عطوني حل لمشكلتي وربي تــعــبـــت

اشغلي نفسك بالاذكار

فترة وتعدي
انا عانيت من هالحاله سنين بس بعدين عودت نفسي اطنش واعبر عن نفسي باشياء حلوه
لا تفكرين بالهشي ولا تثبتين هالشي في راسك حاولي تغيرين من نفسك من بيئتك وتوكلي على الله وادعي ربي يقويك وان شاء الله تنفع الطريقه =)

الله يعينك كنت كدا واتغيرت لاني تعبت نفسيا احسن لك
غيري من حالك وكتري من الضحك تري ينسيكي الزعل والهم

سلامة قلبك من التعب عزيزتي....

ترانا احنا الاناث مميزين باننا حساسات بالدرجة الاولى لاجل حكمة من ربي

لاجل نكون حنونين على اطفالنا

وبعدين ليش تقلبين الحساسية عندك لمشكلة ليش ماتستغليها لصالحك دام هذا الشي خارج من نفسك خليه يخدمك مو يخجلك ويورطك..

من تجربتي بحياتي وزيادة لما طرحوه الاخوات ربي يسعد قلوبهن...

اقولك :
انك تحتاجي للتفريغ...واسهل طريقة وامنه وماحد راح يستغلك بيها هي انك تقعدي مع نفسك بغرفة وتاخذي دفتر وقلم وتبداي بطرح مشكلة حصلت لك واقسمي الورقة نصفين وكل جهه اكتبي فيها مخاوفك واحساسك السيء
والجهه الثانية مقابل كل نقطة حطي الحل لها مثلا

لما تساعدي جارتك بحفلتها كل مرة كل مرة لين ما تحسي انها ماصارت تعتبر لك مقام ولا تهلي بك وحتى ممكن ماتشكرك
برايك بالجهه الثانية ايش الحل لهذه المشكلة وان الحل طبعا ما يكون مقاطعتها لا بالعكس خلي حلولك دائما اجابية وتكون راضيه عنها تماما

ووهكذا,,,تحطي المشكلة الي بتحسسك وفي المقابل الشي الي بيريحك

ممكن كلمة تجرحك من انسانة طبعا ترمي كلام...الحل ممكن ابتسامة منك في ذيك اللحظة وما تبيني لها انك منزعجة بالعكس اذا اسعفتك كلماتك خرجي لها الي يسكتها بنفس الموقف او تقولين لها جزاك الله خير يجي منك اكثر بطريقة تحس انها اخطئت بحقك وبنفس الوقت انها ما اثرت عليكي...

صدقيني مع الايام راح تتعودي علي الرد بشكل محترم من غير ما تجرحي احد او تردي عليه باساءة

ووكما اوصانا المصطفى عليه الصلاة والسلام
اننا نعامل من اسائنا بالحسناء...


واذا حصل لك موقف ضايقك كثيررررررر...لا تشتكي لاحد روحي على دفترك واكتبي كل الكلام الي زعلك وبعدين اقطعيها وتنفسي ببطئ وحاولي ما تذكريها ..يعني تناسيها


ولي عتاب
على كل وحدة تقول ان الطيبة توديك في داهية او الم او جراح

انتي احسن الظن بالله وتعاملي لوجه الله وقدمي الخير دائما للي حولك وحتى لو عرفتي انهم بيستغلوك

الا اذا كانوا باستغلالك راح يضرونك بمهنتك او حياتك لا عاد لا تسمحي لهم يعني اعتذري لهم بكل بساطة عن عدم قدرتك على مساعدتهم

طبعا اذا متاكدة من انهم راح يضرونك

اما اذا كانوا بس يحتاجون مصلحة توظيف في مكان او قضاء حاجة انتي باستطاعتك فعلها فليش لا
لا تتاخري عن عمل الخير
وخلي دائما نيتك حاضرة لوجه الله
وراح تشوفي خير مو منهم من ربنا سبحانه فهو اكرم الكرماء


وبعد اذا عرفتي انك اذا تواجهتي مع ناس راح يجرحوكي حاولي قدر الامكان اطالة الحديث معهم ولكن لا تقاطعينهم عشان بس لايحسوا انك مو قدهم ويبداو بالهجوم عليكي...

وصدقيني من حياتي اقولك اني عانيت في بداية الامر من الالم الي الاقيه من الي يستغلون طيبتي وطيبت اهلي ولكني بفضل من الله عرفت ان كل الي بيحصل لي مقدر من الله وان كل شي يمر بحياتي فيه حكمة وما اعرفها غير بعد المشكلة ما تنتهي

وفعلا انا استغلوني اقرب الناس لي لدرجة كنت راح افقد عمري ولكن رحمه ربي وسعتني بلحظة انكشافهم لي
وخرجت من المحنة بشخصية اقوى واوعى

تدرين ليش
؟
لان لو ما انكشف لي استغلالهم الا بعد فتره راح تنقلب حياتي لجـحيــــــم...
ولكن الالم والجراح ربي بيمحيها مع الايام وتصير ذكرى في الماضي ماله رجعة..

وحاولي كمان انك تغذين نفسك بالكلامات الايجابية يعني لا تسولفين عن نفسك الا بالزينة بين الناس او حتى بينك وبين اهلك حتى بينك وبين نفسك يعني ايش يصير لو وقفتي امام المراية وقلت انك اطيب انسانة بالكون وانك احلى بطيبتك بضحكتك وانك بتجنني يعني حاولي تمدحي نفسك طبعا مو لدرجة الهوس بسم الله عليكي بس من وقت لوقت والابتسامة والضحك حاولي تكثري منها العبي مثلا مع الاطفال وانسي انك كبيرة واستغفري كثير وادعي بين الاذان والايقامة وبكل وقت استجابة بصدق راح تلاقي اثر مع الوقت على نفسك اهم شي انك تسوي الشيء الي يرضي ربك تذكري هذا
مو مهم الناس وش تقول ....
اتمنى اني قدمت لك الحل المناسب..

ولا حد يزعل من صراحتي بجد خلوكم طيبات ولكن دون اسراف

مثل ما قال القايل: الشيء اذا زاد عن حده انقلب ضده.

وربي يفرجها على كل مسلم ومسلمة ويثبتنا على الحق.
والسموحة على الاطالة

اختكـم /الحالمة بالعالي

قال تعالى ( خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ )
أجعلي هذه الآية نبراساً لك .

[QUOTE=انفاسي عطور;1231951]عندي لك الحل اكثري استغفار استغفري كثيررررررررررررر طول وقتك خلي الاستغفار على لسانك وبتشوفين بذن الله الفرق الله يسعدك يااااااارب/QUOTE]

والله انك مثلي بس أنا اطنش كثيييير ولاازعل شوي وارجع تاني عادي ولاكنه صار شي