خايف ♠ ... ♠ ياقلبي خايف.. ؟ ♠╝█╚

عند ناصر..
بعد ماخلص شاور لبس له بيجامه وانسدح على سريره في غرفته.. وهو يفكر في بنت عمته... بكره بكلم ابوي عشان يخطبها لي.. خلصت دراسه وجبت الشهاده .. واكيد بشتغل مع ابوي.. اووه نسيت اكلم امي.. على فكره امه اسمها ساره بعد...(اقول لكم ماجمع الا وفق)
ناصر : Hi mom,
ام ناصر : Hi honey…did you arrived ?
ناصر : yes mom
وقعد يسولف مع امه شوي وسكر من عندها..
نسيت اقول لكم ابوه طلق امه لما كان عمر ناصر 6 سنوات واخذه معاه السعوديه ولما صار عمره 12 سنه رجع لبريطانيا وظل يجي السعوديه في الأجازات والمناسبات الرسميه لكن علاقه امه مع ابوه حلوه ويكلمها بين وقت والثاني ..
دخلت ندى : طفي النور يلا..
ناصر : هيه انتي يالعربجيه وراك مطفوقه كذا...
ندى : دقوا يقولون جايين الحين...
ندى طفت النور بدون ماتسمعه وش قال..
وصولوا امها وابوها والتوأم ونوره ..
ندى : بابا عندي لك مفاجأه حلوه...
ابو ناصر : خير يابنتي..
نوره : اخلصي ترانا تعبانين لفينا المارينا كله (وهي تسوي لها حركه عشان تقهرها) ولعبنا التوينز وتعشينا .....مو مثل بعض الناس وهي تأشر لها....
ندى : تخصرت اقول لا يكثر في واحد فوق جا من شوي لو اقول ودني القمر بيوديني ......
الكل سكت......
ام فهد : منو ؟؟؟؟
ندى : وهي ترفع جواجبها حزروا فزروا....مين مين وهي حاطه اصبعها على فمها.......
نوره : ناصرررررررررررررررررررر وهي طالعه الدرج
ندى : وهي تلحقها تعالي ياهادمة اللذات ومفرقة الجماعات لا تروحين كنت بسويها مفاجأه......
دخلت نوره غرفة ناصر ووراها ندى .....
ناصر : وهو رافع راسه خلصتو مناقر.....
نوره : ماردت عليه وراحت وحصنته... وحشتني يا اخوي ...
ونزل معاهم تحت وهم نازلين الدرج هو بالوسط ونوره وندى جنبه طبعا طول الطول ندى تبعدها عنه ...وهي تقول بتشوفين بعد مااخلص امتحانات بخليه يوديني كل مكان....
نوره : اقول تراه محجوز اسبوع.....
ناصر : وهو يبعدهم عنه... ليش محجوز صالة افراح او سياره ... بعدوا عني يلا لايكثر بس
ونزل وسلم على ابوه وعلى ام فهد واخوانه الصغار وقعد معاهم .....طبعا طول ماهمو قاعد معاهم عقله مو معاه .. يفكر فيها.....
نوره : اللي ماخذه عقلك....
ناصر: ابتسم وبانت اسنانه اللي تجنن.....اسكتي لاتفضحينا......

يتبع

يوم الملكه.......في غرفة ساره
ساره كانت ميته من الخوف وقلبها من كثر ماهو مقبوض حاسه انها مو قادره تتنفس.....
وشيماء جنبها,, ماسكه يدها وتقرا عليها وتحاول تهديها...
ساره لبست فستان اخضر لونه تفاحي فااااتح وفيه لمعه ورديه.. مفتوح من الصدر وبدون اكمام او حتى سيور تمسكه وكان واسع شوي من فوق وكل شوي ترفعه.. وفيه من تحت وردات صغاار مرره وكل ماارتفع قل الورد ... ومروله شعرها حاطه ميك اب لبناني... مبين جمالها الطفولي..
لما شافها بدر قال اقول قولو حق راشد (خطيب ساره) ترى بنتنا محجوزه.. جايبه الجمال منين يابت... اخس عليكي مخبياه فين ....
ضحكت ساره وهذا اللي يبيه.. لأنه كان حاس فيها..
جات شيماء وفي يدها كاس مويه وطلع بدر .....
شيماء: هاا شلونك الحين ....
ساره : ماتغير شي..
شوي جات اماني وهدى ونجلاء ..
اماني : يلا ساره عبدالرحمن يقول انزلي عشان الشيخ ياخذ موافقتك وتوقعي.....
ساره : سكتت شوي... بعدين قالت استنو شوي......
هدى : بلا كلام ماله داعي .. وغمزت لها ترى راشد مستعجل.....
غمزه هدى كأنها خنجر بقلب ساره ..... حست برجولها ماعاد تحملها وبمغص.. ومو قادره تاخد نفس... شيماء حطت يدها على كتفها.. سمي بالله وقومي..
قامت ساره ....وهي حاسه بحجر ثقيل على صدرها....
كان سعد واقف عند الباب.... وشافها وهي جايه....
سعد : ماشاءالله ايش هالجمال كله... الله يهني راشد.....وهمس بأذن ساره ترى وصيته عليك وقلت هذي اختي الصغير الغاليه دير بالك عليها.....واذا زعلك او شي قولي لي... وباس جبينها .. يلا حبيتي..
ساره طول ماكان يكلمها منزله راسها.. لأنها حست انها لو رفعت عينها راح تبكي وتخرب المكياج....
وهي داخله تعلقت جزمتها بالسجاده... وبغت تطيح لكن سعد مسكها...
سعد : اسم الله عليك شفيك ؟؟
ساره : وهي تعدل فستانها من فوق لأن بان شوي من صدرها.. ولا شي اخوي..وهي تقول بنفسها(هذي من اولها طيحه على الباب)
دخلت على باب المجلس واخذ الشيخ موافقتها.. ولما جات بتوقع طاح القلم من ايدها..بدر كان واقف.. وعلى طلع قلم من جيبه وعطاها اياه.. ناظرته ساره وهو حس فيها.. شفيها اختي.. ليش مو مبسوطه....
وقعت وطلعت...
وراحت مكان الحريم شيماء كانت تستناها على الباب......
اول ماشافتها مسكتها وهزتها : شوفي ماراح احضنك لأني اعرفك راح تبيكين امشي داخل ..
دخلت على الحريم والنظرات بين اعجاب وحقد وغيره خاصة بنات خالها وبنات عمها... ليش اختارها هي بالذات...
وشوي جات ام راشد وخواته..وسلمو عليها وباركوا لها..
ام راشد : قومي يمه نروح المجلس الثاني الحين بيجي راشد...
ساره حست جسمها شب ناررر...الحين بشوف وجهه.. وبتتعرف عليه عن قرب..كانت خايفه ومرتبكه وحاسه بدوخه لأنها ما نامت ولا اكلت من امس
جلست ,,,,, وشوي دخل راشد.. لما دخل سلم عليها وهو ياكلها بعيونه اكل.....
راشد : الف مبروك..
ساره : ... اللله ....يبارك...فيـــك
راشد انتبه لها ماسكه الفستان من فوق عشان مايطيح ويبان صدرها..
جلس جنب ساره.. وقال لأمه وخواته يطلعوا..
ام راشد : لا اوصيك على البنت الله فيها..
راشد : لا توصين حريص وعيونه مازالت على ساره..
طلعوا .. وهي حست بقلبها طلع من مكانه... مو قادره تتنفس...
انتبهت له وهو يدور في جيبه .. طلع باكيت سجاير وولاعه وقعد يدخن ..
جن هذا فوق ماانا مخنوقه يدخن بعد.......طبعا هذا كله وساره للحين ماشافت وجهه...
بعد ماخلص سيجارته قرب منها...
ساره هنا خلاص ماقدرت تتحمل جات بتقوم مسكها وين يابنت عمتي..
ماردت عليه ورجعت مكانها.. قرب منها اكثر وباس خدها...هي انقرفت من ريحة الدخان.....
رفع وجهها بيده وشافته.. انصدمت...
كان اسمر واجد وخشمه كبير وعيونه صغار وداخله على جوه حتى شماغه مو لابسه زين وشعره طالع من قدام وريحة الدخان تفوح منه.. بأختصار مافي شي حلو ...... اقصد بعيون ساره.....
نزلت عيونها على طول من الصدمه ...... وهو قام يضحك ضحكه نرفزت ساره مررره....
ليش ياربي ليش..... وقعد يسولف معاها ...وهي ترد بكلمه او كلمتين لأنها مو قادره تجاريه بالسوالف الماصخه تبعته.....
كان كل كلامه عن النت وعن الهكر وكيف انه قدر يخترق ايميلات ناس واجد... وكيف انه يدوام يوم بالاسبوع والمدير مايقدر يكلمه... وطول اليوم نايم.. حست انها انسان فاضي من جوا ماعنده شخصيه حتى بدر اخوي شخصيته اقوى منه.. ولا نظره جاده للحياة وقال كلام
انصدمت منه اكثر.... راشد: طبعا بعد الثانويه راح تقعدين بالبيت..
ساره : رفعت وجهها تطالع فيه.. ليش..؟؟
راشد : مافي فايده من الدراسه مصيرك تقعدين بالبيت....
ساره : بس انا ابي اكمل دراسه..
مارد عليها.. لأنه كان مركز عيونه على صدرها اللي بان شوي من فوق .. جا جنبها ومسكها من خصرها بطريقه تخوف حست كأنه هجم عليها... حاولت تبعده لكن ماقدرت .. وقام يبوس فيها في خدودها وشفاتها ورقبتها.. وهي خلاص مو قادره تتحمل... وتحاول تبعده بس مو قادره
شوي اندق الباب..
ساره : تنفست بقوه الحمدلله...
راشد : اوووف من هذا المزعج .. الواحد ماياخذ راحته مع زوجته... وهو يناظر ساره نظرات تحس وكأنها بدون ثياب.....
عدلت ساره فستانها ورتبت شعرها شوي.. لأن الافندي حاسه..
دخلت ام عبدالرحمن : السلام عليكم
وعليكم السلام.....
ام عبد الرحمن :جيت ابارك لكم ودخل وراها بدر وسلمان وتركي
ساره حست براحه لما دخلوا..... بعدت عنه .. وهو استغرب ..ليش تبعد عني ماكانت مبسوطه؟؟
وقعدوا شوي.. يسولوفون معاه ..بدر حس في اخته..
بدر: اقول يالنسيب مو ناوي تمشي ترى البنت عندها بكره مدرسه..
ساره ضحكت بداخلها (كانت ناويه تغيب هي وشيماء وبدر,, ايه بعد اخو العروس ووصيفتها على قولة شيماء)
راشد : طيب .... وصل حده..
ولما مشى قرب لساره وهمس : مافي بوسه لبكره .....
ساره استحت ونزلت راسها مو قادره على قربه منها وعلى ريحة الدخان ماعنده اسلوب ابد.. ولا يعرف يتعامل مع البنات ابد...
على طول راحت ساره لغرفتها بدلت ملابسها... ولبست لها دشداشه قصيره بينك فاتحه وفيها دبدوب كبير بالوسط فكت شعرها وقعدت قدام التسريحه تشيل المكياج......


عند ناصر......
نوره : ناصر ابيك بسالفه..
ناصر : خير وش عندك......
نوره : انت ناوي تكلم ابوي عشان تخطب هيفاء صح....
ناصر : ايه نعم.. ليش تسألين..
نوره : لكن هيفا مو مثل مانت فاكرها تغيرت واجد
ناصر : كيف يعني..
نوره : هيفاء سافرت مع امها الكويت لأهل ابوها ورجعت وحده ثانيه غير اللي شفتها وعرفتها من قبل..........تغير فيها كل شي اخلاقها وتفكيرها.. وحتى كلامها ...لو تشوفها الحين ماراح تعرفها..
ناصر : لا تقولين كذا عن بنت عمتك... وبعدين احساسي مايخيب...
نوره : بس يااخوي ابي مصلحتك صدقني .. صارت وحده ثانيه.....
هيفاء لما كبرت شوي مشت مع رفيقات سوء.. صارت تكلم وتطلع مع شباب وتدخن وكل شي عندها عادي وماعندها اي طموح بالدراسه ولا بأي شي همها السوق والشباب والفلوس وبس.....
وناصر كان يبي بنت جاده وهاديه عندها طموح وتفكيرها راقي...
ناصر : نوره لكن انا احبها وهي تدري بهالشي..... ويمكن اللي تقولين عنه طيش مراهقه..
نوره : صحيح انك انسان متحرر زي مايقولون لكن بتظل رجل شرقي وماراح ترضى باللي تسويه..
ناصر : اسمعي انا احبها وان شاءالله بعد الزواج راح تتغير.....
نوره : لا تخلي حبك لها يضعفك...
ناصر : لا تشيلين هم......
نوره : والله انت اللي بتشيل هموم اذا مشيت ورى قلبك.....
ناصر : اتمنى يخيب ظنك...
نوره : ياريت....
ناصر قام وراح لأبوه المكتب اللي بالبيت
ناصر : السلام وعليكم السلام
ابو ناصر : وعليكم السلام حياك يبا
ناصر: الله يسلمك .. يبا بغيتك في سالفه......
ابوناصر: عارف ياولدي.. تبي بنت عمتك..
ناصر : ايه يبا..
ابوناصر : خلاص ياولدي بكره ان شاءالله اكلم عمتك واكلم عمامها (ابو هيفاء توفى لما كان عمرها سنتين وربتها امها وخالها ابوناصر)عشان نروح نتقدم لهم رسمي وماراح يلقون احسن منك..
ناصر قام وباس راس ابوه : الله يطول بعمرك ...

على المخده....
كان ناصر مبسوطه ويفكر في الزواج.. وساره كانت تبكي....على حظها
كرهت خطيبها......وهي اذا كرهت شي مستحيل ترجع تحبه مره ثانيه.....
ناموا اثنينهم..
ناصر مبسوط
وساره دمعتها على خدها.....
اليوم الثاني كان يوم اربعا....
صحت ساره الصباح ونزلت لقت امها واماني ..
جلست معاهم وهي سرحانه...
نزل بدر :الحلو وين سرحان..
ساره : بدير الله يقطع سوالفك...
بدر: ههههههه اقول انتي عازمتنا على فطور اليوم صح
ساره : مستغربه من اللي قال؟
بدر : محد قال لكن انتي عروس وعندك مهر وانا طالب بأول ثانوي .. يعني ...
ساره : هههههههههه طيب وكم بدر عندي وين تبي تفطر مالك الا سندويش فلافل بريال.
بدر: لا والله ....والله مايردني الا سينابون او كوستا.ولا اقولك ستار بوكس عشان تفلسين مره وحده
ساره : ههههه يفداك والله
رن التلفون
ردت اماني: هلا صباح الخير .. اي موجوده لحظه.. ساره شيماء..
ساره : هلا شيوم.. لا تقولي افطرتي..
شيماء : الناس تسلم تصبح شي.. مافطرت الفطور على حسابك ياحلوه...
ساره : طيب تعالي على بال مااجهز ونروح المارينا مع بدر..
شيماء : مسافة الطريق...
بدر : يمه عطيني مفاتيح سيارة ابوي..
ام عبدالرحمن لا يايمه روحوا مع السواق..
بدر: يمه انا مو بزر اعرف اسوق والرخصه باخذها بعد كم شهر..
ام عبدالرحمن : لا يايمه انا اخاف عليك من نسمة الهوا..خلي السواق يوصلكم برضاي عليك
بدر : ان شالله تامري امر....
جات شيماء وسلمت عليهم وطلعت لساره غرفتها..
ساره :هلا وغلا وحشتيني..
شيماء : علينا .. اخاف عريس الغفله ياخذك مني..وتعالي ايش هالحلاوه من الصبح اثاري الزواج يحلي وانا مدري(وهي تغمزلها)
ساره كانت لا بسه بطلون ابيض وتي شيرت احمر ومفتوح شوي من فوق وفيه زخرفه ناعمه من جنب بالابيض
ساره غصت بالكلام ونزلت راسها: اي عريس اي هم..
ورفعت راسها كنها طنشت : اقول خلينا ننبسط اليوم ولا حقين على النكد
شيماء :استغربت في وحده تتكلم كذا بعد اول يوم ملكه..ليش ساروه تتكلمي كذا وش صار ,,
ساره : اقولك بعدين هذا بدر ينادينا.....يلا ننزل
نزلو شافوا بدر لا بس بنطلون جينز ازرق وتي شيرت ابيض ولا بس كاب ازرق ومكتوب عليه بالابيض
شيماء : اقول سروه ماتزوجيني اخوك طالع يجنن
سارره: ههههه اصغر منك بسنتين ونص
شيماء : عادي كلي شي مباح في الحب والحرب
ساره : مالت عليك امشي بس
بدر: يلا ماتخلصون سوالف وتعيبين على تروك مسكين
نزلوا وركبوا مع السواق..
وراحوا المارينا يفطرون... طبعا ماخلو شي ماطلبوه عناد في ساره بس
بدر : وش رايكم نقعد للغدا ونتغدا..
شيماء : والله فكره.. انا موافقه..
ساره : لا والله تبون تفلسوني. مافي غدا..
في المارينا تحت كان يدور على المحلات يبي يشتري هديه لبنت عمته او اللي بتصير خطيبته......
اخيرا..اشترى لها خاتم ناعم على شكل ورده وبداخلها فص وردي على شكل قلب..

طلعوا من المارينا وهم مبسوطين..
لكن كان في اثنين قبلهم ناغزهم

ناصر من كلام اخته نوره

وساره من اللي جاي مع خطيبها

السلام عليكم

بصراحه الروايه رررررروعه
ننتظرك بشوق
يعطيك العافيه

تحياتي

روووووووووووووووووووووووووووووووووووووووووووعه مشكورة خيتو

واااااااااااااااااااااو روووعه ملووكه كملي ،،
اتوقع ناصر وسارهـ راح يتزوجوون بعدين >>> احلى يالاحساااس ،، هههههههههههههه ،،


يالله كملي ننتظركـ يالغلا ،،

اسلوب راشد ما عجبني ومعها حق ساره تكره تصرفه

اما ناصر رسم صورة لهيفاء في خياله بعيد عن الواقع

ننتظر بقية الاحداث الممتعه

غايتي رضى ربي \

هلا والله بك خيتو نورتي الروايه بطلتك الحلوه
ومتابعتك الي ان شالله دايم بنشوفهاا..


عمت حمودي \

هلا ياقلبي منوره نتظرك
ونتظر متابعتك حبيبتي..

نعووومه \

عاد تصدقين نتتظر ايش بيصير ما ابي اقول
لكن عاد شوفي انتظرك كل يوم هنا زي ما قلت لك قبل
تعرفيني نذله مرررررره...



ملووكه \

منوره يا الغلا انبسط مره بتوجدك مره ثثانيه
لا تحرميني من متابعتك وتعليقك الرائع
ولا انا ما حبيت راشد شوفي القادم اعظم..

الله يعين قلب ساره عليه,,,

خايف ♠ ... ♠ ياقلبي خايف.. ؟ ♠╝█╚



( 3 )



بعد ما طلعوا من المارينا قالت ساره لبدر قول للسواق ينزلنا عند البحر شوي
بدر : طيب
نزلوا عند البحر وقفت ساره واخذت نفس طوييييييييييييييييل لكن مازالت مخنوقه.. ومن غير ماتدري طاحت دمعه على خدها.....
انتبهت لها شيماء: ساره ماراح تقولين لي اشفيك....
ساره : وهي تبتسم رغم دموعها.... حتى لو قلت ماراح يفيد..وش تبيني اقولك.. اني كارهته ومو قادره حتى انطق اسمها.. هذا ماعبر مشاعري ونسى اني لسه صغيره وكل همه نفسه وبس...... قرفت منه كرهته
شيماء : تعوذي من ابليس وانتي ماقعدتي اياه الا مره وحده بس... يمكن يطلع حبوب وتكتشفي فيه اشياء تخليك تحبينه ...
ساره : مستحيل.... مو قادره.....
بدر: يلا نمشي..
في مكان مو بعيد
كان قاعد على الصخور القريبه من البحر.....
كان لابس تي شريت زيتي وماسك على اكتافه شوي من فوق وبارز عضلات اكتافه.. ومحلي لون عيونه الاخضر.. وبنطلون بيج .. والهوا يطير خصلات شعره اللي نازله شوي على وجههه......
كان محتار... كلام نوره خلاه يفكر مره ثانيه....معقوله هيفاء تسوي كذا... بس هي تدري اني احبها..

كانوا بنات مارين من جنبه......عباياتهم بتتفجر من كثر ماهي ضيقه عليهم
ياي شفتيه يجنن ..... تهقين يعطي وجه..
قام وراح لسيارته لأنهم سدوا نفسه... هذولا بالسعوديه ويسوون كذا اجل لو برا ش راح يسوون..الله يحمي بناتنا.....

في بيت ساره
شيماء : يلا انا بروح بيتنا توصين شي....
ساره : اقعدي تغدي معانا...
ام عبدالرحمن جات وهي تقول: ساره وانا امك ليش ماقلتي لزوجك انك راح تغيبين عن المدرسه كذا تخليني اكذب عليه...
ساره : بدينا بالتحكم.. ليش اش قال؟
ام عبدالرحمن: عيب يابنتي هذا زوجك.. سألني متى تجي من المدرسه واضطريت اكذب عليه على العموم هو بيجي يتغدا معاك
ساره : انصدمت شششششششششششششششششششنو...ليش من اللي عزمه؟؟
ام عبدالرحمن : هو قال غداي عندكم قلت له حياك ويايمه من حقه زوجك ويبي يشوفك
شيماء : اجل انا اروح بيتنا احسن.. باي
ساره : باي تيك كير..
طلعت ساره لغرفتها.. وقعدت عند الباب على الأرض ..شنو راح اسوي .. مو طايقه حتى طاريه..
تعوذت من ابليس وهي تسمع الأذان .. قامت اخذت لها دوش سريع وتوضت وصلت الظهر..وقفت عند خزانتها..
امممم شنو البس.. امس هجم علي لأني كنت لا بسه عاري شوي.. وش اسوي طيب الفستان كان واسع ومامداني اضيقه..المهم..طلعت لها تنوره سودا طويله..وبدي اسود.. ولبست فوقه بلوزه قماشها دانتيل لكن ثقيل شوي يعني مو شفاف لونها عنابي ومموج بالوردي والبيح.. واكمام ثلاث ارباع.. ولبست وانتو بكرامه صندل اسود كعب..جاي سيور على شكل ضرب ..
فكت شعرها.. ولبست حلق طويل شوي وحطت لها غلوس عنابي وكحلت عيونها وحطت ماسكارا.. دخلت فاتن كانت توها جايه من الجامعه..
(فاتن اكبر من ساره بسنتين لكن مغروره شوي وشايفه حالها شوي ودايم حاطه ببالها ان ساره ماتعرف ولا تفهم شي يمكن لأن ساره اجمل وانعم منها لكنهم في النهايه خوات وقلوبهم على بعض)
فاتن : شنو هذا يامجنونه.
ساره ببرود: شنو ؟
فاتن : في وحده تلبس حق زوجها كذا؟
ساره : وش تبيني البس اجل روب نوم؟
فاتن : ماقلت روب نام ياخبله لكن لبسك كأنك رايحه جامعه.. حتى في الجامعه ماالبس كذا...على الاقل البسي له مثل ماتلبسي لما تروحين لشيماء..
ساره : يبيني كذا او كيفه.. وبعدين شيموتي غيرر..
فاتن : غبيه وماتفهمين شي ,, لازم تلبسي شي مغري عشان يذوب فيك..
ساره : (في نفسها .ناقصه يعني) مو شغلي انا عاجبني كذا..
فاتن: مالت على وجهك ... وطلعت..
نزلت ساره وراحت لأمها المطبخ..
وشوي اندق الجرس .. راح فيصل ولد اماني يفتح الباب.. وجا وهو يقول..جا (راشد)
ساره : (في نفسها يارب صبرني)
ام عبدالرحمن : يمه روحي استقبلي زوجك..
ساره : ماابي .. ونادت تركي..تركي..
تركي : نعم..
ساره : ممكن طلب.
تركي : شنو؟
ساره : روح دخل راشد المجلس..
تركي: شوفي بما اني توني جاي من المدرسه وجاي مشي والشمس حاره تشق الراس .. وتعبان وللحين ماتغديت وانتي اختي الصغيره.. تصدقي شفت في الشارع اليوم واحد ..غير السالفه.......
ساره : قاطعته وهي تأشر بأيدها ..هيه اخلص روح دخله المجلس بعدين اعطيك اللي تبي..
تركي : انتي قلتيها اللي تبي..
ساره: مسكته من كتوفه ولفته على الجهه الثانيه ودفته وقالت روح ناقصتك انا....
امها استغربت منها وقالت: يمه جهزت الغدا وديه مع الشغاله..
ساره : زين يمه....
تركي جا وهو ماد يده : سلم واستلم..
ساره : اخلص اش تبي.
تركي: ابي استخدم الكمبيوتر حقك..
ساره : روح فوق سوي اللي تبي.
راح تركي وراح وراه فيصل الصغير.....
دخلت المجلس ووراها الشغاله وهو قاعد مريح على الكنب ويدخن سيجاره..حتى ماقام سلم عليها..طالعها من فوق لتحت بنظرات تحرق والكعب مخلي جسمها يطلع يجنن حتى لولا بسه عبايه تجنن..
حطت الغدا وطلعت الشغاله.. جلست بعيد عنه شوي وقالت له اتفضل تغدى..
راشد : وهو ينفخ دخان السيجاره .. تعالي جنبي عشان تفتحي نفسي..
ساره: انا ماحب ريحة الدخان..
قام ومسكهامن ايدها وسحبها لعنده: لازم تتعودي , كانت نص قاعده في حظنه..بعدت وجلست على الكنب..وهي تكح..
راشد : ادري انك كذابه .. ولازم تتعودي على الريحه..
بدى يتغدى بدون حتى مايعزمها..
طالعته وهو ياكل..كان ياكل بأيديه وماطالع حتى في الملعقه.. كان ياكل بطريقه همجيه وكريهه ..وساره مامدت يدها ابد..
صحيح اهلها ناس مو ناس من الطبقه المخمليه لكن يعرفون الذوق
راشد: يتكلم وهو ياكل .. تغدي حبيبتي شفيك..
ساره : وهي منقرفه خلاص.. لا شكرا شبعانه..
راشد: اخذ قطعه لحم كبيره ودخلها بفم ساره بالقوه..
ساره غصت وقامت تكح ... وهو كمل غداه.. ولا همته..
شربت ماي.. ولا اكلت شي..
بعد ماقام غسل ايده وهي رفعت الصحون.. طلع سيجاره وقام يدخن..لقى كتاب على جنب,, كان كتاب شعر بالعربي الفصيح اسمه 100 قصيدة غزل..(كتاب شعر رووعه)
وفتح اول صفحه لقى مكتوب اسم ساره..
راشد : انتي تحبين الشعر..
ساره : تحمست اخيرا فتح معاها موضوع تقدر تتكلم فيه.. ايه احب اقراه وعندي محاولات شعريه..

راشد: رمى الكتاب بعيد على الارض.. وقال هذا كلام فاضي وانتو البنات تحبون دووم الكلام الفاضي والغزل..
ساره : تقطع قلبها على كتابها.. وكملت كلامها ليش الشعر حلو.. وانا احب اقرا لشعراء سعودين مثل اسير الشوق والأمير عبدالرحمن بن مساعد و....
قاطعها وهو يمسك كتوفها ويقربها منها ......ووووووو

خلاص ماقدرت تتحمل.. كفايه,,,,, شوي بيشيل ملابسها.. بعدت عنه.. وهي مفزوعه..
راشد : وهو مريح على الكنب وهو يسكر ازرار ثوبه.. بعدين راح تتعودين على هالاشياء.. وراح اخليك تحبيني غصب عنك..
يلا مع السلامه..
ناظرته ساره وهو طالع..
معقوله الي قاعد يصير لي...
رتبت ملابسها وشكلها وطلعت فوق لأختها اماني..
ساره : اماني ابي جوالك (ساره لسه ماشرت جوال قالت بعد الثانويه)
اماني : راشد راح؟
ساره : بدون نفس .. ايه.. يلا عطيني الجوال....
اخذت الجوال وراحت لعند غرفتها ودقت على سعد..
سعد : هلا ام فيصل..
ساره : انا ساره..
سعد : هلا سارونه .. هلا بالعروس.. آمري حبيتي...
ساره هنا خلاص ماقدرت تكتم دمعتها ولا الغصه اللي حاسه فيها وتكلمت بصوت كله بكى : متى راح تجي؟
سعد : ليش حبيتي ش صاير؟؟
ساره : كل خير ..
سعد : خوفتيني .. صاير فيكم شي ..
ساره : لا تطمن سالفه خاصه فيني..
سعد حس ان اخته فيها شي وقال : طيب انا جاي المغرب ان شاءالله.. اهم شي انتي لا تزعلين نفسك.. كم سوسو عندنا.
ساره: ضحكت من بين دموعها.. تسلم يارب.. في امان الله

في بيت هيفاء
ام هيفاء: اقول اليوم جاي خالك ناصر وولده ناصر يخطبوك..
هيفاء : ماردت عليها مشغوله بالجوال اللي بيدها..
ام هيفاء: وهي تهز كتفها اكلمك انا..
هيفاء باستهتار: طيب طيب انتي تدري انه يحبني من زمان وانتي اكيد موافقه وين راح تلقين واحد احسن منه مال وجمال لا ويحبني بعد..
ام هيفاء : يعني موافقه..
هيفاء : ايه وانا طالعه الحين بروح مع منال صاحبتي.. تشاو

طلعت من البيت وركبت السياره..
هيفاء : هاي
خالد: هلا والله بالعسل كله..
هيفاء ضحكت ومشوا.....
خالد : العاشق الولهان رجع من السفر..
هيفاء : وهذا صاحبك تقول عنه كذا .. ايه رجع واسمع النكته.. بيجي الليله بيخطبوني..ههههههههههههه
خالد : والله من جد..وش راح تسوين..
هيفاء : بوافق عليه وين القى احسن منه..
خالد : وانا....
هيفاء: انت بالقلب ومن قالك بعد مااتزوج بقطع علاقتي فيك..
خالد : هذا العشم فيك.ههههههههههه

عند ناصر الأبتسامه شاقه وجهه..
كان لابس ثوب اسود فيه خطوط دقيقه بيضه بالطول ولا بس غتره بيج ..ومسوي سكسوكه وطالع عذاب.....
دخلت ندى : اوووووووووف منو هذا ...اقول اخوي وش رايك نسوي زي الفراعنه؟؟
ناصر : وهو يعدل الكبك ..وش نسوي يعني..؟؟؟
ندى : في زمن الفراعنه كان عادي عندهم الاخ يتزوج اخته.. وانت اخوي وتجنن وهيوف ماتستاهلك .. اتزوجك انا احسن... وش قلت نجيب الشيخ ومابي منك مقدم ولا مؤخر راضيه فيك على علاتك.. رضيت بك زوجا .....
ناصر : شال مخده من على السرير ومسكها من كتفها وهو يضربها بالمخده ..ياغبيه احنا مسلمين وش فراعنته يامرجوجه... وانا ناوي على عمري اخذ وحده مثلك زي الجيلي مستحيل يثبت مكانه...
ندى : يبه تعال حق ولدك..
دخلت عليهم بدريه وهي ماسكه مبخر...ش صاير
ناصر هنا ترك يد ندى وانحاشت على طول...
نوره : اللي كانت جايه معاها..ماتعرفين خبال اختك...
بدريه : بسم الله عليك من العين يااخوي... وهي تبخره
ناصر : تقول خساره فيك هيوف..
بدريه ماكانت تدري عن اخلاق هيفاء شي..
بدريه : ماعليك منها .....
نوره : وهي حاطه يدها على فهما وتتكلم بصوت واطي.. صادقه والله..
ماسمعها وراح لأبوه اللي كان يناديه..
ابوناصر : جاهز يبا..
ناصر : وهو شاق الحلق .. ايه يبا...
ابوناصر : توكلنا على الله.......
في بيت ابوعبدالرحمن...
كانوا جالسين بالصاله..
ام عبدالرحمن وابوعبدالرحمن..اماني وولدها بحضنها.. وفاتن تسولف معها..
تركي وسلمان يلعبون بلايستيشن وسلمان كل شوي يفوز على تركي ..وتركي يعيد من اول يقول هذي السياره مو اوكي..بزارين ماعندهم سالفه ...
شوي جات هدى مع اولادها.. مهند واكرم.. مهند بعمر فيصل (5 سنوات)واكرم (3 سنوات)..(لسه ماجابت لينا) وقعدوا يسولفون ويشربوا قهوه..
نزل بدر وهو يغني لما شاف اخوانه الصغار يلعبون..ياعيني ع الجمايس لماتتقابل آآه..جاموسه راحت تقابل جاموسه مالتهاش لأتها بأره ياليل ياعين...آآآآه جاموسه
(هاذي الأغنيه من مسرحية العيال كبرت)
شوي دخل سعد..السلام عليكم
وعليكم السلام..
قاموا عيال هدى واماني وسلموا وحبوا خشم خالهم..
راح لأمه وابوه وسلم عليهم وحب راسهم...
ناظر فيهم مالقى ساره معاهم..
سأل فاتن : وين ساره ؟
فاتن : نايمه من العصر..
سعد : طيب
طلع لها غرفتها.. ودق الباب وهو يقول بصوت واطي .. ساره..
ساره : بصوت كله بكى .. مابي اكلم احد..
سعد : انا سعد.. وفتح الباب لقى ظلام فتح الانوار.. انفجع لما شافها..
كانت مطفيه النور.. وجالسه على السرير متكومه على نفسها وهي حاظنه مخده وعيونها متورمه من البكا ولا بسه بلوزه رقبه..مع ان الجو مو مو بارد واجد.. بس كانت تخبي الآثار اللي تركها عريس الغفله..
سعد : ساره شفيك؟؟
جلس جنبها على السرير.. وهو يمسح على شعرها..
سعد كان اهدى شوي من عبدالرحمن,, يعني يقدر اكيد يساعدها..
ساره : وهي تشاهق وتبكي.. سعد انا .......انا......
سعد: شنو ياحبيبة قلبي قولي ولا تخافين...
ماقدرت خلاص رمت نفسها في حظنه وهي تبكي...
حاول يهديها وبعد ماهدت شوي..جاب كاس مويه..
سعد : هديتي الحين؟
ساره : وهي تشرب الماي.. ايه
سعد : طيب قولي لي وش الي مضيق صدرك..قالها وهو يمسح على خدودها,,
ساره: انا,,,,,,,,,
سعد : اسمعك......
ساره : انا مابي راشد...
سعد : طيب ليش ماصار لكم يومين..
ساره: ماحبه ومااقدر اتكلم معاه...
سعد : ساره حبيبتي انتي توك صغيره وماصار لكم شي.. وش راح يقولون الناس..وباقي العايله بعد بيتكلمون عليك..ولا تنسي اهم شي انه ملك عليك يعني لو اصريتي على رايك راح تكونين ....(مطلقه)

ساره : بلعت ريقها(مطلقه).. طيب وش اسوي..
سعد : انا راح اتفق معاك.. حاولي معاه اسبوع او اسبوعين انتي وطاقتك.. واذا ماتغير شي انا اول واحد يوقف معاك.. حلو كذا..
ساره : لكن يا اخوي....
سعد : انتبه لأثر في رقبتها.. واذا كان على جرأته معاك انا اكلمه..
ساره : حست انه عرف ليش ..عدلت بلوزتها.. وقالت اللي تشوفه يااخوي..
قام وحب راسها وقالها.. يلا غسلي وجهك وانزلي اقعدي معاهم ..
ساره : ان شاءلله..
نزلت ولما شافها بدر وسلمان..قعدوا يصفرون...
سلمان: هلا وغلا بالقمر...
ساره : هههههههه
سلمت على هدى وقعدت جنب فاتن يسولفون..
بعد شوي بدر ينادي ساره
بدر : تعالي العبي معاي نيد فور سبيد (سباق سيارات)
ساره : طيب مع اني ضامنه الفوز بس يلا..
بدر: نشوف يا شوماخر على غفله..
سلمان : لا عبدالله باخشب هع هع هع
جات ساره واخذت القير .. وجلست جنب سلمان
كانوا حاطين مخدات على الأرض وجالسين عليها..
سلمان : شوفي خذي هذيك السياره انا من شوي اخذتهاو كسرت تريك وغلبته..
تركي : لا تصدقيه ترى غشاش..
تهاوشوا اثنينهم وساره وبدر يضحكوا ويلعبوا ولا همهم..
ساره كانت قريبه لأخوانها الصغار واجد وساعات يكلموها كأنها واحد من العيال وعلموها على السيارات السبورت والدبابات...هههههههه




في بيت عم هيفاء ابو عادل
ابوعادل: هلا ومرحبا.. زارتنا البركه..
ابوناصر : الله يحييك ويسلمك....
ابوعادل : البنت موافقه..
ابتسم ناصر..
وكمل ابوعادل كلامه: والأم شرطت الملكه والزواج بيوم واحد لأنها مستعجله عندها سفره للكويت بعد شهر ونص.. وش قلتو..
ابوناصر : خير البر عاجله .. واحنا اهل مو اغراب...وش قلت ياولدي..
ناصر: اللي تشوفونه ...كان مبسوط.. اخيرا ياهيفاء بتكونين زوجتي..
عند الحريم
ام عادل : الا وين بنتك؟؟
ام هيفاء: مدري كانت هنا.. ونادتها.. هيفاء..
هيفاء كانت تكلم واحد من اخوياها بجوالها الثاني اللي امها ماتدري عنه(البنت رايحه فيها)
اكلمك بعدين باي..قفلت الجوال وخبته بجيبها.. وراحت لأمها.
نعم يمه..
ام هيفاء: اقول يمه عمك وخالك يسألو عنك
هيفاء : ليش؟
ام عادل : المعرس يبي يشوفك..
هيفاء : بضحكة دلع ..ههاااي .. طيب..
ام عادل : بتروحين لهم كذا..
هيفاء: اش فيها؟؟
ام عادل : عمك وخالك هناك...
هيفاء كانت لا بسة برمودا وباينه ركبها وتي شيرت احمر صارخ نص بدون اكمام..وباين صدرها بشكل ملفت ومغري وكأنها متعمده يبين ورايحه جايه قدام عمها وعيال عمها كذا..
ام هيفاء : عشان بس تسكت ام عادل.. هيفاء يمه روحي البسي لك قميص..
هيفاء : بدون نفس اهو مصيره يشوف كل شي ..وراحت
ام عادل استغربت من جرأتها..هالبنت ماتستحي..
لبست قميص .. وراحت للمجلس ودخلت..
هيفاء : هاي جايز..
ابوعادل وابوناصر وناصر يطالعون في بعض....
ابوناصر : وعليكم السلام شلونك يابنتي..
هيفاء جلست في كنبه مقابل ناصر وحطت رجل على رجل وفتحت زر القميص وبان صدرها ...متعمده..
ناصر كان اهو الخجلان يطالعها..صحيح هو عايش برا ومتعود على هالمناظر.. بس هنا بالسعوديه.... صعبه شوي.. الا واجد.....وهذي عروسة المستقبل..يمكن بعد الزواج تتعدل..(صدق الللي قال الحب اعمى)
وطول ماهي جالسه حاطه رجل على رجل وتحرك رجلها اللي فوق وتلعب بشعرها وتاكل علك وتتطلع صوت ينرفز..
ابوعادل ماقدر يتحملها اصلا اهو يبيها تتزوج بسرعه لأنه مو قادر يشيل مسؤليتها ولو ماابوها وصاه عليها كان تركها هي وامها...
ابوعادل: قومي يابنتي..
هيفاء: بلامبالاة وهي تتعلك.. ليش انا مو مستعجله.. وراكم شي..
ابوعادل ناظرها بنظره ..وفهمتها وقامت وهي تتمايل بمشيتها..
ابوناصر : اجل حنا نمشي .. مع السلامه..
ابوعادل : الله يسلمكم..
طلعوا وفي السياره ناصر اللي كان يسوق.. كان سرحان.. معقوله هاذي هيفاء الي كنت اعرفها..مو مصدق... ماانتبه الا صوت البوري.. فتحت الاشاره وهو مامشى..
ابوناصر : انتبه للطريق ياولدي..
ناصر : ان شاءالله.
وصل ابوه البيت..
وراح لمكان يحبه ويذكره ببيتهم ببريطانيا..
راح للبحر..
وقف عند البحر.. كان يحب البحر ويرتاح لما يتنفس هواه..شال شماغه ونزل من السياره.. فتح ازرار ثوبه.. اخذ نفس عميق.. واخذ حصاة ورماها في البحر..واخذ ثانيه وثالثه ورابعه لين تعبت يده..جلس على الرمل وحط راسه بين ايديه وهو يضغط عليه..وش اسوي..مااقدر اتراجع.. رن جواله..
نوره دقت عليه بعد ماقال لهم ابوها عن اللي صار..
ناصر: هلا نوره..
نوره: وينك.. سمعت صوت الأمواج.. وعرفت انه متضايق حييل..
ناصر: تبين شي؟
نوره : لا انتبه لنفسك.. ماحبت تطول معاه كلام لأنه تعرفه اذا كان متضايق مايحب يكثر كلام... في امان الله
سكر بدون مايرد عليها....
ظل لين الفجر..وسمع الاذان ..
شاف مسجد قريب.. صلى الفجر جماعه وبعد الصلاة.. صلى ركعتين لله واخذ قرآن وقرأ كم آيه عسى الله يروح ضيقة الصدر اللي فيه..
وبعدين رجع بيتهم.. مالقى احد وراح لغرفته.. ورمى نفسه على السرير ونام..

عند ساره....
ماجاها نووم..
نزلت تحت تصب لها شاي.. شافتها امها اللي كانت جالسه على سجادة الصلاة
ام عبدالرحمن : ساره يمه ليش مانمتي؟
ساره: ماجاني نووم..
ام عبدالرحمن : صليتي الفجر؟
ساره: ايه يمه..تامرين شي..
ام عبدالرحمن : تعوذي من ابليس واقري قرآن وحاولي تنامين ..اليوم الجمعه وخواتك بيجون يتغدون هنا..
ساره : كأن طاري خواتها خفف من همها .. ان شالله..
طلعت لغرفتها وسوت اللي قالتها امها. . ونامت.....
صحت الساعه 11 الظهر على صوت الباب يندق بقوه...
ساره : منو؟
سلمان : انا..خطيبك يبيك على التلفون..
ساره : اوووف هذا شنو يبي...زين نازله الحين..
قامت بسرعه وهي لابسه بيجامه ساتان القميص لونه بنفسجي غامق وفيه قلب على الجيب اللي فوق لونه وردي والسروال لونه وردي فيه قلوب صغار لونهم بنفسجي... نزلت واخذت السماعه
ساره : الو .. الو.. لفت وهي تقول سلمانوه مافي احد والله لأوريك يالنذل..الا..
سكتت لأن راشد كان جالس بالصاله ويطالعها من فوق لتحت وهو يعض على شفاته..
راشد : ماراح تسلمين علي.. انا اللي قلت لسلمان يناديك...
ساره: نزلت راسها..
راشد : انا عازمك على الغدا برا ..
ساره : بس ...اليوم خواتي كلهم وحريم اخواني بيجون يتغدون..
دخل سعد سمعها ش قالت لراشد .. كسرت بخاطره ساره..
سلم على راشد وقال له : اسمح لي يالنسيب خليها تتغدى معانا اليوم العايله كلها موجوده ومانستغني عن ساره..
راشد :عصب و ماقدر يرد على كلام سعد..طيب بس الليله امرك ونتعشى سوا...
ساره : طيب..
راح راشد ,, تنفست ساره بأقوى ماعندها.. وراحت حضنت سعد,, الله يخليلك لي ولا يحرمني منك..
دخل عبدالرحمن ومعاه زوجته وعياله بعد شوي جات هدى ونجلاء ... واجتمعت العايله... وساره جلست معاهم.. وتناست راشد شوي..
ناداها بدر سارووووووووووووه
ساره : نعم نعم وش فيك صجيتنا..
بدر : وهو يحرك المفاتيح اللي بيده .. تجين معاي..
بدر: وين؟
بدر: عبدالرحمن وابوي تعرفين مايتغدون الا بلبن وبما ان عبدالرحمن تعبان قالي اروح السوبر ماركت اجيب.. تجين ناخذ لفه في هاللواهيب..
ساره : ضحكت هههههههه.. اكيد بروح البس وبجي..
بدر: طيب انا استناك برا ..
راحت لبست وهي طالعه شافت سلمان.. قالت وهي ماسكه ذقنها هين ياسلمانوه اوريك اذا جيت..
سلمان : يمه وراح داخل....
ركبت السياره ومشوا وطول الطريق ماسكتو من الضحك بدر يعرف كيف يخليها تفرفش.. راحوا السوبر ماركت اخذوا بيسي حق الغدا وخذت ساره شيبس وشوكولاته وبدر اخذ له بايسون وبزر .. وهم عند الكاشيير..
بدر: ساروه نسيت اللبن..
ساره: صدق انك خبل.. يلا نروح نجيب.. مشو وهو يفحط بالعربه.. امشي عدل لا يطردونها..
بدر: هم الخسرانين........
حاسبوا ورجعوا البيت...

عند ناصر.....
نوره : يمه الساعه 12 الظهر للحين ماصحى ناصر؟
ام فهد : والله مدري روحي شوفيه..
نوره راحت لغرفته.. هو ماينام كثير 5 ساعات كفايه عنده.. دقت الباب.. مارد عليها.. فتحت الباب لقت المكان ظلام رفع راسه منو؟
نوره : انا وش فيك يااخوي للحين ماقمت؟
ناصر: روحي عني فيني النوم...
عرفت نوره ان فيه شي حتى اسلوب كلامه يتغير اذا كان متضايق.. وينام ساعات زياده..
نزلت وهي تقول حسبي الله عليك يا هيفا....