مهم جدا....لكل عرايس عالم حواء (بخصوص المصوره والكوافير)

loli2

السلام عليكم ورحمه الله وبركاته

اول شي حابه اشكر كل اعضاء عالم حواء والله يفرج همك ان شاء الله ويسرلكم اموركم كلها

الصراحه استفدت منكم مررررره

وبحكم تجاربي>>>> اهم شي

حبيت افيدك والله يشهد عليه اني ماابالغ باي كلمه ابدا

انا فرح اختي باقيلو شهر بس وفاجانا العريس بالموعد

المهم اختصرلكم

تعبت انا ادور بجده على مصوره كويسه وكوفيره

بالنسبه للمصوره : في شبكه اختي سويناها كبيره مره وجبنا مصوره اسمها غاده الحربي

بنات مرررررررره احذرو منها

ماتتخيلو قديش سيئه , وللان مااعطتنا الصور(من 9 شهور ) و رافعين عليها قضيه بالمحكمه والله

اسوء تصوير بحياتي شفتو واسوأ اخلاق
الله لا يوريكم اللي شفناه يارب

عشان كده ممكن تقولو اني متعقده من المصورات

المهم اني جلست ادور بجده على مصوره واستديو كويس مرررررررره كتير

امكن درت نص البلد
كان اهم شي عندي تكون اخلاق , وشغلها يكون بروفيشينال , وسعرها في حدود المعقول

مااتوقعت الاقيها بصراحه

بس والله امس لسه كنت معاها

بنات والله بحياتي ماشفت كده اخلاق ماشاء الله عليها تبارك الله

الله يسعدها ويباركلها فين ماكانت

مااقلكم كيف صورها تجنن وشغل محترفين درجه اولى وبتطلع تكمل ماجستير تصوير افراح بلندن وراجعه بعد شهر

اول شي اخلاق قمه ودا اهم شي عشان تقدر ترتاحلها العروسه , وشغل قليل عليه روعه والله
(ترى شفت شغل مصورات كتير , دي الوحيده اللي كان استايلها بالتصوير زي الاوروبيين والأجانب )
ماتستخدم الفوتوشوب وتطلع شخصيه العروس بالصور اهم شي

غير انها تكون معاها من بدري , تروح معاها للكوفيره وتصورها طول الوقت

جد تحسسها انها ليلتها مره روعه

والله يابنات من فرحتي بيها مااستنيت ونزلت الموضوع لاني اتمنالكم الخير وانكم ماتتورطو زينا

والله رجعت امس وانا بس ادعيلها وانو مايصيبها من عيني شر ماشاء الله عليها

طبعا طولت عليكم اعذروني بس مررره مبسوطه ومتحمسه

المصوره اسمها افراح البلوي
محلهم بعد روائع المكتبات تدخلي يميمن وتمشي على طول راح تلاقيه بنهايه الشارع يمين واللي حابه رقمها ترسلي على الخاص

جد يابنات روعه

وللكوفيرات
صراحه قد مالفيت صاير كلو نصب في نصب والله

وتخبيص مافي احد كويس الا بالنادر

المهم طبيت في مشغل هوه صغير شويه بس والله يابنات شغلهم مره روعه ولا اتوقعت ابدا ولا صدقت غير لمن رحتلهم اول مره
والله من بعدها ماصرت اروح ابدا اي محل تاني

حتى عاريس العيله عندها , واي مناسبه عماتي كلهم صارو يروحولها

حتى عندنا مناسبه يوم الخميس

جد شغلهم رائع ومرتب وناعم ومره والله رخيصين
بس بقلكم على تجربتي
يوم شبكه اختي امي مارضيت تجي معانا قالت المحل صغير ومو معروف وراحت لمشغل مره معروف بجده
المهم
انا دفعت 250 او 300 مااتذكر تسريحه ومكياج مميز
امي دفعت بالمشغل اللي راحتو 800 تخيلو

والله انو مكياجنا وتساريحنا مررررررررره احلى منهم

المحل اسمو عطره نيو لوك بعد الحمراني للسيارات بالتحليه
واحسن شي مكياج اسمها هدى شغلها رائع جد

واللي حابه رقمهم تراسلني

يارب مااكون طولت عليكم بس والله من فرحتي و حبيت اساعدكم لاني عارفه الحوسه والله يعيننا كلنا يارب
ويسعدكم ويسهل اموركم

وسلالالالالالالالالالالالام

---

lil []h>>>>g;g uvhds uhgl p,hx (fow,w hglw,vi ,hg;,htdv) hglw,vi htqg lw,vi ,;,tdvi fow,w []hg;g [,hg uhgl uvhds

المبدعة

والله صراحة كلامك صحيح بالنسبة للصوالين مافي احد شغله ممتاز .. او مكياجه مكياج خفيف حلو
رايق .. الواحد لمن يشوف المكياج يرتاح مو ينفجع ... الا من رحم ربي

الله يسهل عليكم بفرح اختك يارب ... وشكرا على معلوماتك القيمة

وطبعا افراح البلوي غنية عن التعريف لها اعمال حلوة كتيرة غير تصوير الافراح ترى هي مصورة
فوتوغرافية مميزة

مع التحية

loli2

تسلمي مبدعه على الرد والاضافه والدعوه الحلوه
والله يسهلنا كلنا يارب

وفعلا افراح تصويرها اكثر من رائع
الله يسعدها يارب

lhgrdj hsl

هلآ يالغلآ ..

انا زواج اختي الاسبوع الجاي

وللحين ماحجزنا لاكوافير ولامصوره

تعبنا

وحنا بصراحه مانبي السعر مرتفع

لانو ماعندنا امكانيات ..

ياليت تقولين لي كيف اسعارها حلوه او لا المصوره

وربي يسسلمك وارسسليه ع الخاص الرقم ان كانت اسعارها مناسبه

*ويبقى الأمل*

مرحبا ياعسل

أنا زواجي .. باين من التوقيع .. باقي عليه شهر

وأنا مثلكم في شبكتي صوري كانت سيئة بمعنى الكلمة

ووالله يوم شفتها بكيت من قلبي

لأن شبكتي كانت كبيرة وحلوة ومتكلفة فيها

وأنا طلعت قمر .. ماشاء الله علي .. بشهادة الكل

ولكن الصور كانت معدومه جدا جدا

حتى زميلاتي قالوا حرام شكلك كان روعة على الطبيعة

المهم بدون ماأطول عليكم

بحثت كثير وتعبت بس عشان أحصل مصورة حلوة للزواج

لأن كمان أبغى أسوي فيديو

وأخيرا رسيت على .. لمسة إبداع ..

بصراحه غالية شوي

لكن ما أعرف غيرها

.. وأنا طالبه منك المساعدة لأني وحيدة وماعندي أخوات ..

تنصحيني أجيب .. لمسة إبداع .. أو ..*أفراح البلوي ..

وياليت ترسلي رقمها

أنتظرك يالغلا

والله يسهل أمورك في الدنيا والأخرة ويعطيك على قد نيتك

مناير بدر

الله صح كلامك يااختي محد يضمنهم اليوم بس الله يستر يااارب

loli2

تسلمو حبيباتي على الردود

حبيبتي alhgradj hsl

الله يسهلكم ان شاء الله ويتمم لأختك على خير يارب
انا انصحك بصراحه والله بهدى في مشغل عطره نيو لوك

ماراح تلاقي بجده ارخص من كده ابدا

بيسو للعروسه ب 1200 مكياج وتسريحه

ترى دورت بجده كلها مافي ارخص وشغلها يجنن والخميس عماتي كلهم كانو عندهم :)

برسلك رقم المسؤوله على الخاص وابشري

بالنسبه للمصوره افراح جدا رائعه وتقدري تسوي بحث بقوقل وتشوفي تصويرها بصفحتها على الفيس بوك

بس هيه الصراحه شوي غاليه بس مررررررررره تستاهل

تقدري تشيلي من ميزانيه الكوفيره للمصوره لانها تستاهل والله
وبرسلك رقمها كمان

والله يسهلك يارب

واذا احتجتي شي ارسليلي

بااااي

loli2

تسلميلي ياقلبي على الدعوه الحلوه

بصراحه افراح شغلها جنان

وشوفي صورها على الفيس بوك
افكارها بالتصوير روعه

وحتى احنا والله ’ اختي مسكينه مالها ولا صوره وحده في الشبكه

وكنا مره متكلفين فيها

والله حاسه بيكي ياقلبي

بس ترى حتى اخلاق المصوره مره مهمه

كلمي افراح وشوفيها وقابليها قبل ماتختاري وتقرري اي مصوره

زي ماسويت

درت على مصورات مره كتير وبالاخر اول ماقابلت افراح على طول من غير تردد حجزتها

برسلك رقمها على الخاص

واذا احتجتي اي شي ترانا موجودين



الله يتمملك على خير يارب ويسعدك

نانون

ممنوع وضع الارقام في المواضيع

liana

السلام عليكم و رحمة الله وبركاته..اختي ممكن تقوليلي بكم تسوي البوم العروسة..وكم رقمها لو اتكرمتي
شكرا لكي