روايةشواطئ المحبة

v,hdma,h'z hglpfm

للمعلوميـه راح انزل كـل يوم بـارتين

الشخصيـــــــات

عايلـة أبو حامد

أبو حامد ( محمد )
أم حامد ( شوق )
حامد 25 سنة يشتغل مع أبوهـ في شركة كبير ومشهورهـ طيووب ويحب خواته مووت و رومنسي طويل وضعيف له هيبه في المكان إلا يجلس فيه

زيد 22 سنة يدرس سنة ثالثة إدار إعمال طويل وجسمه حلوو يحب يكتب خواطر بس عيبه عصبي

جود وجودي توام 19 سنة أول سنة في الجامعة نعووم ومن كثر ما يجلسو مع حامد صارو رومنسيين وغرفهم مليانه شمووع وأشرط موسيقى ومخدات ع شكل قلووب من عند حامد جسمهم مرره حلوو في المكان المفروض إنه مليان هو مليان والمكان المفروض أنه ضعيف هو ضعيف

عـــــــايلة أبو ريما
أبو ريما ( يوسف )
أم ريما ( أمل )
ريما 19 سنة بنت حبووبه وتحب الروايات موت تدرس في الجامعة سنة أوله محاسبه

فيصل 24 سنة وسييم ينجذبون له البنات ع طوول الولد كان ماشي في الطريق الصح لكن أصدقاء السوء في كل مكان وللأسف بدا ينحرف للطريق الغلط صار يطول شعرهـ عشان يحبوه البنات

عــــايلة ابو هادي
أبو هادي (احمد )
ام هادي ( نوف )

هادي 26 سنة يشتغل مع ابوه وعمه في الشركة ماشاء لله أسم ع مسمى هادي مررهـ مشهور بطيبته حكمته في حل الامور

فارس 25 سنة يشتغل في شركة ارامكو طوويل وعليه جمال غير طبيعي خقآآق رومنسي ويكتب خواطر ويحب اخته الوحيدهـ

منار 18 سنة جميله مرهـ وطويله وعليها جسم انما أيه تحب اخوها فارس مووت لانه مهتم فيها مرره ومدلعها اخر العنقوود

البــــــارت الأول

في أحد القصور الراقيه في مدينة الدمام كانت عايلة أبو حامد جالسة تتغدى
أبو حامد : يا بنآآت ترى اليوم بنروح بيت أبو ريما
جودي : والله ؟ مشتاقة لـ ريما مووت
جود : ونآآسهـ .. بروح أجهز روحي من الحين
حامد : أركدي شوي ؟!
أم حامد : كملي غذاج يمه
جود : لا خلاآآص شبعت
جودي : الحمد لله والشكر مخبوله البنت
أبو حامد : تركيييها في حالها البنت مستانسه
جودي : وأنا وش أقول مدام المحامي عنها موجود
زيد : أقول أكرميينا بسكوتج
جودي : زين يعنيي الواحد ما يقول كلمة في هالبيت .. وقامت

الكل : هههههههههههههههههه

حامد : ياحبي لها وهي معصبهـ

*_*_*_*

في بيت أبو ريما

ريما من درت أن جود وجودي بيجون عدها قامت تجهز نفسها ووصت السواق يجيب لهم جيز كيك وكيك ع شوكلااة
وجهزت غرفتها والاستريو وأشرط الموسيقى الجديدهـ لانها ناويه تخليهم ينامون عدها قامت تدور لها لبس حلوو تلبسه واختارت واختارت ضاغط بني وعليه تنورة بيج لفوق الركبه وبلوزة بيضاء ورفعت شعرها الحرير وسوته زي ذيل الحصان وطلع شكلها مررهـ كيووت
ونزلت تحت في الصالة تنتظرهم ولقت أمها وأبوها وفيصل جالسين

ريما : السلاام عليكم
الكل : وعليكم السلاام
فيصل يصفر : واااو شو هالكشخه خيتوو
ريما : أنا طول عمري كشخه مو بس الحين
أم ريما : وأنا أشهد
أبو ريما : تعالي حبيبة أبوها جلسي جمبي
وراحت جلست جمب أبوها
فيصل : لالا كذا أنا أغار
أم ريما : ويدي تعال أجلس جمبي وما عليك من هالدلوعة
فيصل راح جلس جمب أمه وطلع لسانه لـ ريما
ريما : باباتي شوفه انا ما سويت له شي
أبو ريما : فيصل أعقل عن أختك
أم ريما : ما سوا شي يا يوسف
فيصل : يحيا العدل وقام باس أمه
ريما جت بتتكلم إلا جت الشغالة
الشغالة : مدام هذا بيت ابو هامد يجي خلي يدخل ؟
ابو حامد بعصبية: وأنتي مخليتهم عند الباب صج ما تستحي رووحي دخليهم بسرعة
الشغالة يوني : زين بابا
ابو حامد وأم حامد وحامد وزيد والتوأم : السلاام عليكم
الكل : وعليكم السلاام
أبو ريما : هلاا والله تو ما نور البيت
أبو حامد : منور بأهله ياخوي
ام ريما : تفضلوا ليش واقفين
جلسو البنات وام حامد والرجال راحو المجلس عشان البنات ياخذو راحتهم
ريما راحت ركض تحضن جود : وحشتيني يا دبه
جود بمزح: بعدي عني خنقتيني بمووت
جودي : لنا الله
ريما راحت تحضنها : روحي عني انتي هلاا وغلاا بجودي
وجلسو ع جنب في الصالة يسولفوا وام حامد وأم ريما يسولفوا بروحهم
في جهت البنات _*
ريما : أعملو حسابكم تراكم بتنامون عندي
جود : والله
جودي : يارب باباي يوافق
ريما : لا تخافي انا بطريقتي أقنعه
جود : اهم شي جيز كيك عندك وأنا مستعدهـ انام عندك ع طوول
ريما : بس تفكيرك في بطنك
جودي : أي والله تفكيرها في بطنها بس
ريما : طيب يلاا نروح غرفتي
جود و جودي : يلاا
ريما : ماماتي أحنا بنروح فووق
ام ريما : طيب حبيبتي
ورقو فوق
في غرفة ريما

فصخو عبيهم ( للمعلومة ترى البنات يتحجبو بس عن فيصل وريما تتحجب عن حامد وزيد )
جودي كانت لابسه ضاغط اسود وعليه بلوزة طويله لحد الركبه خضراء وفيها حركاات وحزام عند الخصر ورافعه شعرها ومخليه منه خصل تنزل ع وجها
وجود كانت لابسه تنورة سوء وعليها بلوزة صفرا ومسويها شعرها كيرلي

جودي وهي تفتش : وااااااااو اشرطة الموسيقى الجديدهـ
ريما : Yes
جودي حضنت ريما : فديتج والله
جود : الليلة السهرهـ صباحي

عند الرجال _*

ابو حامد : اقول وش رايكم ولو نطلع لنا استراحه كم يوم
زيد : جبتها يا بووي نغير جو
ابو ريما : خلااص دور لنا استراحة زينة ونطلع ونكلم ابو هادي يجي معانا
حامد : أي والله من زمان خبري في فارس
فيصل : ليش ما تكلمه ؟
حامد : أنشغلت هالايام في الشغل وما حصل لي فرصة
فيصل : اهاا
ابو حامد : خير ان شالله يوم نطلع يوم الاربعاء ونرجع الجمعة
ابو ريما : خلااص خلي الاستراحة علي
زيد : عمي نبي وحدهـ كبيرهـ عشان نلعب ع كيفنا
ابو حامد : لا تتشرط يا ولد
ابو ريما : خله يا محمد يقول يتشرط ع كيفه .. ابشر يا ولدي
زيد : تسلم يا عمي .. وقام باس راس عمه
ابو ريما : حبيت الكعبه إن شالله
زيد : بوجودك
ابو ريما : والله إنك ربيت رجال يا خوي
أبو حامد ببتسامه : تسلم ..
فيصل متضايق ما يحب جلسة البيت أبد : يبا خلونا نجلس داخل مع الحريم نهربد عليهم شوي
ابو حامد : ومرهـ وحدهـ نقول لهم عن الاستراحه
وقامو يدخلو عشان يجلسو مع ام حامد وام ريما

ابو ريما : ياولـــــد
أم ريما : ادخل
دخلوا وجلسو ا

ابو حامد : شوفوا يا حريم احنا بنحجز استراحه نستمتع فيها شوي
نروح يوم الاربعاء ونجي الجمعة وش قولكم
أم ريما : أي والله نغير جوو
ابو ريما : خلااص ع بركا الله ..
نزلو البنات تحت بعد ما تغطو لانه سمعو حس الرجال
البنات : السلاام عليكم
الكل : وعليكم السلاام
ابو ريما : هلاا والله هلاا ببناتي
جود وجودي : هلاا فيك عمي
ابو ريما : شخباركم ؟!
جود وجودي : الحمد لله
ريما : عمي طلبتك لا تردني
أبو حامد : آمري يا بنتي
ريما : أبي البنات ينامون عندي
ابو حامد : بس هذا إلا تبينه .. ا بشري ينامون عندك
ريما بوناسه : تسلم عموو وقامت حبت راسه
ابو حامد : حبيتي الكعبة إن شالله
ريما : بوجودك
ترن ترن >> جوال فيصل ييييرن
ارتبك فيصل
ابو ريما : ليش ما ترد
فيصل : هاا .. الحين برد عن اذنكم وطلع برهـ
..
فيصل : الوو
....... : هاي حبي
فيصل : هلاا قلبي
........ : كيفك ؟
فيصل : دامني اسمع هالصوت بخير .. اقول غيداء
غيداء : قول قلبوو
فيصل : ابي اشوفج من عرفتج وانا ما طلعت معاج إلا مرهـ
غيداء : انتا عارف ضروفي ياحمد << اهو قايل لها اسمه حمد
فيصل بعصبية: ضروفي وضروفي شو يعني ابغا اشوفج وحشتيني
غيداء : طيب لا تعصب خلااص متى اشوفك
فيصل : شو رايج بكرا
غيداء : طيب ووين والساعة كم
وقال لها المكان وتفق وياها انه ياخذها ويتمشى معاها وهي ما تدري بالدنيا
_*_*
( نتكلم عن غيداء شوي بنت حبوبة تعرفت ع بنت في المدرسة واهي إلا علمتها تكلم شباب وعطتها رقم فيصل تصدق اي شي ينقال لها تثق في فيصل ثقة عمياء والمسكينة ما تدري انه يلعب عليها تفكره يحبها عمرها 18 سنة ثالث ثنوي ابوها وامها شديدين مررهـ ما يخلوها تروح مكان واهم ما يعرفوهـ عشان كذا بتروح بيت صديقتها وبياخذها فيصل من هناك )

بعد ما راحو بيت أبو حامد راحو البنات وفوق
يخططو للأستراحة بعد ما قالت لهم أم ريما
جود : بنآآت دريتو بيت عمي أبو هادي بيروحون ويانا
ريما : يآآي ونااسه
جودي : بنصير اربع بنات وخمس شباب بنلعب وياهم ونهبل فيهم
جود : تحمست للاستراحة متى نروح
ريما : بنآآت شو رايكم نروح بكرا المول ابغا ثياب للاستراحة
جودي : أوك .. أنا بعد ابغاا
جود : بس مو لازم اول نستأذن من باباتي
جودي : اللحين بيكون نايم بكرا قبل ما نروح نتصل نستأذن منه واهو أكيد ما بيرفض

وبعد تخطيط وسوالف دامت ساعتين ناموا البنات بعد ما اتفقوا يقعدو منحين عشان يروحو المول


انتهى البــارت

اذا الرواية عجبتكم بكملها

اكيد كمليها يا الغلا

وان شالله بكون متابعه معك

يعطيك ربي الف عافيه

::
تحديث
::
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

يعافيك ربي وراح انزل البارت الثاني لجل عيونك ياملووكـ

البــــارت الثاني

في بيت ابو هادي

في الصالة كانت العايلة متجمعة ع الفطور
أبو هادي : يا عيال ترى يوم الاربعاء بنروح استراحة
منار : والله ؟ و عماني بيروحون
ابو هادي : أي يا بنتي بيروحون
منار : ونااسهـ
فارس : ومتى بنرجع يبه ؟
ابو هادي : يوم الجمعه إن شاء الله
منار : فرووسي
فارس : آمري
منار : ما يأمر عليك عدو .. أبغا أروح مارينا
فارس : بس هذا إلا تبينه
منار : اي
فارس : خلااص تجهزي ع 9 اوديج
منار : فديتك والله الله لا يحرمني منك وراحت حبت راسه وراس ابوها من الوناسه
ورجعت تفطر عشان تخلص وتجهز نفسها

بيت أبو حـــــــامد

الكل جالس يفطر ع الطاولة
حامد : والله البيت من دون جودي مو حلوو
ابو حامد : والله البيت صاير صخه من دون مشاكل زيد وجود
زيد : شنو يعني يبا أني راعي مشاكل جود هي إلا تبدي
أم حامد : أقول ورا ما تكرمنا بسكوتك بس فالح تتشيطر ع بنتي
زيد : يعني انا مو ولدج ؟
أم حامد بعصبية : أقول اسكت بس
سكت زيد وجلس يفطر بهدوء
حامد : وي وي سكتوه ويطلع لسانه
أبو حامد : ههههههههههااي أما عليك حركات يا حامد
حامد : أعجبك يبا :) >> يبي يقهر زيد
زيد رمى الشوكة ع الطاولة : يا صباح الخير
حامد : صباح النور والسرور
زيد : او هو علينا
ام حامد : وأنت يا تتطاق ويا جود ولا ما عندك سالفة خل اخوك في حاله
زيد: يبا انت شاهد انا ما سويت شي
حامد : إلا سمله عليك يالبريء
زيد قام من الطاولة زعلاان وبيطلع بس وقف لما سمع ابوه يناديه
ابو حامد : زيــــــــــد
زيد : نعم يبا
ابو حامد : تعال اقعد يبا
وجا جلس ع الطاولة مرهـ ثانية
حامد : أنا اسف وحقك علي وقام حب راسه
ام حامد وابو حامد : واحنا اسفين
حامد : كنا نمزح معك يا شيخ
زيد: مزح ثقيل
حامد : تحمل مو انت إلا تسوي لجود كذا
زيد : خلااص موب مسوي شي لها
ابو حامد : عفيا ع ولدي
ترن ترن >> جوال ابو حامد
ابو حامد : الو
جودي : السلاام عليكم باباتي
ابو حامد : وعليكم السلاام هلاا جودي خير يبا متصله من الصبح صاير شي
جودي : لا يبه سلاامتك مو صاير شي بس حبينا نستأذن قبل ما نطلع
واخذت جود الجوال من جودي
جود : باباتي
ابو حامد : هلاا جود
جود : باباتي ممكن نروح انا وجودي المول مع ريما
ابو حامد : اوك حبيبتي روحي ولا تتأخرو
جود بفرح : اوك باباتي ما بتنخر
ابو حامد : انتبهو ع نفسكم
جود : إن شالله .. سلاام
ابو حامد : ياهلاا
..
ام حامد : خير يا محمد صاير شي للبنات ؟؟
ابو حامد : لا يا شوقي ما صاير شي بس بيروحون المول واتصلوا يستأذنو مني
ام حامد : الحمدلله بناتي مربيات ما ينخاف عليهم
ابو حامد : اكيد مو شوقي مربيتهم حبي الاول والاخير
ام حامد استحت
حــــامد : عاش الرومنسي
زيد : أوه امي تستحي
ام حامد : شو شايفني أكيد استحي
ابو حامد : اقول حامد روح انت وزيد وجيبو لي إلا وصيتك عليه
حامد : حلوهـ التصريفه ابووي بس لا تعيدها
ابو حامد طفش : طيب يلاا رح
حامد وزيد : هههههههههااي
وطلعوا

أبو حامد : اقول شوق
ام حامد : قول يا محمد
أبو حامد : جهزي نفسج الليلة بطلعج بس هاا بروحنا نعيد شبابنا
أم حامد : والله أنا بعدي شباب أنت الشايب
أبو حامد : طيب خلااص انا شايب وابتسم لها

في بيت أبو هادي
فارس ينادي منار من على الدرج : مناااااار يلاا بسرعة ولا بروح
منار وهي نازلة بسرعة خايفة يروح عنها : طيب يا فارس داني وصلت هاا
فارس يبتسم لها : طيب يلاا نروح
منار : يلاا
في السيارة
منار : فارس سمعني شي من عنك
فارس : طيب .. وحط لها موسيقى هاديه
منار : الله ع الرومنسي
فارس : أقول سكتي لا تخربي الموسيقى
وجلسوا يسمعو من الصبح موسيقى تعدل المزاج

في بيت أبو ريما
ركبو البنات السيارة طبعا السواق إلا بيوديهم ما حد فاضي من الصبح
ريما : راجوو ودينا مارينا مول
راجوو > السواق : طيب مدام
جودي : ياربي نعسانه كله منك ريمووهـ خليتيني اسهر
ريما : خليتج تسهري بس السهرة حلووهـ مو ؟
جود : أي والله وأحلى ما فيها الشيز كيك لذييييييذ
ريما : مو هذا همك الاكل
جودي : وحشني حامد الدب
ريما بقلبها ( والله أني بعد وحشني مو بس انتي )
ريما : ليش ما تتصلي به ؟
جودي ( حاسبتني ما ادري عنك يا ريما ادري انج مشتاقه له ) : الحين بتصل
اتصلت وحصته سبيكر عشان ريما تسمع
حامد : هلاا والله بالغاليه
جودي : هلاا فيك
حامد : كيفك ؟ ما تنشافين ؟
جودي : الحمد لله تعرف مشاغل الدنيا ياخوي
حامد : طيب الليلة ترجعي البيت البيت من دونج ظلاام
جود : لا حامد بلييييز نبي ننام الليلة
حامد : ها جودوهـ أنتي هني
جود : لا هناك
حامد : لالا مافي تنامي بس ليلة تكفي اشتقت لكم
ريما : تكفى حامد خلهم الليلة ينامون بعد
حامد ( فديت هالصوت والله ) : ريما أنتي هني بعد
ريما : أي كلنا هني
حامد : طيب خلااص نامو هناك بس عشان ريما لانها وحيدهـ >> كاسرهـ خاطرهـ .. طيب الحين انتو وين ؟؟
جودي : رايحيين مارينا مول
حامد : طيب باجي لكم
جودي : طيب نستناك عند الباب الثاني
حامد : أوك .. مسافة الطريق
وسكر من عدها وراح لهم يبي يشوف حبيبة القلب ( ريما ) طبعا ما احد يدري عن حب حامد لـ ريما غير جودي .. وجودي كانت شاكة أني ريما تحبه بعد والحين تأكدت ))
نزلوا البنات عند الباب الثاني يستنوا حامد وفي الوقت هذا وصلو فارس ومنار وراحو الباب الاول
فارس : أوف الباب مسكر
منار : طيب امش نروح الباب الثاني
فارس : ع آمرج .. أي اوامر ثانيه
منار : أي واحد سينابون وواحد باستا
فارس : عطيتج وجه واجد امشي
منار وهي تضحك : طيب
وصلو عند الباب شافوهـ بنات واقفين عند الباب وشكلهم ينتظروا احد
فارس : أقول منار مو كنها ذي جودي
منار وهي تناظر إلا يأشر عليها فارس : أي والله أمش نروح لهم
وهي تمشي وقفت لحظة
فارس : ليش وقفتي ؟
منار : وأنت وش عرفك في جودي واهي متغطية
فارس اراتبك : هاا .. اعرفتها من لون عيونها
منار : اهاا
فارس ( ما تدري أن صورتها منطبعة في قلبي )
منار : هآآآآآآآآآي بناات
البناات : هاياات
منار : ليش وافقين .. ؟؟ تبون شي ؟؟
جودي : لا بس نستنا حامد
منار : اهاا
فارس ( يا حلو صوتها والله ) : أقول بناات مو كنه هذا حامد
ريما إلي كان عيونها عليه : أي هذا هو وصل
حامد : سلاام
الكل وعليكم السلاام
فارس : حمود شلونك ؟؟ وينك مختفي ؟؟
حامد : هلا فروس الحمدلله بخير تعرف مشاغل الدنيا ياخوي
فارس : عساك ع القوة
حامد : الله يقويك
فارس : إلا انتو وش جيبكم هنا ؟
جود : نتشرا حق الاستراحة
فارس : حلوو وانا جايب منار عشان تتشرا ندور ويا بعض بعدين اغديكم ع حساب حامد
حامد : لاوالله
فارس : خلااص عارف انك بخيل أنا بغديهم ع حسابي
حامد : هههههه لا غداكم ع حسابي اليوم بس غدا فارس ع حسابه لانه يطلب واجد
فارس : أنا ؟؟
حامد : لا ولد الجيران
فارس : مدام ولد الجيران زين
حامد : تستهبل
فارس : لا استعبط
منار : أقول فارس احنا بنروح نتسوق انتو ما بتخلصوا هدرا
فارس : طيب يلاا
دخلو المحلاات وشورا الدنيا والدين وحامد وفارس تعبو من كثر الدوراهـ
حامد : ما خلصتو تعبت ترى
جود : وين ما شرينه شي
حامد : كل هذا وما شريتوا
جود : لا تو الناس
فارس : حرام عليكم صار لكم ساعتين تدورو وما شريتو شي
حامد : أي والله تعبت من الدورارهـ
جودي : خلااص نروح نقعد في الكوفي
فارس : خوج راي والله
حامد : الله يتمم عليج نعمة العقل
جودي : آمنين
راحو جلسو في الكوفي وصار ترتيبهم فارس قدامه جودي وجمبه حامد وقدام حامد ريما وجمب حامد جودي وقدامها منار
طلبو لهم وجلسوا فارس ما نزل عينه من جودي وحامد مو منتبه له لانه يناظر ريما وجود ومنار يسولفوا
فارس : أقول بناات وشلونكم مع الدراسة .. ؟؟
جود : اووهـ بليــز لا تتكلم عنها ما صدقنا نفتك منها شوي
فارس : ليه ما تحبون الدراسة ؟؟
ريما وجود : لا
فارس : اهاا
حامد : وش خططكم للاستراحة ؟؟
جودي : لالا هذي سر
فارس ( وأخيرا نطقتي ) : افاا ما تعلمونا
ريما : لالا عيب في الاستراحة تعرفوا
حامد : طيب نصبر ونشوف
منار : فـــارس أبي عصير فراولة
فارس : توك شاربة كوبشينو
منار : لا من ربع ساعة شاربة أبي عصير فراولة
فارس : طيب .. تبون شي ؟؟
حامد : أي واحد كروسون وواحد فراولة
فارس : طيب من عيوني .. وين فلوسك ؟؟
حامد : طول عمرك بخيل خذ وطلع من بوكه وعطاهـ خمسين ريال
فارس : أمزح معك يا شيخ فلوسي هي فلوسك
حامد : طيب يلاا بلا هذرهـ روح جيب
بعد ما راح فارس
حامد : يلا بنات وش خططكم
منار : أي وش الخطط ؟
جودي : لالا ما يصير تعرف
منار : ع شاني جودي
جوي : لا ما قلنا قدام فارس ما نقول من وراهـ
حامد : هين يا جوودوهـ ما تعلمين هاااهـ
ريما بنعومه : أي ما نعلم عنك مانع ؟؟
حامد : من أنا ؟؟ لا ما عندي مانع أصلاا مو لازم أعرف
جودي : ههههههههه
جود : وش فيك ؟؟
جودي : لا سلاامتك بس تذكرت شي
جود : اهاا
جا فارس وعطاهم إلا طلبوهـ
فارس : لا تقولوا قلتوا مخططاتكم ؟؟
منار : الآنسة جودي ما رضيت تقول - تقلد صوتها - لا ما قلنا قدام فارس ما نقول من وراهـ
فارس ( فديتها والله ) : بعدي والله جودهـ
حامد : هي هي شو جودهـ
فارس : هاا .. أي اسمها عشان إذا رحنا الاستراحة
حامد : إذا رحنا الاستراحة هاا
فارس يصرف الموضوع : يلاا ما بتمشوا ؟؟
منار : فارس ما خلصت ..
فارس : كل هالدوارهـ وما خلصتي
منار : أصلاا ما شريت شي
فارس : طيب يلاا قومي لك ساعة بس
منار ببراءة : جودي تعالي معي
جودي : حامد أروح ؟؟
حامد : قومو كلكم وش يجلسنا هناا
ريما : بس أنا تعبانه
جود : عاد ريما قومي معنا
ريما : والله تعبانه جود ما فيني
حامد : طيب انتو روحوا مع فارس وأنا أقعد معها
ريما : لا ما يحتاج روح معهم
حامد : لا مستحيل تبيني اتركك وهنا كله شباب
ريما : خلااص براحتك
جودي : يلاا بايوو
ريما : بايوو
.*.*.*
انتهى البارت

الحين راح انزل ((البارت الثـــ3ــــالث ))




عند فارس _*
فارس : ها بنات وين تبون تتسوقون ؟؟
جودي : ابي أروح زارا
منار : وأنا ابا اتام
فارس : خلااص اول نروح زارا وبعدين إلا تبون بس ها ساعة بس !!
جود : فارس ما تكفي ساعة
فارس : لا حول انا تعبان ساعة بس !!
جودي : طيب نحاول نخلص
ابتسم فارس

.*.*.*.*
من جهة ثانية فيصل يدور في المجمع مع غيداء
فيصل : غيداء ما خلصتي ؟
غيداء : لا
فيصل : بس أنا تعبت من الدوارهـ
غيداء : حموودي أخر محل
فيصل : طيب محل واحد بس!
غيداء : زارا
ومشو للمحال فيصل وهو يطالع الاكياس الا في ايدهـ
( والله لاطلع قيمتهم من عيونج )
وهو ييمشي لمح فارس واقف ع باب المحل
وقف
غيداء : ليش وقفت ؟
مسك ايد غيداء وراح جهة ثانية بسرعة
لكن الا ما يدري انه فارس شافه او لمحه
فيصل وقف بعد ما ابتعد وجلس يتنفس
غيداء: ليش جينه هنا ؟ من الا شفته وقعدت تركض ؟!
فيصل : جـب ولا كلمة .. يلاا بروح
غيداء خافت منه : طيب

.*.*.*.
فارس في نفسه ( هذا فيصل ولا لا ،، لالا مو هوو اكيد واحد يشبهه ،، لا لو يشبهه كان ما هرب يوم شافني )

.*.*.*.*.*

عند حامد _*
حامد : كيفك ريما ؟؟
ريما وهي مستحية لانها جالسة معه بروحها : تماام
حامد : أنتي وش تدرسي في الجامعة ؟؟
ريما : محاسبة
حامد : اهاا .. حلو التخصص
ريما : تسلم
جلس حامد يتأملها بنظرات حب
ريما استحت من نظراته ( وش بييصيير لو قلت له يعني ) : ا.. ااه حامد ليه تطالعنيي كذا
حامد انحرج من كلاامها : طيب ارتحتي الحين تبين نروح للبناات
ريما خلااص ما هي قادرهـ تتحمل نظراتها معنها ما شبعت منه بـــس : ايوة
حامد وقف : طيب يلاا قومي
قامت ريما وهي مبتسمة

.*.*.*.*.

عند فارس

وهم يتسووقوا رن تلفون فارس
ابتسم فارس ورد: هلاا والله بالغلاا كله
.......... : هلاا يوليدي
فارس وهو يطالع في جودي ( خايف تبعد عن عينه ): كيفك حبي ؟
جودي انصدمت من كلمته حبي ؟ ترددت الكلمة ذي في بالها حبي .. حبي ( معقوله فارس يكلم بناات معقولة ما توقعتها منك انت بالذات يافارس لييييش ؟ )
منار : جودي .. جودي
جودي انتبهت : هاا
منار : اشفيج وين سرحتي ؟
جودي : لا ولا شي وش قلتي ؟
منار : اقول وش رايج في هذا الفستان
جودي طالعب بالفستنان بنبهار : ماشالله ذوقج حلوو
منار : تسلمي يعنيي اخذهـ
جودي : اي خذيه
قامت جودي تتلفت بعيونها تدور الا ممكن ينقذها من حيرتها بــس ما لقت :(

شافت حامد جاي لهم والابتاسمة شاقة حلجه
جودي ( أكيد مستانس يحليله .. آآآآآهـ ياليتني ما سمعتك يافارس ياليتني)
راحت جودي لحامــد : حامد
حامد : هلاا
جودي : ودني البيت
حامد : ليش ؟
جودي : تعبت خلااص
حامد : واخيرا واختك المصون وينهي ؟
جودي : ما ادري
حامد : آآآآهـ منج بس بروح اشوفها
بعد ما راح حامد
ريما : جودي شفيج؟
جودي : مافيني شي
ريما : تقدري تكذبي ع الكل الا انا
جودي : ريما الله يخليج اسكتي بعدين اقول لج
ريما يوم شافت الدموع في عيون جودي سكتت : طيب

_*
حامد : جود .. جود
جود : هلاا
حامد : يلاا بنمشي
جود : طيب بس احاسب
حامد : يلاا بسرعة

_*
بعد ماسكر فارس من امه راح ركض لحامد بيشوف شو السالفة بعد ما شاف جودي راحت له بسرعة

فارس : خير حامد صاير شي
حامد : لا سلاامتك بس جودي تعبت وبنروح البيت
فارس : عسى مو صاير فيها شي ؟
حامد : لالا مافيها شي

جت منار لفارس
منار : خلااص خلصت فارس
فارس : يلاا خلينه نروح

جت جود وطلعو كلهم مع بعض حامد قدام والبنات وفارس وراهـ
انفتح صندل جودي ووقفت تعدله والبنات راحوو وفارس يوم ما شافها وقف يدورها شافها واقفه راح لها

فارس : خير جودي صاير لج شي ؟
ناظرته جودي بنظرات احتقار : لو سمحت اني ما انزل مستواي واكلم هالاشكال
فارس بستغراب : تقصديني ؟شسويت ؟
جودي : بعد تسأل ما توقعتها منك يافارس
ومشت عنه
مشى لاخته وهو مستغرب من كلاامها
(شسويت عشان تقول لي هالكلاام ؟ )

ومشو كل واحد راح بيته وحامد وصل ريما بيتهم بعد ما اتفقت تروح لهم العصر عشان تعرف سالفة جودي

جودي بنفسها ( ليش قلت له الكلاام ذهـ؟ مهما كان ماعندي سبب )
لا ياجودي لا تلومي نفسج ولا تفكري فيه هاذهـ واحد ما يستاهل
لكن مهما قالت ومهما سوت ما تقدر تشيله من تفكيرها نامت ودموعها على خدها

العصر )*
بيت أبو ريما
نزلت ريما من الدرج وفي أيدها عبايتها عشان تروح لجودي شافت أمها وأبوها واخوها فيصل جالسين في الصالة
ريما : السلاام عليكم
الكل : وعليكم السلاام
راحت وحبت راس ابوها وامها وحبت فيصل ع خدهـ
وجلست
ام ريما : أصب لج قهوة ؟!
ريما : لا يمه بروج بيت عمي أبو حامد
فيصل : وأنتي كله مطيحه هناكـ
ريما : وأنت وش دخلكـ
فيصل بلعانه : مافي روحه
ريما : باباتي شوفه
ابو ريما : ماعليك منه وأنا بنفسي بوصلك
ريما تطلع لسانها لفيصل : حرهـ حرهـ وقامت باست راس ابوها
ابو ريما : حبيت الكعبة ان شالله
ريما : بوجودكـ .. يلاا باباتي نمشي
ابو ريما : يلاا

.*.*.*.*
في بيت أبو هادي
ابو هادي وام هادي جالسين يتقهوون ودخل فارس ومنار عليهم
ام هادي بس شافتهم صبغ وجها من الحياء وقالت بهمس : بس يا احمد العيال هنيه
احمد ( ابوهادي) رفع راسه : وانتو ما تجو الا في هالوقت
فارس : ههههههههه خربنه عليكم الجو الرومنسي
ام هادي : ياولد استح
منار : ههههههههههه امي تستحي
ام هادي : اكيد استحي وش شايفتني
ابو هادي : يلاا كل واحد ع غرفته
منار : نفضي لكم الجو هاا
فارس : أنا بصراحة رجلي تعورني مو قايم ) كاتم ضحكته)
ابو هادي : رجلك تعورك هاا
فارس : ايه
وقف ابو هادي ومسك ايد ام هادي : يلاا احنا بنروح فوق ونخليك تاخد راحتك
بعد ما طلعوو
فارس ومنار :هههههههههههههههههههههههههههههه
فارس : يحليله ابوي يحسب نفسه مراهق ابو 16 سنه
.*.*.*.*
غرفة ابو هادي
ابو هادي وهو يجلس : دايما يخربو جو الرومنسية
ام هادي : هههههههههه وانت تحسن نفسك مراهق ابو 16 سنه
ابو هادي : لاوالله جالسة تتمسخري
ام هادي : ابد وانا اقدر
ابو هادي : اقول نووفه
ام هادي (نوف) : عيونها
ابوهادي : شرايج نطله الليلة نستعيب شبابنه
ام هادي : نستعيد شبابنه ؟؟!!! والله انت الشايب انا توني صغيرهـ
ابو هادي : اي صغيرهـ الله يهداج
ام هادي : طيب خلااص موافقة
ابو هادي :طي................ ماكمل كلاامه
الا الباب بنفتح
هادي : بوووووووووووووو
ام هادي : بسم الله وش هالحركات ؟؟
هادي : ههههههههههههههههههه شكلكم حلو ههههههههه وانتو هههه مخترعين هههههههه
ابو هادي : عمى في عيون العدوو هاذهـ وانته الكبير تسوي هالحركات
هادي : آسف يبه بس مو مني كله من منار هي قالت لي
ام هادي : منار هاا
منار تطلع لهم : حتى هني تحشو فيني ... بس وش رايكم بالحركة خطيرهـ موو
ابو هادي : خطيرهـ هاا وقام لها
ومنار ما تشوف الا غبارها

.*.*.*.*.*
بيت أبو حامد
غرفة جودي )*
ريما : ما اصدق فارس يطلع كل هاذا
جودي : حتى انا ماصدقت لكن سمعته سمعته وقامت تبكي
ريما وهي تحضنها : خلااص حبيبتي لا تبكي
جودي : ما اقدر يا ريما مقهورهـ
ريما : خلااص اهدي
بعد ما هدت جودي شوي
جودي : سوري ريما بس ما قدرت امسك نفسي
ريما : خلااص حبيبتي ما عليك انتي بس اهدي
جودي تبي تغير الموضوع عشان لا تبكي : اقول ريووم اخبار صديقتج حوراء
ريما : من زمان عنها وحشتني الدوبه
جودي : طيب اتصلي عليها
ريما : اوكي
اتصلت عليها
حوراء : هلاا بالقاطعه
ريما : هلاا فيج يالمعصقله
حوراء : هههههههه أخبارج ؟
ريما : تمام الحمدلله .. أنتي أخبارج ؟
حوراء : تمام بكرا بنروح الاستراحة وناسة
ريما : جد .. احنا بعد
حوراء : كم يوم بتقعدو ؟
ريما : اسبوع
حوراء : اهاا .. وينج ما شفتج صار لي شهر وحشتيني يالدوبه
ريما : ظروف .. وانتي وحشتيني اكثر يالمعصقله
حوراء : اوك ريوومه اخليج الحين وسلمي ع جودوهـ
ريما : ههههههه الله يسلمك غناتوو
حوراء : باي
ريما : بايات
.*.*.*.
ريما : تسلم عليج
جودي : الله يسلمها
ريما : جودهـ عطشآآآنه
جودي : المطبخ قدامج تفضلي
ريما : اووهـ منج
ونزلت المطبخ تصب لها الماي

()*)*)&)&*)&

في مجلس بيت ابو حامد

فارس : أخبارك مع الشغل
حامد : تماام
فارس : تصدق متحمس لروحة الاستراحة نبي نركب دبابات
حامد : اي اهم شي الدبابات
فارس : ونبي نلعب ع البنات
حامد : صدق انك داهية .. تذكر شي حامد وقال : لا شنو نلعب ع البنات خواتي وياهم
فارس : واختي وياهم .. مرهـ ما بتظر
حامد : وانت الصادق
فارس : اقول حمود عطشآآآن
حامد : تندل المطبخ ؟
فارس : ايه
حامد: اقضب رجولك له
فارس : الحين انه ضيف ما يصير ادخل
حامد وهو يدخل : ياحبك للفلسفه
فارس : ههههههه

وهـذا البـارت الرابــ 4ــع

.*.*.*.*.*.*.*.*.

نزلت ريما وراحت للمطبخ بتشرب ماي كانت فاصخه عباتها ولابسه بنطلون جنز رصاصي ع ابيض فيه حركات ومخابي وبلوزة بنفسجيه من بريمود فيها حركات طالعه روعه عليها
دخلت المطبخ وصبت ليها ماي وجلست تشرب
دخل حامد من باب المطبخ البراني وشافت ريما تنح عليها ( بتذبحني هالبنت عليها جمال )
انتبهت ريما لـ حامد وطاح الكاس من ايدها وانكسر وبرتباك قالت : ح..ام..د
ابتسم حامد وقال : عيونه
انحاشت ريما بسرعة داخل لاحد يشوفها
حامد ( افاا ما شبعت من الزين )
ورجع المجلس
فارس بستغراب : وين الماي ؟
حامد : الماي ؟ اي ماي ؟
فارس قام ولمسه : مسخن انت ؟ وين الماي الا بتجيبه لي
حامد تذكر: اووهـ الماي سوري نسيت وراح
فارس : حمدلله طار عقل الولد
حامد وهو يطلع غرشة الماي من الثلااجة : الا يشوف هالزين ماتبغاه ينسى الماي وابوه بعد
جود : اشفيك تكلم روحك
حامد : بسم الله من وين طلعتي ؟
جود: من بطن امي
حامد : هاها ما تضحك
جود : افاا وين الرومنسية وين راحت ياخوي
حامد : روحي زين تاخرت ع الولد باي
جود : باي


.*.*.*.*.

في الليل

بيت أبو حامد

ابوحامد : يلاا يا شوقي
ام حامد وهي تلبس عباتها : يلاا داني جيت
ابو حامد : مشينه ؟
ام حامد وهي تبتسم : مشينه
.*.*.
بيت ابو هادي
ام هادي : يلاا قلبوو تأخرنه
ابوهادي : يلاا ياقمر >>> عكس بيت ابو حامد خخخخخ

مرو من الصالة

هادي وهو يصفر : مشالله كل هالكشخة وين بتروحون علموني ؟
ابوهادي : وانت وش يخصك ؟
هادي : افا يبا ما هقيتها والله ( يعني ما توقعتها )
ابوهادي : جب جب ويلاا باي
هادي : باي .. بس طلعو استوعب الا صار وقام يضحك
.*.
ام هادي : ههههههههههههههههههه وش سويت في الولد
ابو هادي : ماسويت شي وماعليك منه خلي الليلة ليلتنه وغمز لها
ام هادي : استح شايب وتقول هالكلاام
ابو هادي : هههههههههههه

.*.*.

بيت ابو ريما

ريما وابوها وامها جالسين يتابعوا التلفزيون
ومر فيصل وشافهم جالسة
فيصل : هااي
ريما : وعليكم الهاي
ابوريما : وش هالسخافة الناس تقول السلاام عليكم وانتو يقلدهم _هاي
فيصل : يباا هاذي الموضة
ابوريما: اي موضة الا تخليكم تغيرو دينكم
فيصل مستمل من محاضرت ابوه الي حفظها من كثر ما يقولها : خلااص يبا اسف وحقك علي السلاام _ زين الحين ؟
ابوريما : اي .. اصطلب
فيصل بملل : حاضر يبا .. اني طالع تبون شي ؟
ريما : وانته كله طالع ما تجلس في البيت
توهـ فيصل بيرد لكن امه سبقته
ام ريما : وانتي وش عليج خليه يطلع يوسع صدرهـ
فيصل : فديتج امي .. وراح حب راسها وراس ابوهـ وطلع

.*.*.
في المطعم

ابو حامد : شوقي
ام حامد وهي مستحية : هلاا
ابوحامد : يحليلج كبرتي وبعدج تستحي
ام حامد : لا كبرت ولا شي انت الا شيبت
ابو حامد : خلااص ولا يهمج اني الشايب المخرف .. اقول
ام حامد : آمر حموودي
ابوحامد: اموت انا ع حموودي .. احبــــــــج
ام حامد : وانا اموت فيــك

.*.*.

سيارة ابو هادي

ابوهادي : اي مطعم تبي نروح ؟
ام هادي : اممم ع ذوقك
ابو هادي : oOoK
وداها مطعم رومنسي من حيث أضائاته والطاولاات
بعد ما جلسوو
ابو هادي : وش رايج في المطعم ؟
ام هادي : طوول عمرك ذوقك ياذوق
ابو هادي : انا احمد مو ذوق
ام هادي تضحك : هههههههه بسك تنكت كبرت ع هالسوالف
ابوهادي : لا كبرت ولا شي خليني اتمتع بشبابي << اقول لكم عكس بيت ابوحامد
ام هادي : الله والشباب الباقي لك
ابتسم لها ابو هادي

.*.*.*

اليوم الثاني الصبح

بيت ابو حامد

ام حامد جالسة في الصالة تتقهوى
افففف من هالبنات ما بقعدوو
الا ابو حامد يدخل البيت : وش فيه الحلوو جالس زعلاان ؟
ام حامد : البنات للحين ما قعدن عشان الاستراحة لا نتأخر عليها
يا عايشة .. عايشة
عايشة ( الخدامة ) : نعم مدام
ام حامد : روحي للبنات صحيهم
عايشة : حاضر مدام
وراحت لهم
.*.*
عايشة وهي تشيل اللحاف عن جود : جود جود يلاا ماما قول بس نوم
جود : اووه عايشة روحي
عايشة : انا في روح له جودي انته في قووم .. زين ؟
جود : زين .. زين بس ذلفي

راحت لجودي

عايشة : جودي .. جودي .. يلاا قووم
جودي : خلااص قمت قمت
عايشة : انته واجد زين جود مافي زين نووم كثير
جودي : انزين روحي بلاا هذرة

رجعت عايشة المسكينة لجود
عايشة : اووووه انته واجد نوم بصراخ : جود يلاا في روح استراحه
جود وهي تسد اذونها : زين لا تصارخي وجــع طلعي برا
عايشة : زين انته واجد سوي جنجان

بعد ما قامو جود وجودي
نزلو تحت وشافو زيد جالس ينتظرهم في الصالة
جودي وجود : السلاام عليكم
الكل : وعليكم السلاام
زيد بعصبية : سنة عشان تنزلون ولا معاريس
جود : يالله صباح خير وانت وش عليك اففف
زيد : يلاا قدامي ع السيارة
جودي : ومن قال بركب وياك بروح مع حامد وراحت برهـ بسرعة قبل لا يجبرها تروح معه
زيد خز جود : وانتي بتروحي مع من ؟
جود : خافت من نظرته : معك بروح معك
زيد ابتسم : يلاا يالقمر
جود في نفسها ( بسم الله مسرع ما تغير مزاجه هالولد )


*.*.
بيت ابو هادي

ابو هادي يصارخ عليهم: يام هادي يا فارس يا منار وينكممم؟
هادي : يبا لا تعب روحك يعني ما تعرفهم سنة عشان يخلصوون
ابوهادي : وانا من صباح ربي اقول لهم بيت عمك مشو واحنا ما بعد طلعنه
هادي : خلااص يبا هد انا بروح اشوفهم
الا بنزلت ام هادي وفارس
ابو هادي : وين منار ؟؟
فارس : الحين بتنزل يبا تعرف يعني بنت لازم تتكشخ ويقلدها _ انا بنت لازم اروح بكشختي تحسبوني زيكم
الا منار تنزل : حتى هنا تحشوف فيني
او هادي : اقول يلاا اخلصوو بسرعة السيارة الناس مشت وانتو بعدكم
الكل : ان شالله
ابوهادي وام هادي وهادي في سيارة عشان اذا تعب ابو هادي هادي يسوق عنه
ومنار وفارس في سيارة

.*.*.*

بيت ابو ريما

فيصل : يلاا ريمووهـ بمشي عنج << ماعندهـ اسلوب ابد خخ
ريما تصارخ وهي في المطبخ : فيصلووهـ ياويلك ان سويتها
فيصل : زين عن الصراخ بسررعة اخلصي الناس مشو وانتي بعدك
ريما وهي تغطي الفطاير الا مسويتها : خلااص جيت جيت
ومشو فيصل وريما للمكان الا متفقين عليه يتجمعو كلهم

صارت ترتيب السيارات
ابو حامد وام حامد قدام ووراهم ابو هادي وام هادي وهادي ووراهم ابو ريما وام ريما والشباب وراهم حامد وجودي ووراهم زيد وجود ووراهم فيصل وريما ووراهم منار وفارس
وقفو في محطة
في سيارة حامد
حامد : جودي انا بروح البقالة تبين شي
جودي : اممم جيب اي شي نتسلى فيه
حامد : اوكي
بعد ما راح ( اممممممم خليني اجمع البنات عندي نسوي حوسه احسسن )
اتصلت لجود : هلاا جودوه
جودي : جودوه في عينج .. المهم تعالي سيارة حامد بجمع البنات
جود : صدق ؟
جودي : اي تعالي بسرعة
جود : طيب
.*,*)
جود : زيد بروح سيارة حامد جودي بتجمع البنات
زيد : ومن بيقعد معاي ؟
جود : الله يخليك زيوود كل البنات هنااك
زيد: طيب
باسته جود ونزلت
.*.*.
جودي : هلاا بالقمر
ريما : هلاا بالشمس
جودي : خخخخخخ المهم تعالي سيارة حامد بجمع البنات
ريما : لالا استحي
جودي : وشوو تستحي يلاا تعالي
ريما : طيييييييييب
.*
جودي: مرحبا ملاايين بالشيخة
منار: مرحبا بج الشيخة .. آمري
جودي : ما يامر عليك عدو .. امممم منور تجي لسيارة حامد بجمع البنات << من كثرهم
منار: ما ادري احسها صعبة
جودي : بلاا صعبة بلاا بطيخ يلاا تعالي
منار : بشوف فارس وارد عليج
جودي : طيب بــس بسرعة
منار : اوك ..سيوو
جودي : سيوو ليتر

.*.*
في غضون ثواني تجمعو البنات في سيارة حامد
دخل حامد السيارة
حامد وما انتبه لوره : السلاام
الكل : وعليكم السلاام
حامد : بسم الله .. كانو واحد وش خلااهم اربعه
جود : ههههههههه جودي سوت سحرر
جودي : أعوذ بالله منج
حامد : اووه الله يعيني اللحين ما بتسكتو ابد
ريما : حرآآم احنا مو كذا
حامد (فديت هالصوت): طيب يلا لا تهذرو تفقعو راسي عشان لا اسوي حااادث
جودي : بسم الله علينه اقوول حمودي
حامد : آمري ياعيون حمودي
جودي : وش جبت من البقالة ؟!
حامد : مو لازم تعرفي خخخخخخخخ
جودي : افاا والله ماهقيتها
جود : وش هالسؤال يعني ؟؟ خوذي الكيس واعرفي
منار : عن الدفاشة عااد
جود : وش دفاشته اخوي وجايبه لنه
حامد : انا جبت لنفرين مو اربعه ما احد بياكل غيري وغير جودي << يبي يحسرهم
جود : ما عهتك بخيل !!
حامد : افاا بس حموود بخيلـ ... ماكمل كلاامه لانه جواله رن
حامد : هلاا بـ فرووسي
فارس : يرضيك يعني
حامد : وش الا يرضيني ؟؟
فارس : تخليني اسوق بروحي كني سايق
حامد : ههههههههههههههههه هاذهـ الا مزعلك يعني !؟
فارس : ايه وانت جالس تتضحك حظرتك
حامد : ولا يهمك تعاال عندي واجلس ع قلوبهم
فارس : بالله ! كيف يعني ؟ وسيارتي الحنونة ؟
حامد : اي والله خلني افككر
فارس : يلاا اشوف طلعلي طريقة
حامد بعد تفكير : لقيتها احلاا طريقة ..
فارس : قول اتحفنه
حامد : خلي هادي يسوق سيارتك وانت تعال سيارتي
فارس : لاوالله !! ما احب احد غيري يسوق سيارتي
حامد : فرووس بلاا لعانه .. يلاا ما صارت
فارس : طيب عن الحنه بشوف الوضع وبرد عليك
حامد : مع السلاامة
.*.*.
سيارة ابو هادي
الكل جالس بهدوء
ام هادي : اصب لك شاي ابو هادي
ابو هادي وهو توه ماخد السيارة من هادي : صبي ولا ............
.*.*.*.*
انتهى البارت :)

يـلا انتظر ردودكـم ورايـكـمـ في الروايــه

ماراح انزل ولا بارت الا لمـن اشوف ردود

يسلمووووووووووووو القصه روووووووووعه

الله يعافيكـ يالغـلا

واليوم راح انزل البارتات الجديدهـ