولو نظره.. سلم من الشباك واسعدني مره..
يستاهل نضحي..طبعا.. واعطي له من روحي..طبعا..
لأغازلك غصبا عنك.. ترضى ماترضى..
رن جواله ........ و مشى...
ناصر: هلا ابو العريف...
ابوالعريف: هلا ابوعبود.. اسمع هاذي العايله ماعليهم كلام.. سمعتهم مثل المسك...
عندهم خمس اولاد واحد متوفي قبل ثلاث سنوات.. والباقي.............
عبدالرحمن.. يشتغل في........... وسعد في..........
اما البنات : ثلاث متزوجات الكبيره ارمله كانت متزوجه من .....
والصغيره مطلقه مرتين.....الأول ولد عمتها وكان بس ملكه والثاني مو من الدمام من الأحسا رجعت بيتهم بعد شهرين من زواجها وتركها معلقه سنه وماطلقها الا لما رفعوا اهلها عليه دعوه بالمحكمه..هالبنت تعور القلب وعلى فكره المعلومات من مصدر موثوق(امي طبعا)....
ناصر:حلو..تمام.. طيب .. تسلم يارب.. العشا بكره في الأستراحه......
ابوالعريف: طيب.. نشوفك بكره .. مع السلامه..........

ناصر: ماشي ياساره.........
رجع بيتهم لقى ابوه وام فهد جالسين بالصاله......
سلم عليهم وجلس جنب ابوه......
ناصر: يبا ابيك بموضوع.......
ابوناصر: خير ان شاءالله ياولدي......
ناصر: تعرف بيت صالح عبدالرحمن ال...........
ابوناصر: صالح عبدالرحمن .............,, ايه عرفته شنو فيه..
ناصر: ابي اناسبهم......
ام فهد : انتفضت من مكانها.. شنو .. لكن هذولا ناس مستواهم اقل من مستوانا.. وبعدين ماعندهم بنات للزواج.....
ناصر: شنو مستوانا ومستواهم.. وبعدين عندهم الصغيره..
ام فهد : جنيت هاذي مطلقه مرتين ... شنو تبي فيها.. اتركها عنك.. وانا ازوجك احسن منها......
ناصر: لا ......... يا هالبنت او لا بظل عزوبي طول عمري.....
ابوناصر: حط يده على كتف ولده.. انت تعرفهم ياولدي..
ناصر: ايه.. يبا بنتهم سكرتيرة ابو احمد... شفتها اكيد بالشركه..
ابوناصر:ايه.. عرفتها.. اسمها ساره ...... صح.....
ناصر: ايه........هذي هي,,,,,,,
ابوناصر: طيب ياولدي انت متأكد من اختيارك...
ناصر: أي يبا......
ابوناصر: شوف يبا هذا زواجك الثاني ... واختيارك...
ناصر: يبا انا اتحمل مسؤلية قراراتي,,,,,
ام فهد : اختيارك مو صح ابد.... اولا مطلقه .. ومثل ماقلت موظفه وانت تبي وحده على الأقل تدير بالها على ولدك ... اسمح لي اكيد غلطان.....
ناصر: لا يايمه انا متأكد انها بتكون احسن ام لولدي,,,,,,
ابوناصر: اجل على بركة الله .... انا اكلم ابوها... ونحدد يوم نزورهم فيه..
ناصر: شاق الأبتسامه وقام حب راس ابوه.. الله يطول بعمرك ولا يحرمني منك..
ابوناصر: الله يريح قلبك ياولدي .. انت تستاهل كل خير.....
ام فهد : أي خير ويباخذ وحده ,,,,,,,,,
ناصر: قام وطنشها.. هذي ام فهد اهم شي عندها المظاهر والماركات.. طيب ياساره تحسبيني اتسلى...... راح ادخل بيتكم من الباب عشان تعرفين اني صادق بكل شي...... وعشان اكسر راسك(ماعليكم اهم شي في السالفه)..

ساره في بيتهم...... مو قادره تنام........ لازم اشيله من راسي.. والله اليوم اللمني حسبي الله عليه... لكن يستاهل كبيت عليه القهوه..ههههههه..

اليوم الثاني.......
ساره بمكتبها... جا ناصر للمدير وقعد معاه ساعه وبعدين راح مكتب المحاسب.. ومشى.....بدون حتى مايطالع ساره.. الوعد قريب..
ساره: غريبه.. الحمدلله يمكن شالني من راسه......

ناصر: والله كان ودي اشوفها .. لكن لا .. كلها كم يوم وتكونين لي ياساره..
رجع البيت ...
ابوناصر: تعال ياولدي.. كلمت الرجال.. والله انه اجودي .. نروح لهم بكره بعد صلاة العشا..
ناصر: حلو.. وحب راس ابوه الله يطول بعمرك يارب......

يوم ثاني......
ابوعبدالرحمن كلم عبدالرحمن عشان يجي اللليله .. عندهم ضيوف.. وطبعا سعد موجود بالبيت..

ناصر كان عنده شغل مع ابواحمد لكن ماراح ارسل سكرتيره الخاص.....
ساره : كلوووووووووش .. اليوم ماجا... الحمدلله فكه منه...
رغد : نطلع نتغدا.....
ساره: وهي تبسم اكييييييييد...
رهف: الشاطئ مول..
ساره: لالالالالا .. شوفوا أي مكان ثاني.(حقدت عليه من سالفة المحفظه)..
نسرين : نروح لفانا..
راحوا اتغدوا .. وساره مبسووطه ع الاخر.. اليوم محد غثها او ضايقها...

بعد الدوام وهم راجعين البيت..
رن جوال ساره..
ساره: هلا شيموتي.....
شيماء : ايه كثري منها .. وينك لك يومين ماتتصلي ولا شي..
ساره : ههههههههه... تدرين اني موظفه مو مثل بعض الناس مخلصين جامعه وقاعدين بالبيت...
شيماء: اقول لا يكثر بس.... المزاج رايق اشوف.. ش صاير..
ساره: امممم سر ماقول..
شيماء : اقول لا يكثر بس انزلي ببيتنا...
ساره: لالالا بروح البيت بخذ شاور واكشخ واجي.. اوكي..
شيماء: وانتي شنو ذابحك غير الكشخه.. يلا استناك..
ساره: اوكي ياقلبي .. باي......
في بيت ابو ناصر...
كشخ الولد.. ونزل لأبوه..
ناصر: يلا يبا مشينا..
ابوناصر: بدري استنى شوي..
ناصر: يبا مسافةالطريق .. وخير البر عاجله..
ندى : اشوفك مستعجل .. ش عندك.. مابتطير البنت
ناصر: شوفي انا مرووووق ومابي اخرب مزاجي.. اذا جيت حسابك عندي..
طيب يبا نروح بالدودج(سيارته الثانيه)(مايبي يروح بالهمر عشان ماتعرف انه هو اللي لحقهم)
ابوناصر: طيب.. يلا نمشي..
طلعوا وركبوا السياره ومشوا.....
نزلت بيتهم ودخلت....
شافت امها والشغاله بالمطبخ تجهز الشاي والقهوه...
ساره: وهي تبوس امها.. هاي مامتي..
ام عبدالرحمن : هلا حبيتي .. مرووقه اليوم...
ساره: ايه الحمدلله.. يمه في ليش هذا وهي تأشر ..
ام عبدالرحمن : ابوك يمه بيجوه ضيوف بعد شوي..
ساره : اهاا.. طيب يمه انا باسبح واصلي.. واروح لشيماء..
ام عبدالرحمن : طيب يابنتي..
راحت ساره.. وهي على الدرج سمعت صوت الجرس... جو الضيوف..