بنات جده غير طلبتكم الفزعه

هنونة الحنونة

---

fkhj []i ydv 'gfj;l hgt.ui fkhj []i ydv

كول دريم

والله خيتو أتمنى أفيدك , انا دخلت هالقاعه قريب لفرح صديقتي , وراح أقول اللي شفته وانتي احكمي لأن أذواق الناس مو واحد , أول شي أحلى شي فيها أن البلكونه حقتها حلوه لطلعته العروسه يعني بالوسط وتنل على طول على الكوشه مو زي قاعه يارا مثل ماقلتلي نزله العروسه مرره مو حلوه فيها , وغير كذا قاعه السلطان تعتبر صغيره وكوشتها تقريباً صغيراً شوي , وأما بالنسبه للضيافه والله ماأقدر أحكملك لأننا طول الوقت كنا بالكوشه , بس بصراحه ماشفت مضيفات كثير ماادري هو ماعندهم مضيفات ينظفون الطاولات ويباشرون الضيوف والا ايه , بس ابشري خيتو من عيوني انا بنفس الفرح حضروا اخواتي وبنات خالتي وكانوا بالطاولات اللي تحت راح أسألك بالنسبه لمباشره الضيافه عندهم , وبالنسبه للعشا كان العشا موميز اللي رحنا فيه

وامم إذا فيه شي نسيته وماقلته وحابه أفيدك أكثر ابشري من عيوني
بس ماأقولك من ناحيه شكلها فيه عيب خصوصاً البلكونه ونزلت العروسه فيها
بس بصراحه إذا أنتي تبغين قاعه أفخم يكون أحس لك لأنها ماتعتبر فخمه كثير يمكن زي الكريستاله إذا تعرفيها بس الفرق ان الكرستاله اكبر والمضيفات أحسن بنظري

كول دريم

وخيتو ياليت تفيديني إذا تعرفي فرق أستعراضيه لأني جالسه ادور , انا كانت عندي وحده بس خلاص جبناها بكل افراح اخواتي واخواني
ابغى فرق جديده غير اللي اعرفها

هنونة الحنونة

فديييتك يالغلا وتسلملي عيونك

والله ماقصرتي , مرورك وردك علي بهالسرعه كثير اسعدني

واشكرك على ردك الصريح ...

عزيزتي,,,,,

أنا شفت صورة لبلكونة السلطان وبصراحه جات عاى الكيف يعني هذا اللي عجبني فيها لآني كنت اتمنى بلكونه بهالشكل بس لباقي القاعه انا ماشفت شي وكل ماسألت وحده ماعابت فيها ولا ذمتها لي مررررة يعني بعض الملاحظات مثل رأيك ..

بس برضو انا مو متطمنة وحابة اعرف اكثر عن القاعه لآنه ماعندي وقت معاي لآخر الاسبوع أختار وأحدد القاعه اللي ابيها حسب كلام زوجي بما ان القاعه عليه هو وأهله كالعاده .

وانا كثييير محتارة من حيث خدمة المباشرات وصوت السماعات في الزفه ونوعية البوفيه ومدى جودته علما بأني لما سألت إدارة القاعه قالولي ان عدد المباشرات فيها 10 وخدمتهم أول بأول وي ملاحظات ابلغ الادارة بوقتها وهي تتكفل وتتحمل المسؤولية .

بس برضوا انا مازلت محتارة واتمنى اوصل لخيار وقرار مناسب قبل نهاية الاسبوع..


حبيبتي ,,,,,

بالنسبه لطلبك أنا أعرف وحده أسمها أم أمجاد وعندها فرق استعراضيه متنوعه مثل رقصة الاستعراض الفرعونية والهندية والحجازيه والمغربيه وغيرها ,

انا بصراحه ماشفت لها شي بس كلمتها عشان استفسر منها وكانت تتكلم بثقة جاااامده وقالتلي تعالي شوفي بنفسك واحكمي ولو عندك فكرة من عندك هي ممكن تنفذها , وعلى فكرة هي مسؤولة قاعة الدانه للإحتفالات .

وفي أم جاسر أنا ما أعرفها بس أقرا عنها بالمنتديات كثير وأحس ان الكل يعرفها ويتعامل معها من خلال النت وشفت لها بعض الصور بالنت وكانت حلوه ومرة قرأت موضوع في احد المنتديات يمدح فيها وفي شغلها المميز ولو دورتي عليها بقوقل راح تلقي لها صور لبعض اعمالها.

وفي برضو أم عبد العزيز ,,, هذي انا كلمتها وشفتها شخصيا في أحد البازارات بالهليتون قبل حوالي 3 سنوات وبصراحه أعجبني تعاملها مع الزباين واخلاقها ممتازه وكانت عندها أشياء ما توجد إلا عندها في ذيك الفتره وكان الكل يسألها ويستفسر منها على الاشياء اللي عارضتها بالبازار هذا قبل 3 سنوات قبل لاتنتشر العارضات والحركات الخاصه بالأفراح زي دحين فما بالك الان كيف راح تكون أكيد انها طورت من نفسها وشغلها,

وأنا عن نفسي أبروح لهم كلهم قبل زواجي واشوف مين الاحسن فيهم لآني ماحضرت لهم بالأعراس.

وإذا بغيتي ارقامهم راسليني عالخاص وأبشري من عيوووووووووني أعطيكي أرقامهم ياعسل دوعن .....

أسفه للإطاله بس اتمنى اكون افدتك بللي اقدر عليه

ومرة تانية شكرا لمرورك صفحتي والرد على طلبي

جزاك الله كل خير وكتبلك سعادة الدارين

هنونة الحنونة

وياليت يالغلا تقوليلي انتي ايش الفرقة اللي تعاملتوا معها في زواجاتكم وكيف كان شغلهم وأهم شي كم عددهم وايش الاستعراض اللي قدموه وكيف أسعارهم ؟؟؟؟

واتمنى لي ولكي وللأخوات التوفيق الدائم

كول دريم

الله يعطيك ألف عاااااااااااااااااااااافيه ويفرج همك ياااارب راح اراسلك على الخاص
وبخصوص اللي يضيفون أنا سألتلك أختي وتقول والله ماشفنا مضيفات بالزواج
والله يساعدك من ناحيه القاعه

مشاعر الحرمين

هلا اختي انا رحت لفرح كان من جهه الميز مره روعه طعم ممممم اما بخصوص الكوشه ادلك على ام جاسر سوت لصاحبتي واخواتي مره ذوق عندها كل شي تصوير وفرق رقص واذا تبغين رقمه راسليني

هنونة الحنونة

-----------------------------------------------------------------------------------


حبيبتي ,,,,,,مشاعر الحرمين فديييتك يالغلا

مشكووووره ماقصرتي والله ردك أسعدني كثير الله يسعدك بالدارين ياااارب

أختي الغاليه ياليت لو تكرمتي ترسلين لي رقم ام جاسر واي معلومه عندك لا تبخلين بها على أختك هنونة ,,,,

أشكرك مرة تانيه ولكي فااائق احترامي

دمتي بود

هنونة الحنونة

----------------------------------------------------------------------------------------

غاليتي كووول دريم انتي كوووول المنتدى والله

اشكرك كل الشكر يالغلا والله ردودك تسعدني وتريحني وتحسسني ان الدنيا لسى باقي فيها خير وناس طيبين مثلك ياعسل .

بجد اشكرك على أرائك اللي حطيتها بعين الاعتبار ويارب أقدر أخدمك بشي تطلبيه مني
وانا أنتظر عالخاص حبيبتي ...

لكي كل ودي وفائق إحترامي

ام احساس

ومالك اللي يرضيك من امرأة الميسان كوش ومداخل وطاولات معازيم ومسكات ..............الخ يقلبولك القاعه فوق تحت


حاليا عندهم عروووووووض