الرجاء الإبتعاد,,القلب هذا ممتلك,,

يا غشيمه ليـه تبديـن الأسـف والإعتـذار؟
أصلا احنا منتهين ان كان هـذا يجهلك!!



ثم أنا مـا ودي أفتح بيننا باب الحوار
بس أنا عارف فضولك.. بالنهايـة يقتلك!!


تسأليني من معي بعدك خذت فكري وصار..
يحتفل فيها قصيدي.. وعلّمَتني أهملك ؟؟


واسمحي لي راح أجاوب لك سؤالك في إطار..
الصراحه.. وادري إنّ آخر كلامي يزعلك


ذيك بنت ٍ من غلاهـا عامله فينـي حصـار
وين ما وجهت نبضـي لجلهـا قلبـي سلك


ذيك بنتٍ تزرع البسمات في كل الديار
تغفـل بطيبة نواياها .. ولا تستغفـلك


ذيك يوم إنك تركتينـي علـى شبـه انهيار
جتني وطرت بهواهـا للسما وابعـد فلك


ذيك يوم آكلمها وابقى على الخـط انتظـار
حطت الدنيا انتظار وجت تقول: اشتقت لك


ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!


ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)


وعن جمال أوصافها خايف يصيبـك انكسار
لانها لو تلتفت لـك؟ ضيّعـت مستقبلـك!!


وانصحك من حسنها لايبتـدي قلبـك يغـار
وابعدي عنها تراها "حبه .. حبه .. تاكلك"


نور عيني حبّها .. يعنـي لي أكبـر انتصـار
حزت عرش ٍ من ملوك الأرض ما حازه ملك


كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "

واعتقد ما فيه داعـي يكتمل هـذا الحـوار
بس هـي كلمـه .. إذا ودك تعرفـي منزلـك


شفتي البنت اللي احتلت مكانك .. باختصار:
ذيك تسواك ِ و تساوي كل طوايفْـك و هلِك





للشاعر : عبدالله الظفيري

مما رأق لي

hgv[hx hgYfjuh]<

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]




ولاهو غريب عليكـ..الطرح الرااقي ..

رائع الله يعطيك العافيه

دمتي بروووعة ابداعك وذوقك الراقي

شكرا لمروركم على موضوعي وهذا شرف لي ووسام على صدري
نورتوي يالغاليات بوجودكم الراااائع

يعطيك الف عافيه


مودتي

نورتي يالغاليه
لاعدمتا هالطله الحلوه

صراحة وانتقام رهييب من حبيبة الامس

شكرا على الاختيار الموفق

ملوووووووكه
نورتيني يالغلا عالطله الحلوه
يسلمووووو مانحرمش منها ياقمر

حلوووووووووووه





يسلمو