قريت هاذي الأبيات في احد المنتديات وحبيت انقلها لكم
بعد الفقر حطت شريحه وجوال
يسعد مساء جوالها والشريحه
كانت تجيني تشتكي قلة المال
وتصيح لاجا طاري الفقر صيحه
تقول ابويه دايم الدوم رحال
وامي كبيرة سن دايم طريحه
وانت الوحيد اللي لك القلب ميال
دايم يصارحني وانا له صريحه
طفله وانا معشوقها بين الاطفال
جريح حب وطاح له في جريحه
كنا سوى نرسم على التربه آمال
واحلام تقتلها الحياة الشحيحه
كم دمعة كانت على الخد تنهال
واذا نزلت ضاقت علي الفسيحه
الله كم صرخة وهمسه وموال
الله كم جادت علينا القريحه
الله كم بيت كتبناه يختال
واقول انا (ضيدان) وانتي (مليحه)
نخيل لو ما فالسماء برق وخيال
وانكذب الايام لو هي صحيحه
تقول لا حطيت لك بشت وعقال
وسخر لك الرحمن عيشه مريحه
اخاف تتركني على عثرة الفال
للفقر ووجيه الحياة القبيحه
وحبيتها بين الخلايق والازوال
حب يطول الوقت محد يزيحه
وسلمتها قلب تباريه الاهوال
وطاح الخفوق وطيحة القلب طيحه
راحت وخلتني مع القيل والقال
شاعر صواريف الدهر تستبيحه
ودار الزمان وغير الحال بالحال
وجاها الزمان بكل وردة شيحه
فله..وخدامه..ولكزس..وجوال
وانا عجزت ادفع رسوم الشريحه
(....منقووول....)
جميع الأوقات بتوقيت شبكه افراح 
لأول مره سيدو عباس يقرأ الشعر 
العرض العادي
