خايف ♠ ... ♠ ياقلبي خايف.. ؟ ♠╝█╚

ساره : مو قلت ماتبيني واطلع من بيتك..
ناصر: وهو يشد على كتفها.. الحين بتطلعين..
ساره : وهي تبعد يده.. اتركني مو شغلك..
ناصر: مو شغلي ها.......سحبها من يدها ورماها على الكنبه..
وضربها بكل ماعنده من قوه.......وبعد عنها.....
وهو يأشر بيده.....خلك هنا لبكره.. وياويلك لو طلعتي.. بكسر راسك ..
اخذ المفاتيح من الباب وراح فوق..
ساره .. تشوفه وهو يركب على الدرج.. ناصر.. هذا انت.. نفس الشخص اللي حبني بجنون.. بين يوم وليله تتحول وحش.. حست بشي ينزل من فمها.. مسحته.. دم.. جرحتني ياناصر.. طعنتني في شرفي وصدقت كلام واحد حقير وكذاب.. انت مثله.. كلكم مثل بعض.. انا ليش كذبت على نفسي وقلت انك مختلف عنهم.. بكت وبكت لين تعبت ونامت..
ناصر.. في الغرفه يتنفس بسرعه.. يبي يذكر اللي صار ماقدر.. معقوله .. سويت كل هذا فيها ضربتها.. واهنتها وطعنت شرفها وهي زوجتي.. اللي حبيتها من كل قلبي.. حتى ماسألتها اذا كان كلامه صحيح.. كان ودي لكن ماقدرت... الغضب عما عيوني وقلبي..
انزل اشوفها..
نزل الصاله.. لقاها نايمه على الكنب بعبايتها.. ووجها متورم.. وفي يدها منديل فيه دم..
ناصر.. شافها.. قلب ماحن عليها.. شكلها يبكي الصخر لكن كرهتها .. وخلاص ماعدت اقدر اتراجع.. مثل هيفاء.......
قام وراح غرفته ونام........
الصباح صحت... طالعت الساعه 6:30 .. حست ان كل جسمها يألمها..
غسلت وجهها.. طالعته في المرايه انصدمت؟؟؟؟؟؟
كل هذا منك ياناصر.. صلت الفجر.. طيب كيف اطلع الحين؟؟
مفايتيحي فوق.. ركبت الدرج بشويش جابت شنطتها فيها المفاتيح وجوالها.. نزلت وتوها بتفتح الباب.. شالت دبلتها وحطتها عند الطاوله اللي جنب المدخل.. مالها داعي..
طلعت من البيت.. ومشت مسافه لين وقف لها ليموزين..
الساعه 7
ناصر.. صحى من النوم مزاجه مقلوب.. نزل على طول.. مالقاها في الصاله..
طلع برا الحديقه وقف عند باب الشارع مالقى احد.. اكيد راحت من زمان.. رجع البيت وسكر الباب... انتبه لدبلتها ؟؟؟؟؟؟؟؟؟؟؟؟
حطها في يده وشد عليها بقوه..... ش سوي الحين.. طلعت من البيت وانت اللي طردتها..

وصلت بيت اهلها.. نزلت ومشت وتحس ان اغلال معقله في رقبتها ورجولها.. اغلال الهزيمه الأهانه.. الأنكسار.. اليأس..من كل شي بالدنيا.. والحقد اللي بقلبها على كل رجال.. دخلت بيتهم..وقفت عند الباب.. نزلت راسها ودموعها على خدها.......
امها وابوها واماني؟؟؟؟؟؟؟؟؟؟؟؟
ابوعبدالرحمن : قام بسرعه ووقف قدامها.. ساره ش فيك...
امها جات واماني بسرعه...
ام عبدالرحمن : ساره يمه شفيك.. من سوا فيك كذا؟
اماني : ناصر ضربك؟؟؟؟؟؟؟
حضنت امها وهي تبكي.. مايبيني يمه.. مايبيني..
امها وهي تحاول تهديها.. بس يايمه بس..
ابوعبدالرحمن : بيت ابوك هو بيتك يابنتي..
اماني.. خذيها يبه وديها ترتاح... مسكتها اماني وراحت معها فوق غرفتها..
امانب : تعالي غرفتي.. غرقتك يبي لها تنظيف.. تركتها وراحت غرفتها...دخلت..رجعت لك مره ثانيه.. نامت على السرير وهي تبكي وتشهق....

ناصر...... جالس على الدرج وحاط يده على راسه.. موعارف اللي سواه صح او غلط.. ادق عليها.. دق عليها جوالها مسكر..
ام عبدالرحمن : لاحول ولا قوة الا بالله..
ابوعبدالرحمن : دق على عبدالرحمن..لازم تجي تكلم زوجها وتعرف شنو المشكله..
عبدالرحمن : ان شاءالله بعد يومين انا برا الدمام الحين اذا رجعت يصير خير.. اهم شي لا يتهور سعد..
ابوعبدالرحمن : خير ان شاءالله..
...........
مرت ثلاثه ايام..... ساره اخذت اجازه اسبوعين..
ودوم بغرفتها وماتتكلم ولاتاكل.. وساكته.. وياسأه من كل شي بالدنيا.. خلاص مافي شي يسوى عندها.. كل شي مثل التراب.. الكل يحاول يهديها ويبون يعرفوا منها المشكله.. ماردت عليهم..
ابوعبدالرحمن : قد مايقدر يهدي سعد لا يروح يتهاوش مع ناصر..
سعد كلم نصر ومارد عليه.. هذا اللي معتبره اكثر من صديق..
ناصر.. جالس في البيت.. مايداوم.. ولسه مو مصدق اللي سواه في ساره..
..................
في بيت ابوناصر..
نوره : تسلم على ندى.. مبروك النجاح والتخرج يالدوبه..
ندى : الله يبارك فيك...
بدريه : العشا في بيتي..
ندى :اكيد وعلى حسابك..
نوره : دقي على ناصر وساره اعزميهم..
ندى :اووف كورس..
بدريه : بدت تتفلسف..
ندى: دقت على ناصر.....مارد...
اممم ادق على سارونه..
ردت : بصوت تعبان.. الو.....
ندى: هلا سارونه مرت اخوي الحلوه.. باركي لي نجحت وتخرجت.. المهم الهديه اولا.. وثانيا نصور اخوي مايرد على جواله.. ماعلينا.. انتوا معزومين على العشا ليلة الخميس في بيت بدريه اختي.......وين ناصر ابي ابشره..
ساره : ماادري عنه.....
ندى : سارونه ش فيك مريضه..ايش؟؟؟؟؟؟ وليش؟؟ باي...
سكرت الجوال.. وسكتت وكان احد كب عليها ماي بارد..
نوره : تحرك يدها قدام وجه ندى .. اييي ندوا.. ش فيها ساره..
بدريه : هزت كتفها.. شفيهم؟؟
ندى: وكانها صحت.. ها....ايه... تقول انها في بيت اهلها من ثلاثه ايام.. وماتدري عن ناصر ......
بدريه : وقفت.....ايشششششششششش؟؟؟؟؟؟؟ وماقالت ليه؟
ندى : تقول قالها ماابيك.. وطلعت.....
بدريه : في نفسها لايكون بسبب ذاك.. اخذت جوالها.. دقت على ناصر مارد.. ساره.. ماردت.. بيتهم ماردوا.....
نوره : ايش صاير؟؟ في شي تعرفينه واحنا مانعرفه..
بدريه : قومي معاي ندى..
ندى : وين؟
بدريه : نروح بيت ناصر..
قامت معها.. لبسوا وعلى طول لبيت ناصر..
نوره : كانت جالسه وفي حضنها ولدها.. الله يستر.. اكيد فيهم شي..

في بيت ابوعبدالرحمن..
ساره.. في غرفتها.. مومصدقه.. اكيد انا احلم.. راح افتح عيني الحين والقاه جنبي.. هو مايقدر ينام الا جنبي.. ناصر.. فتحت عيونها.. في بيت ابوي.. طالعت يدها.. الكدمات صار لونها ازرق.. وجسمها بعده يألمها..
رن جوالها... بدريه......مابي ارد... شنو راح اقول لها..
مسكت ومسحت اسم ناصر.. وكل الرسايل , والأغاني اللي ارسلها لها.. وصوره بعد........ خلاص ماعاد له في القلب مكان.. هو اللي اختار..
امم... ارسلها له......... فجأه انفتح الباب.......
ساره :؟؟؟؟؟؟؟؟؟؟؟؟؟؟؟؟؟؟
في بيت ناصر...
كان نايم مكانها.. على الكنبه.. وذقنه طالعه.. يطالع في الفراغ.. جواله يرن ويطالعه....مابي ارد على احد... مسج.. من ساره؟؟؟؟؟؟؟؟؟؟
فتحها.......رابط غريبه... اول مره تسويها وترسل اغنيه..
من علمك هذا الكلام.. من علمك هذي الأسيه..
وانت اللي متعود تنام..وتفتح عيونك عليا..
هذا اللي مااتوقعه.. واللي اشوفه واسمعه..
بعيش عمري من معه..لوتاخذ ايديك من ايديا..
من علمـــــــــــك..
حنيتك راحت لوين.. وش فيك ماتشتاق لي..
من بعد ذيك السنين..بديت تتمادى علي..
علمني وش سويت لك.. ش جاك مني.. ش قلت لك..
مو كافي اني مدللك..ومقدم عيوني هديه..
من علمـــــــــــك..
اول تتمنى جيتي والبعد عني يعذبك..
واللي مزود لوعتي.. الحين قربي يتعبك..
غريبه والله حالتك..ياللي الليالي غرتك..
شلون ابنسى عشرتك.. وانسى لياليها الهنيه..
من علمـــــــــــك..

نزلت دموعه... بكى بقهر... غصبا عني ياساره.... غصب عني.....
سمع صوت الجرس.. بصوت مهزوز.. ادخل..
دخلت ندى وبدريه.. ناصر؟؟؟؟؟؟؟؟؟؟؟؟؟؟؟؟؟؟؟؟؟

يسلموووووووو على البارت

ودي اعرف ليش الرجال مايسالون عن اللي يسمعونه دائما متسرعين

اتوقع بدريه راح تخبره على اللي صار لساره من ماهر الكلب

واكيد ناصر بعد مايعرف الحقيقه راح يعض اصابع من الندم

ويحاول يرضي ساره (بس ان شاء الله ماترضي عليه بسهوله)


بـــانتــــــــــــظارك


دمتـــــــــــــــــــي بــــــــــــــــــــــــــــــــــــود

غالباً التسرع من طبع الرجال

الله يعينك ياساره على ماأبتلاكً

باإنتظارك يالغاليه

ناصر متسرع وردة الفعل عنده كانت قويه

التروي مطلوب في هالحاله

الله يساعدك يا ساره

على قدر الحب بينهم الصدمه كبيرة

التسرع والتصديق احد اسباب تفكك العلاقات
يعطيكم العافيه لتواجدكم

(3 3)

غرك كلام الناس عني وتخليت..والا انت ماصدقت تسمع اشاعه..
مثلك يسامح اذا ف حقه اخطيت..عمر الشجر ماينكر جذور قاعه..
انا مو ولهان آنا..انا دنيا من الوله..محتاجك ابيك..
انا موتعبان آنا..انا دنيا من التعب..راحتها ايديك..
وانا ناقص حب ثاني..انجرح منه واعاني.. الله يرضى لي عليك..
بلا سبب تزعل وتجرح بالكلام..تقلب الدنيا على راسي وتروح..
لامعاك ينفع عتاب ولاملام..وين اسافر عن عذابي وين اروح..
انت والدنيا ياقلبي علي..انت غير الناس عندي وكل شي..

......... فجأه انفتح الباب.......
ساره :؟؟؟؟؟؟؟؟؟؟؟؟؟؟؟؟
سعد : شلونك ساره؟
ساره :نزلت راسها.. الحمدلله..
جاب كرسي وجلس قريب منها.. مسك يدها...
سعد : انا ماحبيت اكلمك في الأيام الماضيه.. قلت خليها تهدا..
ساره :...............
سعد : كلمته ومارد علي....
ساره : رفعت وجهها.. لاتكلمه..
سعد : ليش؟
ساره : خلاص......مافي شي نتكلم فيه..
سعد : ساره افهم من كلامك انك.....
ساره : هو اللي يبيه مو انا....
سعد : وانتي تبين تنفلصون..
ساره : ماتفرق معاي.. طالعت قدامها.. ونزلت دمعه حاره على خدها.. مطلقه اريح .....
سعد : ساره حبيبتي.. انا عارف انه غلط بحقك..لكن شنو المشكله بالضبط..
ساره : هو مايبيني.. ليش افكر فيه..
سعد : ولو رجع واعتذر..
ساره : ماراح يجي.. وانت وعبدالرحمن لا تكلمونه.. اذا يبيني يجي لعندي..
سعد : متأكده..
ساره : نزلت راسها.. ايه..
سعد : قام وباس راسها.. براحتك... وطلع..
كان ابوعبدالرحمن و عبدالرحمن في الصاله
نزل سعد وجلس معاهم...
عبدالرحمن : ماقالت لك سبب المشكله..
سعد : لا...وقالت لاتكلموه..
عبدالرحمن : وقف,, جنت هذي اروح اتفاهم معها..
مسكه سعد : خليها.. بعدها تعبانه..
عبدالرحمن : عصب.. مايصير.. تبي تتطلق بعد.. جنت.. تبي الناس تاكل وجههنا..
سعد : اللي صار مو قليل.. اذا هدت نعرف منها المشكله..
ابوعبدالرحمن : طيب كلمته؟
سعد : كلمته ومارد علي..وهي قالت لااحد يكلمه..
..................
في مكان ثاني..
سمع صوت الجرس.. بصوت مهزوز.. ادخل..
دخلت ندى وبدريه.. ناصر؟؟؟؟؟؟؟؟؟؟؟؟؟؟؟؟؟؟؟؟؟
كان جالس وحاط ايديه على راسه ويبكي بقوه..
بدريه جلست جنبه وحطت يدها على كتفه.. ناصر اش فيك؟؟
ندى :؟؟؟؟؟؟؟؟؟ راحت تجيب له ماي..
بدريه : ناصر.. شفيك..
رفع وجهه..
بدريه :؟؟؟؟؟؟؟؟؟؟
كان ذقنه طالع وعيونه من تحت فيها سواد.. وذابله.. مسح دموعه ووقف مافيني شي..
بدريه : ناصر.. شكلك تعبان.. مسكت يده.. بارده.. اجلس ابي اكلمك..
رمى نفسه على الكنبه.. اذا موضوع ساره لاتتكلمي احسن..
بدريه : لا راح اتكلم وانت بتسمعني..
ناصر: ................. ماراح يتغير شي..
بدريه : اخذت جوالها.. ودقت على زوجها.. وقاله انه جاي..
ندى .. ارجعي البيت مع السواق..
ندى: اوكي.. راحت .. ياربي شنو صاير..
بعد ماطلعت ندى.. ناصر كان جالس وحاط يده على جبهته..
بدريه : اسمعني.. اللي سويته كله غلط في غلط..
ناصر: وانتي من قالك..
بدريه : ندى كلمت ساره.. وقالت لها انك ماتبيها..
ناصر: بس وماقالت شي ثاني؟
بدريه : مثل شنو؟؟؟؟؟؟؟؟؟؟؟
ناصر: شد على يده يقوه..........
بدريه : ضربتها؟؟؟؟؟؟؟؟؟؟؟
ناصر: ببرود كانت بتموت في يدي.........
بدريه : فتحت عيونها ع لآخر.. ناصر.. هذي ساره.....
ناصر: لف عليها.. مابي اسمع اسمها... ولا اي شي عنها.. خلاص طلعت من حياتي..
بدريه : يعني شنو؟؟
ناصر: راح اطلقها وارتاح منها.....
بدريه : هزت كتفه.. ناصر.. انت واعي للكلام اللي تقوله..
ناصر: ايه وماراح اتراجع..
بدريه : حرام عليك تطلقها وتذبحها الف مره.. ظلمتها ياناصر.. ظلمتها..
ناصر: وقف.. وهو يصرخ.. ماظلمتها.. هي كذابه وماعندها شرف.. الحق علي انا.. وهو يأشر على نفسه.. الحق على هذا الأعمى اللي يحب ناس مايستحقوا الحب..
بدريه : وقفت قدامه.. طيب اهدا الحين واجلس..مسكت يده وجلست جنبه.. اخذت منديل ومسحت جبهته.. ناصر انت محموم..
ناصر: بعد يدها..
بدريه : روح المستشفى..
ناصر: ..............
وصل ابوسلطان.. فتحت له بدريه الباب..
دخل وشافه...
ابوسلطان : شكله تعبان؟
بدريه : حرارته مرتفعه مرره قلت له روح المسشتفى.. ومارد علي..
ابوسلطان : جلس.. شلونك ناصر..
ناصر: بخير....
بدريه : جلست جنبه.. ناصر اسمعني.. ساره......
لف عليها.. قلت لك مابي اسمع اسمها..
بدريه : طيب.. ماتبي تعرف الحقيقه؟
ناصر: عرفتها وخلاص..
ابوسلطان : لا ماعرفت شي.. لكنك للأسف صدقت كلام واحد كذاب ونصاب..
ناصر: عقد حواجبه.. ايش؟؟؟؟؟؟
بدريه : السالفه بدت قدامي.. دق عليها يهددها اذا مادفعت له 50 الف راح يدمر حياتها.. وقالت له قصة زواجها من إلى.. وسالفة التهديد والمسجات..
ناصر: فتح عيونه........وقام وقف.. انتي شنو تقولين؟؟
ابوسلطان : وقف..وازيدك من الشعر بيت.. هذا الرجال اللي انت صدقته.. كل الناس مخدوعين فيه لأن محد يعرفه هنا.. حتى اهل ساره لما خطبها انغشوا فيه.. انا وصيت ناس يسألوا عنه في الأحسا.. هذا واحد نصاب وكذاب وكان خاطب ثنتين قبل ساره واهلها ماكان عندهم علم.. وكل كم شهر يتزوج ويطلق.. ويازعم مطوع.. وكل اسبوع ياخذ وحده مسيار..
بدريه : شفت انك ظلمتها.. هي ماكانت تبيك تعرف عشان ماتصير بينكم مشاكل.. وكانت خايفه عليك تتهور ..
ابوسلطان : وين بتصدق الحين.. كلامي وكلام اختك وزوجتك او كلام واحد ماتعرفه و سمعته وسخه مثل وجهه..
ناصر: يطالعهم.....وهو فاتح عيونه.. انتو شنو تقولون.. شنو تقولون.. انهار على الكنبه.. يعني انا............يعني انا..........ضيعت ساره....
وصار يضرب صدره بقوه.. ليش قسيت ليش؟؟؟؟؟
بدريه : تبي تبعد يده.. ناصر اهدا.. كل شي يتصلح..
ابوسلطان : اذكر الله..
ناصر: حط ايدينه على راسه.. وصار يبكي بصوت مسموع.. انتو ماتدرون.. ماتدرون اش سويت,, خسرتها ومستحيل ترجع......
بدريه : ناصر.. اهدا.....
ناصر: وهو يبكي.. لاماراح ترجع........ماراح ترجع........
بدريه : شافت اخوها انهار.. يبكي ويتكلم بقهر..
رجع راسه ورا.. وهو يشهق بقوه.. ويتكلم بصوت واطي.. ماراح ترجع..
بدريه : مسكت يده.. اهدا.. وكل شي يتصلح..
غمض عيونه..
ابوسلطان : تعالي ابيك..
قاموا وراحوا على جنب بعيد عنه..
ابوسلطان : اخوك تعبان... لازم مايظل لحاله..
بدريه : شنو تبيني اسوي يعني؟
ابوسلطان : ماادري.. ويمكن يتهور ويروح يتهاوش مع ذاك..
بدريه : حسبي الله عليه..
راحت وجلست جنبه.. اخوي تبي اجيب لك مسكن؟
ناصر: بصوت تعبان..لا مابي شي....روحي بيتكم......
ابوسلطان : متاكد تبي تظل لحالك..
ناصر:.........ايه........
بدريه : اذا تعبت او شي كلمني..
ناصر: يصير خير.......
طلعوا......
يطالع في الفراغ......
خلوني لحالي عشان احس بالفراغ اللي تركته.. آآآآآآآآآآآآه ياساره.. ش سويت فيك.. طالع يده..... ليتها انكسرت.. ليتني متت ولا .......
جا عبدالله......
ناصر: ش فيك بابا ليش قعدت؟
عبدالله : منزل راسه ...... ابغى حليب..
ناصر: قام معاه وراح المطبخ سواه وعطاه اياه..
عبدالله : شرب شوي.. وحطه على الطاوله.. مو حلو..
ناصر: يطالعه بتعب.. ش فيه مو حلو؟
عبدالله : انت ماتعرف تسويه مثل ماما ساره.. ايه صح وين راحت؟
ناصر : يطالع ولده.. يتكلم ببراءة الأطفال.. لاتزيد همي ياولدي.. اشرب هذا..
عبدالله : قام.. مابي.....وراح غرفته..
ناصر: حط يده على راسه.. ش سوي ياربي.. خسرتها.. وضيعتها من ايدي.. هين ياماهر خليني ارجعها.. وانا اوديك ورا الشمس.. ياحقير..

في بيت ابوناصر........
نوره : ايش؟؟؟؟؟؟؟؟؟؟؟؟؟
ندى: والله...توي مكلمه بدريه.
نوره : ضربها... ناصر ضرب ساره... متاكده؟؟
ندى : ايه.......انا بعد مو مصدقه..
نوره : طيب ليش؟؟
ندى: زوجها السابق..............وقالت السالفه..
نوره : في احد بهالنذاله والخسه..
ندى : في هالزمن.. اكيد فيه..
نوره :حرام عليه..
ندى : منو ؟
نوره : اثنينهم ظلموها.. الله يعينها مسكينه..
ندى : تتوقعي يتطلقوا..
نوره : ضربتها.. الله لايقولها.. والله لوتتطلق ساره.. تموت وهي حيه..
ندى: الله يهدي سرهم ......الا مافي اخبار عن فهد؟
ندى : مافي جديد.. ابوي بلغ عنه.. ولاسمعنا شي.. مدري شفيها عايلتنا..
شركة ابوي يمكن تفلس وناصر عنده مشكله مع زوجته وفهد ماندري عنه.. شصاير...
نوره : الله كريم.. ازمه وتعدي ان شاءالله.. رن جوالها..
حمد : حبيبي انا برا..
نوره : طيب .. قامت وحملت ابراهيم..
ندى :وهي توصلها للباب.. عطتها شنطتها.. اقول نويره..
نوره : نعم..
ندى : انتي بعد لاتسوين لك مشكله مع حمد.. ترا موناقصين.. بيتنا مايتحمل .. خخخخ
نوره : ضربتها .. مالت عليك.. يلا باي
ندى :هههههههه سكرت الباب باي.....
في مكان ثاني..
هيفاء : ليش.. حرام عليك؟
مشعل : ههههههههه انا قلت لك اذا ماسويتي اللي اقولك عليه.. صورك بكل جوال بالدمام.. وكل موقع في النت.. وطبعا ولد عمتك ابوولدك راح يذبحك..
هيفاء : ن...ن..ناصر..
مشعل : في غيره.. ش قلتي.. تجين الليله..
هيفاء : ..........ايه.......جايه..
مشعل : الساعه 10 القاك هنا في الشقه..
هيفاء :.......طيب....... سكرت جوالها.. وحطت راسها على السرير وهي تضرب بقوه.. ياحقير ياسافل.......وبكت على نفسها..
..............
في بيت ابوعبدالرحمن.........
ساره جالسه في غرفتها.. حاضنه رجولها.. وراسها على ركبها..
ام عبدالرحمن : قومي انزلي يمه.. خواتك كلهم تحت..
ساره :............مابي........
ام عبدالرحمن : زين كلي لك شي.. ماكلتي من جيتي البيت اتقي الله في نفسك..
ساره :................وليش اكل.. وش فيها الدنيا عشان نعيش..
ام عبدالرحمن : لا يانتي .. لاتقولي هالكلام.. هذا امتحان وابتلاء من رب العالمين.. مالك الا الصبر..
ساره : ببرود ويأس.. الصبر.. الصبر مايوصل الا للقبر..
ام عبدالرحمن : قامت.. لاحول ولا قوة الا بالله.. الله يهديك يابنتي..
وطلعت من غرفتها..
ساره : بعدماطلعت امها.. ضحكت.. امي طيبه وعلى نياتها..
رن جوالها.. كان داخل الشنطه.. حست انه هو.. طلعته عشان تتاكد.. الا هو.. هذا رقمه اللي حافظته.. ليش متصل؟؟ شنو يبي بعد.. ماردت عليه..
دخلت اماني.. طالعت جوالها مرمي على السرير.. وفي مكالمه.. وهي سرحانه تطالع في الفراغ بعيون ذابله ومتورمه..
اماني : ساره..
ساره : بدون ماتطالعها.. نعم..
اماني : جلست قدامها.. رن جوالها..
طالعته ورمته على السرير بأهمال..
اماني : منو المتصل؟
ساره : هو.......
اماني : ناصر؟؟
سارره : تنهدت ........ايه........
اماني : طيب ردي عليه..
ساره : وليش ارد؟؟ مافي اي شي نتكلم فيه.....
اماني : طيب ماراح تقولي لي المشكله..
ساره : لا.........
اماني :طيب حبيبتي حتى لو كانت مشكله كبيره.. هذا ناصر.. اللي الكل يدري انه يحبك.. عيونه تقول هالشي.. مافي قلبك شي يشفع له هالغلطه..
انتي كنتي تبين نتحل مشكلتك مع ماهر ولاتتطلقي والحين تقولين ماتبين ترجعي له.. هذا ناصر ياساره.. ناصر..
ساره : ببرود.. المشكله.. انه ناصر.. المشكله انه ناصر.. مو اي احد ثاني..وبكت..
اماني : ساره .. اهدي وقولي شنو المشكله..
ساره : اماني خليني لحالي..
طلعت على طول.. تدري ماراح تقدر تتكلم معها.. ولا تقول شي,, عنيده..
بعد ماطلعت.. حضنت مخدتها.. المشكله انه ناصر.. هواللي جرحني.. طعن شرفي.. حست ان بخنجر يطعن صدرها.. حتى موضوع ال .. وماتجيب عيال.. كلمتك كسرت كل اللي بداخلي.. ليش؟؟ هانت عليك العشره.. وين حبك لي.....جرحت قلبي وانت ساكن فيه...
بعض الجروح ان جت من اغراب عادي.. الجرح موت الجرح لاجا من احباب..
مليت ادور لك عذر ياودادي.. مثل الضرير اللي ورا النور طله..
لو كنت انا الغلطان.. لوكنت بادي.. ماطاب لي نوماً ولاخاطري طاب..
يامدني ركاب الجفا للبعادي.. شمس المغيب ان جت على حبنا ذاب..
ماقساك ياسبت عناي وجهادي.. يامحمل القلب العمى.. لوم وعتاب..
ماكل هماً يسكن القلب غادي..وراعي الهوا مايستر همومه ثياب..
شبيت نار وانطفت في سهادي..الليل نام.. وطاري الجرح ماغاب..
بعض الجروح ان جت من اغراب عادي.. الجرح موت الجرح لاجا من احباب..
يوم ثاني......العصر...
اخوان ساره وابوها كانوا بالصاله..
رن جرس الباب وراح تركي يفتح..
تركي : تفضل.........دخل..
ابوعبدالرحمن وعبدالرحمن وسعد : ؟؟؟؟؟؟؟؟؟؟؟؟؟؟؟؟؟
دخل غمض عيونه ونزلها.. السلام عليكم..
ردوا وعليكم السلام..
سعد : وقف وهو يتنفس بقوه .. ليش جاي؟؟
ابوعبدالرحمن : وقف جنبه.. تفضل..
جلس.. و وده الأرض تنشق وتبلعه.. من كثر ماهو منحرج منهم..
عبدالرحمن : شنو المشكله يازوج اختي ؟
رفع : ساره ماقالت لكم؟
سعد: لا ماقالت شي.. كل اللي قالته انك ماتبيها.. شنو الموضوع..
ناصر: نزل عيونه...أنا آسف ياجماعه ومهما قلتوا ماالومكم.. انا ماقدرت اسامح نفسي على اللي سويته..
عبدالرحمن : طيب شنو المشكله بالضبط..
ناصر: الموضوع ان.........
وهذا اللي صار....

سعد :وقف وراح له وهو يصرخ.. مسكه عبدالرحمن.. اهدا..
سعد وهو يحاول يفك من عبدالرحمن .. خليني.. ضرب اختي وطردها من بيته بسبب واحد نذل مايسوى.. وصدقت كلامه عن اختي .. هذي زوجتك.. ماسالت عنها قبل لاتاخذها.. او بنات لعبه في يدك..
عبدالرحمن : اهدى هذا زوج اختك..
سعد : اتركي انا بروح لذاك الحقير ماتربى من اول مره هالمره بذبحه بيدي..
ناصر: منو؟؟؟؟؟؟؟؟
سعد : اللي صدقته وسمعت كلامه..
وقف ناصر: وانا بروح معك..
سعد : فك من عبدالرحمن وطلع ووراه ناصر..
ابوعبدالرحمن : روح وراهم لا يذبحونه..
راح وراهم..
عبدالرحمن : ناصر.. اول شي حل المشكله مع ساره بعدين ادبوا هذا النذل..
سعد : طيب..
ناصر : والله ماراح اسكت له..
دخلوا المجلس...
ابوعبدالرحمن : سلمان.. روح نادي ساره..
ناصر: حس بألم في صدره.. مايقدر يشوفها بعد اللي صار..
رجع سلمان.. تقول نايمه وماتبي تشوف احد..
قام سعد.. انا اشوفها..
راح لها غرفتها.. دق الباب..
ساره : مين؟
سعد : انا سعد..
ساره :اكيد جاي عشانه.. تفضل..
دخل لقاها جالسه والنور خيفيف يادوب يشوف وجهها.. فتح النور..
سعد : ساره قومي انزلي معي..
ساره : مابي..
سعد : حنا عرفنا المشكله.. هو جاي يعتذر لك ويصالحك..
ساره : قول يرجع بيته .. ولا يتعب نفسه..
سعد : ساره بلا عناد.. الرجال جاي للبيت.. قومي كلميه..
ساره : لو يجي لعندي ويبوس رجلي.. لأ يعني لأ..
سعد : يعني ماراح تنزلي؟
ساره : لا..........
سعد : ساره.. يمكن مايجي مره ثانيه.. ويطلقك..
ساره : يسوي اللي يبي.. ماراح اموت من دونه.. ومايهمني..
سعد : تنهد.. طيب براحتك..
طلع.. حست قلبها طلع معاه.. راحت فتحت النافذه.. جاي بالشارجر.. اكثر سياره عنده تحبها.. بكت..مو قادره ياناصر.. جرحك لسه ينزف.. حتى الكدمات لسه ماطابت..
سعد : راح لناصر.. مارضت تنزل.. اتركها كم يوم.. يمكن تهدا..
ناصر: وقف.. براحتها.. ولاتضغطوا عليها.. فمان الله..
وطلع.. ركب سيارته.. تنفس بهدوء وغمض عيونه.. ماالومك ياساره.. ومشى..
مرت عشره ايام..
ساره... تشافت من الكدمات اللي بجسمها.. وبكره تداوم.. ورافضه اي احد يفتح معها موضوع ناصر.. وهم ماحاولوا يضغطوا عليها..

ناصر.. اخذ اجازه شهر.. ماراح ارجع الدوام الا لما اصالحها.. جالس في البيت.. مع عبدالله.. بدريه وزوجها دووم يكلمومه لكن هو مايبي يشوف او يكلم احد.. يلوم نفسه كل يوم.. وكل ماحس بالوحده حقد على ماهر اكثر واكثر.. وهو متوعد له بشي..
.......
سعد : شافها وهي طالعه الدرج.. ساره تعالي ابيك شوي..
جات وهي تقول في نفسها.. يارب مايكلمني عشان ناصر.. نعم اخوي..

سعد : ش رايك نطلع نتمشى شوي..
ساره : امم اوكي..
سعد : طيب روحي البسي...
راحت تلبس...
.........
بدريه : تكلم ناصر.. شفيك؟؟
ناصر :بصوت تعبان.. مافيني شي...
بدريه : فيك شي انا جايه..
سكرت من عنده راحت لزوجها وعلى طول لبيت ناصر..
وصلوا بيته .. فتح لهم عبدالله الباب..
بدريه : وين البابا..
عبدالله : نايم في الصاله..
راحوا بسرعه له..
بدريه :؟؟؟؟؟؟؟؟؟؟؟؟؟؟؟؟؟ ناصر..
كان نايم ومتغطي ببطانه ثقيله مع ان الجو حار.. وشفاته ترجف.. وجبهته فيها حبات عرق.. ووجه ذابل مرره.. جلست قدامه.. حطت يدها على جبهته..
بدريه : تكلم زوجها.. نار..
ابوسلطان : يلا نروح المستشفى.. قرب منه.. ناصر... ناصر..
فتح عيونه بشويش..همم..
ابوسلطان : وهو يقومه.. حط يده على كتفه.. ومسكته معاه بدريه..
عبدالله: يبكي ومشى وراهم..
وصلوا المستشفى.. حطوا له مغذي ..
ابوسلطان : شفيه دكتور..
الدكتور : حرارته مرتفعه.. وضغطه نازل لأنه ماياكل بس يشرب قهوه وهالشي اثر على نبضات قلبه..
بدريه : طيب شلونه الحين..
الدكتور : الحمدلله.. استنوا ليما يخلص المغذي ويقدر يروح لكن لازم ياكل.. وبعدين عنده اكتئاب حاولوا معاه يرتاح ولا يسمع اي شي يضايقه..
ابوسلطان : طيب يادكتور..
...................
ساره مع سعد..
سعد : وين تحبي نتعشى؟
ساره : اي مكان..
سعد : امم.. نروح ستيك هاوس.. ش رايك؟
ساره : في نفسها.. مالقيت الا هذا.. ناصر اذا زعلها يراضيها ويعشيها فيه.. يدري تحبه.. عادي اي شي..
سعد : طيب..
راحوا تعشوا.. ساره اكلت خفيف.. لأنها متضايقه من المكان .. حتى ريحة الأكل.. تذكرها فيه..
سعد : مااكلتي شي؟
ساره : اكلت الحمدلله..
.............
بعد ماخلص المغذي.. طلع من المستشفى وبدريه ماسكه يده..
ركب ورا ابو سلطان.. ورجع راسه على ورا.. جلس جنبه عبدالله.. بابا شفيك؟
ناصر: ابتسم بتعب.. مافيني شي..
بدريه : حبيبي عبدالله.. ش رايك تروح معي البيت.. تلعب مع سلطان وريم واحمد..
عبدالله : لف على ابوه.. اروح..
ناصر: ايه..
ابوسلطان : ش رايك انت بعد تجي معنا البيت.. شنو تسوي لحالك..
ناصر: لا ........انا ما ارتاح الا في بيتي..
بدريه : لكن انت تعبان..
ناصر: انا بخير.. رجع راسه على ورا وغمض عيونه..
.................
بعد ماطلعوا من المطعم...
ساره : تتذكر ناصر.. كل شي يذكرني فيه..
سعد : ساره .. ماغيرتي رايك؟
ساره : لا........تكفى سعد غير الموضوع..
سعد : لكن؟؟ ناصر يحبك..
ساره : كان...... في نفسها.. مثل ماهو قسى قلبه علي .. انا بعد قلبي مثل الصخر عليه..
وقفوا عند اشاره...
رن جوال سعد.. زوجته..
لفت تطالع من النافذه..
ناصر؟؟؟؟؟؟؟؟؟؟؟؟؟؟
كانت سيارة ابوسلطان جنبهم ... وطبعا هو جالس ورا السواق .. يعني تشوفه قريب..
ش فيه وجهه ذابل.. كأنه مريض.. رفع يده وحك خشمه.. شنو هذا .. كأنه حق معذي في يده.. معقول.. يكون.. شكله حزنها.. حست انها شوي بتبكي عليه.. مشت سيارة ابوسلطان قدام.. وسعد لف يسار..
سعد : ساره ش فيك؟
ساره : طالعت قدام ولاشي...
وصلت البيت وعلى راحت غرفتها..
ام عبدالرحمن : شلونها..
سعد : الحمدلله.. لكن للآن ماتبي تتكلم في اي شي..
ام عبدالرحمن : الله يهديها..
في غرفة ساره.....
جالسه على السرير.. وصورة ناصر وهو نايم في السياره بعدها قدامها..
شنو فيني.. تو اقول بقسي قلبي عليه.. ويوم شفته تعبان.. بكيت.. ياربي ش فيه؟ وليش مريض؟ اوووه وانا ليش افكر فيه اصلا..
نزلت تحت.. سعد وسلمان في الصاله..
جلست جنب سعد..
سعد :سارونه.. شوفي جوالي ش فيه..
سلمان : ماخذ له جوال جديد ومايعرف يستخدمه..
ساره : ههههه سخيف.. اشوف..
كان جوال ساره سوني اريكسون وسعد ماخذ له جهاز جديد نفسه..
سعد : انا بروح اجيب لي شاي صدعت ..
قام وهي ماسكه جواله..
رن.. ساره :؟؟؟؟؟؟؟؟؟؟ ليش متصل؟؟؟؟؟؟؟؟؟؟؟
...........
رجع البيت جلس على اقرب كنبه..
بدريه : قوم روح فوق اريح لك..
ناصر: لا هنا زين..
بدريه : طيب.. جابت له كاس ماي وعطته الدوا..
ناصر: تقدري تروحي.. انا بخير...
ابوسلطان .. اكيد..
ناصر: ايه..
طلعوا.. طالع البيت.. يضيق القلب.. وينك ياساره.. محتاج لك..
ادري ماراح ترد علي.. هي تسمع كلام سعد.. ادق عليه واشوف..
........................
جا سعد.. لقى جواله على الطاوله..
وين ساره ؟
تركي : وهو يطالع التلفزيون... راحت غرفتها..
سلمان : الخبله رن جوالك.. رمته على الطاوله وقامت.. طالع الجوال..
ناصر محمد.... ابتسم عشان كذا.. اتصل...
سعد : هلا ناصر..
ناصر : بصوت تعبان.. هلا سعد شلونك..
سعد : الحمدلله بخير..
ناصر: ابي اشوفك اذا ممكن..
سعد : طيب ليش لأ.. وين..
..............
في شقه مفروشه..
دخلت وهي ترجف..
استقبلها..
مشعل : هلا وغلا بهيوفتي..
هيفاء: اهلين...
حوطها بيده.. ودخل معاها الصاله.. على الطاوله.. عشا وشراب..
شالت عبايتها..
مشعل :اووووووه اللبس خطير..
هيفاء: ههههههههههه شكرا..
كانت لابسه بنطلون لووست.. وتي شيرت نص طالع بطنها وصدرها..
جلست جنبه تعشوا.. بعد العشا شربوا كم كاس وطبعا دخنوا..
و................................
.............................
واقف عند البحر.. يحس بألم في صدره..
جا سعد : السلام عليكم..
ناصر: لف عليه.. هلا سعد وعليكم السلام..
سعد : استغرب منه.. شكله فيه شي.. خير اش فيك؟
ناصر :ولا شي..
سعد : خير ان شاءالله..
ناصر: انا بكلمك الحين كصديق مو اخو زوجتي.. ونزل عيونه..
سعد : طيب اسمعك..
ناصر: قبل شلونها ساره.. بخير مو تعبانه ولا شي..
سعد : ضحك.. ساره بخير.. انت اللي شكلك مريض وتعبان..
ناصر: ماعليك مني.. المهم ساره..
سعد : طيب ......
ناصر: انا محتار.. والله ماالومها لو مهما قالت وسوت.. لكن ماابي اخسرها.. قولي ش سوي..
سعد : مو عارف شنو اقولك.. الشي اللي صار مو قليل.. وهي لوكانت مو مطلقه كان اهون.. لازم الماضي يأثر عليها.. انت تسرعت..
ناصر: عارف.. وندمان.. طيب شنو الحل؟
سعد : اصبر شوي خليها تهدا.. احسها لسه تعبانه..
ناصر : طيب كلمها الحين لما ترجع البيت..
سعد : احاول معها.. لكن تعرفها عنيده.. ماتلين بسهوله..
ناصر: ذكرها لما تزعل ويراضيها.. نزل راسه..غطى عيونه بكفه.. وطاحت دموعه..
سعد : مسك كتفه.. ناصر.. ش فيك..
ناصر: ..................
سعد : اهدا يارجال.. صدقني ساره تحبك لكنها مكسوره..
ناصر : لف على الجهه الثانيه ومسح دموعه.. ورفع وجهه للسما.. تنفس بقوه.. ماالومها..
سعد : اكلمها اليوم وارد لك خبر..
مشوا كل واحد بسيارته..
وصل سعد بيتهم...
كانت ساره بالصاله..
سعد : جلس قدامها.. ساره.. طالعها.. نفس الشحوب والنظرات اليائسه .. تحبه اكيد.. لكن تكابر..
ساره : وهي منزله عيونها نعم..
سعد : انا كنت مع ناصر الحين..
رفعت وجهها.. هالأسم يجرح قلبها ويداويه.. طيب..
سعد: يبي يتفاهم معك..
ساره : ا.....ا.......هو مريض؟
سعد : عقد حواجبه... شلون عرفتي؟
ساره : ها.......ايه..شفته لما طلعنا من شوي ..
سعد :ههههههههه عرفت الحين ليش سرحانه واحنا في السياره..
ساره : فيه شي؟
سعد : ليش تسألي عنه؟
ساره : هااااااا.......ولا شي.. خلاص وقامت...
سعد : وقف جنبها.. ساره الرجال تعبان مرره.. والندم بيذبحه..
ساره : طيب شنو تبيني اسوي له؟؟
سعد : هو بس يبي يشوفك ويعتذر لك..
ساره : لا مو وقته....
سعد : متى وقته؟
ساره : ماادري..
رن جوال سعد.. طلعه من جيبه.. شاف المتصل.. طالع ساره وابتسم..
هذا هو متصل شنو اقول له؟
ساره : ماادري كيفك.. ومشت للدرج..
سعد : رد هلا ناصر...
ناصر: بصوت تعبان.. هلا فيك بشر..
سعد : والله تقول مو وقته.. لسه ماخده على خاطرها..
ناصر: طيب متى؟
سعد : ماادري.. عطيها كم يوم.. بكره هي راح تداوم .. يمكن تهدا نفسيتها شوي..
ناصر: طيب.. مشكور ماقصرت..
سعد : ياهلا فيك..

بعد يومين..
ساره في مكتبها..
ناصر: كان واقف عند المواقف.. انزل..او لا.. فتح الباب.. ونزل...
كان وقت الغدا.. اغلب الموظفين طلعوا.. اكيد ماطلعت..
مشى.. قريب مكتبها.. حس دقات قلبه وصلت مليون..
باقي متر بس للباب اللي كان مفتوح شوي..
شافه ابواحمد : هلا استاذ ناصر..
ناصر: ه.هلا فيك..
ساره : سمعت صوته.. ليش جاي..
بعد ماسلم عليه.. دق باب مكتبها..
ساره :.............ماقالت تفضل ولاشي..
دخل.. زي عادتها في يدها اوراق وتكتب على الكيبورد..
ساره : بدون ماترفع عينها... نعم.. الحين وقت بريك..
ناصر: يطالعها.. تتصنع القسوه.. انا...
ساره : ببرود.. انت شنو.. بسرعه مشغوله..
ناصر: ساره.. اسمعيني..
ساره : مو فاضيه.. بعدين..
كانت تشوف انعكاس وجهه في الشاشه.. مبين عليه تعبان.. ونظراته كلها ندم..
ناصر: طيب.. أ......
رن تلفونها.. ردت وقامت تتكلم.. ولا كأنه موجود..
وقف دقايق وهي لسه ماخلصت مكالمتها.. طلع من مكتبها.. بعد ماركب سيارته.. رجع راسه وغمض عيونه بقوه.. ماتبي تشوفني..
بعد الدوام.. رجعت البيت...
سيارته قدام بيتنا.. ليش جاي ماادري..
دخلت البيت..
سلمت على امها.. جات بتركب الدرج..
طلع سعد من المجلس وناداها.. ساره ..
لفت ووقفت نعم.. انتبهت له جالس في المجلس ومنزل عيونه..
سعد : تعاللي المجلس ابيك بموضوع..
ساره : ادري انه هنا.. شنو يبي؟
سعد : ليش جاي يعني؟؟
ساره : قوله مابي اشوفه ولا اكلمه.. وعلت صوتها شوي تبيه يسمع..
سعد : هذا زوجك..
ساره : زوجي اللي ماعنده ثقه فيني.. هذا صدق كلام واحد مايعرفه.. بكره يجيه اي واحد ويقوله انا اعرف زوجتي ولي علاقه فيها .. راح يصدق ويمكن يذبحني.. قوله لا يتعب نفسه احسن.. مو قال مايبيني.. ليش جاي؟
وركبت الدرج..
كان يسمع كل كلمه تقولها.. وكلامها يقطع قلبه اكثر.. لو تجي وتضربني ماالومها.. اللي سويته مو قليل.. قام وقف واتجه للباب...
دخل سعد وشافه : طول بالك..
ناصر: ماالومها.. وطلع..
جلس في الصاله..
جات زوجته..
رنا: شنو صار.. ماتصالحوا؟
سعد :لا.. المشكله كل واحد فيهم يحب الثاني ومبين.. حتى لو كابروا.. وفي نفس الوقت كل واحد عنده غرور وعزة نفس ومايبي يتنازل عنها عشان الثاني.. غريب حبهم صحيح..
..............
كان صديقي وكان حبه الأبدي.. بل كان حبهما حكاية البلدي..
واستغرب الناس كيف القصة انقلبت..الى خصام.. الى هجر.. الى نكد..
اما انا الشاهد المجروح بينهما..سيفان من نار يختصان في كبدي..
هو التقاني مريضا..تائه القدم..محطم القلب.. ادنى اصبع الندم..
كل ياصديقي طبيبي واحتمل المي..
هل قابلتك هل حدثتها عني..هل حزنها كان اقسى ام انا حزني..
وذلك العطر هل لازال يغمرها..ام غيرته..نعم..نعم.. زعلانة مني..
خسرتهـــــــا..يالطيشي لابديل لها..
بكــــى صديقي..آآآآآآآآه..
هي التقتني وقد شحبت ملامحها..وكما يذوب الشمع في النار..
كان اسمه لو مر يجرحها.. مسكت يدي وبكت..وبكت..وبكت كأعصار..
هو الذي دمر احلامي..هو الذي امطرني هما..
لكنني اوصيك خيرا به..كأنني صرت له ام...
بالله هل لازال مضطربا..اخشى عليه نوبة اليأس..
احساسه العالي سيقتله..خوفي عليه..لاعلى نفسي..
بلغه ان الريح قد خطفت بنتاً على الميناء.. يعشقها..
وليتجه لشواطئ اخرى.. فسفينتي بيديه اغرقها..
وكلمتني..وكلمني.. وكلمتني..وكلمني
للصبح غدي..
مافارق الهاتف السهران..كف يدي..
عودا لبعض..او انفصلا الى الأبد.. سيفان من نار تختصمان في كبدي..
وفيكما الآن شوق الأم للولد..........

بعد اسبوعين.. ناصر ماحاول يكلمها.. وسعد تعب معها.. ماتبي تشوفه ولاتكلمه...
ناصر يكلم سعد..
ناصر :طيب انا بس ابي اشوفها..
سعد : ماادري ش سوي تعبت معها.. ماله داعي اقولك عن عنادها..
ناصر: ابتسم.. احب عنادها وكل شي منها.. طيب والحل..
سعد : مافي الا حل واحد..
ناصر : شنو؟
سعد : اقولك بعدين..
سكر من عنده وكلم عبدالرحمن..
عبدالرحمن : الليله اجيكم ويصير خير..

بعد مارجعت من الدوام..
لقت عبدالرحمن في الصاله..
سلمت عليه.. مبين عليه انه معصب.. تخاف منه اذا عصب..
مشت بتروح..
عبدالرحمن : بنبره حاده .. ساره..
لفت وهي خايفه : نعم..
عبدالرحمن : لي متى الزعل.. الرجال جا مرتين واعتذر من ومنك.. شنو تبين بعد...
ساره : منزله راسها..
عبدالرحمن : بصراخ.. ردي.. شنو تبين؟
ساره : بصوت يرجف.. مابي ارجع ...له..
عبدالرحمن : ايششششششش؟؟؟؟
ساره : خافت.. عصب..
عبدالرحمن : تبي تتطلقي بعد عشان تصير سيرتك على كل لسان.. شوفي زوجك هذا مافي احسن منه ولو غلط بحقك واعتذر ماراح تخرب الدنيا..
ساره :...........لكن......
عبدالرحمن : ياما حريم يسوون فيهم ازواجهم المصايب وصابرين .. وانتي على غلطه تبين الطلاق.. مسك كتفها.. شوفي اذا بكره جيت ولقيتك هنا..
راح تتطلقي وبتشوفي شي ثاني.. شغل مافيه.. وتقعدين بالبيت لآخر يوم في عمرك.. بصراخ.. فاهمه........
ساره : شوي بتبكي.. ايه.........
عبدالرحمن : روحي يلا..
ركضت للدرج دخلت غرفتها ورمت نفسها على السرير وبكت بقهر وقوه..
ليش يااخوي ليش.. انت والزمن علي.. ماابيه اكرهه.. صار الحين هو المظلوم.. صرت انا الغلطانه .. وليش استغرب اخوي مثله... رجال.. اكرهم كلهم.. مثل ماكرهني..
يبوني ارجع له غصب.. اذل نفسي.. خايفين من كلام الناس وموخايفين علي.. ليش ياربي ليش؟؟؟
سعد : كأنك قسيت عليها شوي؟
عبدالرحمن : احسن.. عنادها ودلعها مو علي انا..
الرجال لو مو شاريها ماجا لعندها مرتين..
اماني : وراح لها الشغل بعد..
سعد : بعد.. وش سوت؟
اماني : ولا كأنه موجود..
سعد : ضحك...
اخذت جوالها ويدها ترجف.. دقت رقمه اللي حافظته.. هذي ثاني مره برجع لك مذلوله ومكسوره.. مكتوب علي الذل والقهر على ايد كل رجال بحياتي..
مارد......... بعد مسوي الأخ زعلان.. احسن حجه..

...............
في بيت ناصر....
عقد حواجبه : متصله؟؟؟؟؟؟؟؟؟؟؟؟؟
اخوها شنو سوى لها.. دق عليها..
ساره : كانت حاضنه نفسها وتطالع الفراغ.. وتفكر كيف راح ترجع له.. يمكن تغير .. صار واحد ثاني.. اكيد راح يضربني كل يوم.. و..........
طالعت جوالها.. هو متصل.. ردت بصوت يرجف وتعبان : الو..
ناصر: فيها شي.. هلا ساره..
ساره : اهلين..
ناصر: دقيتي؟
ساره : ايه.. كنت نايم؟
ناصر: اذبحها..من متى انام الساعه 8.. لاكنت اخذ شاور..
ساره : ......نعيما.............
ناصر:الله ينعم عليك.. شلونك اليوم؟
ساره : ياكرهي.. اليوم شايفني في الشركه.. الحمدلله..
ناصر:.......................
ساره :...........................
ناصر : ايه ليش كنتي داقه؟ تبين ؟
ساره : الا تبي تذلني..أ...أ... بعدك تبيني؟
ناصر: ابيك.. انا ابيك اليوم قبل بكره جنبي.. ولو بيدي رجعت الزمن لورا ولا زعلتك بكلمه وحده..
ساره : ايه كثر منها ماعنده الا هالكلام اللي يصفه وانا اصدق , لكن من اليوم ورايح بتشوف ساره ثانيه.. طيب.. متى بتجي؟
ناصر: بفرح اجيك الحين؟
ساره : لا.....تعال بكره..

(34 )

ناصر: ابيك.. انا ابيك اليوم قبل بكره جنبي.. ولو بيدي رجعت الزمن لورا ولا زعلتك بكلمه وحده..
ساره : ايه كثر منها ماعنده الا هالكلام اللي يصفه وانا اصدق , لكن من اليوم ورايح بتشوف ساره ثانيه.. طيب.. متى بتجي؟
ناصر: بفرح اجيك الحين؟
ساره : لا.....تعال بكره..
ناصر: مايبي ياخذ ويعطي معها عشان ماتعند وتغير رايها.. طيب متى تبيني اجيك؟؟ ش رايك اخذك من الدوام؟
ساره : لالا.. تعال بعد الدوام.. خذني قدام اهلي..
ناصر: ش سويت فيها ياسعد.. اوكي مثل ماتبين..
ساره : مع السلامه.....
ناصر: الله يسلمك....
سكر من عندها وهو مبسوط.. لكن قلبي يقول في شي راح يصير.. لكن اخاف تردني مره ثانيه......
لوفرضنا كنت انا البادي بخطاي.. واعترفت بذنبي كله وغلطتي..
اعذريني واسمعي صوتي ونداي.. باتعذر لك واعاند عزتي..
من بعدتي وانا في همي وشقاي.. ضيعت دربي السعاده..
درب السعاده خطوتي..
ان رضيتي شرقت شمسي بسماي.. وان زعلتي فيني ضاقت دنيتي..
فوقك الله.. لاتزيدين بعناي.. لاترديني وقدري عنوتي..
مايغرك ياشقى قلبي وهناي.. لو سمحتي لي اوضح كلمتي..
اعتذاري كان اثبات لهواي.. ولا تخليني اعيش بحسرتي..

ساره.. كرهت كل شي.. ذليت نفسي له .. لكن هذا اللي يبونه اهلي.. كلمه والثانيه الرجال شاريك.. ليش سياره من سياراته شاريني من الوكاله.. الله يسامحكم ياسعد وعبدالرحمن..
ماقدرت تنام.. خايفه من بكرا..
ناصر.. مو قادر ينام.. مبسووط ومستعجل ليجي بكره.. لكن خايف يروح لها وترده مره ثانيه..
................
في بيت ابوناصر..
هيفاء تكلم مشعل..
هيفاء: شنو تبي اكثر.؟؟
مشعل : في واحد من ربعي عجبتيه ويبيك..
هيفاء : ايش؟؟؟؟؟؟ واحد من ربعك؟؟؟
مشعل : ايه.. متى بتجي؟
هيفاء : مشعل.. انت قلت اطلع معاك وبتعطيني كل الصور.. شنو سالفة ربعك بعد..
مشعل : امم.. بس كذا.. اش قلتي جايه او لا؟؟
هيفاء : بعد يومين.. امي ملاحظه علي ..
مشعل : ماشي ياهيوف.. راح اصبر يومين بس.. واذا ماجيتي ياويلك..
وسكر الخط بوجهها..
هيفاء : ش سوي الحين.. انا اللي عمري ماراح اتعلم.. كل مره اقول آخر مره.. ارجع وامشي في طريق الغلط مره ثانيه.. ماتعلمت من السجن.. ياربي.. اروح لمنو يساعدني.. ماعندي احد.. خالي لو عرف راح يذبحني.. وعمامي تبروا مني.. وابوي.. الله يرحمه.. اروح لمنو؟؟؟؟؟؟؟؟؟
.....................
يوم ثاني الصباح..
ساره : صحت من النوم.. مالها مزاج اي شي.. لبست ونزلت..
ام عبدالرحمن : ساره .. يمه افطري كلي شي..
ساره : وهي طالعه مالي نفس ..
وصلت مكتبها..
؟؟؟؟؟؟؟؟؟؟؟؟؟؟
باقة ورد كبيره على مكتبها..
اكيد منه.. طالعت الكرت كبير.. مكتوب فيه..
متى نرجع مثل اول..حبايب عن بعض نسأل..
وننسى كل شي صار.. ومهما يصير مانزعل..
متى نرجع مثل اول..
خذتنا هموم وجابتنا..ومدري وين ودتنا..
صحيح الفرقا هزتنا..وكل ايايمها تنمل..
متى نرجع مثل اول..
تعال وخلنا نرجع..تسمع وانا لك اسمع..
ترى هالغيبه ماتنفع..ياليت لحلها نوصل..
متى نرجع مثل اول..

بعد ماقرت الرساله:هههههههههههههههههههه
هذاك اول ياناصر تجيب راسي بالكلام الحلو والهدايا.. لكن الحين لا..
.. حتى لو رجعت معاك .. ماراح ارجع ساره القديمه.. تغيرت ياناصر انا مو مثل اول..
.....
الساعه 5 العصر.. دق عليها..
ساره : ش يبي بعد.. مابرد عليه.. اخلص شغلي عشان اروح البيت.. والله ماودي اروح.. لكن.. جات في بالها فكره..
طلعت شغل كان مأجل.. اسويه عشان مااخلص بدري.. لاحقه على الهم..
ناصر : بعدك على عنادك..لا تردي.. الليله انتي عندي...
طلع من بيته وراح بيت اهل ساره...
جلس مع سعد وابوها..
سعد : الحين تجي..
ناصر: لف على سعد.. شنو قلت لها..
سعد : ضحك..انا ماقلت .. عبدالرحمن هو اللي عطاها كم كلمه وماقدرت ترد عليه..
ناصر: في نفسه.. بعد راجعه لي غصب عنك..
الساعه 7...... ماجات.. ادق عليها.. ادري عنها تعاند..
سعد : يطالع ساعته.. تاخرت.. ادق عليها.. دق عليها وحط سبيكر..
ردت : هلا سعد..
ناصر: تتكلم بدون نفس.. ياحبني لها..
سعد : وينك تأخرتي؟
ساره : اكيد مستعجلين على فراقي.. انا في الطريق كان عندي شغل..
سعد : طيب ..

وصلت البيت.. اوووف سيارته عند الباب..
دخلت مافي احد في الصاله.. ركض للدرج..
وقفها صوت ابوها يناديها..
لفت وهي على نص الدرج.. نعم يبا..
ابوعبدالرحمن : تعالي يابنتي زوجك في المجلس..
ساره : اممم .. دقايق وانزل..
ابوعبدالرحمن : طيب يابنتي لاتتأخري..
راحت غرفتها اخذت شاور سريع ولبست بنطلون اسود وقميص ابيض.. وخلت شعرها مفتوح.. حت غلوس وردي وكحل..مالي خلق اكشخ له.. ونزلت..
تمشي لباب المجلس.. تجر رجولها جر.. دقت الباب..
انتفض من مكانه.. اكيد هي..
سعد : تفضل..
فتحت الباب ودخلت وهي منزله عيونها.. السلام عليكم..
ناصر: وقف وعليكم السلام.. طالعها.. نظراتها مكسوره.. اكيد مغصوبه ترجع لي.. مشتاق لها..
سعد :ضحك..ههه ادخلي ليش مستحيه..
ساره : في نفسها.. مستحيه..ههه الا مو طايقه اشوفه.. دخلت وجلست على كنبه مفرده..
سعد : هههههه قرب لناصر.. الله يعينك على عنادها.. وقام.. اشوف على خير يالنسيب.. وطلع..
ساره : حست ودها تطلع وراه.. ريحة عطره تخنقها.. بعد ماكانت تذوبها..
ناصر: يطالعها.. ناويه شي.. اعرفها.. قام وقرب منها..
ساره : اوووووف منه..
جلس لأقرب كنبه لها..
حطت رجل على رجل وصارت تهز رجولها..
ناصر: ابتسم.. شلونك؟
ساره : بخير.. وهي تطالع الجهه الثانيه..
ناصر: مسك يدها.. سحبتها بقوه.. بدينا عناد..
ساره .. انا..
لفت عليه..انت شنو؟؟
ناصر: ؟؟؟؟؟؟؟ انصدم من نظراتها.. حاقده علي بقوه.. نزل عيونه.. رفع.. لسه نفس النظرات..
ساره : حست انها زودتها.. لفت عينها..
ناصر: ساره.. اسمعيني بس..
ساره : وقفت.. اسمعك في البيت..
ناصر:وقف جنبها..حس وده يحضنها لكنه تراجع.. قربه منها يضعفه.. في البيت؟؟ يعني..
ساره : مشت ايه.. بروح اجيب اغراضي..
مسك كتفها.. رفعت عينها عليه.. وجات في عينه.. حست ودها تبكي من نظراته.. كلها ندم واسف..
ناصر.. عيونها تقول حاقده اكثر من قبل.. ساره ابي اعتذر لك..
ساره : تبي تفك يدها.. مو وقته وبعدين مافي فايده ..
ناصر: ليش؟؟؟؟؟؟؟؟
ساره : خلاص.. كل شي تغير.. اتركني بروح البس..
ناصر: تركها.. وهو مصدوم من كلامها..
رجعت ... وهي تعدل شيلتها بدون ماتطالعه.. يلا نمشي..
ناصر : وقف قدامها.. مسك كتوفها وقربها منه.. ساره اذا انتي راجعه لي غصب عنك .. خليك هنا احسن..
ساره : تطالعه.. انت شنو تبي بالضبط.. مو هذا اللي تبيه.. انت واخواني..
ناصر: انا مالي علاقه باللي سواه سعد وعبدالرحمن..
ساره :.. مو تبيني ارجع لك..
ناصر: مسك خصرها.. وباس جبينها.. يعني سامحتيني..
ساره : قربه منها يعذبها.. ايه..
ناصر: ماقدر يقاوم اكثر حضنها بقوه... وحشتيني..
ساره : ماسوت اي ردة فعل..
بعد.. مسك يدها .. يلا نمشي..
..............