احسن مركز لازالة الشعر بالليزر في جدة؟؟

السلام عليكم ورحمة الله وبركاته
هذي اول مشاركة ليا في المنتدى واتمنى انكم تفيدوني لانه باقي على زواجي 6 اشهر واحس اني محتاسة
عشان لا أطول عليكم أبغا محل مضمون لازالة الشعر بالليزر في جدة ويكون مجرب يعني بالذات في جدة كل مارحتي مركز لقيتي عندهم هالخدمة بس الله يسعدكم ابغا اللي تنصحني تكون مجربة او تعرف وحدة مجربة وشافتها بنفسها

والاهم في المركز انه مايحرق الجلد لان هالمشكلة لقيت الكثير عانو منها واللي هيا تصبغ الجلد بسبب رفع درجة الليزر وانا سارت معايا في الطائف في المركز الاستشاري لما جربت منطقة الابط وماراح اللون الا بعد سنة تقريبا

وهل في وحدة شالت منطقة البكيني, لاني هالمنطقة مسببتلي أزمة ومرة شايلة همها

الله يخليكم لا تردوني ماعاد باقي وقت

hpsk lv;. gh.hgm hgauv fhggd.v td []m?? lv;. hgauv hpsk fhggd.v

حبيبتي والله انا ما اعرف مراكز جده
لانو مو منها وماحبيت امر دون مارد
بذن المولى البنات يساعدوك ياقلبي

شكرا اختي الميرا سويت

واتمنى من البنات يردو علي ويساعدوني

سبجان الله

يسلمووووووووو عالموضوع الحلو

معقولة مافي ولا وحدة جربت

الف مبرووووووووووك وعسى ربي يتمملك بخيييير

سمعت عن مركز النخيل اخت زميلتى سوت عندهم تمدحه وزميله لى اخرى سوت بالليزر بس وجهها في عيادات ادمه
هذا اللى عندى الله يوفقك واستخيري قبل كل شي

يابنات انا حابة افيدكم زي مااستفدت
الله يعطيها الف عافية صديقتي دلتني على عيادات كايا بشارع قريش وربي اني رحت وانا ميتة خوف بس لما دخلت المركز وشفت الاهتمام والنظافة بديت احس بالراحة
اول مارحت دفعت المبلغ (للجلسة 2300 وفي عرض 4 جلسات ب 6700)
وبعدها دخلت على الدكتورة وشافت الشعر وقالتلي انتي شعرك خفيف بمناطق كثيرة يعني شعرك وبري وماينفع تنشال هالمناطق لانها تزيد وحددت الاماكن اللي ممكن تنشال بالليزر
كل هذا في 5 دقايق وبعدها نادت الفنية وكلمتها وحددت لها درجة الليزر

الحاجة الحلوة في المركز انه في خصوصية واللي تعملك الليزر فنية مدربة وشاطرة وكل ماتخلص منطقة تغطيكي وماتكشف الا اللي تحتاجها وماآلمني ابدا الا في منطقتين (منطقة الاندر ارم وكان الالم لسع خفيف) والمنطقة الحميمة وكان لسع اقوى شوي
طبعا استخدمتلي المخدر في بعض الاماكن
والجهاز ماهو جنتل ليزر, كان جهاز فيه تبريد وتحسي كانه ثلجة تمر على جسمك وكنت ميتة برد وقتها بسبب برودة الجهاز والجل اللي حاطته على جسمي (هو نفس الجل اللي يستخدموه قبل الاشعة الصوتية)
بعد كذا قالتلي لا تستحمي ولا تفركي جلدك ولا تسوي حمام مغربي وان حسيتي بلسع او حرارة غسلي جسمك بموية باردة واستخدمي كريم ميبو او اي كريم حروق
واستخدمت لمنطقة البكيني كريم فيوسيدين للالتهابات لان هالمنطقة الشعر فيها قاسي ويسبب حكة بعد الليزر
بس قالتلي بعدها بيومين استحمي عادي وبعدها ب 4 ايام استخدمي الليفة الناعمة وارجعي لحياتك

وبصراحة تعاملهم راقي يسألوكي تشربي شي بعد ماتخلص نص جسمك وممكن تطلبي كوفي او موية او شاي
واذا دق موبايلك تقرب لك هو وتعطيكي مجال تردي
غير اهتمامهم بالنظارات والاضاءة ولو كنتي ماتسمعي ميوزك ممكن تطفي لك الموسيقى
بصراحة ارتحت جدا معاهم

بعد الليزر بيوم نبت الشعر وانا بصراحة خفت وقلت مافادني وياخسارة قعدتي 4 ساعات وفلوسي اللي ضاعت
بس بعدها بعشرة أيام بدأ الشعر يحت ويطيح من نفسه حتى ملابسي من داخل سارت كلها شعر صغير واكثر المناطق اللي أتأثرت هيا اللي فيها شعر سميك اما الباقي نوعا ما كان الشعر يطلع ومايطيح بس أتأخر طلوعه
يعني في 15 يوم بعد الشيل بالليزر طلع وكان خفيف جداً مع العلم اني كنت شايلة بالموس قبلها ومعروف الموس اسبوع وماشاء الله الشعر يرجع زي اول
هذي قصتي مع مركز كايا في جدة وانا بصراحة انصح كل عروسة او وحدة بتشيل تروح لهم لانه الواحد يخاف من الحروق والتصبغات وهالمشاكل حلها صعب ومو ناقصنا نصلح شي ونخرب شي ثاني
وراح اخبركم بالنتيجة بعد الجلسة الثانية واللي موعدها نهاية شهر 3 باذن الله

أشوفكم على خير

اب لعيوووووووونك

شكرا يابنت جدة
انا والله ابغا البنات يستفيدو زي
لاني كنت حايسة وخايفة ومالقيت احد يدلني بدري مع اني مملكة من 4 اشهر