مشكلتي مع خطيبي

السلام عليكم ورحمت الله وبركاته
انا عمري 23 سنه وملك علي ولد عمتي قبل ثمانية
شهور هو اكبر مني تقريبا بتسعة شهور
هو من يوم وهو صغير توضف بعيد عن اهله
تقريبا عشر سنين وكان كل الي بينه وبينهم هو اتصال
فقط طبعا لضروف عمله وبعد المسافه بينهم قليل ما يشوفهم
الا من فتره لفتره ويجي مثل الضيف ويروح ضيف
طبعا عمره ما احتك مع اخواته لو بنقاش عادي كاي
نقاش يدور بين اخ واخته
بالعكس من كثر بعده وغيبته عن البيت انبنا حاجز كبير بينهم
وحاجز ما اضن بينكسر
طبعا كبر على كذا مايعرف التصرف مع البنات نهائيا
بعد ما ملكنا بشهر دق وكلمني
طبعا كان كل كلامه في البدايه رسمي وكانه يكلم واحد من اصحابه
ذكر لي اسما اصحابه كلهم واحد واحد
انا متعوده على اخواني انهم يتكلمون لي عن اصحابهم لكن ابدا ما يذكرون اساميهم
مع ان اسرارهم كلها عندي وبالمرهم مع بعض لدرجه احس انهم اصحابي مو اخواني
المهم مثل ماقلت لكم انها بس في البدايه لاننا توماعرفنا بعض زين ولا تجرئنا على بعض
بس الي مستغربه منه انه الى الان وهو على نفس الاسلوب ماتغير فيه شي
ما حسسني بيوم اني خطيبته وحبيبته واني بيوم من الايام راح اكون زوجته
وانه يبيني
كل الي يقوله انا اصحابي هم الي شجعوني على الزواج واخترتك انت
من بين الكل لاني من يوم وانا صغير حاطك في راسي
كلام حلو مافي رومنسيه مافيه لاتستغربون من كلامي او تقولون هذي تبالغ انا من جد اتكلم
ومهما كان حواء تحب تغزل ادم فيها والكلام الحلو ووصف مفاتنها
حتا في مقابلاتنا اسوي له جو يمكن يثيره او يحرك في شي بالعكس يقعد يتريق
ويتمسخر لمن سرت اخفف من المقابلات حتا قطعتها مره وحده
ومكالماتنا اكثرها سكوت والوقت يمر ساكت وانا ساكته مع انه هو الي يدق
على بكل وقت لكن بدون فايده كلها يحكي لي عن مقالبه باصحابه
لمى تطورت مكالماته الى خناق في خناق كل بسبب اصحابه
وطلبت له انه ما يجيب سيرتهم لي
مع ذالك نفس الاسلوب وبدون فايده
والحين قرب زواجي وانا خايفه من الزواج والعيش معه في بيت واحد
وانا طالبه مساعدتكم وابي نصايحكم لي لاني من جد ماني عارفه اتعامل معه
لان حاولت معه بكل الطرق الي عندي وبدون فايده
فياليت انكم ما تبخلون علي بنصائحكم
ادري اني طولت عليكم لكن اعذروووووووووووني
اختكم: نوف

شوفي اخت نوف

مافي اثنين في العالم يكونو لايقين على بعض 100% لازم فية طبائع اوعادات شخصية او حتى عائلية تفرق بين الاثنين
واي رجل او امراءة مهما كان استقرارة النفسي واستعدادة للزواج لابد انه مايتأقلم في بداية الامر للزواج
لانة متعود على حاجات معينة ايام العزوبية وهذا شي طبيعي جدااااااااا

الحل يكمن في يد الزوجين بعد الزواج

عليكم انكم تساعدو بعض بعد الزواج مباشرة في التأقلم على الحياة الزوجية والمباشرة في تحديد ورسم مستقبلكم وخطط معايشة الحياة من الحد من السهر مثلا او الاصحاب من اكل الشوارع المهم تنسيق حياتكم يبدا بعد الزواج وليس ايام الخطوبة
وكل المطلوب منك الصبر ثم الصبر ثم الصبر
واكثر ما يجمع شمل الاسرة الاطفال فاول طفل يجعل الزوج لاول مرة بانة رب اسرة وراح تحسي انه تغير كليا واصبح يهتم بمنزلة تلقائيا بدون اي تغيير منك

المطلوب منك حاليا
لاتضغطي على خطيبك حاولي تلعبي معاة لعبة شد الحبل يعني لاتضغطي علية بقوة ولاتفلتي لة العيار
حركتك حلوة باثارتة ايام الخطوبة حسسية بأنة يحتاج الى انثى اكثر من احتياجة الى اصحابة
حاولي تقبل مشاكلة كلها بدون استثناء لاتتضايقي منها بل استقبليها بصدر رحب وحاورية لانة يحتاج الى صديق كوني لة صديق واخ واخت اكثر من زوجة في الفترة الحالية
اختاري الوقت المناسب للمحاورة انتبهي من اوقات الظهر او اوقات بعد العمل او عندما يكون مع اصحابة بيكون تقبلة ضعيف للمحاورة وممكن يكون اعصابة شادة حاولي انك تبتعدي عن هذة الاوقات وتتركية تماما فيها

ان شاء الله اكون افدتك لو بشي بسيط
ربنا يوفقك ويسعدك وتكون اسعد زوجة في العالم

مشكور اخوي على هذي النصائح الجميله
وانشاء الله اني راح اطبق كلامك حرفيا
وانشاء الله يعطي مفعوله
لاني انا هذي الي ابغيه نصائح اخواني
والله يسلمك ويحفضك من كل مكروه
اختك:نوف

هلا اختي نوف

اصبري وان شاءالله ربي يوقفك ويسعدك في حياتك ..

وشوفي كلام مشرفنا المايسترو ماقصر

والله يوفقك ..

المايسترو كفى و وفى

وتحلى بالصبر و إن شاء الله خير

هلا اختي الغاليه (( نوف ))
في البدايه جعله الف الف مبروك وان شاء الله زواج سعيد
وثاني حاجه انا ماني شايف مشكله بالعكس لما راح تكونوا في بيت واحد راح تتاقلمون .....
انا اقولك كيف ....
الحين هو مع من يسهر !!!!! مع اصحابه

طيب مع من مقضي معظم اوقاته !!! مع اصحابه

بعد عن اهله وعاش وعاشر من !!!!!! اكيد اصحابه

اجل وين الاستغراب .....

طيب بعد الزواج مع من يسهر !!! اكيد معك انتي

ومع من يقضي اوقاته !!!!!! معك انتي

ومن يعاشر !!!! اكيد اكيد انتي

يعني راح انتي تكوني حديثه اليومي .... نوف راحت ونوف جت

واليوم تطاققت مع نوف وشد يت شعرها ههههههههههه وسهرت معها احلى واجمل سهره ....

والله يانوف انا متزوج عن حب مايقارب 14 سنه أكذب عليك لو اقولك انه ما في مشاكل او مافي خناقات بس حتى الخناقات مع زوجك راح تستمتعي فيها لما يجي راضيك وصالحك ......

بالنسبه لما كلامات الهاتف .... هناك شباب وبنات كثير ما يعرفون يتكلمون على الهاتف ..... ولكن وجها لي وجه قمة الاسلوب والابداع الى درجة انك ما تقدري اتسكتيهم ......

وهذا الشي من صالحك ويدل على انه ما هو مغزلجي من الي يبدعون في الكلام المعسول على الهواتف والتصنع والكذب وخذي بالمثل المصري (( زوجك على ما عودتيه ))

اذا تكلم لك عن اصحابه عادي تكلمي معها بصيغة الاستماع والاعجاب فيه وخليه (( عنتر زمانه )) وشايل سيفه عليهم ..... شفت القمر قولي له انه ما تشبهه هو يشبهك ... واذكري سبب اعجابك فيه بغض النظر عن شكله عن رقة وطيبة وحنانه حتى ولو ما كانت فيه هذي الصفات راح يحاول جاهد انها تكون فيه .... راح تشوفين نتيجه طيبه ان شاء الله


اتمنى اني ماطولت عليك ...... ومشكور لك اول انك اعتبرتينا اخوانك ..... وحنا يانوف نعتبرك اخت وعزيزه وغاليه على قلوبنا ....
الف شكر للمشرف المايستررررررو وباقة ورد حمراء جميله لغزوووووول ........ وسلة شوكلاته اسمك يانوف واسم عريسك اهداء مني لكم

وراح تكون من ابتكاراتي .......بقاعة الافكار والابتكارات



اخوك : جاك

العنوان : منتدى افراح ميوزك - قاعة الافكار والابتكارات بجانب قاعة العرسان

خلف منزل المشرفة المبدعه (( فرح الشقيه )) .

ممكن ياأخت نوف تجربي معاة نفس الاسلوب لمدة يوم ويوم ثاني قولي لة أيش رايك فيني أمس اكمل لك سوالف او لأ

ومنها راح يفهم هو كيف كان يضايقك وراح يتفهم ويغير أسلوبة



خذ النصيحة من مجنون وجربها لعلها تنفعك

مشكورين على الرد لكن بسألكم
مو انا بنت ويقولن احلى ايام الزواج الملكه
ومايحق لي اني اجرب هالحلاوه؟
مثل ماجربها غيري من البنات؟؟؟

انتي طالما تبغي تمشي على انك تبغي زي الناس محاترتاحي لازم الواحد يأقلم نفسه على الي هوا فيه ومايحاول يبسط نفسه حسب كلام الناس ...زي انا عارف انك تسمعي من دي ومن دي احلا ايام العمر الملكه ..أنا اقولك موشرط تبغي واحد يجيكي يعيشك ايام الملكه في خيال ورومانسيه مابعدها وتجي وتنصدمي بعد الزواج بالواقع
اربع جدران وانتي وهوا وطفش و...الخ
نصيحه
لاتمشي ورا كلام فلان وعلان ومين انبسط اول ومين انبسط زمان ...الكلام مو كل شي الرومانسيه مهي اقصى شي
حسن الأخلاق , والأدب , والدين , اهم شي
اخيرا اكثري من ذكر ربك واكثري من الدعاء واكثري من قول رب اشرح لي صدري ويسر لي امري
ولاخاب من استخار ..وفقك الله ورزقك من اوسع أبوابه.,.,.,.,