×?°قالت ترى منت بحلو قلت رجـال×?°

×?°قالت ترى منت بحلو قلت رجـال×?°

والزين ماهو من شروط الرجوله


الزين يلقى عنـد لباسـة الشـال

والرجل زين ان كان زانت فعولـه



قالت علامك تلبس شماغ وعقـاال

انت بدوي؟ قلت بدوي ومن حموله


ما ألبس بناطيل لها الوان واشكال

وامتر الشاارع بعرضـه وطولـه


قالت اجل راعـي معاميـل ودلال

شرب القهاوي تحسبونـه بطولـه


كيفي يابنت الحضر دلـه وفنجـال

وحليب خلفـه بالمـراح معقولـه


وحب الكرم والجود وعلوم الابطال

مغروس فينا من زمـان الطفولـه


قالت ترى بنت البدو حظهـا مـال

قلت احذري حذرا تكوني جهولـه


بنت البدو يابنت مضرب للامثـال

فووق الجمال وطاعة الله خجولـه


ماحطت اصباغ ولا حطـت ظـلال

ولا سيرت بالسوق سيـر مهبولـه


هي مهرة تصعب على كـل خيـال

وانتي ومثلك عسفهن بالسهولـه


قالت تغزل بي وشف حبة الخـال

ناظر عيوني والرموش الكسولـه


قلت العفو مايجتمع حـب وهبـال

ولكـل ذوق فالمزاييـن جـولـه


قلتي وقلت وكلمة الصـدق تنقـال

الزين ماهو من شرووط الرجولـه

هذه القصيدة اعجبني موسيقاها القوي الذي يشعر بالقوة والرجولة فاحببت ان تقرؤها معي ..

اسعدني مرورك العطر اخي القدير الدولـــــة ..

لا عدمناكم ...

مع اني مني بدوية بس عجبتني القصيدة فيها نغم وقوة وثقة


بس تحسي انها فيها شوية دق في الكلام وللا لأ؟؟؟؟

ههههههههههههه

لالالامافيها ؟؟؟ بس هو دفاع حلووووقوي ...

يعطيك العافية حبيبتي على تعليقك الحلووو..

القلب النابض اسمحيلي انك تسمعي هالقصيده للشاعر بندر الرشود

القصيــــــــــده بالمرفق حجمها 293 ك.ب

بصراحه اجمل مشاركه

نص عالي في سماء الابداع

يعتلي امواج الجمال بكل ثبات

حقا أنا منذهل ليس لان القصيده جميلة

فهذا أمر مفروغ منه

ولكن لاني ارى الجمال يتجدد و يتجدد مع كل قصيدة تشاركينيا بها

صح لسان شاعرنا القدير

والف شكر لك المشرفه القديره القلب النابض على هذه التحفة والباقة التي لا يمكن نسيانها ولا الغفلة

عن عبيرها

تقبلي فائق التقدير والاحترام لك ...



(`'•.¸(` '•. ¸ * ¸.•'´)¸.•'´)
«´¨`.¸.*babynet. ¸.´¨`»
(¸. •'´(¸.•'´ * `'•.¸)`'•.¸ )

الي يقراه اسمه وليد
والله يوليد صرت مشهووووور
تراني عندي كل قصاده اذا تبين وضعته بالمنتدى
لو تبوني اجيبه يسجل راح اخليه بس رحبوا كذا واحد اجيبه ولا واحد يرحب فيه

لاعدمناك اختى

تسلم يمينك اخي القدير بيبي نت ورائع هو اختيارك لقصيدة بندر الرشود وهذه كلمات القصيدةاضفتها تداخلا مع ماوضعته لنا من روائع ..

قـالـت الله لا يهيـنـك انــت خـابـرنـي بـدويــة
مـا احـب الـي يمسـس غترتـه ويزبـط عقـالـه

أنـــا ودي بــبــدوي يـمـشــي بــدمــه حـمـيــة
لا تـعــزوا بالقبـيـلـه كـلـهـم صـــاروا عـيـالـه

البـدو غاليـن عنـدي لـو حصـل منـهـم خطـيـة
الـولـد فيـهـم يـسـاوي شـيــخ بـجـاهـه ومـالــه

قلـت انـا أنعـم وأكـرم مـا كذبتـي يــا اجـوديـة
سـجـل الـتـاريـخ عـنـهـم البـطـولـة والجـمـالـه

لــكــن الله لا يـهـيـنــك لا تـنـاسـيــن الـبـقـيــة
الحضر رجالهم يا وسع صـدرة وطـول بالـه

فـي المواقـف إنشدينـي مـا يتخلـى عـن خويـة
لا فزع مـا عـاد يـدري مـن وراه ومـن قبالـه

وضيفـهـم يبـشـر بـعـزه والـوفـاء والمقـدريـة
كـل واحــد يسـبـق الثـانـي ولا نــدري بحـالـه

قالت اكبر عيـب فينـي يـا الحضـر النرجسيـة
مــا أظــن أحــدٍ بيغريـنـي بطبـعـه أو جـمـالـه

أنــا احــب الـــي زهـابــه حاجـتـيـن وبنـدقـيـة
يفتخـر بالـذود ويسـرح كـل يـوم فــي حـلالـه

وانلفاه الضيف شاف الفرق شاف الناس حية
بدوي صـوت نجـره أطـرب الطرقـي وجالـه

قلـت أنـا ليـه اختلقتـي فـرق وسويتـي قضـيـة
الكـبـر لله والمـؤمـن ضعـيـف بـــراس مـالــه

يـا بدويـه الجـروح الـلـي مــن أسبـابـك نـديـة
والخـفـوق الـلـي تـحـرا جيـتـك يـامـا جـرالــه

والعيـون اللـي تمنـت شوفتـك صـارت شقيـة
والـفـراق الـلـي بلـيـا ذنـــب يذبـحـنـي لـحـالـه

قــالــت الله لا يعـاقـبـنـي أنــــا بــنــتٍ بــريّــة
مـن السوالـف كلهـا والحـب ويـن اللـي وفـالـه

يـــا ولـــد لا تحـسـبـنـي جـاهـلــه ولا غـبـيــة
الهوى ما هـو كـذا والحـب انـا مـا بـي مجالـه

أنا أخوي ان قال أخو فلانه عرفت إني بدوية
تجتمع روس العرب له من يمينـه و مـن شمالـه

شعر :- بندر الرشود


شاكرة مرورك حليب سن توب ..

قصيدة قوية ورائعة

بس ماتوقعت تنزلينها مشرفتنا اتوقعت رجال ينزلها

بس طلعتي سيد الرجاااال

يسلموو مشرفتنا الله يعطيكي العافية

بس طلعتي سيد الرجاااال <<< ههههههههههه

تسلم المايسترو على احلى تعليق واحلى مرور ..

لاعدمناكم ...