جروحي تنزف احزاني ....؟

انا المجروح والعالم بحـال القلـب مايـدرون
جروحي تنزف احزاني ولاادري وش يداويهـا


وحيد وحالتي حاله..طليـق فواقعـي مسجـون
لو اصل غاية سنيني..مغير احلامـي ارجيهـا


ظلام وغربة ايامي..وقلـب محتـرق مغبـون
وليل يعـزف الحانـه لـروح غـاب غاليهـا


هموم ثايره بصدري وشوق ماحضن مضنـون
يطفي جمرة الغربـال.دروب الوصـل يمشيهـا


تعبت اطرد ورى افراحي وصبري داخله مطعون
شعوري جفت انهاره.عروقـي كيـف يحييهـا


الا يالله من يرحم خفـوق العاشـق المجنـون
عذابه بحـور غداره..سنيـن الامـس يبكيهـا


اخفي دمعتي اضحك..انا كلي شقـى وشجـون
اهيم وانتظر دنياي..شمـوع الفـرح تضويهـا


احس بداخلي ضيقه تضحي جرحـي المدفـون
وتطعن قلـب آمالـي بخنجـر يعشـق ايديهـا


الا يالله من حزني كشفـت الخافـي المكنـون
واسرار الجروح اللـي عـن العـذال اخفيهـا


الا يالله ساعدني..وصبـر قلبـي المـحـزون
جروحي تنزف احزاني..ولاادري وش يداويهـا

×× أخــــ بكر ـــــوكم ××

الله الله الله




سلمت العبارات والمعاني

انا يالدنيا ماني للفرح شفقان لكن ليه كل مااضحك تبكيني ... اختصار لماكتبته بكر ...

لكن مازال لدينا جميعا قلوب تحب وتشعر وتتالم وتحزن فتلك المشاعر تدل على ان قلوبنا مازالت تنبض فهنيئا لكل من يشعر ويتالم ويتفاءل مادام نبضه حي ..

اشكرك على ماكتبته لنا ..

شاطر لمرورك اختي القلب النابض