خايف ♠ ... ♠ ياقلبي خايف.. ؟ ♠╝█╚

ناصر: عند الباب ويحس ان دقات قلبه وصلت مليون...
فتح لهم سلمان الباب... ودخلهم المجلس ...
ناصر جلس على كنبه مقابله الباب.. وابوه على يمينه..
ناصر: آآآآآآه ياساره انا اتنفس نفس الهوا اللي تتنفسيه.. انا ببيتكم..
ناظر وشاف صورة واحد يشبهه... هذا يشبهني... منو هذا..
ابوناصر: شفت الصوره.. يشبهك ولدهم الله يرحمه..
ناصر: الله يرحمه... تذكر نظرات ساره اول مره.. كانت تناظر فيه كأنها تعرفه.. عرفت الحين عشان انا اشبه اخوها المتوفي... لاحول ولا قوة الا بالله......
جا ابوعبدالرحمن وعياله.. عبدالرحمن وسعد وتركي وسلمان..
ابوعبدالرحمن: ياهلا فيكم الساعه المباركه.....
ابوناصر:ساعتك ابرك..

تقهووا الجماعه..
وبدا ابوناصر يتكلم في الموضوع... وصاحبنا يحس انه طاير من على الأرض...
ناصر: يكلم نفسه (الا اطلب اشوفك شوفه شرعيه.. اللي يسمعه ماشافها ابد ..هههههههه.. بس يبي يحرجها.. نذاله)......

فوق .. ساره خلصت شاور.. صلت .. ولبست القميص الزيتي والتنوره البيج.. كانت توصل لنص الركبه...
استشورت شعرها .. وحطت لها ميك ا ب ناعم مثل عادتها.. ظل زيتي وبيج.. وبلاشر بني فاتح وغلوس بيج..
لبست وانتو بكرامه صبندل كعب بيج على شكل سيور.. وحطت برجلها اليمين خلخال ناعم سلسله وفيها حركه ناعمه.. لبست عبايتها ولا سكرتها.. واخذت شيلتها ونزلت..
وهي نازله رن جوالها..
كول مي من شيماء.. دقت وهي نازله...
ساره : هلا شيمو ....ههههههههههه ماعندك رصيد اكيد مفلسه..
شيماء: ايه يالموظفه...
في هالوقت طلع ولد عبدالرحمن الصغير.. وترك باب المجلس مفتوح شوي..
ساره نزلت ووقفت عند الدرج...
اشرح لكم .. الدرج صاير على جنب في البيت..
والمجلس على يمين الدرج.. وفي باب على يسار باقي البيت.. وباب قدام الدرج .. هذا باب يطلع على الحوش وبعدين باب الشارع..
ناصر: كأن ماس 220 ضربه... هذي هي.. اول مره يشوفها بدون شيله..
شعرها يجنن(قصة الفراوله مخليها وجهها طفولي مرره..).. كان ماسكه الجوال وتكلم.. وتضحك.. ناصر ذاب خلاص مو قادر.. كانت تضحك ورفعت وجهها على فوق وهي حاطه يدها على فمها وتضرب برجلها الأرض.. وهي تضحك بقوه.. لابسه القميص اللي قلت لها خذيه.. آآآآخ ياقلبي.. كانت ترجع شعرها على ورا ويرجع على وجهها مره ثانيه.. انتبه للحلخال اللي برجلها آخ منك انتي.. لابسه قصير والجو بارد..صحيح مجنونه... ناصر نزل عيونه استحي على وجهك قاعد ببيتهم ومع اهلها وتطالعها......
رجع رفع عينه عليها...
كانت تسكر عبايتها... حركت راسها على جنب وهي نازله وتحرك شعرها.. ناصر قلبه يرقص سامري وبوب وروك وكل شي.. لالا شكلي بموت قبل مااخذها...
لما وصلت لأخر زر في العبايه من فوق..
عبدالرحمن : اقول ياجماعه تشربون قهوه تركيه..
ناصر: أي والله لاهنت..
عبدالرحمن: تركي قوم قول لهم يسوون قهوه..
تركي: وهو ماسك الجوال... طيب .. وقال بصوت واطي وهو طالع ..مافي الا سارو..
ناصر:سمعه.. هلا والله هي اللي بتسوي القهوه..لالا رحت فيها...
تركي فتح الباب على آخره.......
ساره رفعت عينها وهي رفعه الشيله..
وشافته........





هذا ليش جاي بيتنا....... وقفت تطالعه وهي فاتحه فمها..
وهو.............

اكبر ابتسامه عنده.........

تسكر الباب... وهي لسه مصدومه........


ليش جاي.. لا يكون جاي يخطب........ لالالالا مستحيل ,, وحتى لو صار ماراح اوافق,,,,,,,,, نو وي............

تركي: ساروه ... هز ... ساروووه...
ساره : وجع ش تبي...من مع ابوي بالمجلس وليش جايين..
تركي : وهو يرفع حواجبه.. كم تدفعي..
ساره : ضربته على كتفه .. خلصني..
تركي: آسف ماعندنا شي مجان..
جا عبدالرحمن.. ساره ماسويتي قهوه الجماعه يستنوا..
ساره : منو ذولي وليش جايين؟؟
عبدالرحمن : ابتسم.. وطالعها بنظره عرفت معناها.. اصحاب الوالد تعرفين بعدين وابتسم..
ساره : طيب اسوي القهوه......
راحت المطبخ.... حطت الركوه على النار...غلى الماي.......
معقوله........جن هذا ............. لالا ماراح اوافق يعني ماراح اوافق... هذا شكله يبي ينتقم........
تركي: اللي ماخذ عقلك......... ايههههههه القهوه بتفوض...
ساره : اوووف مالي خلقك روح عني...
جابت الفناجين وصبتها.. ياريت والله اعرف اي واحد بيشرب كان حطيت له ملح الا سم...... الله ياخذه قبل ماياخذني.. لالا انا بشنو افكر.. محد راح ياخذني ابد.. ماراح اوقع صك تعذيب ثالث(تقصد عقد الزواج..هههههه)

ساره : جهزت القهوه ووقفت وين راح تريك ياخذها.. بتبرد..
اووف انا اوديها واطق الباب..

اخذت الصينيه وراحت لجهة المجلس....
ساره: يارب ... طقت الباب..
ناصر: هاذي هي اكيد.........
فتح سلمان الباب.......
اخذ الصينيه وهو يقول شكرا سوسو....
ناصر ... شاف يدها بس.. وسمع سلمان وهو يقول سوسو...
اخذ الفنجان.. طعمه احلى من ستاربوكس(جن الولد).. شربه بشويش ماوده يخلص........

ساره : راحت بيت شيماء..
شيماء: ش فيك........
ساره: اسكتي بس الله يستر...
شيماء: ليش ش صاير؟؟؟؟؟؟؟؟؟؟
ساره: ببرود .. براد بيت في بيتنا الحين...
شيماء: نقزت من مكانها.. والله جاي بخطبك؟؟؟
ساره: الظاهر...
قامت بتسلم عليها.. بعدتها ساره.....
ساره: رووحي تباركي لي على شنو......... ومن قالك بوافق......
شيماء: سارووه بلا غباء.. ترفضي واحد مثل هذا........
ساره : بلا مبالاة في النهايه رجال......
شيماء: لكن هو يحبك.......
ساره : هههههههههه ضحكتيني ومن قالك يحبني.. هذا بس يبي ينتقم مني بس.. وبعدين مافي رجال في الدنيا يحب.. كلهم يفكرون بنفسهم وبس.. واذا اخذ مني اللي يبي راح يكشف عن وجهه الثاني.. اتركي عنك بس قال يحبني قال.........
شيماء: لاحول ولا قوة الا بالله... وانتي ماراح تغيري تفكيرك ابد......
ساره :لا.. وماراح اتزوج ابد..لو كان براد بيت نفسه......
شيماء: هههههههههه.. وبراد بيت بيترك انجلينا عشانك.. مصدقه عمرك..
ساره : اوووووووه روحي مالي خلق مزحك البايخ..
شيماء: توك من شوي تكلميني وانتي مروقه وش اللي قلب المزاج اللي مثل الأسهم .. وهي تحرك اصبعها.. طالع ..نازل.. نازل........
ساره: كلمتك قبل مااعرف انه موجود ببيتنا.. لا وانا اللي سويت القهوه بعد..
شيماء: وهي تلكزها.. طيب كان حطيتي له ملح.. وشوفي اذا شربها يعني يحبك..هههههههههههه
ساره: لا والله .. قالك مهند ونور انتي الثاينه.. ماعندك سالفه........
شيماء: طيب واذا ابوك واخوانك واقفوا شنو راح تسوين؟؟
ساره : لالا هالمره القرار بأيدي.. محد راح يتدخل او يقرر غيري..
شيماء: لا تتسرعي فكري.. الولد لقطه.....
ساره: لا لقطه ولا هم.. لأ لأ ... يعني لأ ..
شيماء: تعالي مو قلتي عنده ولد.. يمكن مطلق او ارمل؟؟
ساره: لا.. مااعتقد ارمل... لأن ولده قال امي بالكويت.. واذا متزوج مستحيل اوافق ..
شيماء : وهي تغمز لها .. واذا كان مطلق.. بتوافق......
ساره :لا... وخلاص سكري الموضوع......

بيت ابوعبدالرحمن.....
ابوناصر: يلا احنا نترخص,,,
ابوعبدالرحمن: شرفتونا والله......
ابوناصر: بانتظار ردكم.....
ابوعبدالرحمن / نشاور البنت ونرد لكم خبر.. وان شاءالله خير......

ابوناصر: ايه حقها.....

ومشوا........
وهم في السياره......
ابوناصر: باين عليهم ناس طيبين ...
ناصر: ............. ولا هو حولك يفكر باللي شافه.......
ابوناصر: ناصر تسمعني؟؟
ناصر: ......هاا... ايه يبا اسمعك.......
ابوناصر: ضحك.....انتبه للطريق وانا ابوك.. عرف ان ولده يفكر في البنت.....

وصل بيتهم.......
ام فهد : هاا بشروا......
ابوناصر: خير ان شاءالله.. الجماعه ناس طيبين ومحترمين...
ناصر.. راح لغرفته.. انسدح على السرير ... بعد اللي شفته اليوم .. راح تكونين لي.. واذا ماصرتي ماراح تكوني لغيري ياساره....... تذكرها وهي تضحك ...... مثل الأطفال... هذا وجهك الحقيقي.. طفله و خجوله.. مين الغبي اللي فرط فيك.....

ساره : كانت تتابع فبلم مع شيماء.. وهي تفكر.... في ناصر... لالا ماراح اوافق ابد.... حتى لو اهلي وافقوا...
شيماء: ههههههههههه شفتي سارونه.......
ساره : ...................
شيماء: نحن هنا........
ساره : هاا ش تبين...
شيماء : اللي ماخذ عقلك....
ساره : والله انك سخيفه.......
رن جوالها ... مسج.... ساره ببالها اكيد من هالمجنون........
فتحتها ....... رابط....... لاحوول اغنيه بعد .. فتح الرابط.....
اغنية شادي اسود .. لمسلسل سيرة الحب.....


اتطلع بالقمر ... حس الدنيا شوق وحنين.. وشوية صور..
اتطلع بالقمر ..لاقي الهوا اللي صار لو سنين .. دايب بالسهر..
مين بيسرق مني حنين.. دايب صار لو سنين.. من ايام الطفوله..
لمين دقة قلبي لمين.. حبيتك حب كبير .. تنسيني مش معقوله..
عم نحلم نبعد لبعيد.. والأيد بتلمس بالأيد..
والنــــــار اللي بقلبي تزيد.. وتزيدها انتي بــــــنار..
نسكن انا وانتي بخيمه.. او نقعد ع جناح غيمه..
بقطف لك زهره من جنينه... فيها الزهر بيحكي اخبار....
مين بيسرق مني حنين.. دايب صار لو سنين.. من ايام الطفوله..
لمين دقة قلبي لمين.. حبيتك حب كبير .. تنسيني مش معقوله..

ساره :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شيماء: ياعيني ياعيني ... الرجال طاح محد سمى عليه.....ههههههه.. وانتي مو موافقه......

ساره : يووووه انتي..
ارسلت له.... لو ترسل لي موقع طرب كله.. ماراح اوافق عليك....

شيماء: يامجنونه..
ساره: مو شغلك..
ناصر: قرا المسج..ههههههههههههههههههههههههههههههههههه.... بتجنني هاذي..
ارسل لها رابط ثاني...

ساره : وبعدين معاه.. هذا مايمل... مايتعب.. فتحت الرابط..
اغنية عبدالكريم عبدالقادر.. من بين الناس حبيتك.....

ساره : اووف.. تدري احسن شي احطه صامت احسن...
حطته صامت و داخل الشنطه...
شيماء: طيب قولي اذا ماوافقتي عليه حوليه على بيتنا.. قريب ترا..
ساره : اخذت مخده وضربتها... ماعند ماعند جدتي.. خلاص لاتجيبي سيرته...
شيماء :هههههههههه....
رن التلفون..
ردت شيماء : هلا خالتي.. ايه لحظه.. ساره .. امك..
ساره : اخذت السماعه.. هلا يمه..
ام عبدالرحمن : ساره يمه ليش ماردين على جوالك.. خوفتيني عليك..
ساره : لا يمه هو بالشنطه وبعيد..
ام عبدالرحمن : طيب لاتتأخري..
ساره : طيب...
الساعه 10........ ناصر يروح ويجي....... ومو قادر يقعد..
معقوله ماتوافق.. واذا .... اخليها توافق غصب.. ماتقدر تتحداني..

نام عبدالله...
ناصر: مو جايني نوم.. اخذ مفاتيح سيارته وطلع........
لف في شوارع الدمام....... والي شاغل بال ساره وبس......

فجأه... انا شنو جابني هنا......ش اللي جابك قلبك ياماما.. لقى نفسه عند بيت ساره......

في بيت شيماء..
شيماء:تو الناس...
ساره : لا بروح الساعه 10:30 وبكره عندي دوام..
شيماء :تحبي اوصلك..
ساره : لا ماله داعي.. يلا باي..
شيماء : سلمت عليها.. باي.....

طلعت من بيت شيماء..
ناصر واقف بعد بيتين من بيت شيماء.. يعني بالشارع اللي مقابل بيت ساره..
ناصر: معقوله هذي هي.. عدل قعدته وركز على اللي تمشي...

ساره : تمشي بسرعه .. خايفه.. الشارع فاضي.. وصلت وقبل ماتفتح الباب لفت على شنطتها تطلع المفتاح.. طلعته ورفعت.. منو هذا.. نفس السياره اللي لحقتنا ذاك اليوم.. ادخل بسرعه احسن...

ناصر: شكلها عرفت السياره...
ساره : ركبت الدرج بسرعه.. وطرااااااااااااااااااااااخ..



انكسر كعب الصندل وطاحت..


ناصر: حس بقلبه هو اللي انكسر.. لا شعوريا نزل وراح لها..
كانت قاعده على الدرج.. وماسكه رجولها..
ناصر :وصل لعندها.. عسى ماتعورتي..
ساره : رفعت عينها.. هو... من وين جاي........
طالعت السياره الهمر... فاضيه.. اهااااا هاذي سيارته..
ناصر: تعورتي.. اساعدك تدخلين البيت..
ساره : نعم ... ايش ... بعد عن باب بيتنا.. لا احد يشوفك ويطلع علي كلام مو ناقصه.. وقامت... وقفت على رجولها.. بغت تطيح.. لكنه مسك يدها..

ساره.. مسكت الباب باليد الثانيه .. وفتحت الباب وبعدت يدها بقوه عن يده ودخلت.........

ناصر: ؟؟؟؟؟؟؟؟؟؟؟ عصبي .... سبيني.. عطيني كف... ابيك يعني ابيك......

ساره دخلت بيتهم وهي تعرج...
ام عبدالرحمن : خير شفيك يمه..
ساره : طحت عند الباب....... وجلست على اقرب كنبه.......
ام عبدالرحمن : ماقلت لك يمه من هالكعوب اللي تلبسيها...
ساره : اووف.. تألمني...شكلها التوت..
ام عبدالرحمن : لا تكون انكسرت..
اماني:لا يمه .. لو انكسرت كانت انتفخت.. بجيب لك مسكن ولفه..
قامت ..
اخذت المسكن.. ولفت لها اماني رجلها... وساعدتها تطلع الدرج لين غرفتها..
بدلت ملابسها و شالت المكياج..
انام احسن لي......
طلعت جوالها عشان تضبط المنبه...
لقت مسج........

ناصر: سلامتك ياقلبي..... ليته فيني ولافيك.....

ساره: وبعدين معاه هذا ...مايمل.. اطنشه احسن.. حتى لو صار نزار قباني ماراح اوافق عليه......

......

يوم ثاني الصباح.......
راحت ساره الدوام وهي تعرج.....

تعبت مرره .. الساعه 4 تعبت خلاص مو قادره من رجولها.. اسأذنت و
كلمت ابوها وجا اخذها....
وصلت بيتهم دخلت لقت عبدالرحمن وسعد ..
سلمت عليهم .. وتوها بتطلع فوق..
ابوعبدالرحمن : تعالي يابنتي نبيك بموضوع...
ساره : اووف اكيد موضوع براد بيت.. سم يبا..
ابوعبدالرحمن : سم الله عدوك....... شوفي يابنتي اولا واخيرا انا واخوانك ماراح نتدخل بقراراك.. القرار بيدك هالمره..
ساره : اكيد مافي غيره.. ساره نزلت راسها.. انت الخير والبركه..
ابوعبدالرحمن : لا يابنتي .. مثل ماقلت لك القرار قرارك.. الجماعه اللي جو امس طلبوا يدك مني..... والحقيقه عرفنا انه كان زميلك بالشغل يعني تعرفينه ...
ساره: بلعت ريقها.. اييه... علالاقة عمل..
ابوعبدالرحمن: طيب.. انا واثق فيك وفي اخلاقك..... خوانك سألوا عنه.. وماعليه أي كلام.. صحيح مطلق وعنده ولد واحد.. وقال حتى اذا تبي تشتغل ماعندي مانع......
ساره : (ايه كثر منها).. لكن يبا.......
عبدالرحمن : لا تستعجلي خذي وقت وفكري......
ساره : نزلت راسها .. طيب.. وقامت..

رمت نفسها على السرير..... اييي المتني رجلي.. نفسها اللي ضربها مدري ش سمه.. لالا ماراح اوافق وهذا قراري الأخير.......

مرت ثلاثه ايام........
ناصر ماجا شركة ساره ابد... يتثيقل الحبيب..
ناصر: للحين ماردوا... اكيد ماوافقت.. عارف رايها.. ادق عليها..

ساره: بمكتبها تراجع اوراق.. رن جوالها.......شافت المتصل...
هذا ش يبي داق.. حطته صامت وطنشت..
دق مره.. ومرتين.. وثلاث..
ناصر: شب نار.. هين ياساره.. ماراح تردين طيب...

رن تلفون مكتب ساره.. ردت......
ساره : الو..
ناصر:وهو معصب.. ليش ماتردين على جوالك..
ساره : لاحوول داق على المكتب يدري اني راح ارد فيه نذاله هالولد... اولا لا تصرخ علي.. وبعدين جوالي كيفي ارد على اللي ابي..
ناصر: بينفجر... هين.. ش قلتي ,, أي اولا.......
ساره : بكل ثقه.. طبعا لا.......
ناصر: والأسباب......
ساره : كذا بس ... مابي اتزوج والسلام... كلكم مثل بعض,,
ناصر: ساره لا تتحديني.. وبعدين لعلمك انا محد يشبهني.....
ساره : هههههههه(ضحكتها نرفزته مرررره).. لا والله من شنو مصنوع... كلكم نسخة كربون.. وتحلم اوافق عليك او على غيرك.....
ناصر: متاكده...
ساره : ايه وجواب نهائي... طووووووووووط
ناصر: تسكرينه بوجهي بعد... هين ياساره انتي اللي جبتيها لنفسك...

بعد ربع ساعه........ نادى زياد على ساره(ابو احمد كان مسافر)

زياد : ساره.. شركه ...(ابوناصر)... ارسلوا لنا هذا الفاكس هلأ..
ساره :اخذت الورقه وقرتها.. معقول؟؟؟؟؟؟؟؟؟؟؟؟؟؟؟
زياد : ايه .. الغوا عقد المشروع معنا والفاكس موقع من المدير التنفيذي(ناصر)... ولما كلمته اسأله عن الأسباب.. قال الي الحل بيد ساره.. بقى شو الموضوع......
ساره : ؟؟؟؟؟؟؟؟؟؟؟؟ مافي شي.......
زياد: ساره انتي بتعرفي ان هذا الشي لو صار شركتنا راح تخسر اكثر من مليونين ويمكن حسابنا يصير مكشوف...... حلي هالموضوع الله يرضى عليكي.. قبل مايجي ابواحمد.....
ساره : خلاص انهارت.. اوكي اخذت الأوراق وراحت لمكتبها.....
سواها النذل....... طيب ياناصر.......
دقت على جواله مارد.. وعلى مكتبه..
السكرتير: مين معاي..
ساره: قوله شغل ضروري..
السكرتير: آسف لكن عنده اجتماع(كذاب ماعنده لكن بس يبي يخيلها تنقهر)
ساره : سكرت السماعه بوجهه
اخذت الأوراق وشنطتها وقامت..... اسأذنت وطلعت..
ركبت ليموزين وعلى شركة ابوناصر
دخلت مكتب ناصر......
ساره : المدير التنفيذي موجود....
السكرتير: جن عليها..ها......
ساره : بصراخ... اكلمك الأستاذ ناصر موجود...
السكرتير: ايه لكن مشغول .. تحبي اسوي لك موعد....
ساره : مشغول هااا .. طيب
وراحت لمكتب ناصر..
السكرتير وراها: اختي لو سمحتي..
ساره : دخلت مكتبه وشافته...... هذا هو تقول عنده اجتماع ليش؟؟
ناصر: رفع راسه وشافها.. ابتسم ببرود.. خلاص روح..
السكرتير: لكن......
ناصر: قلت لك روح........
راح السكرتير وناصر رجع على ورا وريح على الكرسي ...
طالعها وهو يبتسم.. هلا والله تشربين شي اكيد قهوه.. لكن القهوه اللي عندنا ماراح تكون احلى من القهوه اللي شربتها في بيتكم.. ورفع حواجبه.. من ايدينك الحلوه..
ساره: تنفست بقهر.. وراحت لمكتبه ورمت الأوراق بقوه.. وحطت يدها على مكتبه.. والثانيه تأشر على الأوراق.. شنو معنى هذا.....
ناصر: طالع الأوراق ببرود... اممم اكيد انتي تعرفي تقري او تحبي اقراهم لكم اعندي مانع حاضرين للحلوين......
ساره : خلاص بتنفجر.. لا تقول ان هذا له علاقه بمواقفتي عليك..
ناصر: ايه...
ساره: مايصير تخلط الشغل بالحياة الشخصية .. وبعدين الغاء هالمشروع راح يكلف الشركتين ملايين.......يعني انتو بعد خسرانين......
ناصر: وهو يأشر باصبعه.. مستعد اخسر كل هذا.. مقابل ضفر منك....
ساره : هذا ماباذنه ماي وبتعب معاه.... ش سوي ياربي......
طيب واذا ماوافقت ش راح تسوي غير هذا.....
ناصر: حط ايدينه على الطاوله وجات عينه بعينها.. ورجعت على ورا نزلت عينها...اممممممم... ماراح اسوي شي.. اخوك عبدالرحمن.. راح افصله من شغله.. وسعد بدل ماهو مدير ببنك اخليه فراش عندي.. واذا عندتي زياده.. حتى راتب ابوك التقاعدي الغيه... وهي يأشر بيده.....
ساره : ناظرت فيه.. كسرت في خاطره نظرتها..داخله يقول ليش تقسى عليها.. لكنه مضطر..
ساره : ليش..انت شنو تهدم وتخرب بيوت ناس مالهم ذنب..و تبي تتزوج وحده مطلقه مرتين .. وماتبيك.. كيف تقبل تاخذ وحده ماتبيك...
ناصر: حط يده على راسه... كيفي....عاجبتني وعطاها نظره حست انها حرقتها..
ساره: خلاص حست انها بتنهار.. معقوله يسويها.. يهدم شركة ابواحمد اللي وظفها ويخرب بيتهم وبيوت اخوانها...
ناصر: حس فيها... لكن ولا حرك ساكن..... هاا ش قلتي..
ساره : طيب... الغي هذا القرار الحين وبرد عليك بعد يومين......
ناصر: كسرت في خاطره مايبي يقسى عليها اكثر... طيب خليهم ثلاثه عشان عيونك.. ووقع الأوراق وكتب (ملغي بامر المدير التنفيذي) .. ومد لها الأوراق......
ساره : اخذتهم ونزلت راسها ومشت...
ناصر: عندك سياره او جايه مع ليموزين..
ساره : وهي ماسكه مسكة الباب... مو شغلك....
ناصر: رجعت البنت العنيده... لا بس هالمكان صعب تلاقي ليموزين... اخلي سواق الشركه يوصلك..
ساره : لا شكرا.. وسكرت الباب بقوه.....
ناصر: هههههههههههههه.. حتى عنادها احبه.. كلم السواق وقال له يوصلها..
ساره : نزلت ... اووف شمس ومامرت ولا سياره.. لكن مستحيل اركب مع سواقه.. يبي يذلني اكثر...
جاها السواق.... مدام اتفضل في وصل...
وهي ولا كأنها تسمعه........ وماسكه الأوراق وهي ضاغطه عليهم بقهر.. ش سوي يارب... معقوله يسويها في اخواني...لالا الا اهلي مابي يضرهم شي بسببي........
مرت ربع ساعه والسواق لسه واقف جنبها... اركبي مدام انا في وصل.. هنا ليموزين مافي... مدام مدام,,,
كان واقف عند ورا مكتبه اللي كله زجاج من وراه..... كان يشوفها واقفه والسواق يكلمها وهي ولا عبرته...... الين مرت ليموزين وركبت.....
ناصر: ابتسم.. امووووووووت في عنادها.. ذابحني غرورها(تحيه للعضوه الحلوه ذابحني غرورك)

ساره : رجعت الشركه وهي مصدعه وتعبانه من اللي صار ومن وقفتها في الشمس........
عطت زياد الأوراق.. اللي كان مستغرب كيف لغى ناصر القرار......
ساره...... خلاص منهاره........ ش سوي......... اتزوجه.... او اهدم حياة اخواني وشركة ابواحمد........ ياربي تساعدني... احترت......
مرت ثلاثه ايام....... ساره لسه خايفه يسوي لأهلها شي,,, ولا دقت عليه ولا شي...... وهو بعد مادق ولا ارسل لها شي.. يستنى الموافقه......
اليوم الرابع...........
ناصر: هين ياساره انا تكذبي علي....... اعلمك من هو ناصر محمد.....
رفع التلفون و...........................

بعد الدوام... صار لها ثلاثه ايام لا تاكل ولاتنام.. ولا تكلم احد حتى في بيتهم لا حظوا عليها........
رجعت ساره بيتهم......
لقت ابوها مع عبدالرحمن وسعد.........
ساره: ش صاير؟؟؟؟؟؟؟؟؟؟؟؟؟؟؟؟؟؟؟

(15)
يوم الخميس....
ناصر: ايه مثل ماقلت لك .... لكن مو تثقلها عليه اوكي......
اعلمك ياساره تتحديني مره ثانيه,,,,,,,,,

رجعت بيتهم... اليوم الخميس كل اهلي في البيت... الحمدلله عشان انسى الغثيث شوي......
الساعه 1 رجعت بيتهم...
دخلت الصاله لقت ابوها وعبدالرحمن وسعد بالصاله...... حست الجو مكهرب..
سلمت عليهم وردوا بدون نفس ... ساره اكيد صاير شي.......
راحت لأمها واخواتها وحريم اخوانها في المقلط...
سلمت عليهم......
ساره : هدى ايش صاير.......
هدى: سعد مديره مسوي له مشكله في البنك وتعرفينه مامسك نفسه وتهاوش معاه واحتمال يقدم استقالته.. وعبدالرحمن مدير الشركه اتهمه بأختلاس اموال من حساب الشركه........

ساره: دارت فيها الدنيا........... سواها النذل سواها.......... قامت وراحت تركض لغرفتها .... رمت حالها على السرير.. وبكت ......... وهي ماسكه اللحاف بقوه وتضرب على السرير .......... ليش........ ليش...........وبكت ليما نشفت دموعها..........
ياربي .... تساعدني... يمكن مو هو ........ لكن اخواني ولا مره صارت لهم مشكله مثل كذا...... لالا اكيد هو نفذ تهديهده........ اوافق عليه او اخرب بيوت اخواني..
الا اخواني سندي وغزوتي ....... اخذت جوالها وهي خلاص منهاره......... دورت رقمه .. اوووف وينه.... هذا هو (حاطه اسمه.. براد بيت السعودي).. حاولت تتماسك قد تقدر عشان مايحس انها منهاره......
ناصر: كان على مكتبه وشغل الاب توب... ومريح على الكرسي...
ليش سويت كذا.. راضي عن نفسك الحين... ضريت ناس مالهم ذنب,,, كل شي مباح في الحب والحرب..هههههههههه.. رن جواله.. ابتسم .. جبت راسك ..
ناصر: هلا وغلا بهالصوت.......
ساره: ا...............
ناصر: الو......
ساره : وهي شوي بتبكي.... الو....
ناصر: ش فيك.. متصله تبشريني ,,,
ساره : انت...... اخواني....
ناصر: كسرت في خاطره كلمتها.. انت...نتهد... انتي اللي اجبرتيني..
ساره: نزلت دموعها...... حرام عليك......
ناصر: تبكين ياساره بسببي وينها ساره القويه اللي محد يقدر يهز لها طرف.. اثاري هي ضعيفه من داخل.. كره نفسه.. اصعب شي عنده دموع المرأه مايقدر يقاوم.. ساره اهدي.. صدقيني ماراح تندمين..
ساره:..........................تبكي..
ناصر: الو...... ساره انتي معي؟
ساره: ايه.... توعدني تصلح كل المشاكل اللي سببتها لأخواني..
ناصر: كأنها طفله وهي تترجى.. اكيد...
ساره: .....وعد رجال.....
ناصر: وعد رجال..........
ساره: ا..........نـا.....
ناصر: انتي شنو...




ساره : ............مـ.......و.....ا....فـ..........قـ.... ه

ناصر: سمع لكن يستعبط... ايش ماسمعت؟؟ انتي ايش؟؟
ساره: خلاص مو قادره عليه.. انت وعدتني وسمعت ايش قلت.. طووووووووووط
ناصر: ابتسم بأرتياح........ هين ياساره خليكي تصيرين ملكي وتسكرينه بوجهي مره ثانيه.. لكن واجد كسرت بخاطري.. لهدرجه انا شرير(توك تدري)...

ساره : دخلت في نوبة بكا................... فجأه اندق الباب.......منو..
هدى : انزلي تغدي حبيبتي........
ساره: مابي شي........
هدى : فتحت الباب وهي حامله لينا.. ساره حبيبتي اش فيك؟
ساره : وهي تمسح دموعها.. ولاشي.. متضايقه شوي..
هدى : جلست جنبها وهي تمسح على ظهرها.. طيب قولي اش فيك.. يمكن اقدر اساعدك؟؟؟؟؟امي واماني يقولون لك كم يوم منتي على بعضك.. اشفيك؟؟
ساره: (مااحد يقدر يساعدني.. خلاص انا طحت بيد واحد ظالم ومايخاف ربه..يبيني اصير ملكه وبس عشان يذلني ويكسر راسي.. بوقع صك اعدام مره ثانيه)..............
هدى : وهي تهزها.... ساره وين رحتي..
ساره : هاا.. هنا..
هدى : ماتبين غدا.......
ساره : لا.... بنام والعصر اتغدى..
هدى : على راحتك........ وقامت طلعت......
ساره.. طفت الأنوار وسكرت النوافذ... نامت على السرير .. خلاص انتهى كل شي.. لها اكثر من ثلاثه ايام لا تاكل ولا تنام ولا تكلم احد... نامت من كثر البكا والتعب........

ناصر: راح بيتهم وهو مبسوووووط ع لآخر... وافقت ساره.. اول شي احل مشكلة اخوانها واوفي وعدي لها... بعدين اكلم اخوها سعد اسأله وافقت او لا... قصدي اسمع موافقتها.....ههههههههههه.......
مسك جواله وحل المشكله ونفذ وعده...... لالا اتصل في سعد بعدين ..
العصر دق على سعد......
سعد : هلا ابوعبدالله..
ناصر: صوته مروق.. يعني انحلت المشكله.. ياهلا فيك .. شلونك اخبارك..
والخ.............
سعد : ولا يهمك اليوم اسألها وارد عليك.. خير ان شاءالله..
ناصر: تسلم يارب.. منتظر مكالمتك..
سكر من عند سعد.. آآآه اخيرا ياساره...... اممممم لو على كيفي الملكه والزواج بيوم واحد... واليوم بعد.....لالا شفيني مستعجل... ههههههههه صحيح انك لعبتي بعقلي........

صحت ساره وهي مصدعه.. طالعت الساعه... يالــــــــــله الساعه 8.. قامت بسرعه توضت وصلت العصر والمغرب والعشا.. نزلت .. سمعت اخوانها يضحكوا.. اكيد حل المشكله....
راحت لأماني كانت بالمطبخ تسوي شاي...
ساره : بشري صار شي..
اماني: اسكتي.. المشكلتين صاروا بنفس اليوم وانحلوا بنفس الوقت سبحان الله..
ساره : تضحك بداخلها.. اللي مايدري مايعلم.. طيب كيف انحلوا.....
اماني: مدير سعد دق عليه واعتذر له... اما عبدالرحمن اتصلوا وقالوا حصل خطأ في الحسابات... المهم كل شي رجع طبيعي الحمدلله.......
ساره: الحمدلله.........صبت لها كوب شاي وراحت الصاله...
سعد : ساره ... تعالي ابيك......
ساره : طيب... وراحت وراه المجلس.. لقت ابوها وعبدالرحمن...
جلست جنب سعد.........
سعد : الرجال المتقدم لك كلمني العصر.. يسأل عن رايك...
ساره : سكتت........تطالع في سعد.... عبدالرحمن......... ابوها.........ممكن يتدمروا بسببي كلمة لا.................

عبدالرحمن: ش فيك ساكته.. نعم... او ..لا.......
ساره: حست دموعها بنتزل.. لكنها تماسكت...خايفه من تجربه ثالثه.. يمكن تفشل... لكن ماتقدر تنطق..
سعد: ساره ليش ساكته.. نعم او لا.....
ابوعبدالرحمن: يابنتي اذا مو موافقه براحتك.. محد راح يجبرك على شي...
ساره: .....................................
ساكت ومالي راي.. صوتي انحبس وياي..
اللي اختنق بالهوا.. ماتفيده قطرة ماي..
يسكن معاي الخوف.. يمشيني وين اطوف..
علمني كلمة لا...... سو فيني هالمعروف...
لالا.. نعم ... لالا.. اللي نطقته نعم.. واللي قصدته لا......
لالا...نعم...لالا...........
ياماسهلك يانعم... وياماصعبك يا.......لا......
ساره: .....................نعم.........موافقه....
سعد: متأكده حبيتي وحط يده على ظهرها..
ساره : لا تذبحني... لا تزيد جروحي وخوفي... ايه..
سعد : طيب مبروك ... وباس جبينها..
ساره :نزلت راسها وقامت لغرفتها.. سكرت الباب واستندت عليه وبكت...
الخوف بيذبحها......خلاص... راح يدخل رجال ثالث حياتها.. ومبين من الأول .. بدا معاها بتهديد... والجاي اكيد اعظم.......

......

سعد : دق على ناصر....هلا يالنسيب.....
ناصر: ابتسم.. اكيد وافقت.. هلا فيك بشر....
سعد: اقولك يالنسيب ...
ناصر: تسلم يارب.... وانا اقول للأهل يزورونكم عشان يتفقوا على كل شي..
سعد : حلو.. وانا اخبرهم... واهلا وسهلا فيكم ...
ناصر .......وده يفتح ايدينه على الآخر........ويصرخ بأقوى ماعنده.........سااااااااره.......بتكونين لي اخيرااااااااااااااااااااااااااا............
جاه عبدالله........
ناصر: مسكه من كتوفه... حبيبي تذكر البنت اللي شرت الك اسكريم؟؟
عبدالله: هز راسه لا......
ناصر: اممم اللي كذا(ورفع ابهامه)... وقالتك حبيبي بعد......
عبدالله : ايه ..
ناصر: بتجي عندنا البيت......
عبدالله: ليش .. بتجيب لي اسكريم؟؟
ناصر: ههههههههههههههه.. وحمله وصار يدور فيه... وهو يضحك...

نوره وندى....... شفيه...
نوره: بشويش لا يطيح...
ندى : يامجنون اش فيك..
ناصر نزل عبدالله :جات هادمة اللذات ومفرقة الجماعات...
ندى: لا والله...
نوره : فرحنا معاك...
ناصر: وهو يبتسم.. وافقت...
نوره : والله... كلووووووووووويش..
ناصر: ههههههههههه
ندى: عظم الله اجرك ياساره.....الله يعينك على مابلاك.......
ناصر :ش تقولين.... انا اوريك.. ولحقها وهي تصرخ يمه.............. وهو يضحك.....
ساره : بعد ماعرفوا اهللها انها وافقت... كانوا مبسوطين ... الا هي....
تركتهم وراحت لغرفتها.... دقايق .. جاتها شيماء...
شيماء: هذا وجه وحده مخطوبه..
ساره : وهي ماسكه مخده وتتكلم بدون ماتطالعها.. قصدك محكوم عليها بالأعدام..
شيماء: هزت رجولها.. سارونه لا تصيري متشائمه.. يمكن يطلع رجال ويعوضك عن كل اللي راح منك........
ساره:..........................
شيماء: انتي معي...
ساره : كلهم مثل بعض,,,,,,,,,,,,,
شيماء: ماراح تتغيري ابد الا لما تحبي.......
ساره : ومنو يستاهل اتعب قلبي عشانه.. محد يسوى...
شيماء: براد بيت السعودي.......وهي تنغزها..
ساره : اووووووووه .. فكيني مو طايقه سيرته.........
اندق الباب.. ودخلت فاتن.........
فاتن: سارونه .. اتصلت زوجة ابو ناصر.. تقول انهم بيجون بكره.. يشوفوك..
ساره : خلاص يعني.... وليش مستعجلين......
فاتن: وهي تحرك حواجبها.... مدري يمكن المعرس مستعجل...
شيماء: ايوااااااااااااا بدينا من الحين........
ساره : تطالعهم ببرود........ سخيفين......
فاتن وشيماء: هههههههههههههههه
فاتن : الله يعينه على عنادك..
شيماء: ومزاجها اللي طالع نازل مثل الأسهم...هههههههههه
ساره: انا اقوم اطلع برا احسن لي من مقابل وجيهكم.. مالت عليها..
شيماء: تعالي وين رايحه..
فاتن: اترككم انا .... وطلعت.......
ساره: اوووووف منه ... الله ياخذ عمره قبل ماياخذني.....
شيماء: حرام تدعين عليه.. اذا ماتبينه عطيني اياه...
ساره: مو بيدي......
شيماء: نقزت من مكانها.. شلون يعني اجل ليش وافقتي.. اهلك ضغطوا عليك..
ساره: لا بالعكس اهلي تركوا القرار بيدي.. لكن ورفعت ايدينها حسبي الله عليك ياناصر ولد ........ والله مدري شنو اسم امه... يلا ناصر ولد محمد..
شيماء: ههههههههههه... لا تتحسبين عليه.. فهميني كيف مو بأيدك..
قالت لها كل السالفه.. الشركه واخوانها....
شيماء: خطييييييييييييييير..... لالا هذا متولع وخالص..
ساره : يارب تولع فيه سياره... وارتاح منه......
شيماء: اووف لا تدعين عليه ترى ماارضى..
ساره : لا والله وبصفتك شنو تدافعين عنه..
شيماء: صديقة خطيبته...
ساره : رمت عليها مخده.. مالت عليك وعليه........
تحت بالصاله......
اماني : شكلها مغروره زوجة ابوه.......
نجلاء: ايه.. اعرفها من بعيد.........
فاتن : هو بيسكن مع اهله لما يتزوج؟
هدى : اتوقع... لأن مافي الا هو عند ابوه الحين اخوه الثاني مسافر....
في بيت ابوناصر...
ندى: اقول ناصر.. كم كيلو قطعت....
ناصر:......... هاا.. شنو......
نوره : اللي ماخذه عقلك....
ندى : لالا شكله الولد طاح ومحد سمى عليه...
ناصر: خلصتو......
نوره وندى: ههههههههههههههههههه
ناصر: اووف متى اتزوج واقعد مع زوجتي وارتاح من هالوجيه...
ندى : لا حبيبي اذا تزوجت نبيها معانا عشان نصير ثلاثي مرح.. ههههههههههههه
ناصر: لا والله .. والله ماتشوفونها الا بمزاجي... انا متزوجها او انتو..
ندى: للمره الثانيه اقول عظم الله اجرك ياساره..
ناصر: هههههههههههههه..
نوره: بتطلب انك تشوفها..
ندى : وين يطلب .. شافها وشبع في الشركه...خلاص ماعندنا رجال يشوفون حريمهم قبل الزواج.......
ناصر: هذي اللي بقوم اذبحها.. بطلي لقافه.... اي بطلب اشوفها عندك مانع...
ندى: بصوت واطي.. مايستحي.. مو شايف خير..
ناصر: ايش قلتي.. ايش قلتي..
ندى: .... ها.. ولا شي.........
ناصر: ولا شي ها.. هين..
ندى: يمه.......وقامت عنهم....
نوره : ناصر عطيني رقمها ابي اكلمها...
ناصر: ليش؟؟
نوره: بس كذا اتعرف عليها.. لاتخاف ماراح اكل منها شوي..
ناصر: طيب بس لا تغثيها..
خذت الرقم...... ودقت........
عند ساره.. اهلها يحضروا لبكره.. وهي بغرفتها سرحانه..
ياربي تساعدني.. يارب مالي غيرك.. فرج همي......
رن جوالها...رقم غريب... ردت : الو......
نوره : مرحبا ساره..
ساره: ياهلا.. مين معاي؟
نوره : انا نوره اخت ناصر.....
ساره: هالأسم يجرحها.. هلا فيك.. كيفك؟
نوره: الحمدلله وانتي اخبارك مع الدوام...........
سولفت معاها 10 دقايق وسكرت... طبعا ناصر كان جنب نوره وحاط اذنه على جوال نوره وهي كل شوي تبعده وهو يرجع......
نوره : اوووف زهقتني من جد الله يعينها..
ناصر: مو شغلك.. وبعدين كأنك طولتي السالفه معاها...
نوره : مو شغلك.....
ناصر: ههههههههههههه.. لكن ش رايك فيها...
نوره : مبين انها حبوبه... الله يبارك لك فيها..
ناصر: ابتسم آمين يارب........
...................
في الليل........
ساره مو قادره تنام من الخوف........ تتقلب على سريرها,,, وفكره توديها وفكره تجيها...

ناصر... مبسووووووط ع لآخر.. بكره بشوفها.. اللي يسمعه ماشافها ابد.

في الشركه........
رغد: والله منتي هينه.. جبتيه..
رهف: مبروك حبيتي.. الله يعوضك كل..
نسرين : انا من شفته يبستم بعد ماكبت عليه القهوه وانا اقول الموضوع فيه أنـــ..
ههههههههههههههههه..
كلهم ضحكوا الا هي..نزلت راسها وحست دموعها بتنزل..
رهف: وهي تلكزها..ياعيني على الخجل..
نسرين: ههههههههه.. رهفوا لا تحرجيها...
ساره : اقول كأنكم مصختوها.. ولا تنعطون وجه...
رغد : لا والله.. اجل لما جيتي وقلتي للبنات لاأحد يجي مكتبي اثاريه غيره مو شي ثاني... من ورانا هاا..
ساره : والله انكم فاضين.. بروح استأذن .. ابي اطلع الساعه 4...
رغد : مايحتاج.. عندك فيتامين واو...
ساره : طلعت ولا ردت عليها.. اسأذنت من المدير وراحت مكتبها تجهز اغراضها..
ابواحمد: مرحبا اخ ناصر..
ناصر: ياهلا فيك..
ابواحمد: الف مبروك..
ناصر: الله يبارك فيك..
ابواحمد: بغيت اسألك عن ,,,,,,,,,,,,,, موجوده عندك اولا..
ناصر: اي موجوده عندك.. تحب اجيبها لك..
ابو احمد: والله ياريت بس مانبي نكلف عليك بعد بتصير من الأهل..
ناصر: هههههه لا شدعوه هذا شغل ومافيه اهل او غيره (ايه كثر منها)... خلاص انا اجيبهم لك الساعه 4بالكثير..
ابواحمد : طيب بانتظارك..
ناصر: اممم مع اني الليله بشوفها.. لكن واحشتني بقوه........

ساره : الساعه 4 طلعت من الشركه...
ناصر: جا ولقى مكتبها فاضي.. وين راحت.... دخل لأبو احمد وقعد معاه نص ساعه وطلع.....
ناصر: وين راحت .. مو عادتها تطلع قبل الدوام...... ادق عليها اشوف..
ساره: كانت بالسياره.. ومايله راسها على النافذه.. وتفكر وهي خايفه..
رن جوالها..... شافت الرقم.......هذا ش يبي بعد.. هو سبب همي.. حطته صامت..
ناصر: ؟؟؟؟؟؟؟.. بعدك على عنادك...طيــــــــــــب...

ساره راحت البيت ...
لقت خواتها كلهم موجودين ويحضروا كل شي لليله..
سلمت عليهم .. بعدما اخذت لها شاور.. راحت لصالون تسوي شعرها..

المغرب رجعت ........
اممم شنو البس ... الجو بارد...
اوكي هذا حلو..
لبست بلوزه طويله اكمام شوي لونها ابيض سكري.. رقبتها واسعه وكبيره.. وفيها حزام اسود رفيع ... مع تنوره لونها اسود وفيها فتحات من جنب للركبه.. مع بوت اسود كعب للركبه.. حطت لها زي عادتها مكياج ناعم.. ظل وردي طبيعي وغلوس وردي وكحل وماسكارا... واكسسورا ناعم ..وطبعا شعرها خلته سايح .. وجلست بغرفتها تستنى.. متوتره خايفه ماتدري بشنو تحس.......

ناصر.. وماادراك ماهو ناصر...
طبعا لبس ثوب وشماغ.. والساعه الفخمه والكبكات الرووعه.. والعطر اللي يدوخ.. ومنعم الشنب واللحيه ..وراح.. يلا بسرعه......
ندى: اموووت واعرف على شنو مستعجل.. البنت مابتطير... ولو تطير احسن لها..
بدريه : وبعدين معاكي انتي....
نوره : وهي تضرب كتفها انتي ماراح تجوزين عنه لين يذبحك...
ناصر: تكتف وهو يضحك.. لالا ماراح اذبحها.. انا واحد بتزوج ومابي ادخل سجون في ناس ماتسوى.......
ندى: ايوااااااااا.. وينك ياساره اسمعي وشوفي...
ناصر: هههههههههههههه لا يكثر يلا.. وين عبدالله..
بدريه : هذا هو جاهز يلا..يمه ,,,
ام فهد : بدون نفس... يلا نشوف آخرت هالساره......
ناصر: طنشها ومشى..
ركبوا سيارته الدودج شارجر.. ومشوا لبيت ساره..........
ساره.........سمعت جرس الباب......جوا ياربي تعينني........

دخل ناصر المجلس مع سعد.. اما الحريم راحوا المقلط مع ام عبدالرحمن..
جو اخوات ساره وسلموا عليهم... طبعا ام فهد تطالع في كل شي كأن مو عاجبها..
اخوات ساره حسوا بهالشي.. لكن بدريه و نوره كانوا يسولفون معاهم عادي ..وندى تضحك..
ام عبدالرحمن: فاتن يمه قومي نادي اختك..
قامت فاتن وراحت لساره غرفتها...
فاتن: يلا قومي انزلي.. الجماعه بيون يشوفوك..
ساره: ..................
فاتن: هزت كتفها.. سساره..
ساره: هاا.. يلا..
ونزلت ... وهم على الدرج..
ساره: ماقالوا اذا يبي يشوفني اولا...
فاتن: لا.. واذا طلب من حقه..
ساره : لاحووووووووووول هذا شايفني وشبعان شوف.. لكن يسويها,,
جات ساره..
انهبلوا عليها.. صحيح مختلفه عن اخواتها في كل شي..
نوره: ماشاءالله.. سلمت عليها .. ياحظه اخوي..
سلمت على ام فهد... اللي سلمت عليها بدون نفس...
ساره :هذي امه الله يعينني..
جلست بين ندى ونوره..
نوره: بصراحه اخوي مستعجل تخيلي يبي الزواج والملكه بيوم واحد...ههههههههه
ساره: نزلت راسها.. مستعجل على ذبحي لهالدرجه..
ام فهد بصوت واطي: منزله راسها .. اللي يشوفها يقول بنت مو مطلقه..
بدريه: وهي تهمس.. يمه لا يسمعونك الجماعه.....
لكن ساره سمعتها...شكله ماخذني واهله مو موافقين...
نوره: اللي ماخذ عقلك..
ساره: ها.. ونزلت راسها.. هههههههههه
ندى: اقول اخوي المطفوق قال يبي يشوفك.. ماكأنه حافظ وجهك بالشركه..
نوره: لا تحرجين البنت وبعدين معاك...
اندق الباب......
طلعت اماني... ورجعت.. ساره.. سعد يبيك..
ساره: جاك الموت........ قامت..
ندى: ماقلت لك سواها اخوك .. الا يبي يشوفها.......
سعد : اوووه ايش هالحلاوه.. المعرس يبي يشوفك...
ساره : وهي مرتبكه.. لكن هو شافني من قبل..
سعد : بالشركه غير.. يلا روحي سوي قهوه وتعالي..ترى هو اللي طلب قهوه من ايدينك..
ساره: تخصرت ..بعد من اولها يشترط....
سعد: ههههههههههه.. يلا روحي سويها وتعالي..
ساره: زين..راحت المطبخ.. حطت الماي يغلي..
وكان في واحد في بيتهم يغلي..
ناصر: اووووووف مو قادر اتحمل اكثر.. احس كأن نار تحتي..
جهزت القهوه.. ياريت عندي سم احطه فيها واخلص منه.......
راحت المجلس.. دقت الباب....
ناصر: عدل قعدته وركز نظره على الباب.......
سعد فتح الباب.......

دخلت.... ووقفت عند الباب.......وهي حامله صينية وفيها قهوه.........

ناصر: هذي هي.... لالا خلاص ...............
كل شي فيها يسحرني... وجهها شعرها.. جسمها اللي يجنن.. ملامحها البريئه.. اموت على مكياجها الناعم...
حتى ملابسها.. باين انها ذوق.. تذكر لما راح يشوف هيفاء.. فرق السما عن الأرض..
ماعاد اقدر.. ناظرها من فوق لي تحت وهي منزله راسها..
سعد : ادخلي.. قدمي القهوه..
قربت.. قربت..ناصر... اعلن حالة الطوارئ.........
كم صار رقيق قلبي..حين تعلم بين يديك..
كم كان كبيرا حظي.. حين عثرت ياعمري عليك..
يانار تجتاح كياني.. يافرحا يطرد احزاني..
ياجسدا.. يقطع مثل السيف.. ويضرب مثل البركان..
يا... وجها يعبق مثل حقول الورد..
ويركض نحوي كحصاني..
وقف ناصر.......... ومد يده........
حطت القهوه على الطاوله..
وناظرت سعد..
سعد: سلمي على خطيبك ان شاء الله...
ساره: مدت يدها البارده بشويش.. ليده..
ناصر:مسك يدها........واخيرا... يالله قد ايش بارد وكفها صغير في كفي..
كان ماسك يدها ويناظر وجهها.. وهي منزله راسها.. ضغط على يدها..
ساره: المني هالمجنون.. رفعت عينها.. وجات في عينه.. ونزلت راسها..
سعد؛:؟؟؟؟؟؟؟؟؟؟؟؟؟؟؟؟؟؟؟
ترك يدها اخيرا.. ولفت بتمشي...
سعد: وين اقعدي معانا شوي تعالي جنبي..
ناصر: وده يبوس سعد لي بكره..
ساره: ودها تذبح سعد.. جلست جنبه .. على كنبه مزدوجه .. وناصر كان في الزاويه مقابل سعد..
ناصر: شلونك ساره؟
ساره: لا والله من وين .. صاير الاخ ذرب .. الحمدلله ..
ناصر: شلون الشغل..
ساره: الحمدلله..
ناصر: ماعندها الاهالكلمه(مثل ذاك اللي في مسرحية لن اعيش في جلباب زوجتي..ههههههه)..
سعد: تفضل القهوه..
اخذ فنجان وهو يشرب ببرود وهو يطالع ساره.. احلى قهوه بحياتي..
ناصر: تسلم ايدك على القهوه..
ساره: الله يسلمك..
دخلت بنوته صغيره المجلس.. وراحت جهة ساره ووقفت جنبها..
سعد: ليونه حبيبتي روحي للماما..
لينا:ابغى حاله لالاه....
ناصر: ابتسم.. والله شكلها تحب الأطفال.. حلو حلو..
لينا: تضرب ساره بيدها تبيها تحطها على حضنها.. وفي الأخير حطتها على حضنها ولنيا حضنتها وقامت تبوس فيها.. وغطت وجه خالتها..هههههههههه
ناصر: اوووووووف هاذي ايش جابها...
سعد : يلا قومي ساره وديها لأمها..
ساره : ماصدقت خبر.. وقامت على طول..
ناصر: اووف...
ساره: طلعت من المجلس وهي تبوس لينا....... امووووووووت فيها...
هدى: من وين جايببتها .. وانا ادور عليها........
ساره: وهي حاضنه لينا....... معاي....
جا سلمان....... يقول سعد نادوا الجماعه.. بيمشوا..
راحت لهم هدى.. وقاموا..
نوره : وهي طالعه.. سارونه حبيبتي اي شي تبينه دقي علي بأي وقت..اوكي...
ساره: تسلمين حبيبتي......
مشوا... رمت نفسها على اقرب كنبه..
ام عبدالرحمن: حددوا الملكه بعد اسبوع.......
ساره: ايششششششششششششششششششششششش؟؟ وانا آخر من يعلم...
ام عبدالرحمن: ظنيت ان عندك علم.. ام فهد تقول ان ناصر هو اللي حدد..
ساره: اقول لكم مستعجل على ذبحي هذا..طيب مافي وقت افصل فستان..
فاتن: اشتري جاهز..........وبعدين هم قالوا يبون يسوون حفله كبيره وفي صاله..
ساره:؟؟؟؟؟؟؟؟؟؟؟؟؟؟؟ من جد؟؟؟؟؟؟؟
فاتن: ايه........يبي يعوضك عن كل شي..
ساره: تركتهم وراحت غرفتها... نامت على سريرها..يارب يكون حلم.. يارب..
رن جوالها.......مسج .. اكيد منه..
فتحته........
قولي لي كيف سأنقذ نفسي من اشواقي واحزاني..
قولي لي.. ماذا افعل فيك.. انا في حالة ادمان..
قولي ماالحل.. فأشواقي وصلت لحدود الهذيان..
ساره:؟؟؟؟؟؟؟؟؟؟
ناصر: وصل اهله وراح لعند البحر.. معقوله اكون احبها.. طيب احساسي مو قادر اتحكم فيه...
رن جوال مسج منها..
وانا ش سوي لك يعني روح مستشفى الأمل(مستشفى علاج الأدمان)
ناصر:هههههههههههههههههههههههههههههه.. امووت على خفة دمها.. خلاص ياساره كلها اسبوع وتكونين لي.......

مر ثلاثه ايام..ناصر يدق على ساره وهي ماترد.. ساره من مجمع لي سوق ومالقت فستان.. وخواتها محد فاضي يروح معاها.. ياربي ش سوي.. لازم اشتري شي فخم.. الحفله في صاله..
رن جوالها...
ساره: هلا نوره...
نوره : هلا وغلا... شلونك اخبارك..
ساره: اسكتي تعبانه من سوق لسوق ومو لاقيه شي,,, اجي من الدوام يادوب اصلي واطلع على طول..
نوره : وللحين مالقيتي شي يعجبك؟
ساره: لا........
نوره: طيب انا وندووش رايحين الراشد تجين معنا؟
ساره: والله مدري؟
نوره: لا تخافي السواق بيودينا..
ساره: هههه لا موقصدي.. لكن.. تدرين اسأل امي وارد عليك.. اوكي..
نوره : اوكي. . استنى ردك.. باي......
ساره قالت لأمها ووافقت.. لأن اخواتها مشغولين كل وحده بعيالها ...
وصلت سيارتهم .. ساره طلت من الشباك.. ايه سياره عائليه.. والسواق هندي تمام..
ونزلت وركبت السياره..
ندى: هلا والله بمرت اخوي..
ساره: ههه هلا بك..
نوره: ماعليك منها ماعندها سالفه. . اخبارك انتي..
واندمجت مع نوره بسرعه........ ندى طول الطريق مشغوله بجوالها ... مسج رايح ومسج جاي...
نوره : اووف ترى ازعجنا جوالك..
ندى: كيفي سيارة ابوي..
ساره :هههههههههههههه.. كأنكم توم وجيري..
نوره: هاذي.. تعالي شوفيها مع ناصر.. ساعات وده يذبحها...
ساره: نزلت راسها وضحكت..
ندى: ايوااااااااااا.. ياعيني ع الخجل. . وينك ياناصر تعال وشوف..
نوره: ضربتها... بس عاد ..
وصلوا الراشد...
دخلوا كم محل... نوره وندى اخذوا لهم فساتين.. اما ساره ماعجبها شي..
نوره : سارونه هذا آخر محل... اذا ماعجبك شي نروح مجمع الظهران..
ساره: ان شاءاللله الا قي تعبت .. وبكره عندي دوام..
ندى: المفروض خلاص تقدمي استقالتك..
ساره: لا مستحيل .. حتى بعد الزواج.. بظل اشتغل.. وبعدين مو كل اللي يشتغل محتاج..
نوره: هذي اللي يبيها ناصر..
دخلوا محل...
اممم نوره شوفي هذا.. فستان اصفر لونه هادي مرره .. وفيه شك بالفضي من فوق عند الصدر والخصر.. وتحت نهاية الفستان.......
نوره : يجننننن.. ذوقك خطير...
ساره: هههه
رن جوال ندى في نفس هالوقت شافت واحد مثله لكن لونه اخضر...
ردت وهي تتكلم.. سارونه شوفي هذا اخضر احلى.
ناصر: ؟؟؟؟؟؟؟؟؟
ندى:الو؟؟؟
ناصر: انتي منو تكلمين؟؟
ندى: هلا اخوي... لالا اكلم وحده صاحبتي..
ناصر: طيب انتو وين؟
ندى: في الراشد..
ساره: ندى الأخضر مو حلو.. الأصفر احلى وانعم.. شوفيه..
ندى: هاا ....... ايه..........
ناصر: هذي سارتي..
ندى: للحين ماصارت سارتك..
ناصر: طيب .. باي......
نوره: منو تكلمي..
ندى: اخوك المعرس...
ساره: ههههههههههههه..
اخذت ساره الفستان الأصفر.. وركبت معاه صندل فضي.. وطلعوا من الراشد..
ندى :اووف هذا ماجا ومايرد على جواله......
كان يطالعها وهي تمشي... كأنها تدوس على قلبه.. صوت دقات قلبه مسموع.. اقوى من كعب جزمتها..
نوره: هذي السياره..... ركبوا..
ندى: ليش متاخر هااا.. والله اعلم بابا ناصر..
السواق :...................
نوره: سارونه قولي كيف كبيتي القهوه على ناصر.......
ساره: ههههههههههه.. قالك..
نوره: ايه... بس كان شكله يضحك وهو داخل والقهوه على ثيابه كلها.. زين مااحترق..
ساره: حرق قلبي.. ايه اللي صار............... وقامت تسولف مع نوره وتضحك....
يسمعها تضحك وتسولف وهو بيي يكون معاها اليوم قبل بكره... امووت على صوتها وهو تضحك.. كل شي فيها يفتنني...

السواق كان حاط fm
جات اغينة حطيتك في بالي.. علا الصوت ...
ندى : ايييه كومارو وطي الصوت...
ساره ونوره:؟؟؟؟؟؟؟؟
مد يده... هذي مو ايد السواق..
ندى: كاني اعرف هالعضلات.. هاااااااا..
ضحك السواق........
ساره: انقلب وجهها الوان....... الله ياخذه بس يبي يحرجها....
نوره : ناصر؟؟؟؟؟؟؟؟؟؟
ناصر: ضحك............
ندى: وين السواق........
ناصر: ماخذ اجازه.......
ندى: يمه منك انت..
ناصر: ساره شلونك....
ساره:..............بخير... اخبارك
ناصر:.................
ساره: احسن مارد..
طول الطريق ساره مستغربه من هواش ندى مع نوره وناصر... وتضحك..
وصلوا بيت ساره..
نزل هو فتح لها الباب..
اتافجأت لما فتح لها الباب.. فتح وظل واقف... وهي مو قادره تمر..واقف قدامها ومافي مسافة الا كم سم بينهم.. حست بانفاسه على وجهها.. رفعت عينها على وجهه.. ممكن..
ناصر: ابتسم..تفضلي.. هذا اللي ابيه..
بعد.. استنى ليما دخلت وبعدين ركب السياره.......
ندى: مافي منك نسخه..
ناصر: لا ..........
وصلت بيتهم.. جربت الفستان..
لالا مضبوط..
رن جوالها.. اكيد مسج منه...

رابط.........فتحته وسمعت الأغنيه.. كانت بصوته..


حبيبــــــي..
كلها يومين.. واجدد بالهوا لقياك..
واهني بشوفتك عيني.. واسولف لك عن اخباري..
ترى هالدنيا ماتسوى.. اذا ماعشتها وياك..
عليك الله وامان الله تطفي بشوفتك ناري..
ش سولف لك عن اخباري........

يعطيك العافيه

فرحت كثير ان ناصر راح يتزوج ساره

بصراحة عجبتني شخصيته واتوقع راح يكون فيه
مشاكل كثيرة بينهم لان ساره متعقده من الرجال
الله يعينه واتمنى يسعدها وينسيها الماضي

وتحية لك ياملوكه

الف شكر للمرورك

خايف ♠ ... ♠ ياقلبي خايف.. ؟ ♠╝█╚





بعد ماقرت المسج......
ساره: لو مهما تسوي.. مستحيل اغير رايي...وماراح يكون لك ولا نقطه حب بقلبي...
ناصر:............ ليش ماردت........... ماشي ياساره الأيام بيننا........

راح بيتهم ونام............

مر يومين..........
وساره ماتنام واكلها قليل.. ناصر مرووق ومبسوط.. وراح مع نوره وندى واشتروا الشبكه والدبل والساعات...
نوره: اوووف زهقتني وتعبت..
ندى : مو عاجبه شي..
ناصر: شوفوا لا تقعدوا تتحلطمون على راسي.. انا مابي شي عادي.. ابي شي مميز وراقي..
ندى: اقول اخوي روح برا سوي استنساخ منك...
ناصر: عقد حواجبه .. وليه؟
ندى: ابي اتزوج نسختك.......ياحظها ساره........
ناصر: ههههههههههههه سخيفه..توك قبل يومين عظم الله اجرها..
اشترى لها شبكه الماس رووعه.. ناعمه وفي نفس الوقت فخمه.. وطبعا ساعات من ديور.. ولاننسى الدبله الألماس..
وصلوا البيت..
شافت ام فهد الشبكه: رمتها بدون نفس.. والله خساره فيها كل هذا.. اكسسوار ويخب عليها........
ناصر: شال الأغراض وطلع فوق ولا كأنه سمعها........
طالع فيهم.. والله مو خساره فيك.. الا قليل عليك ياساره..
مسك جواله وارسل لها مسج..
حبيبتي شريت الشبكه والدبل والساعات.... صحيح حلوين لك عليك راح يكونوا احلى واحلى........
ساره:؟؟؟؟؟؟؟؟؟؟ هههههه قال حبيتي قال.. وزي العاده ماردت عليه..
يوم الأربعا........
اليوم الملكه.. وبكره الحفله ... ناصر هو اللي قال كذا عشان ماتتعب العروس.. وتغيب عن دوامها...... بيني وبينكم عشان يشوفها ثلاثه ايام متواصله ولا تحجج بدوامها.. فاهم تفكيرها.......
ساره: بعد ماكلمتها نوره... ودقت على الصالون اكدت حجزها..
اووف منه متعمد يسوي الحفله يوم خميس..
في الشركه.......
رغد: ساره؟؟؟؟؟؟؟؟؟؟؟؟؟؟؟؟؟؟؟؟
ساره: ايه شايفه جني.. وبعدين ليش مامر علي السواق؟؟
رغد: لا توقعتك ماراح تجين الليله ملكتك.. ليش جايه..
ساره: الملكه بالليل.. يعني مافي مشكله لو داومت...
رغد: صحيح انك مجنونه.. لكن تدرين منو عند ابواحمد......
ساره: منو يعني؟؟ جورج بوش؟
رغد : وهي ترفع حواجبها.. لا براد بيت السعودي..
ساره: ايششششششش.. ليش جاي بعد؟؟؟؟؟؟؟
رغد: شغل ياحبيتي.. اهاااا عرفت متواعده وياه.. ياعيني ياعيني مو قادرين تصبرون لبكره..
ساره: تركتها ومشت.. دخلت مكتبها.. الحمدلله الستاير والباب مسكر.. يعني ماراح يشوف اني هنا...
ناصر اللي كان مع ابواحمد.. اووف ياشين الشركه بدونك ياساره...
ابواحمد: كان يبي من ساره اوراق..دق على رغد وسألها داومت ساره.. قالت ايه.. ودق عليها.. هلا ساره جيبي لي ملف ال,,,,,,
ساره: اووف ماطلبهم الا الحين.......طيب
ناصر: داومت؟؟؟؟؟؟؟؟؟؟؟؟؟
دقت الباب ودخلت.. وكالعاده ولا كأنه موجود.......
عطت ابو احمد الأوراق وطلعت.. مادرت بالنار اللي اشتعلت حنبها..
ناصر: يجلطني برودها ولا مبالاتها........ الوعد بكره..
ساره: ياربي .. احس نظراته تحرقني.. الله يعينني عليه..
ناصر: بعد ماخلص شغل مع ابواحمد.. طلع من مكتبه.. وقف عند باب مكتب ساره.. كان مسكر.. مسك المسكه..لالا خليها لبكره.. والله تدري الحين بوقتها..
فتح الباب..
ساره: رفعت راسها.. ليش ماتد.......
ناصر: وقف قدامها.. ليش مداومه؟؟
ساره: كانت قاعده.. ليش حرام الدوام.. ورجعت تكتب على الكمبيوتر..
ناصر: الحراره وصلت عنده مليون.. ضرب الطاوله بأقوى ماعنده..
ساره: اخترعت.. وناظرت فيه..
ناصر: وهو يتكلم بين اسنانه.. لما اكلمك تناظريني فاهمه.. وبرودك هذا ولا مبالاتك بطليها..
ساره: تنفست بهدوء.. وقالت ببرود.. للحين ماصرت زوجتك.. اذا صرت قول اللي تبي..
ناصر: انتي اللي قلتيها .. اللي تبي......وانا اعلمك منو ناصر محمد... ومشى...
ساره: مغرور.. متكبر........
التفت لها وهو ماسك الباب بيطلع وناظرها بنظره تحرق.. وطلع
ساره: سوت نفسها ولا اهتمت.. لكن لما سكر الباب.. حست انها شوي بتبكي..
هذي اولها.. الله يصبرني..خايفه منه من الحين.. شكله عصبي مرره ويمكن يضربني.. حطت راسها بين ايديها... يارب ماتجي الليله... الخوف بيذبحني.. واللي سواه الحين خوفني منه زياده.. شكله العن من راشد وماهر.. خلاص مو قادره.. راحت لأبو احمد واسأذنت ... كلمت السواق وقال لها انا تحت.. ساره: الحمدلله.......

ناصر .. قاعد في سيارته يتنفس بسرعه....... هين ياساره تتعمدي تنرفزيني.. والله لأخليك نتدمين على كل شي.. خلك تصيرين ملكي واوريك.......عقد حواجبه.. معقوله هذي هي.. ليش طالعه الحين.......
ساره تمشي بسرعه.. هذا ليش واقف هنا مامشى.. يارب ماشافني..
ركبت السياره.. ولسه ماسكرت الباب.. رن جوالها.. اكيد هو.. طلعت جوالها.. اي هو..
مابرد عليه وخليه يحترق.......
ناصر: ماتردين.. هين.. الوعد الليله........

رجعت البيت..
ام عبدالرحمن: هلا يمه.. قلت لك من الأول خذي اجازه ماطعتيني.. يلا روحي ريحي..
ساره: طيب يمه.. لا احد يناديني مابي غدا وطلعت فوق..
شالت عبايتها... وجلست على سريرها.. تذكرته وهو يصرخ ... خافت.. حست بغصه.. خايفه منه.. نزلت دموعها........ يارب ش سوي....... ايه فكره..
دقت على نوره..
نوره: هلا حبيتي .. هلا سارونه مرت اخوي الحلوه..
ساره: ههه الله يسلمك... شلونك اخبارك..
نوره : بخير الله يسلمك..
ساره: بغيت اسألك سؤال.
نوره : آمريني..
ساره: مايامر عليك ظالم.. لكن... ابي اعرف .. ناصر عصبي واجد اولا؟؟
نوره: ههههههه.. لا موعصبي ابد.. لكن مايعصب الا اذا احد نرفزه او تكلم معاه ببرود.. ليش تسألين؟؟
ساره: بس سؤال.. طيب اسمحي لي الحين..
نوره: اكيد حبيتي عارفه مشغوله.. اشوفك الليله وبكره.. باي......
ساره: باي..تنهدت بقوه........لازم اسايره.. ش سوي.. هذا نصيبي.. غصب عني... المغرب.. جات الكوافيره البيت ... ساره شعرها مستشور بس.. ومكياج ناعم وبسيط.. لبست فستان.. زيتي.(مو الأخ يحب هاللون). مفتوح شوي من فوق... فيه طبقات من تحت وقصير لنص الركبه ومايل على جنب.. ومن فوق فيه ورده ناعمه عند الصدر.. الفستان مفصل جسمها ... وطالعه رووعه.. ولبست صندل سيور لي الركبه.. لونه بيج.....
سعد يلا ساره عشان الشيخ ياخذ موافقتك..
ساره: حست ان كل جسمها يرتجف.. واطرافها تنمل.. وغصه بحلقها.. ومغص ببطنها.. رجولها ثقيله.. مو قادره تمشي.. تبي تبكي وتصرخ لالالا مابيه... لكن مو قادره... كأن خنجر مزروع بصدرها.....
سعد: ساره حبيتي اش فيك......
ساره:.................هذي ثالث مره... واذا فشلت بموت............. وواضح انها نهايتي..
سعد: جا لعندها ومسك يدها.. ساره حبيتي اش فيك..
ساره: وهي شوي بتبكي...خايفه.......
سعد: حنن صوته.. من شنو؟؟
ساره: يصير شي.........
سعد: فهم عليها.. ساره حبيتي احنا لسه على البر.....
ساره: اي بر........ انا خلاص غرقت.. لكن..
سعد: انتي مو وافقتي بأقتناع بدون راي احد؟
ساره: ودها تصرخ وتقول غصب عني عشان ماتنخرب بيوتكم.. ايه..
سعد: طيب..
ساره: خلاص حست دموعها بتنزل.. رفعت راسها... خلاص اخوي.. يلا ننزل..
سعد وقف : وباس جبينها.. متأكده..
ساره: ايه..