ليت الجروح قصاص و أخذ بثاري / بقلمي

الله يجزاكم خير
اسعدتني تعليقاتكم على البارتات
اتمنى ان يحوز البارت القادم على رضاكم

البارت الثامن




في مجلس الرجال ..
طلال بهمس : اقول فيصل ما تحس انهم مصخوها
فيصل بنفس الهمس : الا مصخوها وبقوه من تقابلو وهم يحكون عن
الابل و الشعير و حنا وشدخلنا في حيواناتهم
طلال : الناس يحكون في السيارات والسفرات والارصده والاسهم وهم الابل
والغنم الحمدلله اني ماعزمت ربعي والا والله ان اتفشل
فيصل وهو مبتسم : كان برستيجك راح واطي
طلال بتأييد : وبقووووووووووه .... بالله شف عيال عمك اشكالهم
تحسه مندمجين مع السوالف من قلب
فيصل : اكيد فيها عشقهم ابل وبر!! بدو وش توقع يندمجون في سوالفك
يعني ..!!
ابو فيصل : الا محمد انت وسعد وش قررتو تدخلون ؟؟
سعد : ياخال بندخل ادارت اعمال
ابو فيصل : ليه ماتدخلون العسكريه !؟
سعد : ياخالي لودخلت العسكريه 3 سنين ما اشوف اهلي الايومين في الاسبوع
وانت عارف الحال ..
ابومحمد وهو يعقد حواجبه : افاااا يابوك ماهقيت انك تفكر هاللون !!
سعد وقف وحب خشم خاله : لك الحشيمه يابوي بس لاصار حبيبك عسل لاتاكله كله
طلال بهمس لفيصل : اوخسسس بينافس خاله بالتجاره !!



فيصل بنفس الهمس قال بستهزا: لا يمكن يدرس تجاره في الغنم والشعير
بعد صمت عم المكان ...
ابو محمد : اقول محمد
محمد : سم
ابو محمد : اتصل على اهلك خلهم يطلعون نبي نسري
ابو فيصل مقاطعه : وين وين تسرون ؟؟ بدري
ابو محمد : بدري من عمرك يابو فيصل بس لاتنسى ان جايين من مشوار
وما ارتحنا وامي ما تمددت
ابو فيصل : امي مهيب رايحه معك بتجلس عندي
ابومحمد : وين الله يهديك ما جت معي عشان تجلس معك ..وبعدين
انا وراي بكره مشوار مع معزبي ..
*توضيح لشغل ابو محمد هو خوي ((اي مرافق لاحد الشيوخ ))
محمد رفع الجوال ودق على هويا((( (طبعآ هي الوحيده اللي معها جوال ) لان الباقين
مو بحاجته لكن بطبيعة عملها معها جوال .. رغم ان ظروفهم ممتازه لكن تظل اقل من
مادية عمهم ..)))
فقال محمد : يبه هويا تقول تبي تسلم على عمي هي والبنات
وقف ابو فيصل :خلاص انا بروح اسلم عليهم ..ماحس الا بيد تمسك اقول اجلس
ورفع نظره لجهة محمد وقال : ازهم عليهن خلهن يجن يسلمن عليه وهن هنيا
عارض ابو فيصل : اقول راكان وين تبيهن يجن هنا والعيال !!
ابو محمد : ماعليهن بيجونك وهن مستترات وهذولا خوانهن واشر لولده محمد وقال: اتصل
اتصل محمد وبلغ البنات يجون لحظات ودخل عليهم في مجلس الرجال
كان استقبال عمهن بحفاوه وترحيب حار اصواتهم متفاوته بالردود
سئلهم عمهم بتلقائيه : ها عسى اعجبتكم الرياض
ردت هويا بهدوئها الطبيعي : حلات الرياض وجودك فيها والا لو هو بالود ماتعديت
الديره
التفت طلال لفيصل وهمس : بنت فقر ماتعودت على الحياه السنعه !!
^
^
^

^
^
^
منيره
قمت من العشاء وانا
حاسه نفسي مقهووووره من زوجت خالي افففففف قسم بالله لولا المنقود
لا فرشها بالارض !! تاففت قالت لي نوير : وراتس تنافخين تسننتس حيه
التفت عليها مانيب مروقه لخباله قلت وانا انافخ : منقهره من مرت خالتس اختل وريدها!
نوير : تكفين لاتذكريني اشوى اني قضبت نفسي والا والله اني تمنيت
اسطرها لين تعرف ان الله حق
قلت : وانا مثلتس والا ماردني الا الخوف من المنقود
نوير : اما انا ماخفت الا من راكان واولده يفرشوني عندها (ابوها واخوها).. لعنبو بليسها
مالقت تحط حرتها الا بساره !!سااره !
قلت وانا اعض على شفتي من القهر :آآآخ ليت لي مدت يد عليها والله ما اخليها
جتنا هويا عند المغاسل وقالت : وشفيكم موقفات هنا ؟؟!!
قالت نوير بعجله : نحتسي في العجوز المتصابيه !!
هويا بأستغراب : من هي العجوز المتصابيه ؟؟
قلت : مرت عمي ... زفرت هويا وقالت : اصصص اقصرن حسكن يامال المصع ..وش فيها ؟
قالت نوير : دااابله تسبدي يوم تجرح في ساره والله اني تمنيت امغطها
في ظهرها لين تتوب تحتسي عن ساره
قلت وانا مؤيده لنوير : حتى انا والله لولا المنقود وحتسي الناس ان اميدنها
قالت هويا ببروده : وش فرقتن الحين عن البهايم ؟؟
قلت انا ونوير في نفس اللحظه: وشوووووووووو
قالت : الانسان ميزه ربي بالعقل حتى يستخدمه ..اما الحيوانا بالعضلات
وانتن وش تبن تستخدمن هاه ؟؟
^
^
^
^


^
^
^
^
^
^
لمياء
خالتي وترتني هذا وقت هالخبر !! حسيت قلبي يرقع بقووه
صرت اناظر فيها بكره ..هذي خطيبة فيصل !! هذي هي اللي كان بيتزوجها
صرت ادقق فيها بشرتها البيضاء الناعمه وعيونها اللي كانت واضحه من فتحات برقعها
صغيره نوعاما الا انها كثافة الرمش مجمل عيونها ....جسمها من خلف العبايه
نحيفه ..تابعت حركاتها وطريقة كلامها كانت مثقفه بشكل كبير عكس
اللي سمعته من ام فيصل وعيالها .. وهذا سبب لي الرعب الحنين للماضي !!
خفت يحن فيصل للماضي لبنت عمه ...صحيح انا جميله لكن الحين انا وضعي
صعب ..مدري ليه طلع هالسؤال لكن من النار اللي شبتها ام فيصل بقلبي:
هويا كم عمرك؟؟
التفتت لي وظهر لي من فتحات البرقع انها ابتسمت قالت : لي 29 سنه
قلت وانا امثل البرائه: مخطوبه ؟
نزلت راسها وحركه خاتم في يدها بارتباك : لا
قلت : ولا متزوجه ؟
حركة راسها بالنفي وقالت بهمس :لا
ردت جدتها باسلوب دفاع : هي تخطّب بس معيّه على عمرها

^
^
^

^
سعود
اليوم الفرحه بعيون شهد بالفستان الجديد خلتني احس بالفرحه
العجز ...عاجز احمي اختي من كيد عمتي وبناتها وامنعها من اشغل
تحت طلبهم ... وزاد حقدي على ابوي اللي سهل لهم الامر هذا
دخلت البيت وكانت طايره شهد الفرحه كانت تحكي بحركه
سريعه وتعبر عن احاسيسها وتتكلم عن عمتي وعن الفستان
اما اناظر في عيونها اللي فقدت طعم الفرح من زمااااان ..
فقدته من بعد ما ابعدوها عن امي ...صحيح فقدت امي معها
وبحاجه كبيره لوجودها بحياتي لكن شهد تحاول تعوضني بطريقه اني ما احس
بفقدها .واقلمت حياتي على عدم وجودها لكن شهد صعب تتاقلم خاصه وهي تشوف
عمتي وبناتها قدامها وشلون يتعاملون مع بعض .... ابتسمت لها وقلت بفرح :مبرووك ..بعدين شهقت
واستغربت سئلتها بسرعه وش فيك ؟؟
حسيت عيونها غرقت بدمع وقالت بتردد :آسفه سعود فرحتي
خلتني انساك !! قلت وانا مستغرب : تنسيني!!
قالت : اقصد ان عمتي ماشرت لك هنا ضحك وقلت : ليه تبينها تشتري لي
فستان مثلك ..وكملت وانا ابتسم انا ما ابي منها شىء يكفيي انها تشتريلك
^
^
^

^

ساره
حاسه اني مخنوووقه من كثر البكاء ..ليه مرت خالي تسوي كذا فيني
انا وش سويت ... لازم تذكرني بامي وابوي !؟..مالي دخل بماضيهم
يبعدون عني بمشاكلهم انا مالي دخل !! حسيت بالذل لما قالت امك ماسئلت عنك
امي تسئل عني ؟؟ امي رمتني وانا في اللفه عشان حبها تبيها تحن
علي بعد ذا العمر .....اكره نظرات الشفقه بعيون اهلي اكرها واليوم
شفتها بعيونه بعد ما تلذذت مرت خالي في تفتيح الجروح القديمه
وتنغزها بالكلام عني وعن اصل امي اللي ساهم في شكلي
وملامحي اللي كانت اقرب لعرق امي ... ليته كان بيدي حتى
امنع اي شىء يربطني بامي او يذكرني فيهااا..







^
في اليوم الثاني

نجود صحيت واخذت شاور سريع وصليت الظهر .. ونزلت تحت
لقيت امي جالسه على التليفون وتسولف في وحده من الجارات
وشوي ونزلت غلاوي علينا وقعدنا نسولف في عزيمتنا البارح
غلاوي كانت منفعله السوالف والشتايم والسب في اهل عمي
لدرجه كبيره من المبالغه فقلت ادافع عن الحق : حرام عليك
تتكلمي كذا عنهم ...قالت بعصبيه : اسكتي بس والا هذولا
وينهم ووينا افففففف احسن شىء سوته امي ما عزمت احد
من معارفنا ..قلت :بالعكس حبوبين حيل ..في هاللحظه نزل علينا فيصل
وقال ن هم الحبوبين !؟
قلت : اهل عمي ..قالت غلا : وووعع اللله والاهل !!
فيه ناس لبسهم كذا !! بالله فيه ناس تروح زياره وتجلس
بعباياتهم !!ولااا بعد في بيت عمهم !!..قال فيصل باستغراب :مافكو العبي
قالت : لا من عاداتهم وتقاليدهم مايفكونها على كلامهم !!كملت بحماس تدري
عاد فيصل والله يدخلوون القلب بسرعه .. قالت غلا : انتي قلبك مطار
كل الناس عندك يدخلون القلب !!ضحكو على تعليقها البايخ فشلتني
لكن لازم ارد عليها : قلت ليه شايفتني مثلك الناس كلهم نوايهم سيئه !
^
^
^
^


*********

^
غلا
قهرتني نجيدوووه بردها قلت من القهر : بالله ن شفتي فيهم يفتح النفس ؟
هااه ردي ؟؟لا يكون نوير العوباااا !! والا منيره الملسونه !! والا ساره
البارده والا هويا الثلجه و...قالت بس بس كلهم سبيتيهم !
نوير ومنير معك حق فيهن لكن ساره وهويا لااا ..
قلت: وليه ان شالله لا ؟
قالت : ساره حياويه البنت وهذا ميزه مهوب عيب وهويا ثقيله واكيد ميزه
قلت: صح ثقيلة دم .. يكفي انها ماتزوجت الى الان !!
قالت : بس جدتي تقول فيه ناس يتقدمون لها وهي رافضه
التفت على امي اسئلها : الا جدتي ليه تقول لك الى الان ماجاء الرجال الكفو
اللي يستاهلها ومن هو اللي غصوبها عليها وماكان كفو !!؟؟
بسسسسس كانت هالصرخه كفيله بنشر الخوف فينا : قلت بعد ا بلعت ريقي
من الخوف وش فيه ؟؟
قالت : امي والعصبيه في وجهها : انكتمووو ا ماتعرفون تسكتووون
كانت اخر كلمه على مسامع ابوي اللي قال : من هم اللي ما يستاهلون !!
^
^
^
^


هويا
تمددت في سريري بعد ما تعذرت لاهلي اني ابغى اقيل (اخذ قيلوله)
سجيت بفكري للي صار البارح جو مشحون بالكره المتبادل والنظرات الحارقه
التجريح المبطن التزمت الصمت واكتفيت بالتعليقات البسيطه ..اما ساره فكانت الضحيه
الوحيده في الجلسه ...
كنت افكر بخوف لها اللحظه اللقاء بعد هالوقت ... كنت خايفه من نظراتهم
ومن فكرتهم اللي بيقولونها عني.. حسيت بضعفي .. اني مكسوره ..قدرو
يكسرون فرحتي ..وبكل سهوله يقولون ماتزوجتي!!...
آخ ياصعبه تعيش من بداية عمرك على كلمه من اهلك اقرب الناس لك
هويا لفيصل وفيصل لهويا وبعد18 سنه بعد ماتشبعت فيها وبنيت احلامي معه
من وانا صغيره اسمعها ترن في اذني هذي مرت فيصل ..مالها من الرياجيل
الا فيصل ..كبرت ودخلت سن مراهقه بنيت احلام بريئه طفوله كان فارس احلامي
كل سنه كنت اتعلق فيه اكثر واكثر عن السنه اللي قبلها ...
واذاتقدم شخص لي ينرفض بحجه محجره (محيره) لولد عمها
بالاخير وبكل بساطه لما ابوي زار عمي في بيته طلعت واعلنتها بصريح العباره
انا طالبتك يا ابو محمد انا في وجهك .......قال ابوي بحميه :ابشري يأم فيصل
قالت : اخوك بيغصب ولدي على بنتك وفيصل مايبيها !!
ابوي بحده: مايبيها !!! ليه شايف شىء على بنتي؟؟
قالت : مافيها شىء بس يا ابو راكان ولدي متعود على عيشه ومجتمع غير
عن بنتك ...وكملت بكره وش بيقول لعياله جدكم اللي هو انت تاخذ من تعب اخوك وشقاه !!
ابو راكان بعد صدمه موجعه : لتس ما طلبتي هو الله يرزقها وبنتي الله يعوضها
باللي يخاف عليها ..حاول يعارض عمي بس ابوي طبطب على فخذ اخوه
وقال بهدوء : ماتنجبر نفس(ن) على نفس ياخوك...كانت هالكلمه كفيله بطعنه
قويه على ابو راكان كون بنته غير مرغوبه من ولد عمها واللي ما يعتبره الا ولده !!
زياده على طعنته بتعييره (مسبته ) انه ماعنده وظيفه مثل اخوه !
رغم ان ابوي شريك لعمي بالشركه بالمال لكن زوجة عمي نست او تناست هالشىء
وهذا الامر كان دافع لان ابوي يبحث عن وظيفه حتى ما نتعرض لتجريح مره ثانيه
من احد....

*توضيح لقصة ساره
عبيد ابو ساره اخ لابو راكان وابو فيصل ...كان من افضل شباب القريه
عندما بلغ سن 17 قام في احد الايام بمساعدة والده في وضع اكياس الشعير في مكانها المخصص
قام والده بتركه عند شاحنه كبيره للماء خاصه لسقاية الابل والغنم وعندما اكمل عمله
استلقى تحت الشاحنه في الظل حتى يعود والده لاستطحابه وبعد فتره غفى
وادركه وقت المغرب ومازل يغط في سبات عميق وحد ث مالم يكن في الحسبان
صعد الراعي دون ان ينتبه لو جود عبيد في الجهه الاخرى وضغط باكبر قوته على
بوري او هرن الشاحنه مما سبب رعب لعبيد افقده عقله ....
اصبح فاقد العقل بسبب الفزع او مايقال (روعة الغافل )وعلى اثار الصدمه فقد رشده
فاا صبح يجول في الشوارع دونما اي قيود او حدود يعرفها .... استمرت السنوات
الواحده تلوى الاخرى لم يبقى طبيب او طب شعبي عرف لذويه الا ونقلوه له
ولكن الطب هنا لم يفلح في رد صوابه له ... وعندما بلغ 29 من عمره قرروالده
تزويجه حفاظآ على ابنه ... فعلآ اخذ ابنه وسافر الى سوريا وزوجه هناك من (هنا)
واحضرها والده الى القريه .... وبعد عدة اشهر حتى توفي عبيد اثر حادث
كانت هنا تحمل في احشائها ساره ...بقيت هنا فترت الحداد في منزلها المكون من غرفتين بمنافعها
بجوار سكن والد عبيد وما ان وضعت طفلتها الا وطالبة بالرجوع الى وطنها الاصلي سوريا
حاول الجد ثني هنا عن من تريد لكنها تعلم انه من اجل الصغيره .. لم تفلح المحاولات فما كان
من هنا الا الهروب وترك الصغيره خلفها دون اي رحمه او شفقه لتلك الصغيره اللتي مازالت
قطعه صغيره ... فتكفلت ام سعد بارضاعها مع طفلها اللذي يسبق ساره بشهرين
و بعد ان اكمل السبعة اشهر فارق الحياه بسبب نوم والدته اثناء الرضاعه عليه
مما سبب له اختناق ووفاته .....




***********************************
**************************

اليوم البارت غيررررررررررر
في بدايه الروايه توقعت العلاقه بتكون بين فيصل وهيا لكن مع الغموض الي كان با القصه توجه نظرري لمنيره وتوقعتها هي خطيبته السابقه..
والحين رجع تخميني صح وفيصل وهيا هم الي بيبرزون في الباراتات القادمه مع الاكشن والحمــــــــــاس




اجل منيره وش مشكلتها؟؟

جد حزنت على قصة ساره وكثير في اسر با الحاله واكثر
وكل هذا بسبب حب الوالدين لولدهم حتى لو كان فاقد عقل ويظلمون بنت الناس فيه
ويبحثووون الزوجه في بلد غريب حتى لا يظهر المستووور ..

بارت مثير وفيه من الحماس الكثير

وقصة ساره مؤلمه جدا وفعلآ هذا هو اللي

يصير في بلدنا اي شخص عنده اختلال في العقل

يزوجونه من اجنبيه وفي الاخير الضحيه الاطفال


وبين لي من البارت ان فيصل راح يميل حبه لهويا


وننتظر المزيد من الاثاره

احداث مثيرة وممتعه من واقع الحياة والمجتمع الشرقي وافكاره

دمت مبدعة ومتألقة

ملاحظه : لفت نظري توقيعك


الله يحقق لك اللي في بالك

السلام عليكم

اسعدني مروركم وتعليقاتكم الرائعه
والله يقبل دعواتكم وتشملنا واياكم يارب
مشكوووووووووره يالغوالي

فقدتك ياقلبي

عسى المانع خيرر

البارت التاسع

^

^

^

^





^

بعد كم يوم

ام صالح

اليوم كلمت امي ااكد على حضور العزيمه بعد كم يوم حتى ما تحط اعذار

وماخلصت من مكالمة امي الا بكم نصيحه منها عن شهد ..

سكرت منها ورحت اشوفها هي واخوها بغرفتهم ... دخلت عليهم

كان سعود معطي الباب ظهره ويحرك شىء في يدينه ما عرفته وشهو

اما هي كانت محدبه على كتبها تمنيت بداخل نفسي

( تعطي بناتي من اهتمامها بالدراسه شوي )قلت : سعود وش فيك؟؟

من غير لا يلتفت رد بلا مبالاه : مافيني شىء

قلت :اقصد وش اللي معك ؟

رفعها وقال :هاه شفتيها

قلت وانا تصنع البروده رغم اني منقهره من حركاته : سعودوه وجع ان شالله

متى بتحترمني لاتنسى اني عمتك !

قال لي وهو على نفس وضعه :حتى انتي لاتنسين ان اسمي سعود

قالت بقهر : سعودوووووه

ابتسم بسخريه وحرك راسه ... قهرني بحركته: قلت له شف بكره

دور لك مكان يضفك عندي سهره لصديقاتي واهلي بيجون من بدري

وما ابي اشوف خشتك وااضح !!؟

قال من طرف خشمه : طيب

قلت : وخل ذي تشوف وش الاغراض الناقصه للبيت تكتبها لك في ورقه

ورح جبها

قال وهو يتافف : اففففف وغيره ..!!

قلت :وجعععععع تافف في وجهي يامال الحمى اللي تضربك

قال لي من طرف خشمه : اخلصي علي ! وكمل وهو يتامر تراني بشتري

لي جزمته بدال ذي (وهو يحرك جزمت الرياضه المقطوعه بيده )تكرمون





^

^

^

^

^

^

^

^

شهد

من جت عمتي وانا حاسه انها متضايقه من شىء بس ماعرفت وشهو ...

كانت تحكي علينا وتامر من طرف خشمها .. دخلت علينا امال وكانت تلهث

وقالت لها ان خالهم فهد على التليفون يبيها .. ودارات

بتطلع ورفعت يدها تاشرت لي وقالت لي من طرف خشمها :

شوفي اللي ناقص من البيت وياويلك لو تنسين شىء

حركة راسي بحركه سريعه اظن من الخوف انها ترجع تعاملني مثل قبل

وقلت : ان شالله

قال سعود :واكتبي اللي تبينه انتي

قلت : اللي ابيه مثل وش ؟

قال : اي شىء نفسك فيه واجيبه مع الاغراض؟

شهقت :بتسرق عمتي ؟؟

حرك كتوفه :من قال لك بسرق ؟ هذي فلوس ابوي ماراح نشتري من حلالها

قلت :اصصصص انت وش قاعد تقول ؟؟ انت انهبلت تبي تذبحنا ؟؟

^

^

^

^

^

^

^

محمد

كلمت امس عمي وعزمته على العشاء اليوم.. نرد عزيمته و نعزم قصرانا (جيرانا)

بعد ما علمني ابوي انه بيعود علينا من معازيبه....

قلت في نفسي منها نرد عزيمة عمي له ومنها نعزم اللي حولنا ونتعرف عليهم

خاصه وان لنا كم يوم محد منهم جانا ولانشوفهم الا في المسيد

ابوي جاز له الرأي وعلمت امي حتى يكون عندها خبر ...

امي من درت قالت : تسان اجلتوها شوي ...!!!

مهيب من عادة امي تكره الضيفه !

اكيد فيه شىء موجع تسبد امي البارح ؟ رفعت الجوال ادق على هويا

:الووو هلا هويا وين نوير ؟

طلبت نوير لو نشدت هويا ببطي ما علمتني بس مالقيت الا نوير

هي اللي محاضيبها قريب <<تعلم بسرعه



^

^

^

^

نوير

كنت جالسه مع البنات وامي وعمتي وامي هويا المتحدث الرسمي في الجلسه

اللي كان موضوعها بنات اول

الجده هويا :من اول من يذن ابن معيض نقوم ونصلي وعقبها اللي تحلب معزاها

واللي تحطب واللي تجيب الماء ... الله يرحم حالنا من اول .. آآآخ كانت البنت

تقوم في البيت الواحد ولا نفتح ذا عن ذا

(وتاشر على فمها .)..قلت في قلبي (ايه من كبر البيت

كلها بيت شعر بعمودين !! يعني اني !! تهايطين علينا !!)

رن جوال هويا وقطع سوالف امي هويا التاريخيه اللي صميتها من كثر ماتعيدها وتزيدها

وعن بطولات النسوان من اول وعصرهن اللي افضل من عصرنا...

مدت علي هويا الجوال وقالت محمد يبيتس قلت في نفسي يالليل التبن اكيد يبي شاهي والاقهوه

ورديت : هلاااا

قال لي :قومي عن الحريم ابيتس تسوين لي شغله في المطبخ

قلت : وش هي

قال بصوت روعني :تحركتي والا في مبركتس لها الحين <في مكانك

وقفت بسرعه وخرشت اللي حولي :قلت خلاص هذا انا رايحه للمطبخ

دخلت المطبخ وانا مطنقره قلت بدون نفس : وش تبي ؟

قال : وشرايك في مرت عمي وبناتها ؟؟!

عظيت شقتي من القهر وقلت في نفسي ازطه ازطه مطلعني من الصاله

عشان يسئلني عن الحيه الصفرا وبناتها ؟؟

قلت : زوينه

قال بعصبيه حسيتها : وش زوينه!!!!



^

^

^

^

^

^

^

^

منيره

قمت اليوم وانا حاسه راسي بينفجر من التفكير حتى في احلامي

اي ااحلام الا كوابيس ماسلمت منه ...... زفرت بضيق وانا اتذكر

تفاصيل الحلم اللي يتكرر بعدت صور واللي حرم عيني النوم

.... حسيت بيد تحط على كتفي

وصوتها الهامس : منور للحين نايمه ..

منيره : اصلن مانمت

ساره : ليه مانمتي تونسين شىء..؟

منيره : همي ياساره هو فيه غيره

ساره بضيق : جد شىء في موضوعك ؟

منيره : لا ماجد بس انا خايفه يجي في اي لحظه

هو ماتعرفين له ...

ساره تطبطب بحنان على كتف منيره : ماراح يكون الا الزين لاتهوجسين

ضحكت منيره بسخريه : المشكله ياساره انتس تعرفينه يغط له فتره

وماتاخذين الا وهو ناااط الحين انا وزنه بنفس الديره تعرفين وش معنى هالكلام

يعني توقعي يجي ويتلني معه ويقول لا بغيتيهم جبتس لهم ولا عاد لتس عذر!

^

^

^

^

^

^

ساره

دخلت غرفة منيره وانا مهمووومه من بعد ماعرفت بالعشاء واني بقابل

مرت عمي قلت بفيض عندها اخفف من الهم الللي جاثم على صدري

لكن لقيت همها اكبر من همي ويالله بحملها تقوم قعدت اواسيها وانا

ابي من يواسيني ....

قمت منها وانا مدري اقوي من عزمي واصلب نفسي قدام مرت عمي

وقسوتها وتجريحها اللي يهد الحيل

والا احاتي منيره الي حظها اردى من حظي ...



^

^

^

^

^

^



محمد

اخ من نويروه تعرف تسما بعد (تكتم ) ياوالله الا تغير من ذالحين

ماتعلم ... سرحت افكر وش هي مسويه ومضايقه امي فيه ..









في بيت ابو محمد ...

من الصباح حالة استنفار في البيت لظهور بافضل صوره امام زوجت العم

ترتيب وتجهيز على اكمل وجه لاستقبال عائلة العم حتى يظهرون بالمظهر اللائق



*طبعآ بما ان العزيمه في بيت ابو محمد البنات بيكونون ماخذين حريتهم

بعكس يوم كانو في بيت عمهم يعني مافيه براقع ((للمعلوميه هذا من عادات بعض البدو))

في المساء

بعد صلاة العشاء كان الحريم مجتمعين بالصاله

توتر يعم المكان الافكار مشتته بين خوف من المستقبل وماضي مازال ينزف الم

رغم مرور السنوات الا انه مازال ندي

هويا تتحمل ضغط نفسي كبير لظهور بصوره لبقه امام زوجة عمها مازالت تحمل

الم الكلمات اللتي حفرة بقسوه داخلها التقليل من مكانتها شكليآ ومن مكانة ولدها الماديه

رغبه في تغيير الصوره اللتي ترسبة في دواخل ام فيصل عن اهل القريه وعن هويا واهلها

رغم مرور الزمن الا ان الانكسار مازال موجود وبنفس الالم ...

من امر الجروح ان تعيش فتره من الزمن على حلم جميل بني منذو نعومة الاظفار

كلمات بسيطه كانت قد بنت احلام عليها لعدة سنوات في لحظه هدت هذه الاحلام ولم يبقى سوى

الاثر الموجع اثر حفر على طول هذا الاثر سبب لها عزوف عن الزواج

ساره خوف من سرد واقع مؤلم .. سخريه بعض البشر من والديها ووضعهم الماضي ...

والحديث عنهما يعكر صفو بالها ... وعن تجرد والدتها من مشاعر الامومه وعاطفتها

وتركها وهي مازالت طريه دون سبب مقنع ومازد من الكره الدفين لتلك الوالده

حديث من حولها عن حياتها وانها تركتها لتعود لعشيقها السابق ... مماجعلها تقارن

بين حب والدتها لها او ذالك الحبيب اللذي رجحة كفته ... كل هذا كان كفيل

في انطوائية ساره وخوفها من الحديث عن والدتها ومرض والدها اللذي كان عبء

عليها رغم مفارقته الحياه الا انها مازالت تتذكر كلمات كان لها وقع في حياتها

(بنت عبيد المجنون ) .. (هذي ابوها نقص عقل )...(المسيكينه بنت الضعيف)

كانت هذه الكلمات المجرده من العاطفه كفيله بنسف اي قوه تعتصم بها



منيره قلق من ظهوره في حياتها من جديد .. وفزع من فكرت البعد عن والدتها

احلام تتكرر زاد توترها وقلقها اللذي ما ان يخف حتى يعود لظهور مره اخرى

سعد احساسه انه عبء على خاله وانه ربما يضغط بشكل او اخر على وضع خاله

المادي ... ورغبه

جامحه في تغيير وضعه والاستقلاليه بنفسه ووالدته واخواته عن خاله اللذي

لم يقصر في حياته من ان تخلى عنهم والدهم ..



راكان (ابو محمد) احساسه بالخطأ في حياة هويا مازال يتحمله ... ورؤيته لام

فيصل وفيصل اللي يعيش حياته بكاملها زاد من تانيب الضمير لديه ...

ورؤية هويا لوضع فيصل واهله

هو الداء والدواء بناء هذه القناعه حتى تكمل حياتها بعد ما كسرتها ام فيصل

وابنها فيصل بخطا كان احد اطرافه الرئيسيه ...



الجده هويا .. رغم فرحتها بالقرب من رؤية ابنها وابنائه الى ان القهر تملك

جزء ليس بسيط في نفسها ... رغبه في كسر شوكة ام فيصل بعد كسرها

هويا وراكان ...



.....

اما السهره في بيت ام صالح فكانت الا ستعدادت منذو يوم مضى من قبل

شهد اللتي مازالت تتحمل عبء الاعمال المنزليه والتجهيزات لظهور بافضل صوره

خوفآ من عقاب اصبحت تكرهه بعد ما اختفى من ايام واصبحت ام صالح اخف

قسوه عليها مماسبق ...