كوكبــــــــي الوردي ~~

سارة،، · 05-Nov-2009, 11:56 PM

مشرفتنا السبيعيه ..

التميز وسااام على صدر الحرووف
لاعدمت هالمرور والتشجيع

دمتي متابعه ،،

سارة،، · 06-Nov-2009, 12:03 AM

{ اِنْتِمَاءْ ,

أنِيْنُ حُلُمْ ,

//
\\

يُبَه شِفْنِيْ .. عَلَىْ كَفّ الغِيُوْم أَنْقِشْ تَفَاصِيْلِيْ
حِكَايَات الكِبَرْ .. بِيْت العُمُرْ .. مَعْزُوفَة أَحْلامِيْ

أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ
طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ

تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ
وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ

بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ
سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ

أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ
يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ

شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ
بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ

عَلَىْ أَطْرَافِ الشِّفَاة اليُوم .. غَنَّتْنِيْ .. مَوَاوِيْلِيْ
تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ

وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ
عَنْ أَشْوَاكِ القَهَرْ وشْلُوْنْ نَامَتْ .. تَحْت أَقْدَامِيْ

تِهِبّ الرِّيْح .. وِيِتْرَامَىْ حَنِيْنْ .. وَاَلْتَحِفْ وِيْلِيْ
وَأَخَبِّيْنِيْ .. وَرَىْ ذَاكْ الجِدَارْ بِسَلَّة .. أَعْوَامِيْ

يُبَهْ قَبْل الشَّهَرْ زِرْتَهْ .. طَرِيْقٍ كَانْ يِضْوِيْ لِيْ
قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ

عَدَدهَا كَانْ عِشْرِيْنٍ تِهَذْرِيْ مُوْت .. تِبْكِيْ لِيْ
هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ

هِنَا خَانْ الصِّدقْ كِلِّكْ .. هِنَا كِنْتِي تِنَادِيْ لِيْ
هِنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ

حَكَىْ لِيْ كَمْ سَنَة مَرَّتْ .. وَأَنَا أَطْلِقْ بِالدُّجَىْ خِيْلِيْ
أَدَوِّرْ مِنْهُوْ يِسْمَعْنِيْ .. وَأَرِدّ بْسَرْج أَثَامِيْ

بَذَرْتْ الحُبّ بِدْرُوبِيْ .. وِقَفْتْ أَنْطِرْ .. مَحَاصِيْلِيْ
نِبَتْ قَمْحِيْ .. سَنَابِلْ طَعْنْ .. وَأَعْلَنْ حَزَّةْ إِعْدَامِيْ

خَشَعْ .. قَلْبْ الحِزِنْ .. فِيْنِيْ بَعْدْ هَمْسَاتْ تَرْتِيْلِيْ
وِكَثَّفْ آهَتِيْ عَبْرَة .. وِبَلَّلْ شِيْلَة لِثَامِيْ

يُبَهْ .. شُوْفْ الغِيُوْم الّلِيْ عَلَىْ كَفْهَا .. تَفَاصِيْلِيْ
تلاشت .. بَعْدِمَا سِمْعِتْ .. خَبَايَا مُوْجَزْ أَحْلامِيْ

//
\\

, تَلاشِيْ }

وَأَحَاوِلْ أَخْتِبِيْ فِيْنِيْ .. وَأَضِيْع ومَا أَلاقِيْنِيْ ..
وِيِصْرِخْ بِيْ حَنِيْنِيْ لِيشْ ..!
وَأَجَاوِبْ [ تَاهَتْ سِنِيْنِيْ ] ..
وَأَسْمَعْ صُوْتْ يِشْبَهْ لِيْ .. يِنَادِيْنِيْ .. يِنَادِيْنِيْ ..
" تَعَالِيْ .. حِيْلْ مِحْتَاجِكْ ! " ..
وَأَلَبِّيْ لَهْ .. [ هَذَانِيْ جِيْتْ ] ..
تَعَالْ ولِمِّنِيْ فِيْنِيْ .. ضَيَاعِيْ مَلْ تَرْتِيْبِيْ .. وَأَصَوِّتْ لَهْ ..
" يَاهَذَا الصّوْتْ !
... تِعِبْتْ سكُوْتْ !
.... أَمَانَة لِمِّنِيْ فِيْنِيْ !
..... [ أوْ إِنِّيْ أَسْكِنِكْ وَأمُوْتْ ] "

سارة،، · 06-Nov-2009, 12:08 AM

لـ الصبح..لـ أصوات العصافير..لـ بكاي
ـــــ لـ أحلامي الخجلى وأنا وسط عينه

لملمت بعضي | جيته أركض من أقصاي
ـــــ بـ يدي حنين / وذكرياتٍ حزينة

الصّمت طوّل وإعتذاري من أشياي
ـــــ فنجان شوقي / غرفتي / والمدينة

الكلّ فـ غيابه تململ من اخْطاي
ـــــ والكلّ صرّخ يا [ وطن ] فاقدينه

والضّيق جاورني حضن خط ممشاي
ـــــ لين إختنق من قوّ دمعي .. ونيـنه

محتاجة أشرح له بعض جور دنياي
ـــــ كيف الضّياع أًصبح لقلبي | سكينة

من علّمه يكسر أمانيه جوّاي !
ـــــ مافهمه وشلون جبر الغبينة !

عندي يقينٍ بـ إنه أكبر خطاياي
ـــــ وإن أبسط جروحي سببها يدينه
وإن أبسط جروحي سببها يدينه
وإن أبسط جروحي سببها يدينه
وإن أبسط جروحي سببها يدينه

سارة،، · 06-Nov-2009, 12:15 AM

يوووه ياذيك الأغاني ,
..... وإبتسامات المدينة !

يووووه ياذيك المواني ,
..... يوم تسألني | حزينة !

وأتلعثم في جوابي ..
ويرتبك فيني صوابي ..
منهو فينا اللي يضحك ..
دون مايجرحه [ صوت ]

" ترى هالموت مو كلمة ..
ولا حتى مفارق ناس ..
ترى هالموت إحساسك ..
ب إنك بالحجر | تنقاس "

وأتعثر !
ب إحتياجي ,
ب إنكساري ,
ب إحتمالات الهروب ,
من مضيقي .. ل إنفعالي ..

" بس تعالي ! "
كان صوته ..
أتوهّم !
لا صوته ..
لا سكوته ..
ويستتب فيني الذهول ..
لحظة اللي لي | وصل ,

كان مُتعب ,
كان مُرهق ,
والسنين اللي مضت به ..
جرّحت به ..
وغيّرت منه كثير ..
حتى إنّي ماعرفته ..

بس صوته | ماتغير ,
ونفسها نبرة سكوته ..

" راجع أبجمع بك تعب عمري وأروح
.............. إيه موجع إني من دونك أعيش
كنت مخطي يوم قلت إن الجروح
.............. تغني المقفي وأثاري كان طيش "

كان طيش !
كان طيش !
كان طيش !
كان طيش !
كان طيش !

سارة،، · 06-Nov-2009, 12:19 AM

المشاركات الثلاثة الاخيرة من روائع

الشاعره / رزان العتيبي

سارة،، · 06-Nov-2009, 12:33 AM

يا صاحبي لو رحت .. يا كثر مـن راح
وإن رحت ادوّر عنه .. تهت ف/ طريقه!
وانا آتشبث بالصبر .. والصبـر بـاح
ان كان عندك صبر .. بعنـي دقيقـة!
نسيت من كثر الحزن .. طعم الأفـراح
وذكرت من قل الفرح .. كل ضيقـة!
مرتـاح؟ لا والله مانـيـب مـرتـاح
ما اقدر اخبّي عنك .. هذي الحقيقـة!

سارة،، · 06-Nov-2009, 12:35 AM

عَلّمُوني بالمَدَارِس إنّ " ياء "
ــــــــ تَجْعَل من الكِبْر مَفْهُومٍ لَطِيفْ !
وفَهمُوني بالشَّوَارِع إنّ " لاء "
ــــــــ شَيء يَجعَل هالوَطَن جِدّاً مُخِيفْ !

سارة،، · 07-Nov-2009, 01:55 AM

،

غنّيت و " الجرح " يمسحني و يكتبني
....... غنّيت .. للدفتر المخنوق .. و الذكرىْ..!

يا معتّق الشعر في صدري و " ناكبني"
....... خلّيت كلّ الدفاتر .. طايشه ... سَكْرا ..!

لا الصّوت ياصل ولا صمتي يناسبني
...... لكني أكتب عشان " أتنفّس" لـ بُكرىْ ..!

سارة،، · 07-Nov-2009, 02:06 AM

،

مو بس انا ..
.. مو بس انا ..
حتى الشجر في بيتنا ...: يبكيك ...!
ياللي غيابك هالسنه ..
خلاني أدعي لي ..\ عليك :
يا شيخ روح ..
يا شيخ روووح ..
يا شيخ رووووووح ..

...: رووووووووووح " الله ياخذني إليك " ..!

،

سارة،، · 07-Nov-2009, 02:16 AM

يمرّ في صدري الليلة كلامٍ كثير
بأحاول أحكيه لكن من يبي يسمعه ؟

أنا من العام لاطيّب ولاني بخير
ياليت جرحي هدية وأقدر أرجعّه

الجرح يبقى لو أن الحبّ حبله قصير
الجرح [ موضوع ] لاشافه رفيق رفعه !!

ياليت حظي مثل بعض الأوادم كبييير
وياليت حزني حبيب يروح وأوّدعه !!

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

زفات	دليل الافراح	اكاديميه افراح	تواقيع العرسان	تنسيق ميزانيه الفرح	تولبار افراح	مركز التحميل	اتصل بنا
المتجر النسائي	المتاجر الخاصه	دليل المواقع	العاب افراح	تدريب الالكتروني	الطب البديل	الاسره المسلمه	اعلن معانا
البوم صور افراح	مقالات للعرسان	بطاقات افراح	جوال افراح	المؤثرات الصوتيه	فساتين افراح	كوش أفراح	شبكة افراح

كوكبــــــــي الوردي ~~

شعر وخواطر