تعالوا يا أحلى تماسيح وسعوا صدوركم

تعالوا يا أحلى تماسيح وسعوا صدوركم

مساكم بالخير

اشوف السحليات نازلين حش بالتماسيح الحلوين الامامير طقيت على صدري وقلت انا لها وانا كبير التماسيح وقادهم

المهم ما اطول عليكم اسمعو يامعشر التمااااسيح اذا تبون تفقعون قلوب السحالي وتخلونهم ينسون اساميهم

اتبعوا هذه النصائح الفرديه المستوحاه من نبض الشارع الدنمركستاني الاستوائي غرب شارع (بااااااااااااع) حول تموينات (تونه ياميزنه) نبدأ بسم الله

1.اذا نويت تخطب قل لأمك او اختك الله يخليهم لك تراي ابي وحده موووت حلوووه تقطع القلب واذا شافوا لك وحده غير

شكل تجنن توكل على الله بس تعااال العب لعبتك اذا تم كل شيء وملكت عليها لا تحاول تسوي شيء وانت خاطب خلك

إلين تملك وتصير تحت ظرس اوكيه انتبهوا ترى اعرفكم متهورين وادخون بسرعه اصبروا إلين يصير الموضوع رسمي
على شان ما يمديها تقول ما ابيه هالخبل اوكيه


2.دق عليها بعد ما تملك بثانيه وقل الوووووه انت فلانه وخلك جريء اذا قالت ايه قل من اعطاك الجوال وانا ماقلت لك بالطبع الجوال مصروف لها من ابوها قبل خشتك بتسكت هي ارفع صوتك بقوووه قل من اللي اعطاك الجوال لا اطلع ايدي الحين اصفق خشمك بالطبع هي فرحانه قل يالله انقلعي انا اسف


3.دق مره ثانيه بس من جوالك ونزل صوتك الى اخر شيء وقل (الوه حياتي بكلمك بعد شوي ابي اصرف خطيبتي العله توني مكلمه الحين غثتني وصك التلفون كنك داق بالغلط .. ما يحتاج اكيد بيصير عندها الضغط 2080 خلها ربع ساعه ودق بعدها وقل الووه اسمعي اقدر اشوفك الحين تراني مره ولهان عليك أهلي دبسوني بالزواج هذا .. هي اكيد بتصك رح سيده المستشفى وقابلهم هناك وكنك ما تدري عن شيء وقل سلامات عسى ماشر وشفيها حياتي وروحي وقلبي هي بتناظرك من تحت الى فوق قل معليش والله ما تستاهلين ولا عمري شفت في رقتك


4.بعد اسبوع ارسل رساله مسج يعني واكتب فيه بيت شعر رهيب مره (خلاص من حبكم يازين عزلنا .... ماعاد لي في هواكم شف او راد) وخلها لا ادق عليها وهي بتبرم وش عنده هالخبل اتركها ما عليك منها وبعد فتره دق عليها هلا عيوني واصرف أي اسم وياليت يكون رااايق يعني رهف رولا رنيم ودلعها قل رهوفه وقل مع السلامه جت امي ما اقدر اكلمك الحين بعدين بعدين وقفل


5.هي الطبع بتصلي صلاة الاستخاره واكيد ربي بيدلها على فكرة الانفصال بس خلك ذيب رح لبوها اليوم الثاني وحدد موعد الزواج وحطها قدام الامر الواقع ثم اذا جت ليلة الدخله ودخلت بيتك انت وهي وهي مبسوطه ايه مو ليلة عرسها قل عن اذنك الشباب ينتظروني اخرتيني انت وزواجك عنهم يالله مع السلامه اسمعي اذا بغيتي شيء دقي على السواق


6.لا تجي الا والنهار طال وادخل وانت مستانس مره هي اكيد بتسألك وينك نزل حواجبك وقل فيه فطور سويتي ولا مصدقه انك عروس بتقول من عيوني مسكينه تبي تكسبك اذا حطت الفطور انقد على أي شيء تصلحه حتى الشاهي قل وش ذا شاهي ولا كركديه وارفع صوتك قل والله شكل ربي بلاني لكن يالله بنصبر والله يعين


7.رح نم وخلها تقعد تلاعب براطمها من الضغط اللي بجيها


8.اذا صحيت قل وش رايك انروح السوق هي اكيد ما بتقول لا ابداً خذها وحط ايدها بيدك ورسم زين وشخص عدل وتطيب احسن طيب عندك وناظر عيونها اذا شفتها تناظرك ومرو بنيات تحنحن وناظرهم وقل صدق ما يستحون يناظروني بس مادام معي القمر مالي ومال النجوم وجلسها في كافيه او في مطعم وخلها تجلس لوحدها سااااعه ثم ارجع وقل يالله واذا كان ممكن تسرق روج من ارواجها وتحط شوي منه على ثوبك وكنك كنت مواعد هي بتشوف الروج ويمكن والله اعلم اذا حولها كاسات ما بترجع الا من خشتك


9.خذ التلفون الارض وسو روحك تسولف بشويش واذا شفتها جت تلخبط وارتبك وحط السماعه بقووووه وبسرعه وكنك خفت من جيتها لك بالطبع بتخليك ماهي قايله لك شيء وبتحاول تصرفك خلك ذيب وصرف روحك وهي دايركت بتعيد الرقم انت قبلها دق على رقم الشرطه بيرد عليها العسكري نعم ياختي وش تبغين بتصك ومخها راح يقول ان العقل الذي فيني خارج التغطيه الان الرجاء محاولة الاتصال في وقت لاحق

وباقي نصايح كثير عليكم بهم لا ترحمونهم هالسحالي ترى ان لقيوا عليكم طريق حااااسوكم وبهذلوكم وخلوكم تنسون اساميكم .. وهم اللي بدو شوفو همووووسه وش قاعده تسوي تحرض النساوين ضد الرجال الابطال الاشاوس نحن معشر التمااااسيح لا يداس لنا طرف نحن من نملك الانياب اللولبيه اللي تجيد العض ززززين

تحذير ..

ان المرأه مخلوق برمائي وعليك الانتباه من عمليات الانضاض المفاجيء الذي قد يحدث اثر انفعال احد السحليات

تنبيه :

عليك اخذ حقنه ضد القرص والمخش والكعب العالي هذه موجوده عند الطبيب الشعبي للفلوق والفلوع اللي بتصير للرجاله من الستات

دعااااية

استخدم امواس حلاقه ابوتماااسح تتناسب مع شكلك الخارجي ايها الرجل العظيم


وفي الختام توقيع كبير التمااااسيح


مزززززززززززززززوح

والزعل جدا جدا مرفووووووووووووووووووض