روايةشواطئ المحبة

الجزء الثــ 12 ــاني عشر

شالية أبو محمد

حوراء : بكرا جودي تكمل الـ19 وتدخل الـ20 ..
العنود : وااااو ما أتخيل جود عمرها عشرين .. أحسها فتفوته (عربجية)
حوراء : حرآآك عليج جود نعوومه
العنود : لانج وبقرف قالت - ناعمه- فالكل ناعم عندج مالت عليج
حوراء : طيب فضيها سيره نفسي اهديهم شئ مميز ..
العنود : ليه بتسوي حفلة ؟
حوراء : تعرفي أنهم ما يؤمنون بهلاشياء ..
العنود : غريبة رغم أنهم متحررين
حوراء : صحيح أنهم متحررين بس متمسكين بدينهم الحلال حلال والحرام حرام :(
العنود : طيب شرايج في ........................
حوراء : واااااااو فديت هالمخ بس خليني أدور الأغراض
العنود : وحطي ذاكـ الأحمر وياهم بعد
حوراء : على أمرج سيدتي ..
ضحكت العنود
مما خله حوراء تفكر شوي في العنود بدت ترجع لحالتها الطبيعية ماعادت ذيك العربجية الحين كلاامها عادي مثل أي بنت وحتى شعرها مطولته وصايرهـ دوم تلبس تنانير وهي إلا تكرهم بس لو ترضى بالمكياج !! الله لا يرجعها لذيك الأيام إلا أخوانها يعتبرون بنات تحت تصرفاتها !! والسبب في كل ذا أبوي الله يهداهـ ..
تنهدت وراحت تكمل شغلها ..
.*.*.*.*.*.*.*.*.*.*.*.*.*.*.*.*.*.
تركي بخبث : الهدية
حامد : وممكن تفصح عنها
تركي : مجموعة من الذبان ..
هادي + محمد + زيد + حامد + فارس : ههههههههههههههااي
حامد بستهبال : ياشيخ غيرها .. مو حلوة
زيد : بالعكس مررة حلوة وأنا بهديها جودي وأنت دور شي غير الرومنس
هادي يستهبل : وأنا بهدي جود نمل وقمل
حامد بمزحه : خير تهدي أختي وين قاعدين .. وبعدين لا تنطق أسم أختي
هادي يحب رأس حامد وبستهبال : أسف عمي المطوع حامد ماتتكرر إن شالله ..
حامد : أيه أحترم نفسك
الكل : ههههههههههههههههه

.*.*.*.*.*.*.*.*.*.*.*.*.*.*.
في سيارة أبو فيصل
أم ريما : مسكين هالولد ماتهنى في حياته أبد
أبوفيصل : أسمعي يامرة أنا جبتج هنا تخففين على الولد مو تزيدين عليه
أم ريما : إن شالله ..
أبوفيصل وهو يطفي السيارة : يلاا نزلي
أم ريما وهي تناظر البيت : هذا هو البيت ؟
أبو فيصل : أيه ..
أم ريما : والله ما تغير من ماتت أم جواد الله يرحمها ..
أبوفيصل : الله يرحمها .. يلاا ننزل
نزلوا وطقوا الجرس بعد دقايق فتح لهم جواد الباب ..
أبوفيصل : السلاام عليكم .. عظم الله أجرك ياولدي
جواد بحزن : وعليكم السلاام .. أجرنا وأجرك ..
أم ريما : أحسن الله عزاكـ ..
جواد : تسلمي يأم ريما .. تفضلوا ..
البيت كان عبارة عن صالة متوسطة الحجم و3 غرف نوم وحمام (الله يكرمكم ) ومطبخ ( دور واحد )
جلسوا في الصالة إلا عبارة عن جلسة أرض متواضعة
جواد : سامحوني ماراح أضيفكم شئ ..
أم ريما بحنان : وش دعوهـ ياولدي محنا غرب ..
ناظر فيها نظرة طويلة .. دمعت عيونه ذكرته بأمه إلا فقدها نفس نبرة الحنان في صوتها
أبوفيصل بصرامة مو معتادهـ منه : أسمع ياجواد أنت لازم تعيش عندي .. مالك أي حجة الحين ..
جواد : إن شالله بس أخواني ..
أم ريما : لا تخاف أنا بقول لهم ..
جواد : وبيتقبلوني ؟
أم ريما : أكيد ياولدي أنت أخوهم الكبير وقدوتهم ..
هز رأسه وسكت ..

ياترى وش قصة جواد ؟؟
.*.*.*.*.*.*.*.*.*.*.*.*.*.*.*.*.*.
(اليوم الثاني )
عند فيصل

طلع من عند غيداء راضي عن نفسه ناوي يرويها الويل لانها تزوجته متحدي نفسه عشان يشوف من بيفوز في النهاية
رجع الشالية وهو شايل هم الشباب كيف بيتحمل أسئلتهم البايخه عندهـ ولا ملااقتهم ولا سوالفهم إلا مالها معنى عندهـ ..
وقف سيارته ونزل .. توجه عند مجلس الرجال
فيصل : هاي
أبو فارس يخزهـ : وعليكم السلاام والرحمه
تركه فيصل وراح عند الشباب وجلس عند تركي ..
حامد : وينك يا فيصل رحت ولا جيت .. ؟
فيصل : ابد والله كنت مشغول شوي ..
هادي : وش هالشغله الا أهم من جلست أهلك ..
فيصل بغرور : مو شغلك ..
زيد : طيب لا ينط لك عرق بس ..
ناظر فيصل فيه وحقرهـ ..
حامد : أنا رايح شوي ..
زيد : بروح معك ..
حامد : يلاا قم ..
فارس : لا تبطوا عشان بنلعب كورة ..
حامد و زيد : طيب ..
راح حامد عند سيارته وأخذ هدية خواته
أتصل لجودي وقال لها تجي هي وجود ..
جودي : هلاا والله بـ أخوتي ..
زيد : هلاا فيك أختي ..
جود تتكلم فصحة : أحم ماذا تريدون منا ؟ نحن مشغولات $
حامد : الله عاد بمشاغلكم ..
جود مازالت تتكلم : لا دخل لكم بمشاغلنا !! هاتوا ما لديكم بسرعة !!
حامد : طيب أفف منج .. كل عام وأنتوا بخير وعطى كل وحدهـ هدية ..
جودي : تسلم يا قلبي .. ليش كلفت على عمرك ..
حامد : أفاا عليج بس ..
جود تخز زيد : وأنت وين هديتي ؟!
زيد : الهدية ؟ أإأهـ جود وش ذا ؟ (يأشر فوق )
شاف مصاص على الارض شالها وقال : تفضلي ياأختي العزيزة ..
جود : وععععع مالت عليك ..
جودي : هههههههههههههه ..
زيد : أمزح معكم .. تفضلوا يا أخواتي العزيزات .. طلع علبتين وعطاهم ..
جودي وجود : يسلمووو ..
زيد بضحكة : العفوو ..
.*.*.*.*.*.*.*.*.*.*.*.
شالية أبو محمد

العنود : يلاا حوراء تأخرنا على البنات
حوراء : طيب طيب شوي بس ياعنود ..
العنود بعناد : أولا أسمي العنود واسمي المستعار (قاهرهم ) ثانيا الحين تنزلي ..
حوراء : أفف منج قلت زين .. خلصت أوكي
العنود : أيــه .. يلا نمشي
حوراء : طيب ..
العنود : وينه حضرته أخوج للحين ما شرف ..
تركي من عند الباب : شرفت وخلصت خلصينا أمشي ..
العنود : ياثقل دمك ..
تركي : ياشينك ..
العنود : ياسخفك ..
تركي : يا ......
قاطعتهم حوراء : سكتوا خلااص رأس يألمني منكم
العنود : البرنسيسة ما تستحمل ..
تركي : وأنت الصادقه على رأسها ريشة ..
العنود : ريشة ولا تاج ..
تركي : ذهب ولا فضة ..
العنود : كولميت وأنت الصادق ..
حوراء : أستغفر الله .. أستغفر الله ..
تركي : يلاا روحوا ولا أشوفكم مناديني مع هالاكياس حشى !! ولا حجر على هالثقل
حوراء : مالك دخل !!
العنود : يلاا عطنا مقفاكـ بس ..
دخلوا داخل الشالية بعد ما فتحت لهم الشغالة الباب ..
ما كان في أحد في الصالة ركبوا فوق سمعوا أصوات من غرفة جودي وريما .. دخلوا لقوا البنات كلهم هناكـ : السلاام عليكم ورحمة الله
الكل : وعليكم السلاام ورحمة الله وبركاته ..
العنود بدفاشة : أخباااااااااااار الحلوين ؟!
جود بهبال : حمدلللللللللله رب العاااااالميييييييييييييين ..
راحت حوراء وباست جودي على خدها : كل عام والحلوة بخير
جودي : تسلمي ..
وقدمت لها الهدية والعنود عطت جود هديتها ..
منار : أحم أحم الحين جاء وقت مفاجئتنا أنا وريما ..
أبتسمت ريما وهي مالها مزاج بس عشان جودي وجود ما بتخرب عليهم ..
وقفت منار : الرجاء من السادة الكرام التوجه إلى غرفتي المزيفة ..
.*.*.*.*.*.*.*.*.*.*.*.*.*.
عند الشباب

فارس : يلاا شباب نلعب كورة ..
الكل : يلاا
طلعوا برى المجلس كان عدهم ساحات ملعب خلف الشالية كبيرة مرة وكان في مجموعة من الالعاب
تقسموا فريقين
فارس و محمد و حامد
تركي وفيصل و هادي
زيد الحكم لانه ماله خلق يلعب >> حجج !!
بدأ اللعب كانوا متحمسين إلا فيصل كان يجاريهم باللعب
فارس : أإيووووهـ أإيووووهـ عاشووا 2-0 ..
حامد : فارس أنتبه بسرعة ..
مالحق فارس
تركي : قووووووووووووووووول
يهز خصرهـ هادي : قوول وقوول ههههااي
وأنتهه الشوط الاول 2 لصالح فريق فارس و 1 لصالح فريق تركي ..

انتهى البارت :)
ملااحظة : إلي مدقق في الرواية ممكن يلااحظ في بعض الأحيان أن أحمد يسمى أبو فارس معنه هادي أكبر من فارس >> في سبب
وأمل تسمى أم ريما ويوسف أبوفيصل >> نفس الشئ له سبب
وإن شالله البارت الجاي راح تعرفوا ليش

الجزء الثــ 13 ــالث
أنتهه الشوط الاول 2 لصالح فريق فارس و 1 لصالح فريق تركي ..
وأبتداء الشوط الثاني ..
محمد يعاند تركي : يلاا شوت شوت أشوف يالجبنه ههههااااااااي
حامد : هادي يلاا أشوفكم ما تلعبوا خايفين نيهااهاا
تركي : قووووووووول هههههههههاااي منو الجبنة الحين
فيصل بصدق (لاول مرة) : قووول إيوة إيوة كفك تركي
مد تركي كفه بضحكة : هههاي
محمد وهويشوت الكرة : قووووووووووووول ههههههههههههااي أستانسوا على كيفكم الحين عااد ههه
(وأنتهت المبارة بفوز الفريق الأول 3-2)
.*.*.*.*.*.*.*.*.*.
عند البنات
دخلوا البنات غرفة جود ومنار
انبهروا من الغرفة كان نور الشموع مضوي المكان والبالونات معلقة على الجدران .. وفي الوسط كانت كيكتين
وحدهـ على شكل قيتار تجنن كانت والثانية مرسوم عليها صورة جود وجودي ..
تجمعت الدموع في عيون جودي وراحت بسرعة ضمت ريما ومنار : مشكوررين ياقلبي ماتدروا قد أيش فرحتوني ..
غمزت منار لها : مابعد تشوفي شي ترى
جودي بعيون مدمعة : هذا واجد علينا
ضمتها ريما من ورى وتناست أنها زعلاانة منها : هذا شويه في حقكم يالغلاا .. يلاا ولا ماتبي الهدية
جود بلقافه : إلا أجل وش فايدة صياح جودي ترى مصلحه
شهقت جودي : ياكذابه أنا أصيح عشان مصلحه ها !!
جود : أي أجل لو ...........
تقاطعهم حوراء : خلااص حصل خير ..
منار وريما : كل عام وأنتوا بخير .. وعطوهم كيس كبير كل وحدهـ مرسوم عليه صورتها (وهي صغيره طبعا ) فتحت جود الهدية كانت عبارة عن سلة فخمة مرة وفيها لوحة خشب حلوة مربعة محفور فيها كلاام وصوره جود بالفحم مرسومه وهي تأكل مصاص .. وجودي نفس الهدية بس الفرق الصورة جودي كانت تلعب بالرمل ..
جودي : مررهـ حلوهـ تسلموا
ريما ومنار : العفوو ياقلبي أهم شي تعجبكم
جودي : أكيد دامنها منكم
العنود بشقاوه : وهديتنا يعني ما بتفتحيها
ضحكت جود : اوكي راح نفتحها .. فتحت جود هديتها كانت عبارة عن مخده كبيره مره على شكل قلب مكتوب عليه love‏ وتحتها عمرها 20 .. ومجموعة ورد طبيعي
أما هدية جودي كانت صندوق كبييييير فيه ورد مجفف ودبدوب أحمر ووسط الصندوق البوم .. فتحت جودي الألبوم وفجأة : ههههههههههههه من هههههه وين هه أختيها ؟!
شافت حوراء الصورة وأبتسمت : هه سرقتها من إلبومج ..
جودي : ياللعينة متى ؟
حوراء : أخر مره يوم إزورج في بيتكم
جودي : دبه .. ( الصورهـ كانت جودي يوم كان عمرها 3 سنين الشعر كشه وتأكل الايس كريم ومسويه لها شنب بالايس كريم )
وقفت جود : بروح أجيب هدية أخواني
جود : وأنا بعد ..
جت جودي وفتحت هديتها كانت تلبيسة لابتوب (cover‏ ‏) فرو ورديه تناسب لابتوها ..
منار : واااو عليه ذوق اخوج
جودي : مايغلى عليج
منار : لا غناتي .. عليج بالعافيه ..
جود : اممم شكل العلبة حلوه وش داخلها ..
العنود : فتحيها بنشوف ..
جود : طيب .. وفجاة شي يتطااير عليهم
البنات ماعدى العنود : ييييييييييييييييييييييييييمه ..
العنود : ههههههههههه تخافوا من ههههههههه ذبـ ههههههههه ذ.. با..ن ههههههههههه
أستوعبوا وش ذا جود بعصبية : زيدوووهـ السخيف ..
جودي : ههههههههههه
اخذت جوالها واتصلت عليه
.*.*.*.*.*.*.
عند الشباب

بعد ما خلصوا لعب أخدوا ليهم شاور سريع ..
وجلسوا يسولفوا ..
رن جوال زيد شافه المتصل وقعد يضحك ..
هادي : خير زيووود من المتصل ..
زيد : أختي أكيد فتحت الهدية ..
هادي : ههههههههههه أحلف سويتها ..
زيد : أفاا عليك ..
هادي : منت هين .. رد ردتطلع لينا من التلفون
زيد : الوو
جود بقهر: وأنت ساعة لين ترد على التلفون ..
زيد وهويكتم ضحكته : ماسمعت كنت مشغول
جود : إلا ومشاغلك .. وبعصبية .. وش هالهدية إلا جايبها الناس تهدي شي عدل مو أنت ..
زيد : ههههههههههههههههه ليه ما عجبتك ؟
جود : لا طبعا ..
زيد : طيب الزبدهـ ..
جود : أبي هدية ..
زيد : عطيتج ..
جود : ماعجبتني ..
زيد : شسوي لج يعني ..
جود : عطني غيرها ..
زيد بملل : وش تبغي .. مللتيني ..
جود : ودني باسكن أنا والبنات ..
زيد : والبنات شكوو .؟
جود : كيفي ؟.
زيد : اففف .. طيب 10 دقايق وأشوفكم برا
جود بفرح : اووكيشن .. باي
زيد : باي ..
.*.*.*.*.
هادي : بل كل هذا تهذر مع أختك ..؟
زيد : شسوي نشبتلي ماهي راضيه تسكر
هادي : وين بتوديهم ؟
زيد : باسكن روبنز .. تبي ..؟
هادي : لا مسوي رجيم ..
زيد : الله يخلف عليك ..
هادي : طم حلقك بس ..
زيد : يلاا باي
هادي : باي

رن جوال فيصل في هاللحظة
فيصل : الوو
أبوفيصل : فيصل
فيصل : نعم يبآآ ..
أبوفيصل : تعال الحين البيت ..
فيصل : ليش يبآآ صاير شيء ..
أبوفيصل : أنت تعال وتعرف ..
فيصل : طيب ..
أبوفيصل بشدة خفيفه: وجيب ريما معاك ..
فيصل بتوتر : إن شا لله ..

سكر من أبوهـ وقام
حامد : وين فيصل ؟
فيصل : أبد قريب عند الولد
فارس : طيب شفيك متوتر ؟
فيصل يبتسم : أبد .. يلاا عن أذنكم
الكل : اذنك معك ..
اتصل لريما وقال ليها بيرجعوا قالت ليها أنها في باسكن عصب وقال لا تتحركوا أنا جاي ..
وصل باسكن نزل لريما وراح سيارة زيد ..
زيد : هلاا فيصل ..
فيصل : هلاا زيد .. وين رايحين ..
فيصل يمسك أعصابه : أبد قريبين .. ويطل من النافدة يلاا ريما
ريما : طيب ..
فيصل : مع السلاامة زيد
زيد : في حفظ الرحمن ..

في السيارة
فيصل : أنتي كيف تسمحي لنفسك تطلعين بدون أذن ؟ ها شايفه أمي وأبوي مو هنا تطلعين على راحتج
ريما : أنت الحين ليش معصب ؟ ممكن تفهمني .. البنات رايحين يشتروا شلون يعني ما أروح ؟ وبعدين وش دراني أنك موجود .. من كثر ما أشوفك يعني ..
فيصل : ولوو ممكن تتصلين فيني وتستأذني ..
ريما : الحين انت جاي تأخدني بس عشان تسمعنيي هالكلاام ؟!
فيصل : لا طبعا ليش أتعب نفسي عشانج ؟ ! وناظرها بطرف عينه
ريما : وين بتوديني ؟
فيصل ببرود: البيت ..
ريما : شنووووو ؟ حرام عليك بتوديني البيت س عشان طلعت بدون أذنك
فيصل بغيض : لو على كيفي كسرت راسج ..
ريما : مالك دخل فيني دام أبوي عايش ..
فيصل : جاب ولا كلمة ..
.*.*.*.*.*.*.

عند البنات
بعد ما رجعوا من باسكن
حوراء : يلاا بنات نستاذن
ريما : وين بتروحوا ؟ تو الناس !
منار : أي والله جلسوا ..
العنود بحزن : ودنا والله بس ما نقدر ..
جودي : على راحتكم ..
حوراء وهي تبوس جود على خدها : نشوفكم على خير
جود : إن شالله .. عيدووها هاا ..
ابتسمت العنود : طيب ..
بعد ما راحوا
نزلوا تحت ماعدا جودي كانت تعبانه وقالت بتنام
قعدت تفكر اليوم كان مررهـ حلوهـ مفاجاة البنات وفارس ..
( تذكرت اليوم قبل ما تطلع لحامد شافت فارس
فارس : جودي
جودي :نعم
فارس : أنا مزعلج في شي
جودي : لا
فارس : عجل ليش تكلميني كذا .؟
جودي رفعت حاجب : شلون يعني ؟
ارتبك فارس : يعني مو مثل أول ..
جودي رمت القمبلة : ليش ما تسأل حبيبتك ..
ابتسم فارس كان شاك في هالشي : اهاا .. السالفة فيها حبيبتي من قال لج ؟!
جودي بحزن : محد .. أنا عرفت بنفسي ..
فارس : يافديت إلا يعرفون .. وش رايج أراويج حبيبتي .؟
جودي بعصبية : أنت .. أنت واحد مجنون
فارس رفع حاجب : مجنون لاني براويج حبيبتي يا حبيبتي ..
ما أنتبهت جودي لكلمة (حبيبتي) : شكرا مابي أشوف هاللناس ..
فارس : ليش تغارين ؟!
توردت خدودها : ومن أنت عشان أغار عليه
فارس : أنا عاشقج ..
جودي ذابت بس كابرت : لا تفكرني بصدقك بهلكلمتين ..
ومشت
فارس : جودي أحبـــــــــج
وقفت مكانها وحطت أيدها على فمها : أنت مجنون رسمي
فارس وه يحك راسه : شسوي فيج موراضيه تصدقيني
ضحكت وراحت )
آآآآآآآآهـ طلع يحبني من قدج ..

يـــتـــبــع

تــابع

آآآآآآآآهـ طلع يحبني من قدج ..
.. لا ياجودي أنتِ صدقتيه هو ما يحبج يحب إلا يكلمها ..
لالا مستحيل هو يحبني هو قال
.. يكذب عليج يالغبيه مو هو قال لج تعرفينها يعني هي موجودهـ ..
شلون يعني يكذب علي
.. أنت أدرى ..
وانقطع الكلاام بين جودي ونفسها لانها نااامت وهي تفكر!$

.*.*.*.*.*.
عند فيصل

فيصل : يلاا نزلي
ناظرته ريما وماتكلمت ونزلت وصقعت بالباب
فيصل من وراها : عمى بعينك .. ماتعرفين تسكري الباب بشويش ..
ريما : أنتظرك تعلمني ..
فيصل : أحترمي نفسك لا يجيك شي ..
أبوفيصل : بسم الله وش فيكم تتهاوشون ..
فيصل : شوف بنتك يبآآ ..
أبوفيصل ناظر ريما : وش مسويه..؟
ريما : والله يبآآ ما سويت شي .. هوو .. انتبهت لواحد قاعد خلف أبوها شهقت وتغطت بسرعة وراحت بتركب الدرج
أبوفيصل استانس من حركة بنته (ونعم التربية ياأمل ) : ريما تعالي هنا ..
ريما بصوت منخفض : لكن يبآآ في واحد ..
أبوفيصل : هذا أخوج ..
فيصل وريما : شنووووووو ؟!
أبوفيصل : زي ما سمعتوا .. هذا أخوكم جواد ويحط أيدهـ على كتف جواد ..
ريما : شلون يبآآ ؟ أنا ماعندي إلا فيصل ..
فيصل : يبآآ أنت متزوج على أمي ؟!
أبتسم أبوفيصل : وأنا أقدر أتزوج على الغالية ..
ريما : شلوون أجل ..
أبوفيصل : أنتوا تعالوا وتعرفوا ..
.*.*.*.*.*.*.*.
عند الرجال (الأستراحة )
بعد ما راحوا محمد وتركي ..
قام أبوهادي : أسمعوا ياولاد أحنا اليوم إن شالله راجعين ..
حامد : ليش ياعمي ؟!
أبوحامد : سالفة صايرهـ وزم نرجع ..
أبوهادي : أنتوا الحين كبرتوا ولازم تعرفوا الحقيقة ..
أبوحامد : لا يا أحمد لا تقول ..
فارس : أي حقيقة ؟ عن شنو تتكلم يبآآ ..
ابوهادي : في سالفة صارت لعمكم ..
أبوحامد : أحممممممممممد ..
أبوهادي : بس هم بيعرفوا سواء الحين او بعدين ..
ابوحامد : صحيح كلاامك .. قول
زيد : قول ياعمي .. تراك خوفتني ..
أبوهادي : لا تخاف ياولدي .. السالفة ومافيها أن عمكم قبل ما يتزوج المحروسة أم ريما كان متزوج ..
هادي : عمي كان متزوج !!
تنهد أبوهادي : أيه كان متزوج من أم جواد الله يرحمها .. ما كان يحبها بس أبوي الله يهداهـ زوجها أياهـ غصب
وجاب منها جواد وفيصل ..
حامد : فيصل !!!
أبوحامد : أيه ياحامد فيصل وجواد أولاد أم جواد ..
هادي : طيب وشلون خالتي أم ريما ؟
يكمل أبوهادي : بعد ما جاب عمكم جواد وفيصل ما قدروا يعيشوا مع بعض .. وتطلقوا
علاامة استعجاب على روس (حامد* زيد*هادي*فارس*)
أبوحامد : عمكم أخد فيصل يعيش عندهـ ماقدر يربيه بروحه وتزوج أم ريما وجاب ريما .. وزوجته أخدت جواد لكن بعد فترة أكتشفت أنها مريضه بالخبيث .. ماقدرت تتعالج لانه كانت فقيرهـ وماتت وظل جواد عند جدته تربيه .. والحين جدته ماتت ..
زيد : ماتت ؟
أبوهادي : أيه ماتت .. عشان كذا بنرجع ..
.*.*.*.*.
أم حامد : ها يأم هادي وش رايج ؟
أم هادي : والله تعرفي ياوخيتي الشور مو بيدي بس إن شالله يوصلج الرد إلا يرضيج قريب
أم حامد : آخذوا راحتكم ..
دخلوا البنات في هاللحظة
أم حامد : بنات وين ريما ؟
منار : راحت مع فيصل خالتي
أم هادي : طيب يلا قوموا شيلوا قشكم بنرجع ..
جود : ليش مو كأنه بدري ؟
أم حامد : جوود قومي وأنتي ساكته ..
جود : حااضر

انتهى البارت

هل ريماوفيصل بيتقبلوا جواد في حياتهم ؟!

والبنات وش رد فعلهم ؟!

الجزء الرابـ 14 ــع عشر

أم حامد : ها يأم هادي وش رايج ؟
أم هادي : والله تعرفي ياوخيتي الشور مو بيدي بس إن شالله يوصلج الرد إلا يرضيج قريب
أم حامد : آخذوا راحتكم ..
دخلوا البنات في هاللحظة
أم حامد : بنات وين ريما ؟
منار : راحت مع فيصل خالتي
أم هادي : طيب يلا قوموا شيلوا قشكم بنرجع ..
جود : ليش مو كأنه بدري ؟
أم حامد : جوود قومي وأنتي ساكته ..
جود : حااضر
.*.*.*.*.*.*.*.*.*.*.
( قصر أبوفيصل أو بالاصح (أبوجواد) )

فيصل بذهول : يعني أنت أخوي (يأشر على جواد) وأنتِ مو أمي ( يأشر على أم ريما )
أبوفيصل : لا يافيصل أمل أمك الأم هي إلا تربي ياولدي
وقف فيصل متجاهل كلاام أبوهـ : يعني منتي أمي .. أمي أنا ماتت وناظر في جواد
دمعت عين جواد ونزل راسهـ
لف على ريما : وأنتي أختي من أبوي
ريما طول الوقت ساكته تبي توزن الأمور فيصل مو أخوها من أمها وأبوها
هي أمها غير عنهم .. جواد أخو فيصل ..لما استوعبت ابتسمت
استغرب فيصل ابتسامتها : ليش تبتسمين .. ؟
ريما : لانه الله حقق مناكـ وصار عندكـ أخو وبتفتك مني مو هذا كلاامك ؟
سكت فيصل فترة .. وش فيها ذي خرفت ولا ويش .. استرجع كلاامها " لانه الله حقق مناكـ وصار عندكـ أخو " ..
أنا عندي أخوو لف ناظر أبوهـ و جواد و ريما وتجاهل أم ريما ( مايدري ليش بس مايبي يناظرها ) : عندي أخو
هههههههههههه أنا عندي أخوو
استغرب أبوفيصل تصرفات أولادهـ : فيصل فيك شي ..
فيصل بفهاوهـ : لا .. ليش .؟
حط أبوفيصل يدهـ على خد فيصل : متأكد مافيك شيء ياولدي أعقل وتعال سلم على أخوك ..
همس فيصل : أخووي .. ناظر في جواد وراح حضنه أخوي وحشتني
ضحك جواد كان شايل هم فيصل : هههه متى شفتني يانصاب
فيصل : أحس فيك ياخووي
أم ريما : الله "ياخووي" محلاا الكلمة من لسانك يافيصل ..
ناظرها فيصل وبجفا قال : أكيد حلوهـ دامني أقولها لاخووي "شدد على كلمة أخوي "
دمعت عينها فيصل زعلاان منها هو دايما كذا إذا زعل ..
قامت ريما من مكانها ورقت الدرج بسرعة ماتبيهم يشوفوها وهي تبكي ..
تضايق جواد شكل ريما ماتبيه والدليل أنها رقت وهي تبكي
مسك أبوفيصل يد أم ريما وانسحبوا بهدوء ..
أمافيصل يوم شاف جواد تضايق طلعت حنيته حط أيدهـ على كتف أخووهـ : لا تتضايق فترهـ وتعدي ..
جواد : هذا إلا كنت خايف منه أنكم ما تتقبلوني ..
فيصل : لا تشيل هم يأخوي .. ريما طيبه وصدقني بس تعرفك بتحبك ..
جواد : إن شالله .. ابتسم وأنت وش فيك كل كلمة والثاني أخوي وأخوي
فيصل بستهبال : وأنت وش عليك أخووووي وكيفي ..
جواد : ههههههههههههه ..
فيصل يجر جواد : أمش معي ..
جواد : وين بتوديني ؟!
.*.*.*.*.*.*.*.*.*.*.*.*.*.

(قصر أبوحامد)

حامد : صج صج يبآآ خطبت ريما لي .. ؟
أبوحامد : أي ياولدي خطبتها ..
حامد : إنزين يبآآ متى الملكة ؟
أبوحامد : بسم الله توني مكلم عمك اصبر يسأل البنت أول ..
حامد : يووهـ مطوولين .. لف على جودي : جوويدهـ بلييز قولي ليها لاتطول في الرد
أم حامد : هوو ياولدي خلي البنت تأخد راحتها في التفكير ..
حامد : أوووهـ ما تحسوا فيني أنتوا .. أنا أحبهـــا
أبوحامد : ياولد وش فيك أثقل .. واليوم لا تروح مكان عشان نروح العزا ..
حامد : إن شالله يبآآ
ابوحامد : يلاا قومي يامرهـ ننام ,،
جود بشقاوهـ : يبآآ يبآآ وانت لازم أمي تنام معاكـ أتركها معنا شوي
حامد بهبال : جوود وش فيك أبوي يحب أمي ما يقدر يستغني عنها
جودي تدخل معهم في الجو : اي أبووي يحب أمي مووت هو قال لي ذاك اليوم
أم حامد تضربهم بالمخاد : أستحوا على وجيهتكم ياولاد ..
أبوحامد : تركيهم عندج ماقالوا شي غلط أنا أحبج وهذي حقيقة ..
أم حامد : بس يا محمد مو قدام العيال ..
زيد : أووهـ أووهـ أمي تستحي ..
أم حامد : زيدووهـ وأنا أقول أنت الوحيد العاقل طلعت أعظم ..
أبوحامد : هههههههههههههه .. أتركيهم عنج وأمشي ..
جود : أيه أبوي مستعجل ..
خزها أبوها .. وهي سكتت .. بس راحوا ..
الكل : ههههههههههههههههههههه
زيد : جودي أبيج ..
حامد : أووهـ أووهـ وصل الطلب جويدهـ
جود : جودوهـ لا يكونأحد خاطبج من وراي ..
أحمر وجه جودي : ياسخيفه أنطمي ..
حامد وجود : ههههههههههههههههه ..
زيد : بس عااد ما صارت .. امشي جودهـ واتركيهم عنج ..
حامد : ها سيد زيزو من متى من ورانا ها ..
زيد : مالك دخل سر بيني وبين أختي .. وتركه وطلع مع جودي الحديقة ..
جود : أقول حموود ماتبيني أنت بعد .. موو كل واحد قام وأخد نفر معاهـ ما بقى إلا أنا وأنت ..
حامد : ههههههههه حلوهـ نفر ذي .. خلااص ولا يصير بخاطرج قومي لبسي ..
قامت بسرعة وباسته على خدهـ : يا فديتك ياخوي .. راحت تركض وفجأأة
: آآآآآآآآآآآآآآهـ .. ووجع
.*.*.*.*.*.*.*.*.*.



عند ريما

قاعدة في غرفتها وتبكي فيصل من الله ما يحبها ودوم يزفها والحين طلع عدها أخو أكيد مثله إذ مو أعظم ياربي وش هالبلوة ليش ماعندي أخت أشكي لها همي .. بدون شعور منها أخذت الجوال واتصلت على حامد ماتدري اتصلت على من قلبها هو إلا دلها ..
حامد : آلوو ..
ريما تبكي : .......
حامد عقد حواجبه : من معي .. ؟
زادت بكي : حاامد ..
حامد بشك : ريما ؟
عودت تبكي : .........
نبض قلبه بقوهـ : ريما .. ريما ليش تبكي .. ردي علي ..؟
لاشعوريا قالت : أبيــك محتاجتلك .. اهئ اهئ
حامد : ياقلبي أنتِ وش فيك ؟؟ علميني ..
ريما بس تبكي : ............
حامد بعصبية خفيفة : ريما إذا ما تكلمتي الحين ترى والله والله أجئ لك ..
ريما : لالا تجي .. بس بس
حامد بحنية : بس شنوو .. ؟
ريما : أبي جودي .. اهئ
حامد : خلااص قلبي الحين أجيبها بس لا تبكي ..
ريما : طيب بسسسرعة اهئ ..
حامد : طيب ياقلبي بس لا تبكي ..
ريما : أنتظركـ ..
حامد : أوكي أنتبهي لنفسك .. باي
ريما بهمس : باي ..
.*.*.*.*.*.*.*.*.

عند فيصل
فيصل أخد جواد وراح به للبحر مايدري ليش أختار هالمكان بالذات بس يحس أنه فقدهـ كان دايم يجيه بس من تعرف على (سعد) ماصار تهمه هالاشياء ..
جواد : ليش جينه هنا .. ؟
تجاهل فيصل كلاامه : من زمان كان خاطري يصير عندي أخوو ..
ابتسم جواد : وأنا بعد .. جدتي كانت تقول لي دايما الله يجمعك بأخوكـ ..
فيصل : الحمدلله الله حقق دعائها .. ماتتخيل شكثر أنا محتاج لكـ ..
جواد : وأنابعد ..
فيصل : من زمان كان نفسي أحد يعلمني الصح من الخطأ .. واجد أشياء في حياتي أبي أحد يشاركني الراي فيها
جواد : أبوي موجود عندكـ ..
ضحك فيصل بستهزاء : أبوي .. هه أبوي إلا عندي على قولتك كان دايم مشغول مشغول لدرجة مايدري وش نسوي في حياتنا صمنا صعنا صلينا حتى خطر في بالي لو أحد منا مات مادرهـ عنه ..
جواد : لهدرجة أبوي مايدري عنكم ؟ طيب وش شاغله عنكم ؟
فيصل : أبوي طيب بس لكل واحد عيوبه أبوي همه تجميع الفلوس وبس .. الطمع عماهـ عنه ..
وبدى يسترسل في الكلاام ليما وصل إلى شلة الخراب إلى تعرف عليها وقال له عن البنات والاستراحات ليما وصل الى غيداء ..
جواد بذهول : أنت من جدك ؟ كل هذا سويته في حياتك .. استغفر الله ..
فيصل بحزن : شسوي مالقيت أحد يردني عن هالطريق
جواد : لو هذا مو مبرر للي سويته ..
فيصل : شسوي طيب ..
وقف جواد : قوم معي .. ؟
فيصل : وين بتوديني .. ؟
جواد : قم وأنت تعرف ..
..*.*.*.*.*.*.*.*.*.*.*.*.

شالية أبومحمد

الكل كان مجتمع على الغداء ويأكل بصمت زي ماتعودوا قطع الصمت أبومحمد : أشوفكم ماعاد تصيعوا ..
غصت باللقمة العنود .. أبوها يقط نغزات ..
أم محمد : وش هالكلاام يابومحمد حسن ألفاظك شوي ..
أبومحمد : نعم وش حسن ألفاظك ذي بعد .. الظاهر أن عيالك حشو مخك علي ..
أم محمد : ماأسمح لك هذولا عيالي ولا أرضى عليهم ..
أبومحمد : عشتوا إلا والعيال كلهم إلا لقطه و ............
أم محمد : لاااااااااااا لاتكمل الله يخليك ماعاد أتكلم ..
تركي بهلع : يمه منهم اللقطه أحنا .. ؟
أم محمد بخوف : لا ياولدي ماعليك الكلاام مو صحيح ..
أبومحمد : وتكذبي بعد يامرة ليش ما تقولي وإلا بس فالحه عيالي وعيالي
أم محمد : بس يابومحمد وإليسلمك عشان خاطري ..
وقف أبومحمد : سديتي نفسي الله لايوفقج من مرة ..
تبكي أم محمد : ..............
ضرت راسها بأيدهـ وجا بيمشي لكن وقفه صوت محمد ..
محمد : يبآآ ليش تضرب أمي .. هي ماسوت شي غلط
أبومحمد تفل عليه : مالك عليك مسوي نفسك رجال ولاتقول يبآآ فاهم أنا ماني أبووك تفهم وطلع
مسح محمد وجه بيدهـ خلااص أبوهـ مزاجه تعكر الحالة ذي دايم تجيه .. ترك السفرهـ ورقه فوق غرفته ..

.*.*.*.*.*.*.*.*..*.*.*.*.*.

عند منار
جالسة تسمع شعر العرس لـ طارق المحياس ..
ومندمجه مررهـ رن جوالها ناظرت في الساعة توها 3 .. شافت من المتصل (جويدهـ) غريبة
منار : هلااوغلاا
جودي : هلاا فيج .. أخبارج .. ؟
منار : تمام .. أنتين أخبارج .. ؟
جودي : الحمدلله .. منار لبسي وتعالي بيت عمي أبوفيصل ..
منار : الصبح كنت وياكم .. أمداكم تشتاقوا لي ..
جودي : منار السالفة مهمه تعالي ..
منار : جودي ترى خوفتيني وش السالفة قولي ..
جودي : أنت تعالي وتعرفي ..
منار : أوكي .. مع السلاامة ..
جودي : في حفظ الرحمن ..
قامت بسرعة ولبست أي شئ على السريع بس مان حلو ومرتب لبست عباتها ونزلت تحت ماشافت أحد (ول أمداهم يطلعوا ) اتصلت للسواق وقالت له يجيب السيارة ..
منار : راجو روح بيت عمك أبوفيصل ..
راجو : حاضر مدام ..
منار : مدام في عينك أنا آنسة ..
راجو : إن شالله آنسة ..
منار : عمى فعينك ولا سبه ذي تكلم عدل ولا أسكت ..
دمعت عين راجو >> مسكين حساس هالولد ماتسوا كم فلس إلا بيحصلها على هالذل
ما أهتمت منار له بالها مشغول بـ جودي ..
وصلت ونزلت شافت أمها وأم ريما في الصالة ..
منار : السلاام عليكم
أم فارس وأم ريما : وعليكم السلاام
منار : عن أذنكم ..
أم فارس وأم ريما : أذنك معك ..
راحت فوق ودق باب غرفة ريما ودخلت
منار تطل راسها من الباب : هااي بنات
جودي : وعليكم الهاي ..
دخلت منار : أخبار الحلويـ ....... شهقت ريووم وش فيك .. ؟
حقرتها ريما وظلت تبكي
منار باستفهام : وش فيها .. ؟
قالت ليها جودي السالفة ..
منار : وااااو عندنا ولد عم جديد
ريما بصوت باكي : وهذا إلا همك
منار : يالخبله وناسه.. حاولي تكسبيه شكله طيب وحبوب واااااااي فديته ..
جودي : بسم الله منور وش فيك مرجوجه اليوم ..
ريما بغيرهـ : ليش تتفدين اخوي .. ؟
منار : ها بدى شغل المحاماة .. أخوي هاا ..
ريما : أخوي وكيفي ..
غمز منار لها وقالت لجودي : وين جود ؟
ضحكت جودي وقالت ليهم ( هههه في البيت زيد كان منتظر صديقه بيطلعوا مع بعض أنا وزيد جلسنا في الحديقة وجود داخل البيت عاد جود تعرفوا رباشتها بالغلط بدل ما تركب فوق طلعت برى كان تصدم في صديق زيد هههههه مسكينه ماتت من الأحراج وراحت فوق ولا عاد نزلت)

انتهى البارت
أتمنى يعجبكم
:)

يسلمووووووووووووووووووووووو حياتي

ربي يسلمك صدف معليش على التأخير راح اكمل الروايه

البات الخــامـ 15ــس عشر

بعد مرور 5 أيام وانتهاء مراسم العزاء ..

( قصر أبوجواد )
دخل أبو جواد على ريما في غرفتها شافها جالسة على السرير وسرحانة .. انتبهت لابوها يطالعها : يبآآ
أبوجواد وهو متكي على الباب : الحلوة تسسمح لابوها يدخل ..
ابتسمت : أكيد .. تفضل
جلس أبوجواد على السرير جنبها : دلوعة أبوها ليش قاعدة بروحها .. ؟
ريما بحزن : ماعندي أحد أجلس معاهـ ..
أبوجواد : طيب يابنتي أنا جايج بموضوع وإن شالله إذا وافقتي عليه بتتغير حياتج
ريما : شنو يبآآ .. ؟
أبوجواد : أنتين كبرتي مشالله عليج .. وبصراحة جايين لج خطاب هم من فترة بس تعرفي الظروف كيف كانت ..
ريما سااااااااكته وتلعب في إيدها : ............
أبوجواد : هم ناس تعرفيهم وماعليهم قصور وإن شالله تتهني .. إلا خاطبج حامد ولد عمج ..
ريما رفعت راسها بسرعة : حامد .. ؟
أبتسم أبوجواد : أيه حامد ..أتمنى ما تطولي في الرد وتراج تعرفيه مهو غريب عنج ..
ريما مصدوومه : ..........
حب راسها وقام طلع من الغرفة ..

.*.*.*.*.*.*.*.*.*.*.*.*.

في سيارة فيصل

جواد ماخد مكان السائق : فيصل وين الشقة .. ؟
فيصل : أي شقة .. ؟
جواد : تستهبل أنت شقتك كم وحدهـ عندك أنت .. ؟
فيصل : يوووهـ أكلتني أففففف .. وبدا يوصف له المكان ..
وصلوا وجا جواد بينزل مسكه فيصل من أيدهـ : وش مفكر نفسك بتسوي تراها مرتي ..
عطاهـ جواد نظرهـ وقال : أنزل وأنت ساكت ..
راحو داخل العمارة
جواد : تعال نركب من الدرج ..
فيصل : أفف ياحبك للمشاوير ..
جواد : عن التفلسف ويلاا ..
فيصل : بس خلااص هذي الشقة ..
جواد : وش فيك واقف ماتفتح الباب ..
فيصل : زين ..
.*.
سمعت صوت المفاتيح في الباب قامت بسرعة طول هالأيام تستناهـ وهو مو معبرها زين أنه شاري أكل ولا ماتت من الجوع ..
انفتح الباب وراحت بسرعة : فيصصـ ............ شهقت يوم شافت جواد وراحت غرفتها بسرعة
(ياويليي أكيد الحين بيذبحني ياربي وش خلااني أروح له .. يممممه والله بروح فيها..)
في الصالة
جواد ناظر فيصل يعنيي ( روح لها )
فيصل رد النظرة (طيب)
راح دخل الغرفة بس شافت تكورت على نفسها وقعدت ترتجف ..
فيصل بشمئزار : خير وش فيك شايفة جني ..
غيداء بخوف : فيصل والله ما أدري هو معكـ ..
فيصل : مو شغلي .. قومي لبسي شي عدل وتعالي الصالة ..
غيداء ترتجف : فيصل والله ما أدري ما عندي .........
صرخ فيصل بخفيف : قلت لك قومي ماتفهمي أنتِ .. ؟
غيداء : طيب منو هذا أول .. ؟
فيصل : وش دخلك يكون من مايكون مالك دخل ..
غيداء برجفة : ماراح يصير شئ فيصل صح .. ؟
رفع حواجبه عناد : هذا الشئ بكيفي مفهووم ..
غيداء : فيصل أنا مرتك تذكر ..
فيصل بستهزاء : تصدقي انا ناسي زين ذكرتيني .. قالوا لك غبي 10 دقايق إن ماطلعتي ياويلج ..
طلع شاف جواد يقلب بجواله .. رفع راسه وشافه : في اسلوب أرقى من كذا في التفاهم ..
فيصل : ارجوك جواد لاتتدخل بيني وبينها ..
جواد : على راحتك ..
شوي وطلعت غيداء من الغرفة بعباتها ومتغطية ( احتارت وش تلبس فـ لبست عباتها استر لها )
جواد : شلونج أختي .. ؟
غيداء : الحمدلله ..
جواد : مبروك الزواج ولو أنها متأخرهـ ..
ناظرت غيداء فيصل وقالت بحزن : الله يبارك فيك ..
ماخفى على جواد نبرة الحزن في صوتها : هذهـ زوجج ووصل و أي شي تبينه قولي لي بس ..
غيداء : ماتقصر ..
وقف جواد : يلاا أستأذن ..
وقف فيصل معاهـ : روحي داخل ..
ماتكلمت غيداء ..
طلع جواد وفيصل جا بيطلع معاهـ مسكه : خير يالاخو وين رايح .. ؟
فيصل : وياك يعني وين .. ؟
جواد : وهاللي تنتظر داخل .. ؟
فيصل : بالطقاق ..
جواد : فيصل روح مع زوجتك أحس لك .. عيب عليك تراها على ذمتك لو ماتت وش بيكون شعورك ..
سكت : ............
جواد دفه على داخل : يلاا روح ..
فيصل : وأبوي ؟
جواد : ابوي خله علي .. يلاا ليلة سعيدة مقدما وغمز له ..
فيصل : مسخفك .. يلاا بيتييي يتعذرك ..
جواد : هههههـ وسيارتك تتعذرك بعد ..
( امممممم أنا ماوصف لكم جواد صح .. ؟ جواد شاب جميل مرهـ طالع على امه عيونه رماديه طيب ومايرضى بالغلط عمرهـ 26 الشبه إلا بينه وبين فيصل لون العيون بس )
.*.*.*.*.*.*.*.*.*.*.*.*.*.

قصر أبوهادي

أم فارس : هايابنتي وش قررتي صار لج 4 ايام تفكرتي ..
منار : ما أدري يمه محتارهـ وخايفه ..
أم فارس : ليش خايفه .. ؟
منار : أنا بعدني صغيرة على الزواج وزيد أكبر مني ..
أم فارس : مو صغيرة ولا شي يوم انا قدج كان عندي هادي وفارس .. وبعدين هو من أكبر منج بواجد 4 سنين ..
منار : بس أنا مابي أسافر وأتركم بشتاق لكم .. وأترك دراستي ..
أم فارس : منار يابنتي كل بنت تتزوج وتروح لبيت زوجها تشتاق لاهلها .. ودراستج كمليها هناكـ هوماعندهـ مانع
وبسج أعذار ..
منار تفكر : .............
أم فارس : فكري زين يابنتي ..
منار : خلااص يمه موافقه ..
أم فارس : صج ؟ متاكدهـ ..
منار وهي مستحيه : ايه يمه مواافقه ..
أم فارس وهي تقوم : الله يتمم عليج يابنتي .. بروح أبشر أبوج وأخوانج .. وأصبري شوي وتعالي تعشي ..
منار ( أتعشى ؟ لالا مستحيل أقعد مع اخواني أستحي ) : لا يمه مابي بنام وغطت نفسها ..
ضحكت عليها أمها وطفت النور وطلعت ..
.*.*.*.*.*.*.*.*.*.*.
يتبع



قصر أبوحامد

جالسين في الصالة يشاهدوا الاخبار ..
رن جوال جودي
لف حامد : منو المتصل
جود : حبيبها ..
حامد : نععععم ..
جودي : تمززح بسم الله هذي ريووم
حامد : حطي سبيكي بشوف ..
جودي : طيب بس ولا كلمة ..
حامد : زين ..
جودي : هلاا بالعسل
ريما : أهلاا ياقشطة
جودي : أخبارك .. ؟ وأخبار النفسية .. ؟ وولد العم كيفه .. ؟
ريما : شوي شوي أخباري عادي والنفسية زفت وولد العم حضرته ماشفته من ذاك اليوم ..
جودي : يؤيؤ ليش هو وينه .. ؟
ريما : مدري عنه قلت لج نفس فيصل ..
جودي : ماعليه تصبري فترة وتعدي ..
ريما : نسيتيني ليش داقه ..
جودي : أمري ..
ريما : أخوج الزفت ليش خاطبني ..
انصددم حامد .. جودي ناظرته وقالت : والواحد ليش يخطب إن شالله .. ؟
ريما : ووين حبيبته عنه .. ؟ لا يظن اني احبه بيلعب بي على كيفه ..
.. قام حامد من مكانه ..
رجعت الجوال على العادي : لا ياريما تعرفي حامد أكبر من كذا ..
ريما : ليش خطبني ؟
جودي : ريوم حامد يحبج ..
ريما : جودي لا تكذبي علي
جودي : والله ما أكذب عليج حامد يحبج .. والدليل انه خطبج والله لو تشوفينه كل شوي يسأل ماردوا اتصلوا ولهم
ريما : وحبيبته .. ؟
جودي : أنتي حبيبته .. هو بس حب يختبر حبج له ..
ريما : .............
جودي : نقول مبروك ؟
ريما : واذا كلاامج كذب ؟؟
جودي : افاا ريوم عمري كذبت عليج بشي
ريما : لاا
جودي : خلااص .. يلاا ريووم بسج تغلي ذبحتي أخووي
ريما : هههههههههه
جودي : هاا أروح أبشرهـ
ريما : لالالا أبوي اليوم مكلمني صبري اسبووع
جودي : حرام عليج ..
ريما : عاادي .. يلاا باي
جودي : بايات ..
.*.*.*.*.**.**.*.*
بيت أبو محمد

محمد : يمــه
أ م محمد : هلاا
محمد : بسافر كم يوم وياربعي ..
أم محمد : وين بتروحوا .. ؟
محمد : النمسا ..
أم محمد : طيب بس لا تطول وأنتبه لنفسك ..
محمد : على أمرج يالغالية ..
أم محمد : قلت لابوك ..
محمد : أيه قلت له ووافق ..
العنود وتركي يدخلوا الصالة : وش تهرجوا .. ؟
أم محمد : سلاامتكم بس اخوكم بيسافر
تركي : بتسافر .. ؟
محمد : أيه ..
العنود : وين بتروح .. ؟
محمد : النمسا
العنود : الله وديني معاكـ
محمد : أنا مو رايح بروحي بروح مع ربعي ..
العنود : عاادي
أم محمد : العنود ..
العنود : اووهـ خلااص بطلت أروح ..
تركي : من قال بتروحي أصلاا ..
.*.*.*.*.
انتهى البارت

البارت السادس عــ 16 ــشر
" البارت هذا إهداء إلى عيون متحركة ومشكورهـ على الأفكار ياعسل "
عند جواد
بعد ما طلع من شقة فيصل راح البيت ماعندهـ مكان يروح له غيرهـ كان بيدخل القصر بس سمع صوت ضحك أبوهـ ابتسم وغير طريقه اكيد هالشخص غالي عندهـ عشان يضحك هالكثر طق الباب ودخل ..
جواد : السلاام عليكم
أبوجواد وحامد : وعليكم السلاام والرحمة .. تفضل ياجواد
راح وجلس في وجه حامد ابتسم وهو يحاول يتذكر أسمه : فارس صح .. ؟
ابتسم حامد : لا حــامد
جواد : أووهـ آسف .. مابد أحفظكم عدل
حامد : لاعادي ومن حقك توك تعرفنا ..
جواد : أنت إلا خاطب ريما صح .. ؟
حامد : أيه بس ماكنها طولت ؟
أبوجواد : هههههههه وش فيك مستعجل ياولدي خلها تأخد راحتها
حامد : أيه عمي ماقلت شئ بس طولت
جواد : خلها تفكر عدل مانبي نغصبها على شئ ..
حامد : على راحتكم ..
جواد بخبث : شكلك عاشق ..
حامد بدون وعي بوجود عمه : عاشق ومتهيم بهواها بس خلها تحن وتوافق ..
أبوجواد : ههههههههه أثاريك منت هين حمود أجل عاشق هاا
أنحرج حامد من عمه : سامحني عمي بدون قصد طلعت ..
ابوجواد : ماعليك أنا الحين تطمنت على بنتي
.*.*.*.*.*.*.
قصر أبو هادي

كلهم متجمعين في الصالة يشربون شاي ماعدا منار تشرب عصير لانها ببساطة "ماتحب هالاشياء"
أم فارس : أقول أبوهادي ..
أبوهادي : سمي يامرة ..
أم فارس تناظر في منار وتبتسم : ترى منار وافقت على زيد ..
لف فارس على منار : مناروهـ صج بتتزوجي .. ؟
منار استحت : أيه ..
فارس : نطريني على الاقل أتزوج على طول بتتزوجي ..
منار : لاوالله وحضرتك متى بتتزوج بعد قرن قرون
أبوهادي : هههههه توج وش حليلج مستحيه قلبتي الحين ..
انحرجت من أبوها وقامت رقت فوق ..
أم فارس : أحرجتها زين كذا ..
أبوهادي : عادي تتعود يامرة ..
هادي : يمه أنا أحس منار صغيرة على الزواج
أم فارس : هي صغيرة بس تتعود ودام جاها نصيبها مابنردهـ والولد خوش واحد تتعلم مع مرور الزمن ..
أبوهادي : لايكون غاصبتها .. ؟
أم فارس : لا حشى ماني بغاصبتها هي إلا وافقت من نفسها ..
فارس : على خير إن شالله ..
أبوهادي :اليوم أتصلي وأعطيهم خبر ..
أم فارس : إن شالله ..
.*.*.*.*.*.*.*.*.

شقة فيصل

فيصل مخلي غيداء تجلس في حضنه ويشاهدوا فلم أكشن ..
غيداء بهمس : فيصوول حبيبي ..
فيصل بنفس الهمس : هلاا قلبي ..
غيداء : فيصل أنت قلت ماعندكـ أخوان .. منو إلا جاء وياكـ .. ؟
فيصل : هذا أخوي ..
غيداء : كيف .. ؟
فيصل : قصة طويله عريضة
غيداء بدلع لكن هامس : ومو من حقي أعرفها .. ؟
تنهد فيصل وقال له السالفة كلها ..
غيداء : طيب حلو شعور أن عندكـ أخوو ..
فيصل : ماتتخيلي شكثر غير فيني أشياء في يوم واحد .. وأولهم أنتِ ..
غيداء : أنا .. ؟
فيصل : أيــه .. أنا ماكنت بتزوجج ولا أفكر حتى بس الموقف إلا صار هو إلا جبرني ..
غيداء : يعني أنا ولا شئ عندكـ ..
فيصل : ما أحب أحد يقطع كلاامي
غيداء : طيب كمل ..
عدل فيصل جلسته وخله غيداء مقابله له : غيوود أنا ما أنكر أن قلبي بدى يميل لكـ بس أنا ماتزوجتج إلا مجبور وأنا ما أحب أحد يجبرني على شيء .. أنا .. أنا .. وسكت
حطت غيداء أيدها على كفه وقالت : كمل أنا أسمعت ..
تشجع : أنا كنت ناوي أطلقج بعد ما أعذبج وأفضحج ..
شهقت وحطت يدها على فمها : لهدرجة أنا رخيصة عندكـ ..
ضغط على يدها : كنتِ كنتِ رخيصة ..
حطت رأسها على صدرهـ وضلت تبكي"ماعدها مكان غير فيصل اهلها من درو أنها تعرف واحد سووا هالخطة عشان يزوجها منه وتبروا منها من يوم ما تزوجت فيصل تخلت عن أهلها عشان حبيبها وهو كان ناوي يحطمها .. يفضحها .. يعذبها .."
تركها تبكي وظل يمسح على راسها ..
.*.*.*.*.*.*.*.*.

يتبع

تابع

قصر أبوحامد
ـأم حامد وجودي جالسين يتفرجوا على الكتلوجات عشان حفلة حامد لان جودي قالت لامها أن ريما موافقة بس تتغلى
اتصلت أم فارس في هاللحظة..
ـأم حامد : هلاا والله بـ نوف ..
ـأم فارس : ياهلاا فيك يـ شوق ..
ـأم حامد : كيفكم .. ؟ وشخباركم .. ؟
ـأم فارس : طيبين الحمدلله نسأل عنكم ..
ـأم حامد : أحنا بخير بس ننتظر الأخبار
أبتسمت ـأم فارس : والأخبار هذي وصلتكم ..
ـأم حامد : هاا بشري ..
ـأم فارس : موافقين ... ننتظر زيارتكم ..
ـأم حامد : والله هذي العلوم السنة إن شالله أكلم أبو حامد ونجيكم بكرا نتفق ..
ـأم فارس : حياكم الله في أي وقت
ـأم حامد : يلاا أخليج بروح أبشرهم .. مع السلاامة
ـأم فارس : بحفظ الله يالغالية ..
.*.*.
جودي : خير يمه وش صاير ..
ـأم حامد : منار وافقت على زيد ..
جودي : صج ..
ـأم حامد : أيه ..
جودي : يــمه طلبتج أنا بقول لـ زيد ..
ـأم حامد : خلااص وأنا بقول لابوج ..
جودي : يالله يمه من شوي ندور حق حفلة حامد الحين حامد وزيد .. وين نحصل ..
ـأم حامد : ماعليه إذا ما حصلتي نروح لبنان نشوف ..
جودي بتحرطم : من نزين لبنان ..
.*.*.*.*.*.*.*.

قصر أبوهادي

فارس وهادي جالسين في الصالة
هادي : فارس وش رايك نعزم الشباب في بيتنا .. ؟
فارس : من تقصد بالشباب .. ؟
هادي : ياثوالتك من يعني ولاد عمك ..
فارس : اهاا .. قول كذا من البداية مع ذا الوجه ..
هادي : أففف منك .. أنا بتصل فيهم .. عندك رقم جواد
فارس : لاوالله مهو بعندي ..
هادي : معليش الحين نشوف
اتصل بحامد و زيد ومحمد بس اعتذر أنه وراهـ سفرهـ لآخر شئ اتصل لـ فيصل ..
هادي : مايرد
فارس : يمكن مشغول
هادي : الله أعلم خل أتصل مرهـ ثانية ..
.*.*.
انزعج من الجوال هذا مو وقته أبد
فيصل : نعم
هادي : بسم الله وش فيك .. ؟
فيصل "مووقت ملااقتك ابد" : خير وش تبي داق أزعجتنا ترى ..
هادي بقهر: أبد بس الشباب متجمعين عندي وكنا نبيك تحضر معنا أنت وجواد
فيصل : أولا أنا ماني بفاضي لتجمعاتكم ذي ثانيا وش دخلني في جواد في داهي إن شالله " مسرع ما تغير مزاجك يافيصل" ..
هادي : خلااص ما تسوى علينا .. باي
سكر فيصل من غير ما يرد عليه
.*.*.*.
هادي : اففف ما عندهـ ذوق آبد
حامد : فيصل من يومه كذا ما يتغير
فارس : ما تدروا يمكن الزمن يغيرهـ
زيد : تركونا منه ما قال لك وين ممكن نلقا جواد ..
هادي : في بيتهم .. بتصل اشوف ..
.*.*.*.

قصر أبوجواد

جواد جالس في الصالة مع أبوهـ وأم ريما
أبو جواد : قلت لي وين فيصل ياجواد ..
جواد بثقه : بينام عند ربعه اليوم ..
أم ريما : قولي يايمه هو زعلاان .. ؟
جواد : لا ياخاله مو زعلاان ..
أم ريما : متأكد ياجواد ..
جواد : أيه خالتي متاكد ..
أبوجواد :ومتى بيرجع .. ؟
جواد : ماقال ..
نزلت ريما بتجلس ويا أهلها شافت جواد جت بتعود لكن أبوها شافها : هلاا بالعروس ما بغيتي تحني علينا ..
استحت ريما وجت تحب راس أبوها وأمها وتجاهلت جواد
حزت حركتها في جواد لكن ما قال شيء
رن تلفون البيت وابو جواد كان قريب منه ورد : آلوو
فارس : السلاام عليكم عمي
أبو جواد : وعليكم السلاام والرحمة هلاا بـ فارس ..
فارس : شخبارك عمي .. ؟
أبو جواد : بخير الحمدلله ..
فارس : أإأإمممم أقول عمي حبيت بس أعرف إذا جواد موجود أو لا ..
أبوجواد : إلا موجود تبي تكلمه ..
فارس : أي والله أبيه شوي
أبوجواد : لحظة .. حط أيدهـ على التلفون : جواد تعال هذا فارس يبيك ..
فارس : أنا .. ؟
أبوجواد : أيه أنت .. تعال يلاا
جواد : مرحبا بالشيخ
فارس : مرحبا ملاايين في ذمتي ولا يسدن ..
جواد : علومك .. ؟
فارس : والله العلوم طيبه الحمدلله .. بغيتك بطلب
جواد : آمرني ..
فارس : أحنا الشباب متجمعين في بيتنا ونبيك ويانا
جواد : تم ..

.*.*.*
انتهى البارت
معليش البارت قصير لان البات الجاي راح يكون مليان أحداث

///////////////مشكوووووره ///////////////////////

العفووووو نووور نورتي

.....


البارت السابع عـــ 17ــشر


فارس : أحنا الشباب متجمعين في بيتنا ونبيك ويانا
جواد : تم ..
nفارس : يلا الغالي ننتظرك .. فمان الله
جواد : فمان الكريم ..
-بعد ما سكر من فارس-
جواد وهو يحك شعره بإحراج قال : معليش يبآ أخذ وحده من السيارات ..
أبوجواد : أفاا والله أناولدي ماعنده سياره من بكره تروح وياي وتختار السيارة إلا تعجبك ومايهمك سعرها .. ومايحتاج تستأذن خذ إلا تبيه ..
فارس حب رأس أبوه : مشكور و ماتقصر يبآ .. يلا عن أذنكم
الكل : أذنك معك ..
ريما .. عندي أحساس أنه غير فيصل بس كلهم مثل مثل ودامه أخوه من أمه معناته ................................. نفسه إذا مو أعظم ..
*****
طلع فارس من البيت رايح بيت أبوهادي وصل ودخل مجلس الرجال ..
جواد : السلام عليكم
الكل : وعليكم السلام والرحمه ..
هادي : تفضل جواد ليش واقف ..
ابتسم وراح جلس جمب حامد بحكم أنه أكثر واحد يعرفه ..
فارس : زيود متى بتسافر .. ؟
زيد : أفف لا تذكرني .. بعد 3أسابيع ..
حامد : أيه بس هالمرة غييير
استحى زيد ومارد ..
فارس : ياعيني علي يستحون ..
زيد : فارس وجع ..
حامد : ههههههه أيه ماعجبه الكلام سكتنا
جواد : زيد أنت خاطب
زيد : أيه خاطب .. وناظر في فارس .. وياعسى يحنون ويجيبوا الرد ..
جواد : هههههه شكلك مستعجل .. وغمز له
زيد : يووهـ تفكيركم بذئ ..
حامد + جواد + هادي + فارس : هههههههههه
رن جوال زيد ..
جواد بخبث : هاا منو المتصل ؟!
زيد : جب جب .. آلوو
جودي : هلا بالغلا كله
زيد : هلا فيج .. آمري أيس كريم من باسكن هالمرة ولا السوق .. ؟
جودي : حرآآم عليك كله تظلمني ..
زيد : جويده أعرف حركاتج .. قولي شتبين ..
جودي بدلع : الحين أنا جايبه لك خبر حلوو تكلمني كذا ..
نط زيد : جد قولي بسررعة ..
جودي : نوووو
زيد : جودي عن النذالة وقولي ..
جودي : أول وش تعطيني .. ؟
زيد : إلا تبيه بس قولي ..
جودي بخبث : أمممممم تسفرني معاكـ شهر العسل ..
زيد : نععععععععم هذا إلا ناقص بعد ..
جودي : أفاا يعني ما بتنفدهـ لي
زيد : لا .. أنتبه لطلبها وقال قصدج وافقوا ..
ضحكت جودي : أيــه .. ألف مبرووك ..
زيد بوناسه : الله يبارك فيج .. وعقبالج ..
تذكر جودي فارس وقال : إن شالله ..
زيد : ووجع ماتستحين ..
جودي : يووهـ أنت إلا قلت ..
زيد : زين الحين أنتِ وش تبين بسكر ..
جودي : أيه أخذت إلاتبيه وبتسكر الحين ..
زيد بعجله : يلاا جودهـ باي ..
جودي : بايات ..
.*.*.*
زيد وهو يرمي حلااة كانت قدامه على فارس : وأنت ليش ماقلت لي .. ؟
فارس : هههههههههههههه هذا أنت الحين عرفت .. الله خوش حلااوية أحبها تصدق ..
زيد : أحم عشان تعرف أن أنا ذوويق ..
هادي : أمحق قال ذويق ..
حامد : الحين ممكن أعرف وش السالفة إلا صار لكم ساعة تتهاوشون عليها ..
فارس : سلاامتك بس أحم أختي المصون وافقت على أخوك العربجي ..
زيد : نعم أنا عربجي ..
لف حامد على زيد : مبررروك ياخووي
زيد : الله يبارك فيك ..
جواد : مبرووك زيود ..
زيد : الله يبارك فيك .. يلاا عااد متى العرس ..
هادي : بسم الله تونا موافقين .. أصبر
زيد : يعني متى ..؟
ضربه حامد على ظهرهـ وهمس في أذنه : أثقل ياولد ..
رد زيد بنفس الطريقة : موبيدي أحبها ..
فارس : ياشباب أقول لا يتناجى أثنان دون ثالثهما ..
حامد : بس أنتوا 3 مو واحد
هادي : لاوالله .. أقول شباب متى المباراة .. ؟
جواد : مبارة من .. ؟
هادي : النصر والهلاال ..
جواد : أظنها بعد أسبوعين ..
فارس : لاااااا بعيدهـ
جواد : شنسوي بعد هذا الواقع ..
يآخر طموحاتي وذروة حنيني >> نغمة تلفون حامد
حامد : ألوو
أم حامد : هلاا بوليدي
حامد : أهلين يمه ..
أم حامد : حامد بتطول برى البيت .. ؟
حامد : ما أدري ليش صاير شئ .. ؟
أم حامد : لا موصاير شئ بس حبيت أبشرك بخبر ..
حامد : خير يمه وش هوو ..
أم حامد : ريما وافقت ..
لاإراديا وقف حامد : صج يمه ..
أم حامد : أيه من شوي بس خبروني وماقدرت أنام إلا لما أقول لك ..
حامد : فديتج يالغالية أحلى خبرر
أم حامد : لهدرجة تحبها ياحامد ..
حامد : هاا .. وأكثر مما تتصورين .. يلاا الغالية أخليج مع السلاامة ..
أم حامد : في حفظ الرحمن ..
.*.*.*.*.
هادي : هي حامد وش هالخبر إلا خلااك توقف وتفرح هالكثر ..
أنتبه حامد أنه واقف وجلس : أحم يلاا صار عدكم معرسين بدل واحد
زيد : جد .. مبروك
فارس : ألف مبروك ..
هادي : تستاهل حموود
جواد : مبروك يالنسيب ..
حامد : الله يبارك فيكم ياشباب وعقبالكم ..
.*.*.*.*.**.*.*.*.*.
بعد يومين

&أتفقوا الأهل أن ملكه حامد بعد أسبوعين ونص و زيد بعدهـ بيومين وبيعقد الصباح ويعرس في الليل &

قصر أبوهادي
في غرفة منار بالتحديد

منار : يمه الفترة مرة قريبة ..
أم فارس : منار أنتِ تدري ولد عمج ماعندهـ أجازة كان بعدناها شوي
منار : بس ماراح أخلص شئ ..
أم فارس : ماعليه كلنا بنتعاون وبنات عمج وياج بعد ..
منار وشويه وتبكي : أحس أن أستعجلت في الرد ..
أم فارس وهي كاسرة خاطرها بنتها : يمه منار لسه في وقت قدامج إذا بتغيري رايج ..
منار : لا يمه أنا عطيت أبوي كلمه ما بغيرها ..
أم فارس : على راحتج يابنتي .. يلاا قومي صلي صار له ربع ساعة من أذن
منار : إن شالله ..

.*.*.*.*.*.*.*.*.*.*.

قصر أبوحامد

أم حامد و حامد زيد يشربوا شاي في الصالة
دخلت عليهم جودي : وااو الحلوين متجمعين ليش ماناديتوني .. ؟
حامد : محد قال لج تنخشي في غرفتج ..
جودي : كنت أقرء رواية ..
زيد : إلله والرواية إلا تقريها كلها غير تفاهات في تفاهات ..
جودي : حرآآم عليك
حامد : زيد خلي جويدهـ في حالها
جودي وراحت جلست جمب حامد : فديته أخوي يدافع عني ..
حامد همس بخوف في أذن جودي : أقول جودي وش أخبار ريما من ذاك اليوم ..
فهمت جودي قصدهـ : لا تخاف أنا فهمتها الموضوع كله
تطمن : الحمدلله كنت متوقع أنها فاهمة الموضوع غلط
شويه وشافوا راس داخل بينهم : وش تتساسرون فيه .. ؟
جودي : يممممممممممممممممه .. خرعتيني ووجع
جود : هههههههههههههههههههه عادي
زيد : طلعتي جبانه .. صبري بعلمه ..
جودي : منوو
زيد بعفويه : فاارس ..
جودي : هااا .. خافت وراحت غرفتها ركض
أم حامد : يوهـ زيد ليش قلت لها كذا
زيد : أمززززززززح وياها
جود : بروح أشوفها .. راحت ورقت الدرج وفي نص الدرج وقف وقالت : يممممممممه .. يمكن نروح السوق مع منار .. ؟
زيد : مع من .. ؟
جود بصراخ: مناااااااااااااااااار ..
زيد : عمى لاتقولي أسم مرتي ..
جود : مابعد تصير مرتك ..
زيد : بس خطيبتي ..
جود : كلاام بـ ..........
أم حامد تقاطعهم : خلااص جود روحي لاختج وإذا بنات عمج أحتاجوا أي شيء ساعدوهم
جود : إن شالله يمه ..
.*.*.*.*.*.*.*.*.
شقة فيصل

كان نايم بهدوء البارحه كانت ليلة متعبة بالنسبه له بس الحمدلله تصافوا ــ عقد حواجبه من إلازعاج المتواصل من تلفونه
مسك التلفون ورفع نفسه من السرير بخفه وهو يناظر غيداء إلا نايمه عليه : ألوو
جواد : أهلاا أهلاا بالسيد فيصل ليش متعب نفسك وراد ..
فيصل : يووهـ جواد مالي خلق هواش من صباح ربي ..
جواد : أيه صباح أنت الساعة 2 الظهر ..
فيصل : من جدك .. يإلله هالكثر نمت ..
جواد بخباثه : شكل ليلتك كانت مليئة بالاحداث ..
فيصل : أيه مليئة بس مو الاحداث إلا في بالك ..
جواد بهدوء : سويت إلا قلت لك عليه .. ؟
فيصل : ايه .. بس
جواد : بس شنو .. ؟
فيصل : بعدين أكمل لك ..
جواد : طيب فيصل أبوي أكثر من مرة يسأل عنك تعال البيت ..
فيصل بستهزاء : غريبة ابوي ويسأل عني ..
جواد : فيصل حرام عليك والله أبوي طيب بس أنت ماتعرف شلون تكسبه ..
فيصل : جواد بليز عن النصايح .. ومع السلاامة
جواد : يوه وش فيك عصبت هدي شوي وتعال البيت زين
فيصل : والله عشانك بجي ..
جواد : ماتقصر .. يلاا انتظرك باي
فيصل : باي
.*.*.*.*.*.*.
غيداء : بتروح فيصل .. ؟
فيصل : أيه لازم أروح ابوي يسأل عني ..
غيداء بحزن : ضروري يعني .. أنا أخاف أقعد هنا بروحي الشقة تخوف ..
فيصل ضمها بحنيه : ماعليه غيود هذي ظروفي لازم تتحملين ..
غيداء : وأنا عشانك مستعده أتحمل كل شئ ..
باس جبينها وقام راح يتروش ..
.*.*.*.*.*.*.*.*.*.*

يتبع

تابع
العصر

قصر أبوهادي

منار تتصل في جود
جود : هلاا بالعروسة
منار : هلاا بـ حماتي ..
جود : ههههههههههههه حلووهـ حماتي ذي ..
ابتسمت منار : هاا موافقين تروحوا وياي ..
جود : أكيد يالغلاا
منار : طيب شوي وآمركم ونروح ..
جود : ننتظرك يا مرت أخوي
منار : ههههههههههه باي
جود : بايات
.*.
اتصلت لـ ريما
منار : هلااوالله بالعروس
ريما : هلاا فيك يالعرووسة
منار : أخبارك .. ؟
ريما : عال العال وأنتِ .. ؟
منار : بخير .. ها تروحي ويانا . . ؟
ريما : طبعآآ بروح عله وعسى أخلص ..
منار : أوك .. خلااص شويات ونمر عليك ..
ريما : أوك .. بس حوراء بتروح معي ..
منار : حياها الله ..
ريما : يلاا منور أخليج بروح أتجهز ..
منار : طيب .. يلاا مع السلاامة
ريما : في حفظ الباري

وقامت بسرعة وبدلت ولبست عباتها الكتف إلا زركشتها عادية مرهـ لانها بتروح السوق وماتبي تلفت النظر وخصوصا أن زيد عصبي لو درى ياويلها منه .. استئذنت من أمها وراحت ركبت السيارة مع راجو
منار : راجو روح قصر عمك أبوحامد
راجوو : حاضر مدامـ ... ارتبك آنسة
ابتسمت زين تأدب من بعد ذاك اليوم ..>> فيها جرعة نذالة البنت
وصلت القصر عطتهم رنة وطلعوا لها
جود وجودي : هاااااااااااي
منار : هايات
جودي : أخبار العروسة .. ؟
منار : تماام
راجوو : آنسة وين روح .. ؟
ضحكت جود : ههههه قال آنسة أنتِ وش مسويه فيه
منار : أفاا عليج أزبطه لج .. روح قصر عمك أبوجواد
راجوو : مافييييي معلوم قصر أبوجواد
جودي : ههههههههههه شكله ماعرف أخر التطورات
منار : ههههههههه الظاهر .. قصر عمك أبوفيصل ياثور ..
مشى راجوو وهو ساكت شئ طبيعي مايرد عليها لانه بكل بساطة بيخسر وظيفته إلا عايش عليها >>كسر خاطري
ريما وحوراء : مرااحب بالحلوين
الكل : مرحبتين بالقمارة
منار : إأإأإأمممممممم شرايكم أول نروح فينيسيا مول بعدين الشاطئ مول
البنات : أوك
منار : راجوو روح فينيسيا مول
راجوو : حاضر ..
وصلوا ونزلوا وقالوا لراجو يستناهم ولا يروح مكان
جود : بنات خل نتفرق واذا وحدهـ شافت شيء يناسب الثانيه تتصل لها أوك.. ؟
البنات : أوك ..
جودي وريما وحوراء راحوا من اليمين ومنار وجود من اليسار ..
.*.
حوراء : شوفوا هذا المحل شكل عندهـ أشياء حلووهـ
ريما : إأإأمممم ندخل ونشوف
جودي : يلاا
ريما : جودي شوفي ذا الفستان
جودي : أي واحد .. ؟
ريما : الاحمر ..
حوراء: مررهـ يناسبج ..
جودي : حلوو بس مابي أستعجل تونا أول يوم ..
ريما : جودي إذا عاجبج خذيه لان نبي نخلص
جودي : تدري هوو مررهـ حلوو .. لو سمحت
البائع : تفضلي مدام ..
جودي : بكم سعرهـ هذا .. ؟


البائع : 25 ألف ريال ..
جودي بثقة : بس !!
البائع بارتباك من ثقتها في الكلاام : هذا سعروا اصلو قاي من إيطاليا وحتى نوعية القما..................
جودي : خلااص خلااص عن الهذرة في مكان قياس ولا ..
البائع بحتقارة لكلاامها : إهه موقود في أخر المحل ..
جودي بنظرة : شكرا
ريما : جودي ليش كلمتيه ذا .. ؟
جودي : ريووم حبيبتي أنتِ طيبة زيادة عن اللزوم هالناس لازم تعامليهم كذا عشان تفتكي منهم ..
حوراء : بس مو كأنه سعرهـ غالي شوي >> حوراء مو غنيه مررهـ مثلهم على قد الحال يعني
جودي : غالي لا غناتي حلوو سعرهـ غير 25 ألف >> الـ 25 ألف كأنها ريالين عدهم ..
ريما : طيب روحي لبسي بسرعة
جودي : أوك ..
.*.
ريما : حوري مو تزعلي من جودي
حوراء : لاعادي ليش إزعل ..
ريما : متأكدهـ ؟؟
حوراء : أيه ..
طلعت لهم جودي بالفستان : ها وش رايكم .. ؟
ريما بإنبهار : مررهـ حلوو
حوراء : مناسب جسمج عدل
جودي : تسلموا من ذوقكم .. هاا اشتريه ولا .. ؟
ريما : تبين رأيي اشتريه ..
جودي : وأنت حوحو .. ؟
حوراء : وأنا مع ريما في رايها ..
جودي : أوك .. خلااص بشتريه ..
ريما : طيب ننتظرك برى ..
.*.*.*.*.*..*.
عند منار
جود : منار خل ندور فستان الزواج أول ..
منار : تتوقعي بنحصل ..؟
جود : إن شالله ..
منار : أمشي نشوف هذا المحل شكل فيه أشياء حلووهـ ..
.*.*.*.
وقضوا أيامهم من سوق لسوق ليما جوا اليوم المنتظر

قصر أبوحامد

جودي : جوود يلاا قومي مايمدينا نخلص
جود : يود جودي خليني أنام شوي
جودي : جوود يلاا خلصت الشوي قوومي
جود : أفف منج ماتخلين الواحد ينام أبد
جودي : أمي تقول لبسي عشان نروح المشغل
جود : طيب
جودي : يلاا أنتظرج تحت
.*.*.*.*.*.*.*.

قصر ابوجواد

ريما : يمه مررهـ خايفه
أم ريما : من شنو خايفه
ريما : ما أدري ماأدري
أم ريما : سمي بالرحمن يمه وخلي المرهـ تكمل شغلها
ريما : إن شالله ..

.*.*.*.*.*.*.
الليل

دخلت جودي وجود على ريما الخايفه : مرحبا
ريما : مراحب .. الله وش هالجمال
جودي : تسلمي .. ريمووه وش سوو فيج تجنني
ريما : من ذوقج غلااي ( كان فستانها سكري فتحته كبيرهـ شوي من فوق ومن ورى شكل X نافش فيه ورود )
حوراء : جود صايرهـ مرهـ حلووهـ
جود : عيونج الحلوهـ .. وااي ماني مصدقة أنج مرت أخوي ريمووهـ
ريما : صبر مابعد أصير مرت أخوج ..
جودي : ماجاالشيخ للحين .. ؟
ريما بتوتر : لا
حوراء : ماعليه الحين يجي
جودي كانت لابسه (فستان أحمر ضيق على جسمهاويبدى يتوسع إل النهايه فيه حزام أبيض عند الخصر)
وجود فستانها كان غريب نوعا ما ( ذهبي فيه ربطة على العنق نازله إلى يدها ضيق من الخصر و شفاف عند الساق )
وحوراء لابسه (فستان مرهـ ناعم وفخم أسود قصير إلى ربع الساق فيه ورد حمراء وحزام أبيض في الوسط )
دخلت عليهم منار : مراحب
الكل : أهلاا بالعروس ..
منار : مابعد أصير عروس اليوم ريووم عروستنا
ريما : تسلمي منوور
منار كانت لابسه

دخلت أم ريما : هلاا والله بالبنات
البنات : هلاافيج خالتي
أم ريما : ريووم يلاا وقعي أخوج ينتظر تحت
ريما برتباك : أوقع ..
أم ريما : أيه وقعي
ناظرت ريما في البنات ومسكت القلم
جودي : يلاا ريوم عن الدلع حرقتي قلب أخوي
ضحكت ريما ووقعت ..
ضمتها حوراء وباستها على خدها : ألف مبروك توأمي
ريما : الله يبارك فيك
جودي ومنار وجود : مبرووك ياعرووسة
ريما : الله يبارك فيكم وعقبالكم
منار : قصدج وعقبالهم ..
ريما : هههههههههههه ..
حوراء : يلاا ريوم ما بتنزفين الساعة 10 ..
ريما : الحين ..
جود : ايه يلاا أبي أرقص ..

جودي : صبر بروح أقول لهم يحطوا الموسيقى واذا ابتدت أنزلي أوك
ريما : أوك
جودي: تعالوا وياي
البنات : أوك .. جوا بينزلوا لكن ريما مسكت يد حوراء
ريما : لا تتركيني
حوراء : طيب .. خلااص بنات نزلوا أنا بقعد معها
أنزفت ريما وجلست
أم فارس : مبروك
ريما : الله يبارك فيك خالة
أم حامد : مبرووك يابنتي
ريما : الله يبارك فيك ياعمتي
أم حامد : ناديني يمه ..
ريما : إن شالله يمه
في هاللحظة دخلت بنت وتوجهت نحو ريما وباستها على جبينها وقالت : ألف مبروك حماتي
وطلعت بسرعة
ريما ( حماتي؟ منو ذي وش تقصد )
لكن وبسرعة مانست الامر من قالوا حامد بيدخل

دخلوا حامد إلا أنبهر يوم شافها
باسها على جبينها وقال : مبروك عليج أنا ياحياتي
ريما بخجل : الله يبارك فيك
حامد : لا ما أقدر على هالجمال صراحة بتخليني أتهور الليلة ..
راح فيها وجه ريما من الحيا
حامد : ياويل حالي كل ذا حيا ياقلبي ..
ريما : حاممد ..
حامد : ياعيون حامد
جودي : حاممممممد وش سويت في البنت شوف وجهاا راح فيها
حامد : مالك دخل زوجتي وأنا حر فيها
جودي : بس مو قدام الناس عااد
حامد : أقول جودي وين الشبكة نبي نخلص ونروح
اختلعت ريما : وين نروح .. ؟
حامد : بعدين تعرفي .. وغمز لها
ريما نزلت راسها مستحية
لبسها الشبكة بس يوم جا يلبسها الحلق ماعرف
حامد : بالله ذا شلون يلبس .. ؟
ريما : بسيطة أعطيني وأنا ألبسه ..
حامد : لا أنا بلبسج إياهـ
جودي : حامد يلاا ما صار حلق
حامد : أفففففففف أنا أستسلمت خذي لبسيها
جود : هههههههههه كنت متوقعه
قطعوا الكيك وجلسوا شوي بعدين راحوا قعدوا في المجلس

حامد : ريومتي قومي لبسي عباتج ..
ريما بخجل : وين بنروح .. ؟
حامد : بعدين تعرفي ..
ريما : طيب بستأذن من أبوي
حامد : مايحتاج أنا أخذت الأذن
ريما : أوك بعطي امي خبر وبجي
حامد : لا تطولين أنتظرج ..
ابتسمت له ورقت فوق بدلت بها سرعة ولبست عباتها قالت لامها أنها بتطلع مع حامد وراحت له المجلس شافها مسك أيدها وراح السيارة .. أول راح
بها مطعم راقي مررهـ فيه موسيقى رايقه والمطعم كان فاضي مافي إلا هم
ريما : حامد ليش المطعم فاضي ..
حامد : هذا طلب مني لهم
ريما : ليش .. ؟
حامد : عشان اخذ راحتي وباسها على جبينها
استحت ريما منه جرئ مررهـ : حامممد
حامد ببراءة : وشو ؟ أنا مو مصدق أنك زوجتي خليني أخد راحتي
.*.*.*.*.*.*.*.*.*.

انتهى البارت

توقعاتكم س1 هل بيتم زواج حامد وريما أو بيصير شئ .. ؟
س2 منو إلا جت لريما معقولة تكون غيداء .. ؟