الله يفرج كل همومها اللي تساعدني طلبتكم يا بنات جده

همـــــــــــس

سلام كيفكم يا الغوالي طلبتكم لا تردون
ابغى اسوي حفله سابع لبنتي وابغى تجهيزات للحفله من قاعات فندقيه ماتكون غاليه وتشمل البوفيه والضيافه والخدمه بس للحريم وعلى فكره معازيمي مو كثير يعني 80 حرمه
وكمان افكار حلوه للزفات حقت هدايا الاطفال والحلاوه والكيكه وتوزيعات المعازيم
وعندي ولد ابغى اسويله زفه او حركه حلوه علشان مايحس انو بس الحفله لاخته وبس تعرفون الغيره والحركات هذي
واللي تعرف ديجيه حلو ورخيص اسلامي يعني مطربات من غير مسيقه واش كمان

وبطاقات الدعوه واللي ينكتب جوتها
والكوشه انا حابه احطها بلونات اللي تعرف محل يسويها ليه ويضبطها وماتكون غاليه ونافوره الشكولاته اذا فيه محلات بجده تاجرها وبكم
يعني بالعربي تجهيزات للحفله السابع من الالف الي الياء

تكفوووووووووون تساعدوني انا بسوي الحفله شهر 3 اول الشهر تكفوووووون ساعدون



ملاحظه كل شي تقوله بالسعر والعنوان اذا امكن انا من جـــــــــده

---

hggi dtv[ ;g il,lih hggd jshu]kd 'gfj;l dh fkhj []i hggi jshu]kd fkhj []i dtv[ il,lih

همـــــــــــس

معقوله محد عنده ولا فكره تكفوووووون طلبتكم ساعدوني

همـــــــــــس

معقووووووووووووووووله 11 مشاهده ولا رد ساااااااااعدوني طلبتكم وانا اول مره اكتب موضوع في هذا المنتدى تكفون ساعدوني

همـــــــــــس

لا اله الا الله

نـNـدو

لا تزعلي يا الغلا بنات جده ما راح يقصرو معك والله يوفقك ويسعدكم


فينكم يا بنات البحر الاحمر

همـــــــــــس

يعطيك العافيه ياقلبي وجزاك الله خير على مرورك الجميل

همـــــــــــس

بنات جده وينكم

une fleur

أهلين فيكي عسوله .. ربي يحفظلك ولدك وبنوتتكـ


شوفي حبيبتي انا بصراحه رحت قاعات فنادق عشان ملكتي ولحد اللحين ادور بقول لك اللي
شفتهم ممكن ينفعوا سابع

فيه فندق الدار البيضاء رويال بحي الشرفية .. فيه 3 قاعات والله نسيت اسماءهم : (
بس عالعموم اول ماتدخلي يكون متكبهم على يدك اليسار وتكون المسؤؤله معاكي تفرجك على
كل القاعات .. اصغر قاعه تنفع سابع صغنونه وحلوه سعرها 12 الف بس يمكن عشان معازيمك مو
كثير تكون أرخص لانها بالكرسي وأقل سعر 150 للكرسي

كمآن عندك في فندق الساحه قاعه اسمها الفردوس بس والله ناسيه سعرها : (
برضو حلوه وتنفع سابع

وعندك في فندق الواحة قاعة شهرزاد سعرها 8000 لو معازيمك 100 وفوق اكيد انتي اقل حيكون
ارخص بالوفيه طبعا
وفيه قاعه ثانيه في الفندق اسمها ايليت مررره حلوه افخم من شهرزاد لو معازيمك ميه
حتكون 10000 بالبوفيه بس مرتبه ونظيفه

وكمان قاعة اسمها السالمية اللحين عاملين عرض ب 13 الف برضو حلوه وتكفي 300 او اكثر

وفيه قاعه في مطعم الكازار مرره مرتبه وصغنونه صحبتي عملت ملكتها فيه 60 حرمه ب 7 الاف

وبالنسبة للأفكآر اللي تقدمي فيها مره حضرت حفلة الام عندها بنوتات صغار اعمارهم تقريبا 6 سنوات
اشترت لهم فساتين وودتها لمحل شوكلاته قالت حطوا الحلاوه على الفستان , وعلموا لها الحلاوة
وحطت للبنات ورود في شعرهم على لون الحلاوه وعملت لهم زفة وساروا يدوروا عالناس والناس
بيقطفوا حلاوه من فساتين البنات مرررره لزيزه اشكالهم ..

وولدك ربي يحفظه ليكي اعملي له اي اغنيه تكون زفه ولبسيه ثوب ودقله وخليه يمسك اخته ويمشي
واذا عندك عيال صغار من اقاربك خليهم يمشوا بحلاوة البيبي من وراه بس يوصل للكرسي هما
يدوروا عالناس ويوزعوا ...

والكوشه حبيبتي روحي جنتي يعملولك زي كدا مررره شغلهم مرتب .. ويفهموا في امور السابع
ونافورة الشكولاته مااعرف والله بس بسألك وازا عرفت برجع ارد ..

بالنسبة للدي جي برضو مااعرف لانو دايم مطربه عندنا .. بس اذا مالقيتي لاتشيلي هم روحي لأي
ستيريو قوليلو ابغى اغاني بدون موسيقى في كم شريط ينزلها ليكي وشغليهم في الحفله
وبالنسبة لزفة ابنك مع اختو فيه في محلات الاشرطة الاسلامية اشرطه كثييييييييييييييييير كلها
لأغاني الاطفال روحي واختاري لهم يسير تشغليها مع اشرطة الدي جي كمان

وتقومي بالسلآمه ويخلي لك عيالك ويحفظهم ..

eman405

الله يساعدك ويعينيك
والله شكلك حايسة زي حالاتي

همـــــــــــس

[COLOR="Red"]une fleur[/COLOR] جزاك الله الف خير الله يوفقك ويسعدك دنيا واخره ويحقق لك كل اللي تتمنيه مشكوره يالغاليه على تعبك على فكره بنتي عمرها 6 شهور ونص يعني وقت الحفله حتكون كملت 10 شهور ( عمر اطول يارب )

[COLOR="Red"]eman405[/COLOR

اللله يساعدك ويعينك يالغاليه