من اكثر من شهر وانا اسولف والحكي مابان

الريم العندليب

من أكثر من شهر وآنا اسولف والحكي ما بات

..................... من اكثر من شهر وانا تركت الدمــــــع في بيته



من أكثر من شهر وآنا اسولف والحــكي يقتات:
.....................من الاوجاع في صدري وانا والله مـــــا اعطيته






وجيت أركض على صدر المسافه وانثر الاهات

.....................على نفس الطريق (اللي قبـــــل جرحين مريته)



اجي كنى مباسم والفــرح طفلٍ يتمتم: (هات)
.....................من اول مــا لمحتـــه جيت باشــــواقي وضميته



لقاني شخص في صدره ينـــام الشعر و الابيات
..................... كثر ما كـان يضحكـني!! قسيت وقمــت بكيته!!



تركني حرفي المتعب بكا واذكر انا اللي (مات)
.................... .بكيته لين ما اخضرت يباس حروف ....(يا ليته )



حبيبي ليه تبغاني اعيش العمـــر فـي حسرات؟!
.....................حبيبي شوف عـين الجرح رمدا ..يوم خليته؟



حبيبي ليمتي ساكت وعشقي مـا يعرف اسكات؟!
.................... . تكلم ... كل عطرك في الرســـايل امـــس شميته



تصدق؟!! مرني طيفـــــــك يداعبني وانا اشتات
.....................تجاهلته !!..بزعــــم اني ابا جــــــــافي و لميته



تخيلتك تسولف لــي واثاريني بليا شْفات
.....................احاول اشرح الشـــوق الذي في الجوف كنيته



سألته عنّــك بصمـتي الين الوقت كله فات
................... يردد هـ المكان اللي جمعنا .... (كم تمنيته)؟!



اسولف للصور قصــة غيابك وانتثر دمعات
...................ادق بـــــاب الصبر كلت متون الشوق /ناديته



وتتثواب على جدران عمـري آخر الساعات
...................وانا أسأل هـالزمن وابكي (امانه وين وديته)؟!



جثيت ابعزة اشواقي ولا عندي سوى كلمات:
................... " حبيبي راح يرجع لي؟! " ..تصدقني ؟! ترجيته!!



صرخ في وجــه لهفة انتظاري قالي لي: هيهات
...................تبـي يرجع ؟! وليه اصلاً من الاول تناسيته ؟!



يناظر ساعته يضحك تخيلت الاماني جات
...................فتح درج الفراق اللي بصـدري يــوم حاكيته



من أكثر من شهر وانته تسولف والحكي ما بات؟!
................... من اكثـر من شهر وانته تركت الدمـع في بيته ؟!



وتو اللحين تسألني بعد ما مات !! من هو مات ؟!!
...................تســـربلت بطـــرف ثــوبه قسم بالله شديته !؟


تركني ..




حشرجة /




غصه /




الــــم /




حرقه /




بكا /




ونات!!
...................تركني شي ما يذكـــر ولا ادري ويش سميته؟!



انا /والدمع/ واشواقـــي على صدر الشعر اموات
...................ولاباقــــي من احساسي ســــــوى شاعر/ وانا بيته



.
.
.




لـ أحآسيس تقرأ .. حبآت المطر




منقوووووول




اختكم الريم العندليب

---

lk h;ev aiv ,hkh hs,gt ,hgp;d lhfhk hs,gt h;fv aiv

السبيعية

طرررح في غاية الروووعه

الله يعطيك العافيه

دمتي بكل روائع الابداع والذوق الراقي

مرايا الشوق

اسولف للصور قصــة غيابك وانتثر دمعات
...................ادق بـــــاب الصبر كلت متون الشوق /ناديته


لاعدمنآآكـ..


مو غريب الإبداعـ

ووهذه واحده من رواائع المبدع إياد المريسي..


ودي وودادي..