ملف خاص لبنات مكه

اهلين والله ببنوتات مكة ..

فيه محل نوفا بيلا في الرصيفة . عندهم وحدة تعمل مكياج اسمها اروى شغلها ماشاء الله مو روعة مرررة نظيف وما عندها التخابيص حقت نوف .. شغلها زي حقون جدة والاساس حقها كويس ما تخلي في فرق باين بين الجسم والوجه .. والشعر عندهم هادية شغلها حلو ..

اما بالنسبة للتصوير ففيه عندكم استديو ضاوية نفسه اللى في جدة بس فاتح فرع في مكة في العزيزية .. وفيه كمان استديو اسمه فقط انتي في الرصيفة تصويرهم نظيف وحلو ويعملو مكياج كمان انا شفت كم وحدة عملولها مكياج حلو بس انا ما جربتهم ..

وفيه ضوء القمر اللى في الستين .. وحدة شغلها حلو ماني فاكرة اسمها والله ..


وان شاء الله تستفيدوا

رفع
رفع
رفع

شغل فطوم الجوهي ولا على قد المدح الي سمعناه سوت في اختي اكبر مقلب في شبكه بنتها تاخير وعدم التزام في المواعيد وغير كذا عدم الجديه احر ماعندك ابرد ماعندها واخرتها المكياج كان مو ذاك الزود يعني
والي جاتنا فطوم مو ليلى يمكن ليلى احلى بس ماكانت على قد كلمتها وشرفتنا ارسلت مبتدئات يتعلمو فينا حبيت انصحكم علشان ماتوقعو في مصيبتنا وسلامتكم

يسلم لسانك ياأختي بردتي قلبي فيها مع ان اللي سوته فينا مو قليل كنت بدخل موضوعك وأحذر البنات منهم ولقيتك سابقتني والمشكلة اني حاجزتها من ثلاث شهور واتصل عليها كل فترة واذكرها بالموعد في آخرتها تقلي تعالي المحل كان المفروض تبلقني أنها صارت تستقبل في صالونها وتطنش كل الحجوزات اللي عندها اللي ما له كلمة بطلوا منه أحسن
دمت بود أنت وموضوعك الحلو والله يوفق الجميع

الله يسعدك يااختي ويوفقك وان شاءالله تكونين انتي في الزواج احلى المعازيم وتكون بنتك في الزواج احلى العرايس ويعوضك عن الي صار فيك وصار فينا امين

يابنااات مين تعرف رقم رشيده اللي طلعت من عند عهود سنتر بلييييز ابيها ضروووري

مافي وحده اسمها رشيده في عهود سنتر رشيده لها صالونها الخاص اسمه المميزه