ممكن افكار تزين الدبش..~

ll;k ht;hv j.dk hg]fa>>Z hg]fa ht;hv

شوفي يستي؟انا ينبعاوية يعني بقولك عاداتنا وبس احنا مانزين الا الاشيا الضاهرة زي العطور 0المكياج0علب الاكسوار0اكياس دانتيل اوشيفون للاملابس الداخلية والاان اشوف البنات يغلفو ويزنو كل شي؟علشان يعرضوة بالسنما يوم الفرح قبل الزفة يعني مظاهر وبس(بقولك انا اش سويت بفرحي؟طبعن زي ماقلت الاشيا الظاهرة بس؟وجبت كمان ابجورات وتحف لغرفة النوم وطقم سلة وعلبة مناديل ودعاسة واكسسوار لتسريحة وطقم عطور للعريس وغلفت كل شي بنفس الشكل والالوان)كان بصرحة رائع

وانا انتظر افكاركم

مشكورين .........
انا شكلي باخلى كل شئ زي ماهووو هههههههههه

للررررررررررررررررررفع

لو تحبي
اعرف محل عنده توزيعات لجميع المناسبات
وسكر التقديم
و يكتبو الاسم على الشوكولا

اهلين اختي شوفي انا طبعنا ملابسي لي تحتاج كوري كويتها وحطيتها في اكياس نفس حقت المغاسله لي يحطون فيها اثياب اوك ام قمصااان النوم اشتريت صرار لاتجي زي لاكيس ام البجايمه وقمصااان البيت طباااقة كل ثلاث مع بعض وربطها بشريطه زي الهديه ام العطور والمكياج ان شالله راح اغلفها عند محل بس وانا شالله اكون فدتك

السلام عليكم ..
انا يا عسل مثلك عروسه وكنت محتاره في الدبش وكنت ادور شي بصراحه يكون حلو ..


انا اقولك اول شي
شنطي تبع الدبش 4 من اكبر حجم إلى اصغر حجم وشنطة الميك آب بس ماحطيتها في الدبش لاني مسويا ستاند للميك آب.
وكمان علاقتين مو اللي زي العمود العلاقه العريضه وكمان ستاند لتسريحه وستاند للحمام
وصندوق لشرشف الصلاة والسجادات وشرشف السرير
وجبت جزامه من إيكيا
وطقم يجامه لزوجي وقميصي
وبلونتين كبيرهـ مرررررررررررهـ

دحين اقولك كيف بديت ارتبها انا كنت ابى احد يساعدني في الترتيب بس مالقيت وانا زواجي خلاص نهاية الشهر دا ورتبت اغراضي بس باقي يدخل بيتي وان شاء الله الاسبوع الجاي اغراضي بتروح والله يوفقنا كلنا يااارب ...

اول شي الشنطه الكبيره فيها ملابسي حقت الخرجه والاستقبال والشنطه اللي بعدها ملابس النوم واللي بعدها ملابس الداخليه واللي بعدها صغيره مرهـ فيها حطيت فيها اطقم الذهب والساعات عشان اهلي لما يودو الاشياء يحطوها في ادراج التسريحه
بعدين سويت ستاااند مرره كبير وعريض لتسريحه فيها كل الميك آب والاكسسوارات والبكل والعطور كووول شي يشمل التسريحه
في ايكيا جزامات انا اخدت اللي بالادراج وحطيت كل جزمه الله يكرمكم بشنطتها .
اما العلاقات حطيت فيها فساتين هما 3 فساتين وعبايتين و ولبس الصبحيه

وستاند للحمام طبعا لازم طقم الحمام احنا اللي نجيبها ولازم تكون كامله ليكي ولزوجك الستاند مره صغير ومرتب ومايضايق منظر الحمام وجبت صندوق صغير وحطيتو جوا الاستاند واشتريت برايفت وضروووري تكوني جايبتها ورتبتهاا جوا الصندوق

طيب بنسبه للبالونتين ايش تتوقعو ايش سويت !!!
طبعا فكره صاحب اللي سوالي الاستاند ..

جوا البالونه قميص الدخله حقي والبالونه التانيه بيجامه زوجي وان شاء الله اول يوم كل واحد يفعق بالونه التاني .

انا لحد دحين هذا ترتيبي وان شاء الله اهلي يكملو باقي الترتيب في البيت والله يعينهم ع شيله العفش ..



تحياتي ...

في البدايه الله يوفق الجميع يااارب ويسعدكم ويهنيكم وعقبالنا هع

المهم يا حياتي انا مره روحت لمحل كوشات

وكان عندو في شكل مرررره غريب

عباره عن كور شي صغير وشي كبير المهم جمب بعض

وشكلو حلو ومرتب سالتو حق ايش قالي انها جزامه وانتو بكرامه

ففكره حلوة انك تسويها

وحتى الصنادل اربطيها ببعض بشريطه وتحطي عليها فيونكه صغيره

وبس هدا اخر شي شوفتو وحركه البلونه حلوة كمان

وفي حركه كمان لو تعرفي العلاقه زي حق المحلات الكبيره حق الملايس

معرف ايش اسمو بس المهم

لمن تكوي ملابسك غلفيها بقماش شفاف وعليها شويا اكليل

وتخلي شكل القماش زي الكيس لمن

يجبوها من المغسله سواء تياب او فستانك .

ان شاء الله اكون قد افدتكم يا عرايس