اوافق ولا ارفض ؟

السلام عليكم ترددت كثيرا قبل مااكتب هالموضوع لااني جدا محتاره ونفسيتي تعبانه مره من كثر مافكرت
القصه ومافيها انا بنت عمري 25 سنه وتقدم لي عرسان كثير بس مايحصل نصيب ابد او يكون فيه اختلاف بسيط ويتفركش كل شي طبعا انا مثل كل البنات ابي اتزوج ويكون عندي بيت واطفال وحياه مستقله
قبل فتره بسيطه تقدم لي عريس من جميع النواحي متكامل يعني عمره مناسب ووظيفته مرموقه طبيب استشاري ومستقر بالمنطقه الشرقيه وشخصيته قويه وقياديه
بس شرط شروط احسها غريبه شوي يعني بالنسبه لعقد النكاح مااذكر فيه ولا شرط واحس هالنقطه ضدي مو لصالحي
والشرط الثاني اللي من جد تعبني طلب مني اني بعد الزواج اكون محجبه وانا بالاساس منقبه وعذره انه يتبع المذهب الشافعي والمذهب الشافعي يسمح بكشف الوجه وغطاء الرأس
انا مره محتاره ماادري هل اوافق على هالشرط اولا
مدري احس اني بسوي شي غريب علي مااتخيل احد يشوف وجهي
والشرط الثالث اني اكمل دراسات عليا واتعلم لغات لاانه مركزه الاجتماعي كبير وكذلك عائلته جميعهم اطباء رجال وبنات ولازم اكون مقاربه للمستوى
الشرط الرابع اني اكون معه خلال المؤتمرات الخارجيه والداخليه واصاحبه لااي مكان يروح له
طبعا لما تقدمو وضحو انهم من الطبقه المخمليه جدا واغنياء جدا وانا بنت من الطبقه المتوسطه وهذا الشي خوفني اخاف يكون فيه تصادم
طبعا انا بالنسبه لي عندي ظروف عائليه امي متوفيه وانا عمري 5 سنوات وابوي عايش حياته مع
زوجته واولاده ولاسائل فيني ولا اختي وعايشين عند جدتنا وخالتنا
الحمدلله ماقصرو معنا وربونا احسن تربيه بس تضل حياتنا ناقصه لعدم وجود الام والاب
عطــــــــــــــــــــــــــــــــــــــــــــــــ ــــوني حل هل اوافق عليه اولا
مع ملاحظة انو لي سنه تقريبا محد تقدم لي واخاف يمشي فيني العمر ولاعاد يجيني احد

h,htr ,gh hvtq ? h,htr

هلا حبيبتي ..

والله اشوف طلباته غريبه وف يتدخل بخصوصياتك وافكارك بشكل كبييير
واحس ماهمه الا المظاهر ونظرة الناس له ولعايلته

الله يتمم لك على خير ان كان خير لك
ويصرفه عنك لوكان شر لك
انتي صلي الاستخاره وشوفي انتي تبغينه اولا .. !؟
هذا السؤال مهم انتي راضيه بطبيعة افكاره وهل بترتاحي بالعيشه معاه ..

وبالتووفيق يااارب وحبيبتي حابه اقولك شي
لاتقولي اخاف محد يجيني رزقك بهالدنيا محد بياخذه غيرك ..
زوجك مكتوب لك من يوم ماولدتي عالدنيا
فلا تقرري بهذا القرار المصيري على اساس انه لو رفضتيه محد بيجيك غيره ..
وعسى ربي يعدك ويطمن قلبك وين ماتكوني

انا لو مكانك ارفض
لان رضي رب على رضى العباد

وهذا راي وربي يرزقك يا الغلا

غريبـــــــــــــه شروطــه !!

لاتفكري بنظره سلبيه لنفسكـ انو مافي ممكن بعد هذا الشخص احد يتقدم لك

ياقلبي كل شي قسمة ونصيب

اذا مو راضيه خلاص لا توافقي

بس قبل كل شي استخيررررررري ممكن يطلع انسان صالح وبعد كذا تقدري تقنعيه انك مش موافقه على هذا الشرط

الله يوفقكـ ويقدم لك الي فيه الخيــــــر

انتي استخيري ربك اولاً

ثانياً :فعلاً زي ماذكروا البنات طلباته غريبه !!

انا انصحك بكثرة الدعاء ان كان خير لك تيسر امورك .. وان كان مافيه خير لك يبدلك بافضل منه عاجلاً غير اجلاً

انا ااشوفك بنوته لسه صغيرة ..

والله يكتب لك مافيه خير لك يارب