♫ هــذا المسـاء منـ الفـ ليلـ[♥]ـه وليلـه♫

♫ iJJ`h hglsJhx lkJ hgtJ gdgJF♥DJi ,gdgJi♫ gdgm ulv

نبدا الحين بحلقتنا الثانيه من مسلسل الف ليلة وليله ...


حلقتنا اليوم تتكلم عن اللانجري , أدري في نوع من الاستطراد في التجهيز لكن أنا نفسي أتكلم عن اللانجري الحين
أنا أبي


سوا الي قرب زواجها أو في بداية التجهيز أو الوسط ,
كل بنت تقدّر من نفسها كم تحتاج من القطع , وطول فترة تجهيزها تسمع النصايح الي تجيها من كل حدب وصوب
كثري .. لا تكثرين ..
اشتري غالي .. اشتري رخيص ..
يحبون الأحمر .. يحبون الأسود
خليه كله قصير .. اشتري طويل ..
والمسكينه العروسه تمشي وتشتري والقطع تزداد وتزداد وماتعرف اذا هي تحتاجهم أو لا .
في البدايه يا عروستنا الحلوه اسألي نفسك , وخمني كذا من نفسك ..
هل أنا بنام كل يوم بقميص نوم ؟ لا لا يعقل أصلا ماينفع
واسألي نفسك , أنا العروسه الأموره أشتري رخيص وخايس؟ لا لا مو حلوه بحقك .
طيب أنا العروسه الحلوه أشتري ب 3 و4 الاف قميصين؟ لا لا خافي ربك
شوفي يا عروستي / الرجل انسان أقصد يحب التغيير سوا بشكلك أو حتى بقمصاانك ولبسك
يعني وقت ما تشترين شي طويل مش لأنك تبين الستر لأ بس من باب التنويع .
خليك معتدله ومفتحه عينك اثناء الشراء , مشكلة العروسات انها تطلع للسوق ترجع ترمي أكياسها بالغرفه , وتطلع تشتري وترجع وترمي , وتتراكم الأكياس فوق الأكياس وبالأخير تلقى نفسها شرت أغلبها من نوع قماش معين , ونست تنوع , أو أغلبها لون معين .
لأ
stop

قدامي يالله , فكي كل أكياسك وشيكي على الي شريتي , أنتبهي يا عروستي الحلوه , بدولابك بعدين أبيه يشوف كل شي فيه , كل أنواع الأقمشه حقة اللانجري ( ساتان , دانتيل , تل .. الخ )
نوعي بالأشكال والألوان , شريتي أسود 2 أو 3 خلاص وقفي انتقلي للون الي بعده , خليك متجدده بالألوان والموديلات , حددي لك عدد معين من القمصان ما تتعدينه , وعدد معين من البجامات
وطالما جبنا طاري البجامات هذي تحتاج تفصيل شوي , كثير ناس تقدر البجامات والبجامعه أصلا شي رائع .. خليك ذويقه وانتي تختارين , لا تقولين كلها بجامه . نبي أشكال حلوه , أشياء متنوعه , كم قصير وكم طويل وبدون أكمام , شورتات وبنطلونات طويله , لا تخلين شي , حتى لو إنتي في بيتكم مش متعوده تلبسين نوع معين , التجديد مطلوب ومريح لك إنتي قبله هو , لما تنتهين من البجامات أو أثناء شرائها ما ننسى السليبر , أشتري ما لا يقل عن 5 , شكلها حلو بالبيت ومريحه وتعطيك شكل حلو مع البجامه ,
صح نسيت أقول شي , اشتري أرواب , شكلها مع القمصان , لا تكتفين بأرواب الحمام بس ويدوخ راسك قبل الزواج من وين أشتريله ومن وين أشتري لي لا لا
في أرواب حرير حلوه وناعمه أحيانا تجي مع القميص وأحيانا لوحدها تكون لون واحد ساده ممكن تنلبس مع أكثر من قميص , هذا جدا مفيد للبس خصوصا بالأيام الأولى
نجي الحين للأندر وير , هنا كثري , شايفين كلمة كثري ؟ أقولها من هنا لبيت كل وحده فيكم
الاندر وير ماله موضه + ماراح تتوحمين عليه اذا حملتي + غالبا ما يتغير مقاسك فيه .
وانتم بتستهلكونها كثير , اذا في بيتكم عندك 30 قطعه أشتري هالمره 60 .
وهنا بعد التنويع مطلوب , ساده على منقط على كاروهات الي تبين .
ولا تنسووووووووون شي مره مهم , شورتات داخليه , مره روعه بفترة الـ .
, أشتروا لكم 4 . 2 أبيض 2 أسود /، لأن مافيه الا هذي الألوان
جدا حنونه وتحتويك .
نجي الآن للخطوه المـا قبل الأخيره , من وين أشتري ؟؟
وهنا أقول وش دخلني أنا , كل وحده تشتري من المكان الي ترتاح له , لكن العبره هنا بالكم والكيف , كل جهازك بـ ايش؟
الكم / الكيف .




أما الخطوه الأخيره /
كيف يتم حفظ كل هذي المشتريات ,
ياحلوات , بعض قمصان النوم صعب تنغسل بعد كل استخدام مثل اللبس العادي , وبعضها أقمشته جدا حساسه وتحتاج نوع معين من الكوي أو طريقه معينه في الغسيل , والوقايه خير من العلاج .
أغلبية الأقمشه الساتان ما تتعفط بسهوله , وهذي سهلة الحفظ , بينما القطني منها والبجامات لو ما حطيتيها بطريقه مناسبه بتخرب لما تفتحينها ببيتك , وهنا جيبي من يكويها لك كلها ,


أفضل طريقه , جيبو شنطة سفر متوسطة الحجم , أو صندوق معين , " ملحوظه " مو نفس الصندوق الي بتاخذونه معكم , لا هذي مؤقته فترة التجهيز بس . وللي زواجها قرب ممكن تحفظها بمكان هي محددته .


في قاعده الشنطه نحط لوح كرتون " اقطعوه من أي كرتونه .. أو سماط ثقيل شوي وساده
ونغطيه بقماش < -- لو استخدمنا الكرتون علشان ريحته .
ونفرش القميص الأول , نفرشه صح وهو ماخذ راحته على الآخر ومافيه أي جزء منه منسفط .
ونحط ايش ؟؟ ورقه . من الأوراق الي تباع في ستي بلازا للملابس . بعدين فوقه نفرش الثاني .
طبقات يعني ... وآخر شي لما نخلص من الحرير كله نرمي عليهم الكور المعطره من ستي بلازا , ونسكرها بلوح كرتوني مثل الي تحت . ونبدا نحط القطنيه وهي مسفطه عادي . وعلى الأجناب الأندر وير ( بشكل مؤقت فقط وبعدين نقول كيف تترتب ) . بعد كل مشوار رجاء وبعد كل قميص ارجعي وحطيه بالشنطه وسكريها ولا تنسين الأوراق والكور ووقت ما تلبسونها شمو ريحتها وتذكروني


brb

فسآتين ممكن تستفيدي منها من قصآت وحركآت

لي بآك طبعآ ...{

طريقتي لتقسيم نفسي بدآً بـ ... { المهر :-
أولاً : تصدقي لو بجزء يسير من المهر .
العناية المتكامله للجسم والشعر .
الحجوزات / متطلبات يوم الزواج وأنتهائها .
الجهاز .
متطلبات الشعر .
مكياج .
أغراض صيدليه .
متفرقات
شنظة الهني مون .
بدايتاً / ماراح أتكلم عن كل ماذكر أعلاه !





زي الصدقه ؟ وش أقول ؟ هذا شيء بينك وبين ربك وأنتِ حره

مايخفاك أكيد وش أثرها عليك من وسعت الرزق والراحه النفسيه و و و مالى ذالك
لكن راح أتكلم عن نقاط معينة , وأنبهكم من أخطاء غيركم




:




بما أنك عروس وبتروحين تاخذين جلسات وبتاخذ منك وقت وأنتي أصلاً وقتك مزحوم

ومو شرط ولآ أكيد تطلعين بنتيجه مرضيه مع العلم أنك دفعتي شيء وشويات !
لتجنب هل مشكله وقبل كل هذا تأكدي من أحتياجاتك
شوفي أني بَ الفعل محتاجه تسوين ولا لأ ..
مو معناه أنك عروس كل شيء لازم أجربه لأ غلط !
ودايم العرايس لما يبقى أخر شيء بَالجهاز مايقدرون يكملون له أو أهلها يزيدونها
لأن مهرها خلص مع العلم أشياء سوتها ماستفادت منها !




في هل حالة أقولك : أستخدمي أشياء طبيعيه ونتائجها مضمونه أفضل لك

الشعر :
إذا شعرك كيرلي وفيه هيشه مضايقتك أستخدمي ..
[ أملج 5 ملاعق أكل + علبة زيت لوز لشعر , وأتركيها تطبخ على النار فتره ]
وأتسخدميها قبل الشور بَ ساعتين ! تجربة بنت خالتي
إذا شعرك تمام ومحتاجه عناية بس قبل الزواج ..
أستخدمي حمامات زيت فقط وزيوت سابق لك التعامل معها وطلعتي بنتائج مرضيه
صعبه أوصف شيء معين و الشعر من وحده لثانيه يختلف !
معلومه : إذا حطيتي زيت على شعرك خذي لك فوطة دافئه مايله للحرارة ولفيها ع شعرك


الجسم :
ملك سباء ممتاز لتقشير وتوحيد الجسم + نعومه
مقشر جسم / زيت زيتون + ملح : وقشري جسمك فيه وبعدها حطي كريم مرطب !
الأظافر إذا تتكسر وباهته هنا لآزم تراجعين طبيب لأن عندك نقص فيتآمينات
العنايه بَ الركب والأكواع :
قشريها بَ milk deep whltening peeling cream
ممتاز جداً لتقشير الجسم كله عموماً + الوجه في 30 ثانيه ..


العناية بَ الأقدام :
فركيها بَ حصاة القدم بعديها أدهنيها بكريم مرطب وألبسي شراب ..
وإذا ماعندك أو مالك نفس بَ أمكانك تستخدمين schoil
ينظف رجلك من الجلد المتسمك + يعطيك نعومه في 7 أيام !


خلطه :
لتوحيد لون الجسم + بياض + إزالة أماكن الجروح والكوي واحروق !
أستخدمي / جنسليد الأحمر + ليمون + ملعقة جنين القمح ..
الجنسليد -> بيعطيك ترطيب خيالي , ليمون -> بياض معروف , جنين القمح -> يبيض + يشيل أثار الحروق من الدرجه 3

لبياض الأبط :
أستخدمي / ليمونه بدل المم وفي رواية أخرى مزيل العرق
ماراح تطلع لك ريحة لمدة تقريباً 5 أيام تقريباً + بيصير أبطك أبيض


لبياض الأسنان :
أستخدمي / ملح خشن + فحم : دقيهم سوا لين يصير قوامه بودره
وأستخدميها يومياً بعد التفريش .
أي فحم ! وراكم تناظروني كذا الفحم هوا بزاتوا وتدعون لي


للوجة :
لوشن أولاي

نفس ديزاين الكريم لكن جحمه كبير شوي وهو ممتاز لترطيب اليومي ,

كولاجين نقي / هذا صعبة جداً تلقونه , أنا خذيته من صديقة أمي صاحبة مشغل
يجي علبه كبر علبة الصنفرا من البحرين بَ 500 صحيح غالي لكن يسوي
سوات وسواااياااا غير ريحته تسطل وأفضل مميزاته أنه يستعيد لستكية البشره للمتقدمين في السن , نظارة خياليه ..

LOREAL-HAPPYDERM

ترطيب عميق جداً وممكن تستخدمينه ليدك إذا فيها جفاف وتشقق ..

وطبعاً الحمام المغربي جداً مهم لك كَ عروس , إذا بقى شهر على زواجك ..
خذي 3 أسابيع حمام مغربي نهاية الأسبوع وقبل زواجك بَ يوم سوي حمام عطري ..
عندي وحده تسسسوي حمام مغربي .. [بجده ]
اللي تبغى رقمها تراسلني مراعات لَ منتديات الفرآشه



وأخيراً : أتوقع اني غطية كل الجسم بَ أحتياجاته ,’


BrB

جهازك / !


مافي شيء أقدر أحدده لك زي أشتري 5 بلايز صعبه !
كل وحده تختلف عن الثانيه لكن في أشياء أبيكم تنتبهون لها
الفساتين والتيورات الرسميه : التيروات أحتمال تلبسينها بكذا مناسبه مافيها أختلاف
لكن الفستآتين بتروح موضتها وماراح تستفيدين منها أبداً لو مالبستيها
عشان كذا بعد ماتكلمينه أعرفي طقوس عائلتهم المصونه وش وضعهم ؟
كم عزيمه ممكن يعزمونك ؟ وحددي العدد التقريبي اللمطلوب من غير أسراف


البلايز : حاولوا تاخذون أكثر شيء الأفري سايز
كثير عرايس بعد زواجهم يسمنون وكثير منهم تحمل ويخرب جسمها
وبعضهم جسمهم قابل لسمنه بشكل مفجع عشان كذا حاولي الأسترتش
تاخذينه أفريسايز تستفيدين منه ,,,,,

شنطة الهني مون / !!


بنحط باعتبارنا نصائح البنات اللي سبقونا ..
1- لاتكثرين
2- لاتاخذين الشنطه الكبيره من الطقم ..



حنا قسمين نص بيروح هني مون شرق آسيا ونص بيروح اوروبا .. طبعا ماتفرق كثير ..


اول شي افتحي الشنطه وسمي بالله
( بافتراض ان الرحله مثلا 15 يوم ..


1- الملابس الخرجات :
في حاله بتلبسين عبايه ..
خوذي لك 5 بناطيل ومع كل بنطلون غيارين او 3 تي شيرت او بدي .. قطن او حرير او شيفون خليه مشكل ..
البناطيل خوذيها مشكله مثلا 2 جنز و3 قماش ثاني ..
كنوع من التغيير .. وخليها ملونه .. اسود - بيج - زيتي - كحلي- بني على حسب ذوقك
في حاله بتلبسين حجاب خوذي لك 7 حجابات مع بلايز طويله مع 5 بناطيل ...



2- ملابس البيت :
طبعا يقولون قليل تجلسون بالاوتيل .. \\
بهالحاله اقول لك خوذي 2 برمودا وشورت مع 4بديات وممكن تلبسين معهم من تيشيرتات الخرجات لان فوقها عبايه وماانشافت
وفستانين قصيره نعومات ..
هذي تلبسينها في حاله صحيتو متاخر ومالحقتو تطلعون بدري او بتفطرون بالغرفه او رجعتو تريحون بالاوتيل ..
واذا تبين تزيدين زيدي ..


3 - ملابس النوم :
خوذي 7 بجامات متنوعه ..حرير وقطن .. طويل ووسط وقصير .. ونوعي بالالوان ,
خوذي 7 قمصان متنوعه الطويل ومتنوعه الالوان وكل قميص معاه البانتي تبعه.. وخوذي معها روب ابي واسود حرير احتياط ..


4- اللانجري :
الكلوتات يفضل تاخذين اللي استعمال واحد وتلقينها بالصيدليه .. خوذي 20 حبه لانك بتغيرين اكثر من مره ..
البرا شكلي خوذي شي طقم مع البانتي لجلسه الاوتيل او اذا تحبين باسفنج طبعا كله على حسب رغبتك .. ممكن تاخذين 15 طقم .. و3 برا لحالهم .. و15 بانتي لحالهم ..
طقم بكيني او مايوه يمكن تسبحون مع بعض ..


5-الفوط ..
فوطه شعر + فوطه جسم .. يفضل تاخذين فوطه احسن من الروب لانه ياخذ مكان ..
خوذي الفوطه اللي تنلف ع الجسم ..


6 - الاكسسوارات
خوذي لك ساعه + دبله + حلق واساور اكسسوار .. واذا تحبين خلاخل واساور رجل ..


7-الشعر ..
اطواق وكلبسات وربطات لشعرك وبنس للشعر..


8- الشنط ..
خوذي لك شنطتين وحده فخمه رسميه للمطار والمطاعم ..
والثانيه خفيفه سهله الحمل لتنقلاتكم وتمشياتكم .. لان زوجك ممكن يخلي اغراضه واوراقه معاك ..


9- الجزم ..
خوذي وحده حلوه وفخمه ومريحه بكعب للمطار واذا بتتعشون او تفطرون بالاوتيل ..
وثانيه كوتش او فلات للمشي اهم شي تكون مريحه ..
سليبرز للفندق اتوقع يكفي واحد ..
وشبشب للحمام وممكن تخلينه لطلعه البحر لو سكنتو بشاليه .. االلي يجي كانه بلاستيك واصبع


10 - العطورات
اقترح يكون معك عطر واحد بس + مجموعه الجسم حقت الشاور مع الديودرنت + خمريه للشعر ..


11 - الميك اب ..
ماقترح تاخذين كريم اساس .. يعني ممكن كريم مرطب او واقي شمس يكون 2×1 او تاخذين باودر او بيس ..
كحل + باليت ارواج تبع فور ايفر فيه كم لون + محدد + بلشر + لابيلو كرز + برايه + فرشه للبلشر + قلم حواجب
مناكير لو جتك الدوره


12 - الملحقات
شراب خوذي 10 او 5 على حسب رغبتك بس احسن ماتقعدين تغسلينهم ..
وخوذي تايت اسود او شفاف مع الفساتين ع حسب استعمالك له ..
وعبايه وطرحه ونقاب غير اللي انتي لابستهم ..


13 - الاغراض الباقيه :
فوط صحيه + فوطي يوميه + مناديل للمنطقه الحساسه مع غسول - بلاستيك لكرسي الحمام + غسول ديتول لليد +
مناديل ديتول + غسول للوجه + استشوار مع فرشه+ مشط + براون + موس مع رغوه+ بديل الزيت او جل للتجعيد +
شاحن جوال + كيس بلاستيك للملابس الوسخه تلقينه عند الاسواق الشعبيه ( المجد - العويس )+ فيش ثلاثي
+ فرشه ومعجون +علك وحلاو + شامبو + مقص اظافر ومبرد + سن بلوك + قطن واعواد قطن + كريم مرطب
+ بلاستر للجروح مع مسحات طبيه+ سجاده وشرشف صلاه في سجادات جيب مره صغيره
+ مكوى بخار لقيته بالرياض قاليري بالمعارض+ كآميرا مهم جدا + مزيل مناكير فيه عند الصيدليه مناديل زي المسحه الطبيه
+ شرشف لو حابه يفرشون لك اياه ع السرير +فازلين صغير لقيته بالصيدليه ب3 ريال وهو كبر اصبعي + نظاره شمسيه



وهذي الاغراض ممكن ترتبينها بشنط صغيره تلقينها عند سيفورا او دايسو كلن حسب ميزانيته ..
مثلا شنطه صغيره لاغراض الشاور تشمل المجموعه والليفه والشامبو والموس والرغوه وغسول الوجه
كيس فيه الفوط الصحيه والمناديل والغسول واغلفه كرسي الحمام ومناديل الديتول وغسول الديتول ..
شنطه صغيره فيها اغراض الاظافر من مبرد ومقص وملقط ومزيل مناكير مع بلاستر الجروح و المسحات ..
شنطه صغيره فيها الميك اب مع واقي الشمس ومزيل الميك اب


وهكذآ


ان كنت ناسيه شي ذكروني
اللي يعجبها الترتيب لاتنسى تدعي لي ..


م.ن
لا تنسوني من دعواتكم

جدا جدا جدا رااائع

الله يسلم ايدك يالغلااااااااا

محتاااااااااااجين مثل هالمواضيع تفكرنا اللي نااااسينه

الله يحقق كل أمااااااااااااااااانيك يالغلا

لا تحرمينا من جديدك

مشكوره ياحبيبتي موضوعك مفيد وحلو

ربي يجزيك الجنه استمتعت يالغلا فيها ...